أخيــــــــــــــــــــــرا اشتريت الروم 9ملل يا رجااااااالة

[abomizo]

المشاركة الأصلية كتبت بواسطة mohamed555

صباح الخير على الجميع : الاخ الافاكاتو ايه الخبث والوع ده من يوم ما دخلت هذا المنتدى الكل يساعد ويغهم بعضه بصدق وبحب هذا الموضو ع جاء باخلاقيات زفت على المنتدى اخفاء وخبث ولوع وتعال على الخاص وتعال على جنب ايه القرف ده لو تقدر تساعد قول مش عاوز بلاش لف ودوران وقرف

اخي العزيز / محمد ، يا ريت تهدي اعصابك شويه و ميصحش يبقي ده الرد على الافوكاتو صاحب الموضوع والله والله انا لا اعرفه شخصياً ولكن ، اذا كنت شايف ان اسلوبه مش عاجبك ميبقاش ده ردك عليه والتمس لأخيك 70 عذراً زي ما هو أكيد هيلتمسلك عذر فى كلامك ده .
وذي ما انته هتلتمسلي عذرا اني بعاتبك و اعتبرني اخوك الصغير ... تقبل احترامي وتحياتي

[tifaaa2005]

الف مبروك على المسدس يا باشا، بس في حاجه أنا أعرفها ومتأكد منها لأن عندي ال 9 ملل،و 8 ملل، وهي أن ال9ملل الكتابة اللى على المسدس محفورة، و8 ملل الكتابة اللى عليه زي ده مكتوبة باللون الأبيض

[الأفوكاتو]

المشاركة الأصلية كتبت بواسطة mohamed555

صباح الخير على الجميع : الاخ الافاكاتو ايه الخبث والوع ده من يوم ما دخلت هذا المنتدى الكل يساعد ويغهم بعضه بصدق وبحب هذا الموضو ع جاء باخلاقيات زفت على المنتدى اخفاء وخبث ولوع وتعال على الخاص وتعال على جنب ايه القرف ده لو تقدر تساعد قول مش عاوز بلاش لف ودوران وقرف

طبعا انا مش هارد علي ولا كلمة من اللي انت قولته لأني شخص محترم ، وانت لو كنت كلفت خاطرك وتابعت باقي المواضيع هتلاقي اني عامل موضوع اسمه لكل من يريد ان يشتري روم96 اتفضل ادخل ، يعني عايز اساعد الناس ، ومافيش خبث ولا حاجة واحنا هنا كلنا اخوات ، وكلنا بنحب بعض وبنساعد بعض وانا لم اتخاذل في مساعدة احد ، وبرد علي مشاركات كل الناس ، حتي المشاركات اللي زي بتاعت حضرتك انا استطيع الرد عليها كويس جدا ، ومحدش من الاعضاء زعل مني علشان عارفين ان كل ده هزار واحنا اكدنا ده ، اما الأشخاص الدخلاء اللي زيك وعايزين يعملو وقيعة بين اعضاء المنتدي فليس لهم مكان بيننا ، لأن هذه ليست اخلاق المنتدي وانت لا تعرف أخلاق اعضاء المنتدي ، لأن اقدم الصيادين ولا اجددهم حتي لم يخرج منه لفظ مثل الذي خرج منك يحمل لي اهانة انا في غني عنها من شخص مثلك .
أرجو من الإدارة إلغاء عضوية هذا الشخص .
خالص تحياتي للأعضاء المحتــــــــــــــــــــــرمين

[الأفوكاتو]

المشاركة الأصلية كتبت بواسطة tifaaa2005

الف مبروك على المسدس يا باشا، بس في حاجه أنا أعرفها ومتأكد منها لأن عندي ال 9 ملل،و 8 ملل، وهي أن ال9ملل الكتابة اللى على المسدس محفورة، و8 ملل الكتابة اللى عليه زي ده مكتوبة باللون الأبيض

علي فكرة والله اتكلمنا في هذه النقطة كتييييييير ، شوف يا سيدي الفاضل ، سواء المسدس 8ملل أو 9ملل ، وسواء كان المسدس لونه أسود أو أسود في سيلفر أو سيلفر في اخضر زيتي ، يوجد منه اصدارات مكتوب عليها Rohm 9mm P.A.K Germany ويوجد منه اصدارات محفور عليها نفس الكلام أيضا ، يعني الموضوع موضوع اصدارات ، فيه كدة وفيه كدة ،وسألنا الأخ بدر وقال ان اللي عنده من النوع المكتوب عليه وفيه اعلان انا عامله علي سوق المنتدي لمسدس 9ملل محفور عليه ، لكن كله ألماني أصلي
خالص تحياتي للجميــــــــــــــــع

