|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
أدوات الموضوع | إبحث في الموضوع | انواع عرض الموضوع |
12-03-25, 07:01 AM | #1 |
صياد متفاعل
تاريخ التسجيل: Jun 2011
المشاركات: 80
معدل تقييم المستوى: 5 |
موقعة الحمام الأولى
موقعة الحمام الأولى ...
تم الترتيب مع الأخ وليد سعد زغلول أبوعبدالرحمن لطلعة الجمعة وبالفعل صلينا الفجر وتقابلنا وبعد ساعة من الطلعة اتصل على أخوى تعبان قوى ومحتاج يروح المستشفى قطعنا الطلعة وذهب معى الأخ وليد مشكوراً ولم يتركنا حتى انتهينا قبيل صلاة الجمعة والحمد لله اخوى بخير وعدنا الى المنزل فى المساء اتصلت على الأخ وليد واتفقنا على اعادة الطلعة صباحاً لأنها كانت طلعة لذيذة بصراحة وبالفعل صلينا الفجر وتقابلنا وتوكلنا على الله رشك معاك ... شايك معاك ... شد حيلك فى الطريق قابلنا كام يمامة بقينا نضربهم من السيارة أو ننزل لهم كانت فكرة ظريفة جبنا بيها بعض اليمام واحنا فى الطريق وصلنا وركننا السيارة وبدأنا اليوم كان فيه شبورة كبيرة وجامده لكن قلنا كويس اليمام مش هيشوفنا وفعلاً الجو كان جميل لمدة كبيرة والشمس طلعت متأخرة وده ساعدنا على الصيد أكثر المكان مليان حمام فى البداية خفنا نضرب عليه وركزنا على اليمام لحد ما قابلنا شاب محترم من المنطقة وكان غاوى حمام زمان وأكد لنا أن الحمام ده برى وأنه مش بتاع حد وبقاله سنين هنا فى المكان وكمان تطوع يلف معانا ولو وقعت حاجه كمان على أى سطح بقى يطلع هو يجيبها من الأخر شاب مصرى طيب وجميل ومتفاعل اسمه سيد ( أبو جنى ) ودى صورته بصراحة من بعدها ركزنا على الحمام وبقينا نتبطر على اليمام فى وسط الطلعة روحنا نضرب فول على عربية واحنا فى الطريق وبنخرج البندقية من الشباك على نضرب على غراب لقينا بوكس جنبنا بيلف من نفس الملف نزلوا منه ييجى 6 مخبرين واترعبوا من شكل البندقية المهم الأستاذ وليد طمنهم ووراهم انها رش ووراهم الحمام واليمام اللى معانا بصراحة طلعوا محترمين وقالوا مفيش مشكلة بس خلوا بالكوا علشان الناس بتقلق قلنا له ما تقلقش وصلنا لعربية فول محترمة وطبعاً بمساعدة خبير المنطقة سيد . خلصنا الفطار المتين وعدنا لنكمل رحلتنا وبفضل الله كان الخير كتير وأول مرة أنا أو الأخ وليد نصطاد بالعدد ده 22 فرد حمام 14 فرد يمام غير فردين حمام وقعوا على المسجد وسيد هيجيبهم لما ييجى عامل المسجد وحوالى 6 حاجات وقعت فى أماكن ما عرفناش نجيبهم للأسف ودى اول رحلة ما اضربش على عصافير ولا على حاجات مش هأكلها زى ما اتعلمت من الأعضاء هنا فى المنتدى صورنا بعض الفيديوهات أثناء الصيد هحاول ارفقها فى المنتدى وكانت الصحبة أجمل ما فى الرحلة وافتقدنا أستاذ محمود سعيد والأخ أحمد أصدقاء الطلعة اللى فاتت واحنا مروحين العربية سخنت شوية وتعبتنا لكن خير الحمد لله اتصلحت ومشى الحال نراكم قريباً فى موقعة الحمام الثانية ان شاء الله واسيبكم مع الصور ده وليد سعد وده أنا وده صديق الرحلة سيد كما تم رفع فيديو لكن مفيش طريقة اضيفه بيها فى المنتدى هذا هو رابط الفيديو فيديو لصيد الحمام 2 ياريت لو فى طريقة نعرض بيها فيديوهات اليوتيوب على المنتدى يبقى المشرف مشكوراً يعدل الموضوع ويعرضها مباشرة فى الموضوع
