1. youtube
  2. new
الإعلانات
الإعلانات


الصيد بالكلاب كل ما يخص كلاب الصيد.

إضافة رد
أدوات الموضوع إبحث في الموضوع انواع عرض الموضوع
  #1  
غير مقروء 13-03-04, 10:09 AM
الصورة الرمزية loot-ait
loot-ait loot-ait غير متواجد حالياً
صياد نشيط
 
تاريخ التسجيل: Mar 2011
المشاركات: 368
معدل تقييم المستوى: 4
loot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريق
افتراضي رحلة شراء جرو"موضوع مفيد و شيق جدا"

اخوانى الأعزاء انا بكتب الموضوع ده عشان الأفادة لكل الزملاء فى المنتدى.المهم …انا كنت بدور على جرو اشتريه يكون نوع من الأتنين يا دوبر مان يا جيرمن..انا من سكان الأسكندرية الجميلة فقولت وابداء بالمعارف و الصحاب فسألت ناس كتير و وروحت محلات برضوا وسألت.
الموضوع بداء ان انا روحت سوق الجمعة عندنا فى الاسكندرية فى محطة مصر ورا الدمبوسكو و السوق روحتوا كذا يوم عشان اشوف الدنيا ماشية ازاى روحت حوالى تلات جمع ورا بعض الملاحظ بقا ان مش كل يوم تلاقى حاجات حلوة ولاكن مرة كدة ومرة كده و كان فيه حاجات عالية قوى وبأسعار حلوة جدا 1000 او 800 و ده كان اول كلام لاكن طبعا عند الشراء ممكن الفصال.وروحت بعض محلات فى الأسكندرية منهم الراجل بتاع الداون تاون و فى واحد فى الأبراهمية شارع ابو قير ورا نقطة الأبراهيمية.وده تقريبا ال كان فاتح فى جرين بلازا زمان.والراجل بتاع شارع شريف فى المنشية ال جنب عمر افندى.ومن خلا زياراتى للمحلات لقيت ان المستويات هيا هيا ال فى سوق الجمعة بس اعلى فى السعر بحوالى 500 جنيه …ومش كلهم عهندهم بضاعة حاضرة ماعدا بتاع الداون تاون ده ال بلاقى حاجات كل ما روحلوه رحتلوا بتاع مرتين كده….المهم ما طولش عليكوا…جاتلى سفرية القاهرة اسبوع قولت فرصة جامدة جدى…هاهاهاها.
قولت فرصة وانا مسافر الف و اشوف الكلام فى القاهرة عامل ازاى.قبل مسافر كنت قريت فى المنتدى عن مزارع الكلاب و ان الحاجات ال فيها بتبقى جامدة المهم كنت قارى ان فى مزرعة فى الريف الأوروبى على الصحراوى كده قبل مدخل ستة اكتوبر بشوية…المهم وقفت على البوابة بتاعت الرف الأوروبى وسألت الأمن فين يا جماعة مزرعة الكلاب ال هنا يا جماعة قالولى بص يا باشا انت تخش البوابة و تمشى حوالى 10 كيلو؟!!!!!!!!! قولت نعم طبعا الحمد لله كان معايا عربية…..المهم تفضل ماشى فى شارع طويل مسفلت كده وفى جزيرة فى النص و فلل يمين و شمال و مزارع ودنيا تانية المهم تفضل ماشى لحد متلاقى مزارع "بولنيا" تخوش من عندها يمين و تمشى حوالى كيلو برضوا طريق اسفلت لحد متلاقى مزرعة الدكتور "سعود سيلاجور"..اه هو اسمه كده متسغربوش زى منا استغربت "ولا اى اندهاش" هو تقريبا مش مصرى المهم.وصلت على حسب الوصفة خبطت على باب المزرعة طلعلى الحارس و معاه شويه كلاب لولو قعدت تتنطط و كان فى نتاية بتبول جامدة برضوا كل ده على باب المزرعة المهم قلت له انا عاوز اشترى جرو قالى طب ثوانى اناديلك المسؤل عن الكلاب المهم طلعلى و احد قالى اتفضل يا باشا من الناحية التانية نروح المزرعة .لفينا وقولتله على طلبى قالى للأسف كل ال عندى كبير معنديش جراوى.اصغر حاجة عندى ذكر دنواه عنده ست شهور المهم فرجنى الصراحة حاجة فخمة وسعره حلو قوى 2500 جنية وعلى فكره كانوا عرضينه على المنتدى قبل كده بس تقريبا متبعش عشان المشوار بتاعم علقة فعلا….وكان بسم الله ماشاء الله عندهم حاجات عالية كتير بس كله كبيرة مش طلبى.المهم قلتله حفكر و اشوف وانا راجع ان شاء الله افوت عليك اخده منك لو ربنا موفقنيش فى طلبى.انا طولت عليكوا بس الرحلة فعلا كانت مهمة و مفيدة
ولسة فيها كلية الشرطة وكده يعنى....
رد مع اقتباس

