المصريين عملوا الليزر رد دوت

[kemohabib]

بالصدفه المحضده بشتري ولاعه لقيت ولاعه علي شكل مسدس عليها ليزر علي شكل تلسكوب اعلي المسدس اشترتها منغير تفكير وجريت علي البيت وفي دماغي فكره واحده الريد دوت فكيت الليزر من الولاعه وبدات في تثبيته علي المنظار والبندقيه مراعيا الدقه والثبات قدر المستطاع والحمدلله النتيجه جائت مرضيه تماما حتي ال50 متر اترككم مع الصور

[osamaboha]

دا مش رود دوت
دا كده ليزر بس

بس فكره حلوة ورخيصه اكيد

[braveheart]

100 % تسلم أيدك ... بس قولنا بقي كام كلفك الموضوع دة ؟

[احمد فتحي]

بس كده مش هيأثر في النشان يعني الرشه هتيجي اعلي الهدف

[kemohabib]

التكلفه هي سعر الولاعه فقط 15جنيه منظر الليزر من جوه المنظار حكايه وظبطت البعد من وانا بثبت الليزرجميله لحد الخمسين متر

[kemohabib]

مش عارف اصور من جوه التلسكوب بالموبايل

[Axel]

مية مية فكرة حلوة و رخيصة
انا استخدمت قبل كده الليزر العادي اللي هو بــ 2,5 جنيه
و عشان اخلي الليزر يبقي لفوق كنت بحط تحت الديل حتة بلاستك بس بصراحة منظرها مكنش اد كده لكن كانت كويسة في النيشان لحد مسافة 20 متر

يا ريت لو صور اوضح و اكبر

و الولاعة جبتها منين ؟؟

[kimokono]

- للاسف الولاعة دى صينى مش مصرى

- تحياتى

[kemohabib]

ده علي اساس ان البندقيه مصري والسكوب مصري وانا اللي ادخلت عيهم منتج صيني كل شيئ اصبح صيني انا ابتديت اشك في الثوره انها صيني علشان باظت بسرعه

[loot-ait]

هاهاهاهاهاها.........و الله يا جماعة المصريين لو حبوا يعملوا حاجة بيعملوها بفضل الله.الله ينور يا باشا

[hema777h]

الامكانيات لو اتوفرت لينا هنعمل كتير في مشاريع كتير في الادراج محدش يعرف عنها حاجة في المركز القومي للبحوث في الدقي ربنا ينتقم منو الي كاااان سبب في خراب البلد

[hazem1]

كلامك صح يا استاذ hema777h
بس مش عايزين نعلق عجزنا وضعفنا على حد
لازم احنا نبدا ونعمل حاجه
مش ورق وافكار وخلاص
لازم الافكار تطلع من الاوراق لحيز التنفيذ

[Axel]

فعلا انا مع استاذ حازم
مش كل حاجة نقول الحكومة ع سبيل المثال كنت دايما بقول لأصحابي و الجيران ندهن احنا الارصفة اللي قدامنا مش هنستني الحكومة لما تدهننا كان كله بيتريق و يكبر اهو دلوقتي كل الشوارع ادهنت من غير حكومة و بمشاركة بسيطة جنيه - 5 جنيه بالكتير من كل واحد

و مصل لفيروس سي مجموعة من الاطباء و العلماء المصريين طلبوا انهم يعملوه لكن اترفض لأنه هيحتاج سنين طويلة و مصاريف كتيير و النتيجة مش مضمونة فالاطباء و العلماء دول جمعوا من بعض و ساعدوا بعض و بعد حوالي 10 سنين عملوه في الأخر و هو تحت اسم النتيفيرون تقريبا دلوقتي
لازم نبدأ بنفسنا مش نستنا غيرنا يبتدلنا الحاجة اه ممكن لو دعم بسيط لو منقدرش عليها انما مش كل حاجة نقول دعمونا صح ولا ايه ؟؟

و المصريين معروفين انهم لما بيصمموا ع حاجة بيعملوها احنا أفضل علماء في العالم مصريين اذكي طفل في العالم الطفل المصري بس لو بطل يدرس المواد بتاعت ابي فوق الشجرة اللي اجدادنا كانوا بيدرسوها
اي حاجة بنعملها بنتفنن فيها حتي السنوكي بتاع المعادي لازم تلاقي التفنين المصري ( اللي البعض بيقولك الفزلكة المصرية ههههه )
لكن عيبنا ان اغلب الناس بتحب تكبر دماغها و بتاخد كل حاجة بتريقة مش ع محمل الجد و ممكن تفيد بعد كده

و اعتذر لصاحب الموضوع اني خرجت ع الموضوع

[adel_7768]

تسلم ايك يا باشا بس هل فيه ارتفاع معين بين المنظار والليزر ولا عادي

[tarekvb]

يا ريت لو مزيد من شرح التركيب ومزيد من الصور الواضحة لتعم الافادة

[smsmn8888]

فكرة حلوة بس تا ليزر مش ريد دوت اللريد دوت عبارة عن نقطة حمراة فقط لا عند التصويب علي الهدف لا تظهر علي الهدف ولكن النصوبة يراها في التلسكوب

[SHAWKYGHAZY]

هي دي الدماغ المصرية

[med0]

جميل تسلم أيدكم.

[hosam ibrahem]

الله ينور عليك

[kemohabib]

الف شكر عي تشجيعكم ليا خلاني مبسوط اوي وحسيت اني عملت حاجه حلوه وبالنسبه لسؤال كيفيه التركيب والمسافه سهله بتفك الليزر من الولاعه او ايا كان المصدر وتمسكه بدون تثبيت فوق السكوب وانت باصص من خلال الاسكوب علي الهدف المسافه تقريبا 20 متر طبعا مش محتاجين نقول ان السكوب لازم يكون مظبوط تمام بعد كده حرك الليزر الي الضبط في منتصف الكروسر ثم ثبت علي هذا الوضع بماده الايبوكسي (الارنديت) انبوبتين يتم خلطهما سويا ولكنه بطيئ الجفاف ثم راجع الضبط قبل الجفاف وهذ ه بعض الصور اكثر وضوحا