__________________
واحد بيحب الصيد قوى |
sponsor links |
12-03-25, 08:34 AM | #2 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: موقعة الحمام الأولى
بسم الله ماشاء الله موضوع يفتح النِفس للتعليق عليه موضوع ممتاز فعلاً , سواء من ناحية طريقة السرد و الصور و الناس المحترمين فى الموضوع وأخلاق الصيّادين من عدم ضرب مخلوقات لا تؤكل و الحرص فى البداية على عدم صيد الحمام حتى تتأكدوا انه مش بتاع حد و طريقة التعامل المناسبة مع الشرطة . بصراحة الموضوع مثالى علشان الصيّادين يتعلموا منه حاجات كتير أنا ملاحظ أن البنادق الكرال عاملة الواجب تمام , فيه موضوع ممتاز اسمه (فريق الكرال) للدكتور محمد كمال , ياريت تنضموا للفريق و تشاركوا فى الموضوع ببعض صور هذه الطلعة الجميلة سوف يتم تثبيت الموضوع لفترة حتى يستفيد منه الجميع خالص تحيّاتى لأحسن صيّادين
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- التعديل الأخير تم بواسطة dr_mohasan ; 12-03-25 الساعة 08:41 AM |
12-03-25, 09:10 AM | #3 | |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
اقتباس:
|
|
12-03-25, 09:45 AM | #4 |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
جزاك الله خيرًا يا أخ عبد المنعم على الرحلة الممتعة والمجهود الرائع بتاعك وأنا من التعب نمت من بعد العصر وصحيت الصبح الساعة 7.30 صباحا وتحياتي لك ولجميع أعضاء المنتدى الكرام ودمت في أمان الله
|
12-03-25, 10:04 AM | #5 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: موقعة الحمام الأولى
رحله جميله ماشاء الله
بالتوفيق دائما بأذن الله الحمد لله اطمن على شغلى وكده بالى ارتاح اى مشكله تانيه تبقى صياد مش بندقيه يا استاذ عبدالمنعم
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
12-03-25, 11:43 AM | #6 |
صياد متفاعل
تاريخ التسجيل: Jun 2011
المشاركات: 80
معدل تقييم المستوى: 5 |
رد: موقعة الحمام الأولى
أولاً : شكراً للدكتور محمد حسن على الثناء على الموضوع وعلى تثبيته لفترة
ثانياً : شكراً للأسطورة عادل عبدالفتاح عميد الكرال اللى ظبط لى الكرال الرماية بتاعتى وخلاها عروسة بجد تسلم ايده ثالثاً : شكراً للمنتدى الجميل اللى خلى ثانى طلعة لى تبقى بالجمال وبالشكل ده وكل يوم هتعلم من أعضاء المنتدى لحد ما ابقى صياد كبير ان شاء الله . رابعاً : شكراً للأخ وليد سعد نعم الصديق والصاحب
__________________
واحد بيحب الصيد قوى |
12-03-25, 11:47 AM | #7 |
صياد متفاعل
تاريخ التسجيل: Jun 2011
المشاركات: 80
معدل تقييم المستوى: 5 |
رد: موقعة الحمام الأولى
على فكرة يا دكتور
انا مصمم مواقع انترنت وعندى شركة متخصصة فى المجال علشان كده بهتم بتنسيق الموضوع وعندى أفكار كويسة لتطوير المنتدى لو حابين انا تحت امركم ومن غير فلوس
__________________
واحد بيحب الصيد قوى |
12-03-25, 12:23 PM | #8 |
صياد متقدم
|
رد: موقعة الحمام الأولى
رحله جميله وضربات موفقه
تسلم ايديكم وفعلا طريقه سرد الموضوع تحفه ..