غير مقروء 13-03-04, 10:13 AM   #2
loot-ait
صياد نشيط
الصورة الرمزية loot-ait
 
loot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريق loot-ait غير متواجد حالياً

نكمل بقى....
وصلت القاهرة قولت استغل قاعدتى اسبوع و برضوا اشوف طلبى المهم الحمد لله كنت عايش فى القاهرة حوالى سنتين و لسه راجع اسكندرية من حوالى 3 شهور فده الحمد لله ساعدنىة فى اللف هناك المهم.المهم روحت حوالى 3 اماكن فى القاهرة "سوق الجمعة بتاع السيدة عيشة,وكلية الكلاب فى العباسية و محل فى اول شارع القصر العينى كده" المهم نبداء بكلية الشرطة روحت ولفيت شوية لحد ما وصلت لأن كلية الكلاب فى ظهر كلية الشرطة القديمة فى العباسية المهم وصلت الحمد لله سألت العسكرى ال على الباب قلتله عاوز اشترى كلب قالى ايه يا باشا قلتله ياعم الحاج اليافطة ال على الباب بتقول بيع و استضافة و تطعيم و خدمات بيطرية الخخخ.المهم قالى طب اتفضل جوه لأحمد بيه المهم دخلت بسم الله ماشاء الله مزرعة نضيفة جدااااااااااااااااااااااا انضف مكان شوفته فى الرحلة كلها عندهم انواع كتير قوى فى اقفاص كلاب جيرمن على روت على لابرادور بس تقريبا كلهم مش للبيع.المهم وصلنا لحد المكتب قلتولوا عاوز اشترى جرو قالى احنا حاليا معندناش غير جيرمن قولتلوا فل انا عاوز من ده...هاهاها قالى طب ثوانى"يا عبد الله" فرج الباشا على الجرو الجيرمن روحت مع عبد الله اتفرج قام مطلعلى حاجة كدة لو فى سوق الجمعة متدفعش فيها اكتر من 600قولوا بقى كل الهيلمان ده عشان ده.هاهاهاا.المهم قولتلوا يعنى مفيش حاجة تانية قالى لا و الله وده بكام ان شاء الله قالى 2000 ج قلتوا ايه طب شكرا وروت واخد ديلى فى سنانى وقولت يا فكيك.

  رد مع اقتباس


غير مقروء 13-03-04, 10:33 AM   #3
loot-ait
صياد نشيط
الصورة الرمزية loot-ait
 
loot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريق loot-ait غير متواجد حالياً

المهم تانى يوم طلعت على سوق السيدة عيشة و شوفت بقى السوق على اصولوه كان فى كلاب كتير قوى و كان الروت فيلر ده بالهبل و مستوايات عالية بس كله كبير و اسعار كانت من 2500 و انت طالع و كان فيه و احد شكلة نضيف معاه ابوه كان ماسك كلب روت و الله لو فى محل او مزرعة مش حيقول اقل من 15000 بيتلكم فى كام بقى
5000 و الله حتة كلب بسم الله ما شاء الله و حشش وحشش يعنى المهم بقى كان فى حاجات كتير بس انا لللأسف مينفعش اخود الكلب و اشيله عشان مكنتش راجع على الأسكندرية.المهم بقى الأسعار من 1000 و انت طالع للحاجات النضيفة و كان فى حاجات مضروبة بالهبل.وكان فى نتاية دوبر جرواية يعنى تقليب عالى قوى قوى و كانت طالعة من عينى و كان اول كلام فيها 1000 جنيه و كان فيه ولدة بوكسرات بسم الله ما شاء الله التجار وسماسرة السوق كانوا بيتعاركوا عليها مقولوكومش اتباع الجرو للتاجر ب 3500 تخيلوا بس بسم الله ماشاء الله لو فى محل مش اقل من 5000 المهم خدت لفتى وكان برضوا فيه بتبول كتير جراوى بس مش باين تقليبهوم لصغر سنهم تخيلوا جراوى و الله عمر اسبوع و اسبوعين العيال شيلاها عشان تبيعها افترا.الجيرمن بقى مكنش كويس او مكانش فيه حاجات عالية الا مع التجار فى الأقفاص.وكانوا بيتكلموا فى 1000جنيه.وانا هنا بتكلم عن الجراوى لاكن الكبير كان فيه كتير و حاجات عالية قوى كمان بس الاسعار 2000 و انت طالع.المهم خدت لفتى و انا راجع من بره بليل فوت على الراجل بتاع القصر العينى قالى انا اجبلك ال انت عاوزوه و خد نمرة تلفونى و قالى حرض عليك و الأسعار من 1000 و انت طالع برضوا ...