[الأفوكاتو]

بسم الله ما شاء الله انا ملاحظ الموضوع أخد نسبة مشاهدة وتعليقات كبيرة جدا وغير مسبوقة بالمرة ، حوالي 1250 مشاهدة وفوق المائة تعليق ، فعلا شكرا لكل الأعضاء المحترمين

[الأفوكاتو]

المشاركة الأصلية كتبت بواسطة mohamed555

الاخ الافوكاتو الاحترام قول وفعل وليس صفة يكسبها كل من يشاء على نفسه هذا اولا اما ثانيا فانا تابعت الموضع الثانى وايضا وجدته لف ودوران ومحل مش بيفتح الا ايام محدده دون ذكر اسم المحل او عنوانه وبفطة وذكاء الاعضاء لم يستجب اى من الاعضاء الى وساطك فى الشراء لان لديهم رغبة مباشرة وصادقة فى الشراء دون وساطة بفرض صدق ومصداقيته العرض رغم اتهامك للاعضاء وانا منهم بعدم المصداقيه وتراجعهم عن الشراء ولكنى اوضحت لك السبب ثالثا واخير انا لا اتعمد اهانة اى عضو ولكن كان الاستفزاز اكبر من احتمالى خاصة بعد كمية الرجاء من الزملاء لان تذكر اسم المحل وعنوانه ولم تفعل حتى الان ولن تفعل ولك خالص تحياتى

انت ليه ببتكلم باسم الناس مع ان الناس كلها محدش اشتكي غيرك انت بس ، وبعدين انا لا اتكلمت علي وساطة ولا عمولة ولا شئ انا ذكرت اكثر من مرة اني لا تاجر ولا سمسار ولا باخد عمولة وان المشتري هايشتري من المحل وهيدفع للمحل وهيستلم من المحل بدون حتي ما يقابلني ولا يشوفني ، وبعدين مين قال ان الاعضاء محدش استجاب انا اتبعتلي لغاية دلوقتي 3 طلبات شراء للروم وواحد للوالتر وواحد مسدس رش ، يبقي فين الشك اللي عند الأعضاء ، لو الشك موجود يبقي عندك انت بس ، انا لم اقترح عليك انك تتتطلب حجز ، وفعلا خيرا تعمل شرا تلقي ، طيب انا عندي اقتراح حلو انا هاحذف الموضوع لو الناس طلبت مني ده ، ولو عندهم كلهم شك في معاملتي هيبان ، اما لو صمموا علي رأيهم فأنا أنصحك ان تنسحب انت من الموضوع وعدم المشاركة فيه مرة أخري وان تنسحب من المنتدي كله .
خالص تحياتي للجميـــــــــــــــــــع

[omar ayman]

يا اخواننا اهدوا كدة حص خيييييييير ،، اولا اود اقتراح شئ يمكن يهدي النفوس لو تكرمت يا استاذ افوكاتو ممكن تبعت للاخ محمد555 مكان المحل و يبقي كدة اتحل الموضوع مع التنبيه عليه انه مبيبقاش فاتح كل يوم ، تاني حاجة اوعي تكون نسيتني يا كبير سالتلي علي مسدسات الرش و لا اييييييييييييييييييه

[رجب]

ياافوكاتو انت فعلا كبير وانسان محترم جدا والرد الى صدر منك يثبت انك راجل فعلا .لو الاخ الزعلان متابع معاك من الاول هيعرف انة ظلمك وياريت يكون عرف من خلال طريقة الرد ان انتا راجل مؤدب.. ومعلش يا افو الشجرة المثمرة دائما
تكون محل الانظار وانت اكبر من كدا بكتيييييييييييييييييييييييييير

[رجب]

كن كالنخيل عن الاحقاد مرتفعا ترما بصخرا فتقذف اطيب الثمر

[wa7ed]

يعني انا اللي وقعت من قعر القفة يا افوكاتوا
سعدتك رديت علي كل الناس ماعدا انا
شكرا ليك يا باشا

[الأفوكاتو]

المشاركة الأصلية كتبت بواسطة wa7ed

يعني انا اللي وقعت من قعر القفة يا افوكاتوا
سعدتك رديت علي كل الناس ماعدا انا
شكرا ليك يا باشا

مقدرش طبعا ، انا اسف وتحت أمرك في أي شئ
أمرني وانا تحت أمرك واعذرني انا مشغول بس طبعا مش مشغول عن اخواتي في المنتدي
خالص تحياتي للجميـــــــــــــــع

[الأفوكاتو]

المشاركة الأصلية كتبت بواسطة fikra

الف مبروووووووووووووووووووك يا صاحبي

يعنى كده أنا آخر من يعلم مش انا موصيك , الله يسامحك
وألف ألف مبروك ياباشا .

