أحذروا من طريقة النصب الجديدة

[جنرال]

يا جماعة في أسلوب نصب جديد عبارة عن أن حد يبعتلك رسالة على المحمول بالغلط و يكون بيقول لواحد ذاكر أسمه أنه لقى اثار أو شيء من هذا القبيل و رايح يطلعها من البلد .
فيه ناس بتعرف أن الرسالة جايلهم غلط فبيتصلوا على الراجل ده و ممكن يطمعوا و يخشوا معاه في حوارات .
الراجل ده بيتكلم صعيدي و بيقول للي بيتصل بيه أنه لقى اثار في بيتهم و أنه محتاج حد يشترى و يطلب من المتصل أن يجي يتأكد بنفسه .
لما المتصل يروح بيرجع بيتهم بهدومه بس.
المتصل في الغالب بيبقى عايز يلعب دور السمسار اللي حيوفق راسين في الحلال .
فأحذروا الأسلوب ده و مافيش مانع أن الرسايل دي تيجي بخصوص مواضيع تانية مش أثار بس.
الحذر ثم الحذر !