  رد مع اقتباس


غير مقروء 13-03-04, 11:06 AM   #4
loot-ait
صياد نشيط
الصورة الرمزية loot-ait
 
loot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريق loot-ait غير متواجد حالياً

وانا فى رحلة رجوعى للأسكندرية كنت من فترة عارف ان فيه فى قرية الأسد بيبعوا كلاب قولت افوت بالمرة المهم دخلت خدت لفتى لقيت عندهم فى الأقفاص كلاب بس تعبانة كوكر و سانت برنارد و هاسكى بس كلها شكلها تعبان المهم سقلت الواد فين يا عم مسؤل الكلاب هنا قالى انا قولتولوا نعم عيل عندوا بتاع 10 سنين المهم قولتلوا انا عاتوز اشترى كلب يبنى قالى و الله يا باشا احنا ما بنبعش دلوقتى الكلام ده كان زمان و فعلا المرة ال فاتت و كان من تللت سنين كانوا عارضين الكلاب جميلة .المهم مشيت و انا راجع قولت افوت على مزرعة احمد عثمان قبل كارقور و ده من اشهر المزارع فى الوجه البحرى كله.المهم دخلتها كده من الطريق الصحراوى قبل كارفور و كوبرى الدولى بشوية فى دخلة لأبيس بعد كوبرى صغير كده يمين و انت حاى على اسكندرية.المهم دخلت و قاعدت ماشى ماشى ماشى ولا بيدى هاهاهاهاا, الترعة على يمينك و زرع على شمالك وملاحات و فيه وى جمالون ازرق كبير كده بتشوفوه من على الصحراوى على شمالك و الترعه على يمينك المهم لقيت كشك سالت و احد فين يا عم مزرعة احمد عثمان قالى بتاعت الكلاب قلتولوا اه قالى بص تفضل ماشى يجى اتنين كيلوا كده حتلاقيها على شمالك.المهم فضلت ماشى و الطريق مقلوكمش مكسر و زى الزفت انا مشيت ال اتنين كيلو دول فى يجى نص ساعة اه و الله المهم الحمد لله و صلت مزرعة ليها سور كبير و باب اسود المهم خبتط على الباب طلعلى و احد قولتوا انا عاوز اشوف الجراوى ال عندكوا عشان اشترى قالى طب تعالى من الباب ال فى الجنب قولت فى سرى هو ايه موضوع الباب ال فى الجنب ده هاهاهااها زى مزرعة الربف الأوروبى.المهم قولتلوا انا عاوز جرو جيرمن او دوبر قالى معنديش دكوره كلة نتى و الجبرمن مفيش غير جرو واحد عند اسبوعين المهم طب فرجنى يا عم قالى مش حينفع عشان صغير انا ممكن اوريك الأم قولتلوا ماشى يا عم اى حاجة يبقى على الأقل عرفت حاجة بدل المشوار المهبب ده و على الفاضى المهم قالى طب استنى هنا حضرتك قولت ماشى المهم دخل و غاب وبعدين طلعلى بالأم حاجة بسم الله ما شاء الله حلوة.المهم قلتلوا طب بكام يا عم الحج قالى السعر مع الحاج احمد عثمان قلتولوا طب نكلموا المهم كلمناه قالى السعر حسب التقثليب و الولدة لسة ما بنتش لأن الأم متجوزة من دكرين و احد مستورد والتانى محلى و السعر حيبقى فى ربنج 2000 ل 5000 حسب التقليب قولتلوا طب شكرا و خدت بعضى و روحت ماشى .

المهم ديه كانت ملخص الرحلة....ومازال البحث جاريا هاهاهاهاهاهااه

ملخص الموضوع ان سوق الجمعة سواء فى القاهرة او اسكندرية ممكن تجيب حاجة حلوة بس تكون بتفهم فيهم
المزارع و المحلات بتبيع غالى بس فى المقابل حاجة مضمونة و ممكن تمسك فى رقبتهم لو فى حاجة حصلت.