ودى هديتك يا باشا ......................

الله يبارك حبيب قلبي يا اخ محمود ، واسف علي انشغالي عنك ، انت فينك يا راجل وحشني صوتك ، وعايز اطمن علي العروسة بتاعتك عملت ايه اخبارها دلوقتي ، يارب تكون بخير
خالص تحياتي للجميـــــــــــــــــع

[الأفوكاتو]

المشاركة الأصلية كتبت بواسطة omar ayman

يا اخواننا اهدوا كدة حص خيييييييير ،، اولا اود اقتراح شئ يمكن يهدي النفوس لو تكرمت يا استاذ افوكاتو ممكن تبعت للاخ محمد555 مكان المحل و يبقي كدة اتحل الموضوع مع التنبيه عليه انه مبيبقاش فاتح كل يوم ، تاني حاجة اوعي تكون نسيتني يا كبير سالتلي علي مسدسات الرش و لا اييييييييييييييييييه

والله مش ناسي وطلبت المسدس من الناس ومستني تليفون ، ماتقلقش ،
خالص تحياتي للجميــــــــــــع

[ashrfnabil]

انا مع راى الاستاذ عمر ايمن بس بردوا نعتب على الاستاذ محمد 555 طريقة و اسلوب الكلام حتى لو مش عجباك طريقة الراجل فى سرد الموضوع النقد مش بيبقى بالطريقة دى حتى لو كنا فى بلد اصبح حر الى حد ما يعنى كل واحد يقول اللى هو عاوزة
و الله يكون فى عونك يا افوكاتوا انك قدرت تمسك اعصابك عللى الاهانة دى بطل مهذب
يا عم الافوكاتو اشترى دماغك و حط ناس اسم المحل والعنوان بس بعد ما اروح اجيب الحتة بتاعتى عشان محدش يسبقنى و يشتريها ( يعنى بعد ما ناخد غرضنا من المحل نعرض الباقى فية على عامة الجروب ) طبعا انا بتكلم باعتيار ما سيكون اننى من مالكى الروم 96
هاهاهاهاها
ان شاء الله
انا بهزر لحسن الكلام هنا بقى على صفيح ساخن كلكوا هنا اخواتى و الروم بتلاعى لان شاء الللله تحت امر الى واحد فيكوا

[الأفوكاتو]

المشاركة الأصلية كتبت بواسطة ashrfnabil

انا مع راى الاستاذ عمر ايمن بس بردوا نعتب على الاستاذ محمد 555 طريقة و اسلوب الكلام حتى لو مش عجباك طريقة الراجل فى سرد الموضوع النقد مش بيبقى بالطريقة دى حتى لو كنا فى بلد اصبح حر الى حد ما يعنى كل واحد يقول اللى هو عاوزة
و الله يكون فى عونك يا افوكاتوا انك قدرت تمسك اعصابك عللى الاهانة دى بطل مهذب
يا عم الافوكاتو اشترى دماغك و حط ناس اسم المحل والعنوان بس بعد ما اروح اجيب الحتة بتاعتى عشان محدش يسبقنى و يشتريها ( يعنى بعد ما ناخد غرضنا من المحل نعرض الباقى فية على عامة الجروب ) طبعا انا بتكلم باعتيار ما سيكون اننى من مالكى الروم 96
هاهاهاهاها
ان شاء الله
انا بهزر لحسن الكلام هنا بقى على صفيح ساخن كلكوا هنا اخواتى و الروم بتلاعى لان شاء الللله تحت امر الى واحد فيكوا

هههههههههههههه ، يعني استاذ بدر مغلطش لما قال ناخد اللي علي وش القفص وبعدين نسيب الفتافيت لباقي الأعضاء ، انت نفسك قولت كدة ، انا وصيت يا معلم علي الحاجة وان شاء الله تجهز ومستني تليفون من الناس ، ادعيلي ........
خالص تحياتي للجميــــــــــــــــع

