القاهرة بتغرق

[_king_]

اية رئيكم يا جماعة حد شاف كمية القمامة اللى موجودة فى الشوار بقت اد اية ؟
بيقولو ان الشركة الاجنبية بتاعت النظافة تركت العمل والجيش هو اللى حيبقى مسئول عن موضوع النظافة وادينا فى العيد اهو وبردو مش عايز اقولكم القمامة بقت اد اية فى كل مكان فى القاهرة.. انا اول معرفت ان الجيش بقى المسئول عرفت اننا هنغرق بجد البلد بقى حالها استغفر الله العظيم مش عارف اقول اية انا اتوقع ان البلد هتفضل فى النازل فى كل حاجة والظواهر عمالا تبان واحدة ورا التانية .....

[ahmedmh_ali]

محلولــــــــــــــــــــــــــــة أن شاء الله ..

[ahmadkader]

و لا يهمك يا أخى الفاضل ، يشيلوا رسوم النضافة بقى من على فاتورة الكهرباء اللى كانت بتروح للشركة ، و هيرجع تانى الزبال بتاع زمان أبو عربية كاررو ، و يا ريت يتطور شوية و يبقى بعربية نص نقل ، و تبقى المشكلة إتحلت ، إحنا مش هنغلب يعنى عشان نحل حاجة بسيطة زى دى

[احمد هاشم]

نستحمل شويه لان الجيش شايل عبئ كبير
وحضرتك ممكن عندكم فى المنطقه تتفقو مع اى حد وتعملو مشروع نضافه والقمامه تتنقل فى المكان المخصص ليها
واحنا عندنا فى منطقتنا عملنا كده
مش هنعمل مظاهرة يعنى على شويه زباله

[deutscher Sniper]

احنا عاملين مقاطعة لدفع فواتير الكهربا من اكتر من سنتين

وبنجيب زبال بينضف وقريبا قالوا هيشيلوا الرسوم من على الكهربا

وكمان هيشيلوا اشتراك التليفون تلاقي نفسك مش بتتكلم وبتدفع 40 جنية رخامة كدة

وكمان المترو هيبقي اشتراك شهرى و نصف سنوى وسنوى زى شغل اوروبا

وان شاء الله نقدر نخليها احسن من برة بكتير كمان المهم نقف جمب بعض لاخر المشوار وربنا كريم

[gamopt80]

الناس تجمع نفسها وتتفق مع حد يجي ياخد الزباله كل يوم او يومين

عندنا في اسكندرية الحمد لله الوضع افضل , ولكن مش هيكون زي ما كانت شركة اونكس ماسكه اسكندرية كانت مخلياها جنه, الشركة الي مساكه حاليا فيولا تقريبا بس اي كلام,و الحق يقال احنا شعب مش نظيف, تلاقي الواحد صندوق الزباله جمبه ويرمي على الارض!!

[sayedlabib]

الجيش اكثر مؤسسات الدولة انضباطا وتنظيما فتدخل الجيش مايقلقش بالعكس ان شاء الله الازمة هاتعدى واحنا برضه نساعدهم والله الموفق