__________________
|
12-03-25, 01:47 PM | #9 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: موقعة الحمام الأولى
حمد الله على السلامة ورحلة ممتازة_المكان دة فى الصالحية الجديدة؟
|
12-03-25, 09:23 PM | #10 |
صياد متفاعل
تاريخ التسجيل: Jun 2011
المشاركات: 80
معدل تقييم المستوى: 5 |
رد: موقعة الحمام الأولى
لا
المكان مش فى الصالحية الصالحية دى كانت المزرعة وكانت الرحلة اللى فاتت ورجعت منها بأبو قردان ويمامة وحمامة شوية عصافير لان ما كانش معاى سكوب لكن المكان ده سكنى وكويس بس رجالة المنتدى قالوا محدش يقول على مكان صيده علشان الاحتياطات الأمنية
__________________
واحد بيحب الصيد قوى |
12-03-25, 11:27 PM | #11 |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
|
12-03-25, 11:44 PM | #12 | |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
اقتباس:
|
|
12-03-25, 11:54 PM | #13 |
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 560 |
رد: موقعة الحمام الأولى
ما شاء الله مبروك يا أستاذ وليد الطلعه الجامدة و مزيد من التوفيق ان شاء رب العالمين
__________________
سبحان الله و بحمده سبحان الله العظيم [CENTER]
|
12-03-26, 12:43 AM | #14 |
مشرف قسم الصيد البرى والاقسام الرئيسية
تاريخ التسجيل: May 2011
المدينه: المنصوره
المشاركات: 1,073
معدل تقييم المستوى: 201 |
رد: موقعة الحمام الأولى
طلعه ميه ميه ,,,,صيادين احلى ,,,بالتوفيق دااائما
__________________
د.محمد حبيب
|
12-03-26, 07:22 AM | #15 |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
|
12-03-26, 10:14 PM | #16 |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
|
12-03-27, 12:29 AM | #17 | |
صياد متقدم
تاريخ التسجيل: Sep 2011
المدينه: القاهرة - عين شمس
المشاركات: 976
معدل تقييم المستوى: 106 |
رد: موقعة الحمام الأولى
اقتباس:
السلام عليكم ، كلام حضرتك صح ميه فى الميه وياريت محدش يسأل عن مكان صيد حد لأنه تعب لغاية معرفه . المهم المكان ده فين ؟ هههههههههه طبعا بهزر
__________________
قال الله تعالى فى اواخر سورة الكهف ( قُل هَل نُنَبِّئُكُم بِالأَخسَرينَ أَعمالًا ﴿103﴾ الَّذينَ ضَلَّ سَعيُهُم فِي الحَياةِ الدُّنيا وَهُم يَحسَبونَ أَنَّهُم يُحسِنونَ صُنعًا ﴿104﴾ أُولـئِكَ الَّذينَ كَفَروا بِآياتِ رَبِّهِم وَلِقائِهِ فَحَبِطَت أَعمالُهُم فَلا نُقيمُ لَهُم يَومَ القِيامَةِ وَزنًا ) صدق الله العظيم محمد مصطفى ( فضيل ) |
|
12-03-27, 01:09 AM | #18 |
صياد نشيط
|
رد: موقعة الحمام الأولى
بسم الله ماشاء الله
صيد ممتاز وصيادين رائعين بحق بارك الله لكما وزادكم من رزقه وبارك لكم فى سلاحكم وكفاكم شره والى الامام دوما ان شاء الله
__________________
http://www4.0zz0.com/2012/03/23/03/952178624.jpg |
12-03-27, 07:42 AM | #19 |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
|
12-03-27, 08:07 AM | #20 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: موقعة الحمام الأولى
موضوع منظم و مرتب
تسلم ايديكم على الصيد الجميل طلعة موفقة و صيادين جامدين جداااااااااااااااااااااااا وبالف هنا و شفا
__________________
سبحان الله و بحمدة سبحان الله العظيم
|
12-03-27, 09:12 PM | #21 |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: موقعة الحمام الأولى
|
الكلمات الدلالية (Tags) |
الصيد في مصر, صيد الحمام فى مصر, طلعة صيد, قنص حمام, كرال تركى |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طلقة رش من بندقية صيد أوقعت طفلاً قتيلاً | mohamed fayd | الموضوعات العامه | 28 | 11-11-09 06:26 PM |
*موقعة عين جالوت* - (شرح تفصيلى) | koktal | الموضوعات العامه | 17 | 11-09-04 09:40 PM |
طلعة "موقعة الحمام البرى المغدور به"_السبت 9-7 مع أجدع قناصين | Aboyassin | صور وفيديو الصيد ورحلاته | 22 | 11-07-15 12:58 AM |