[mohamedatia]

http://wn.com/R%C3%B6hm_(RG)
شكلة اه الاصلى مش التاليد الصينى

[ashrfnabil]

طبعا استاذ بدر ما غلطش بس فيه اختلاف ان انا مستعد اشيل القفص كله طالما اللي جوها مميز

[wa7ed]

اي حاجة من القفص دة يا جدعان ولا احنا ملناش في الطيب نصيب

[laka96]

ممكن عنوان المحل لو تكرمت عشان عايز واحد منة وشكرا

[hogan]

على فكره انتا انضحك عليك ده التقليد الالمانى الاصلى بيكون محفور علية الصنع والبلد مش مكتوب علية واللهى العظيم مضروب انا جايب الاصلى من الخارج وكمان فى راس السنه انا جايب من مصر المحفور علية من فتح لله و الحجه الى هناك ادتنى زى الى معاك قلتلها عيب انا عايز الاصلى فاستغربت وكلمت الحج فتح الله نفسه ادامى واللها هوا عايز اه قلتلوه عايز 5 حتت بس من المحفور عليهم وهو عارف هوا عايز اه فلما كلمته قلى لسه فى ناس بتفهم وضحك وادانى الى محفور علية واللهى العظيم حصل وللعلم صوت الامانى الاصلى غير التقليد تماما و ربنا معاك
انا بعته قبل الاحداث لانى صديقى كان جايب من الخارج الايكول السريع بس 19 طلقه ورحت لشريف بتاع شبرا استغرب علية وقلى متسبوش وفعلا خت الايكول واديت الامانى لصديق

[hogan]

اولا مبروك عليك
ثانيا انتا لن تسمح لا شخص فى التشكيك فى خبراتك فى هذا المسدس على العموم انا مش هتكلم كتير وهوريك الفرق بين ده وده وسبق وقلت موضوعى مع الروم فى الرد عليك عما انا رفعت صوره من المسدس الاصلى و التقليد

والصور للحتة الاصلية انا كاتب عليها واشوف ردك

ولو عايز تكلمنى نتكلم
وانا تحت امرك

[hogan]

وده الاصلى بتاعىىىىىىىىىىى

[الأفوكاتو]