ارجوا تكونوا استفدتوا من الموضوع و انا على اتم استعداد للأجابة على استفسار

  رد مع اقتباس


غير مقروء 13-03-04, 07:11 PM   #5
diiie_hard
صياد نشيط
الصورة الرمزية diiie_hard
 
diiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر بهdiiie_hard عضو نفتخر به diiie_hard غير متواجد حالياً

رحلة جميلة يا باشا وكنت متابعها معاك كويس
وحلوة بتاعت الباب الي من الجنب دي كل شوية ههههههههه
اانا من رايي انك تشتري من اي مكان بس اهم حاجة تفهم فيهم كويس اوي علشان تعرف تدخل وتنقي وتشتري الي انت عايزة
او تشتري من حد من اصحابك ومعارفك وهو يجيبلك حاجة كويسة وتقليب عالي واكيد هتبقي في وشة لو كبر وظهر انه مش كويس

  رد مع اقتباس


غير مقروء 13-03-04, 09:53 PM   #6
M.SHADY
مشرف قسم السوق و المسابقات
الصورة الرمزية M.SHADY

اوسمتي

 
M.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدىM.SHADY عميد بالمنتدى M.SHADY غير متواجد حالياً
إرسال رسالة عبر MSN إلى M.SHADY

موضوع فوق الممتاز . و طريقه سرد جميله
و احلى تقييم منى ليك يا معلم

التوقيع: http://img849.imageshack.us/img849/600/o642.jpg
اللهم لك الحمد كما ينبغى لجلال وجهك و عظيم سلطانك
  رد مع اقتباس


غير مقروء 13-03-05, 07:15 AM   #7
loot-ait
صياد نشيط
الصورة الرمزية loot-ait
 
loot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريقloot-ait في بداية الطريق loot-ait غير متواجد حالياً

الف شكر يا جماعة

  رد مع اقتباس


غير مقروء 13-03-05, 10:42 PM   #8
Orabi
صيــــــــــاد محــــترف& عضو ذهبى
الصورة الرمزية Orabi

اوسمتي

 
Orabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدى Orabi غير متواجد حالياً

معلش يا باشا إن شاء الله تلاقي طلك

التوقيع:
سبحان الله و بحمده سبحان الله العظيم
[CENTER]
  رد مع اقتباس


غير مقروء 13-03-07, 05:09 PM   #9
هشام سمير
قنـــاص من الدرجه الاولى
الصورة الرمزية هشام سمير

اوسمتي

 
هشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدىهشام سمير عميد بالمنتدى هشام سمير غير متواجد حالياً
إرسال رسالة عبر Yahoo إلى هشام سمير

رفيقى فى البحث انا كمان بدور على حاجه جيرمن عاليه ومش لاقى خالص

  رد مع اقتباس


غير مقروء 13-03-08, 12:13 AM   #10
Orabi
صيــــــــــاد محــــترف& عضو ذهبى
الصورة الرمزية Orabi

اوسمتي

 
Orabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدى Orabi غير متواجد حالياً

اقتباس:
المشاركة الأصلية كتبت بواسطة هشام سمير مشاهدة المشاركة
رفيقى فى البحث انا كمان بدور على حاجه جيرمن عاليه ومش لاقى خالص


يا برنس ما أنا قلت لك إجهز و طلبك عندي

التوقيع:
سبحان الله و بحمده سبحان الله العظيم
[CENTER]
  رد مع اقتباس

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
نظام الدفاع الجوي "Thaad" اختصار "Theatre High Altitude Area Defense" avokato التسليح المصرى و العالمى 0 12-12-19 07:21 PM
"" برج بارتفاع 4 كلم !! "" 0_o تخيلوا فقط أن تنوي اليابان بناء ناطحة تسخر من ناطحات السحاب الحالية avokato الموضوعات العامه 5 12-09-02 05:39 PM
مانشيت الرئيسي بجريده معاريف "برامج الصاروخ "حيتس" كتاب مفتوح أمام المصريين" "فضيحة منظومة الصواريخ avokato الموضوعات العامه 6 12-08-28 03:50 PM
"الدفاع الإسرائيلية" تنشر خطة "عوز" لمواجهة مصر عسكرياً..صواريخ "ساعر 5"لشل "قناة السويس" 20 عاماً.. avokato الموضوعات العامه 4 12-08-27 03:53 AM
للعياط فقط / + 18 / مريضي القلب يمتنعون / عذاب رهيب ""kudu knife"" عبــ الله ــد @ الصيد البري وادواته 27 12-08-06 03:35 AM


الساعة الآن 01:36 PM

الإعلانات