canas magnum 9mm وتجربتي مع محل أبو سيف للصيد البري

[amrhady]

المشاركة الأصلية كتبت بواسطة alsaher

رئيس قسم الشرح والتفاصيل والافادة : عمرو باشا والله انا متعود على الحي في الاساس انا من حيث اتيت المسدس الحي زي الصوت كدا تماما في كل مكان ولا يسائل عليه حامله يعني قانوني وحتى هنا فمصر كنت بشيل الحي لكن مع الوضع الحالي في مصر الموضوع بقا مقلق جدااااااااااا تتمسك بمسدس يعني حتتركن شوية كدا في ابو زعبل لحد ما يبانلك صاحب فاكتفيت باني احنط التحف الحقيقية في البيت واشيل الصوت فجبت الريتاي بارون لكن بعد ما جبت لقيت عليه تعليقات ما تسرش الخاطر من حيث الشكل يعني واحد اعرفه تخيل ولا شاف مطوة حتى في حياته قالي دا شكله مش حقيقي
عشان كدا كنت محتار في كل دا بس فعلا الكناس هيبة وانا نويت خلاص والله واحلى ما فيه انه بيجي كله مفتوح من المصدر..
وناوي بعد الكناس حجيب البريتا 84 لو ليك خبرة فيه افيدني ولو ما ماتعرفوش شوفه وقيمه واديني رأيك الخبير فيه.
والله يعينك انت والاهل على يومين الاستفتاء بس ما تخافش البدل الحمراء رجال مازينجر حيحموكم
اما بالنسبة للتصويت فلا صوت لي انا اجنبي
يلا انتبه لنفسك وطمنا عليك لما تخلص اليومين الجايين على خير ان شاء الله.

الله يخليك حبيب قلبي مهو احنا برضو عندنا في المنيا الصعيد هنا السلاح الحي زي الرز وسهل تجيبه بالتلفون لكن الواحد مابيحبش الاذى ولا التهور في مواقف معينة إنت فاهم طبعا لأنه فعلا السلاح ده حتى لو صوت عليه شيطان زي مابيقولوا وربنا يكفينا شره وياعم الف مبروك على الكناس مقدما...
وأما بالنسبة لمعرفتي بالبيريتا 84 الصوت 9 ملم اللي شوفته بعيني كان في حدود 1500 جنيه من سنتين تقريبا وهو النوفا ميلجورا الايطالي وهو شكله وفينيشه كويس مش بطال وفعلا تحس إنه حي وخاصا إنه ماسورة متحركة وكله صلب فعلا وبيشيل من 9 : 10 طلقات حسب الخزنة المتوفرة عند البياع وهو حجمه صغير طبعا وفيه لمعة بسيطة بس مقبول... بس ماتفكرش إنك تقلبه لأنه فعلا بيتقلب بسهولة لكن برضو خاماته أقل من الحي في تحمل الطلقات الحية بنسبة 90% صلب عن الحي وكمان هو بيقولو عليه ايطالي بس هو تقفيل ورش فتح الله زي ماسألت عنه وقالولي...ووالله أعلم...
الله يخليك وربنا يعديها على خير إن شاء الله ... ومين دول بتوع البدل الحمراء مش فاهم اللي واخدين إعدام ولا إيه مش فاهم...؟؟؟
وإنت منين ياعم الحج... أجنبي أجنبي من أوروبا...أمريكا يعني... ولا من نواحينا العربية حبايبنا اللي هنا جنبنا... وعلى فكرة أنا عشت ثلاثة أرباع عمري في الكويت... ورجعت وكملت حياتي هنا في مصر في 2006... والحمدلله ربنا يديمها نعمة اللهم آمين.