طيب اهدا بس بالراحة ، نتكلم بالعقل ، وانت واضح انك عاقل ومتفهم وخبير ، شوف معاليك ، اولا انا عايزك ماتحلفش بالله في الموضوع ده ، علشان يمكن انا صح او انت صح ، محدش عارف ، ثانيا انا عارف ان فيه محفور عليه وفيه مطبوع ، وعندي صور كتيــــــــــــــــر لكل نوع منهم ، ولكن بالعقل كدة وواحدة واحدة ، طبعا احنا قلنا كتير ان الموضوع ده موضوع اصدرات ، زي ما المسدس ده فيه منه اللون الأسود بالكامل وفيه منه الأسود × سيلفر ، وفيه السيلفر المط وفيه السيلفر اللي بيلمع ، وفيه منه نسخة لونها أزرق × أسود ، ده انا حتي عندي صورة لنسخة لونها بينك (وردي) وطبعا فيه منه طباعة وفيه منه حفر ، والاتنين كانوا بالفعل عند فتح الله ، ولكن مش معني كدة ان المطبوع عليه يبقي مقلد ، ولو افترضنا انه مقلد طيب مين البلد اللي قلدته ، مش الصين ولا مصر لأن لو بلد قلدتو لااااااااااازم تكتب عليه اسمها وماركتها الجديدة اللي هتنزل المسدس باسمها ، مثال بسيط شركة كيمار وبروني الاتنين مقلدين البريتا 92 والكولت 1911 ولكن مينفعش يكتبوا عليه بريتا ، وبردو كيمار ماينفعش تكتب عليه بروني ولا العكس ، وبما أن الروم أصلا نسخة صوت من الهكلر الحي يبقي روم قلدت الهكلر ، طيب لما تيجي شركة أو بلد تقلد الروم يبقي هتعمله ماركة جديدة واسم جديد وهتكتب عليه صنع في كذا ، لكن ماينفعش تنزله زي ما هو علشان طبعا حقوق الصناعة وحقوق الملكية وبراءة الاختراع والحاجات دي ، وتركيا لما نزلت الايكول السريع كتبت عليه ايكول ماكتبتش مثلا بروني ولا كيمار ولا طبعا بريتا ، وبعدين مافيش حد سمع قبل كدة ان المسدس ده اتقلد ولا عملو منه نسخة مضروبة ومش أصلية ، اه كلنا عارفين حكاية الوالتر بي 88 لأنه كان مسدس هايل عملوا منه مصري وكان من انتاج فتح الله ، ولكن كان معروف ومكتوب عليه انه مصري لانه مايجرأش يكتب عليه أنه ألماني ، وبعدين لو كان متقلد كان يبقي باين عليه لكن فيه كذا دليل في المسدس اللي حضرتك بتقول انه مضروب تثبت انه أصلي 100 % :
أولا : هاتلي دليل تاني غير موضوع الحفر والكتابة يثبت انه متقلد ، طبعا مافيش ، يعني المسدس متقن في التلقليد (لو افترضنا يعني انه متقلد) في كل شئ مطابق تماما للأصلي ، طيب يا راجل الي هيقلد المسدس كله بالملي كدة هايغلب في موضوع الحفر ده ، ولا هينسي او مش هياخد باله ؟ اكيد طبعا استحالة ، يبقي لو كان متقلد بالطريقة دي اكيد كان هيتم جميله ويحفر عليه (طالما هو جامد كدة وبيعرف يقلد بالملي)
ثانيا : في علامة دائرية علي المسدس مكتوب عليها PTB 699 والعلامة دي موجودة بردو علي الوالتر ، يعني طبعا دي تعتبر قرينة من القرائن
ثالثا : خامات المسدس لا توحي بانه سلعة مقلدة ، ولا علبته ولا الاسفنج الحافظ له ، وقطعة كأس اطلاق الصواريخ محفور عليها موديله rg96 يعني فيه حفر اهو إلي جانب بردو العلامة الدائرية السابق ذكرها بردو محفورة عليها زي ما هي محفورة علي المسدس ، العلبة الكرتون بتاعته عليها من الخلف لرقم المسلسل وعليها made in germany بارزة وتتحس باللمس
رابعا : الكتالوج اللي جاي معاه ، واللي عليه صورة المسدس مكتوب عليه وليس حفر
خامسا :الصور اللي علي النت والفيديوهات اللي عاليوتيوب واللي فيها ناس بيتكلمو ألماني وبيشرحوا طريقة عمل المسدس وبيجربوه وهو مكتوب عليه وليس حفر .
سادسا: أهم شئ بقي وهو موقع الشركة نفسه واللي مسئول عن انتاجه بالنسبة للمسدس الأصلي وطبعا عليه لينك products المنتجات والمسدس اللي معروض علي الموقع مكتوب عليه وليس محفور يعني الحاج فتح الله مش هيفهم أحسن مش الشركة اللي عاملاه والرابط أهو http://www.roehm-waffen.de/core.php?...m_no=701.02.00
سابعا : ودي أهم ما في الموضوع اني قبل ما اشتري في واحد قاللي كلام شبه كلام سيادتك وانا لما شكيت سألت أستاذ بدر هنا في المنتدي وقاللي مافيش الكلام ده ، وقاللي ان اللي عنده مكتوب عليه وليس حفر ، وطبعا الاستاذ بدر عمره ما هيشتري حاجة مضروبة لأنه مش تلموذ
ولكن الموضوع موضوع اصدرات وليس مضروب ومقلد ، ومش لاقي دليل تاني اقدمه اكتر من كدة علشان اثبت ان الكلام ده غير صحيح ، ولكن اخر ما تبقي عندي هو رابط فيديو يثبت كلامي ، ولكن انت لو تقدر تساعدني وتقوللي اي حاجة تاني تثبت ان المسدس مقلد (غير موضوع الحفر ده) يبقي ساعتها ممكن نبحث ونشوف ونتكلم ، لأنه مش معقول هيقلد بالمنظر ده ويغفل موضوع الحفر او يستصعبه ، دي اي ماكينة ليزر تعمل الشغل ده ، يعني سهلة
رابط الفيديو اهو :
وطبعا مش فيديو معمول في مصر خالص يعني واضح ان حتي المسدس المضروب والمقلد ده مش عندنا في مصر بس لا ده عمل انتشار واسع وبيتقلد في جميع أنحاء العالم حتي في ألمانيا ..
ههههههه ، لأ طبعا انا ماعتقدش ان الكلام ده صحيح .
خالص تحياتي للجميـــــــــــــــــــع

YouTube

YouTube

[tidfos]

معليش مني فضلك هو المحل ده عنوان فين ؟؟؟؟؟

[ادم عبد ربه]

السلام عليكم
اولا مبروك
ثانيا كلام الاخوة الافاضل بخصوص المسدس تقليد ام اصلى ام حاجة تانية وكلام كتير ممكن نسمعه المهم الكلام اللى قراته من الافكاتو طبعا ممتاز وعلى فكرة انا اعرف ناس فى الصاعقة والعمليات الخاصة معهم نفس الاتنين اللى محفورا عليه والمطبوع عليه ( طبعا الاتنين حى ) اما بالنسبة للصوت ايضا الاتنين موجودين بس الصينى صراحة انا مشفتهوش بس بسم الله ماشاء الله المسدس واضح فى الصور انه ممتاز للمرة الثانية مبروك على الاقتناء وانشاء الله يترفع على الظالم

[hema777h]

الشعب يريد عنواااااان المحل

[hema777h]

المشاركة الأصلية كتبت بواسطة tidfos

معليش مني فضلك هو المحل ده عنوان فين ؟؟؟؟؟

اعترف الانكاررر مش هيفيدك كل الادلة ضدك وكماااال هو المسئول المحل فين يااااا كمااااال
هههههههه انا بهظر معاااااك قول المحل عشان انت بتشكر فيهم فهما اولا من اي محل تاني بالشراء لانهم محترمين ...........وشكرااااااااااااااا جداااااااااااااااااااا ليك

وااااااااااااااااااااااااااااااااالف ملللللللللللللللليوووووووووووووووووووووووون مبرووووووووووووك عليك

[الأفوكاتو]

المشاركة الأصلية كتبت بواسطة hema777h

اعترف الانكاررر مش هيفيدك كل الادلة ضدك وكماااال هو المسئول المحل فين يااااا كمااااال
هههههههه انا بهظر معاااااك قول المحل عشان انت بتشكر فيهم فهما اولا من اي محل تاني بالشراء لانهم محترمين ...........وشكرااااااااااااااا جداااااااااااااااااااا ليك

وااااااااااااااااااااااااااااااااالف ملللللللللللللللليوووووووووووووووووووووووون مبرووووووووووووك عليك

الله يبارك فيك يا حبيبي ، وحكاية المحل دي انا هقولها بس ناوي اعملها موضوع لوحدها علشان كل الأعضاء تشوفه ، وعلي فكرة للأسف انا كنت هناك امبارح ومافيش مسدسات روم تاني ، ولكن عندهم حاجات تركي كويسة
خالص تحياتي للجميــــــــــــــع

[braveheart2000]

مبروك ياباشا على الروم ال9 ملل بس ياريت تقولنا على عنوان المحل عشان نجيب زيك

[mrkarate81]

السلام عليكم يا باشا ، الأخ الأفوكاتو فى البداية أنا ليا الشرف أنى أتعرف على شخص محترم مثلك وأن أتحدث معه لأنى محتاج منك أستشارة بس مش قنونية

أولا بعد أذنك كنت عايز أعرف المسدس الروم ده اللى أنت أشتريته هل هو مسدس حي يعنى
حقيقى ولا مسدس صيد أو صوت ؟

ثانيا أنت ذكرت أسماء ثلاث محلات لبيع الأسلحة وهى الأهلية ، البارودى ، وفتح الله كنت عايز عناوين المحلات دي وبالتفصيل علشان أنا من سكان مصر الجديدة ومش دايس شوارع وسط البلد أوى كمان ياريت لو فيه علامة مميزة أو محل مشهور جنب كل محل من دول تقولى علشان أقدر أوصل بسهولة ، وكمان كنت عايز برده أسم وعنوان المحل اللى أنت أشتريت من عنده الروم وبرده بالتفصيل ، أسف لو طولت عليك وجزاك الله كل خير عنا

[ابو عاصم]

ممكن اسم وعنوان المحل ولك جزيل الشكر

[Mohamed Mahmoud]

الف الف الف مليون مبرووووووووووووك

[محمد عبيد]

السلام عليكم الف الف مبروك ربنا يبارك لك فيه و يكفيك شره
بس اشتريته منين و انا كمان عاوز اشتري واحدلو فاكرني انا كنت سالتك قبل كده علي الروم 9 مل
و لفيت زيك بالضبط و بالمناسبة انا ساكن جنب البارودي و قال لي نفس السعر
ممكن تدلني علي المكان او تقولي رقم تليفونك علشان اتصل بيك
ده لو ماكنش هايضيك يا باشا
و اكرر الف مبروك