1. youtube
  2. new
الإعلانات
الإعلانات


منتدى سؤال وجواب خاص بأسئله الاعضاء الجدد عن كل ما يخص الاسلحه وبنادق الصيد

إضافة رد
أدوات الموضوع إبحث في الموضوع انواع عرض الموضوع
  #1  
غير مقروء 15-06-27, 10:11 AM
nour eltoureny nour eltoureny غير متواجد حالياً
مشرف سوق المنتدى
 
تاريخ التسجيل: Sep 2012
المدينه: الاسكندرية
المشاركات: 834
معدل تقييم المستوى: 8
nour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريق
Smile هام (للمبتدئين) سؤال وجواب !!

بسم الله الرحمن الرحيم

خاص بالمبتدئين فقط !!!
في الفتره الاخيره دي ظهرت اسألة كتيره للخبراء في مجال محدثات الصوت لكن للأسف الشديد معظمها كان مخالف للقانون او مكنش حد بيجاوب عليك اصلا خوفا عليك وعلي اسرتك جميل جدا!!!!

بس انا حبيت اعمل الموضوع مفتوح قابل للحذف و التعديل والمزايده من الزملاء في المنتدي هو علشان نفيد المبتدئين في المجال ده علشان محدش يؤذي نفسة او يعرض حياتة للخطر او يتنصب علية من حد خارج المنتدي ويلعب في دماغة ..
الاسالة دي للاسف مرت عليا كتير في حياتي الشخصية خارج المنتدي فحبيت اشارك بيها وكده اول حاجة

هو مسدس الصوت بيحتاج لترخيص ؟
لا طبعا لانة محدث صوت ومش من حق اي ظابط يمسكك بية طلما مطابق للمواصفات الامنية.
يعني ايه مسدس صوت اصلا ؟
هو اداه مشابها لمسدس حقيقي في الموديل والشكل وطريقه الاستخدام لكن مختلفة في المعدن المصنوعه منه و مش نفس الاستخدامات .
هل ممكن اعدل المسدس بتاعي يضرب بلي ؟
لا طبعا مينفعش !!! لية ؟ علشان المسدس اول عن اخر اسمه محدث صوت مينفعش تستخدمة في اي شئ تاني ومش مصرح في مصر اي تعديلات او فتح للماسوره لضرب اي مقذوفات ولو مصرح حتعرض نفسك وحياه اسرتك للخطر لانك بتحول محدث صوت لاداه لضرب مقذوفات وهي غير مخصصة لكده طبعا فممكن تنفجر او يحصل كسر في المسدس يؤدي بحياتك تماما لا قدر الله
طب يعني ايه طبة ويعني ايه حائل معدني ؟
طبة/يعني جسم حلزوني (مسنن) من الخارج موجود داخل ماسوره المسدس وبيعمل علي حبس كمية من الغاز المنبعث من الطلقة لعوده الاجزاء مره تانية و القاء الفارغ وسحب طلقه اخري من الخزنة ووضعها في بيت النار
حائل معدني/الحائل المعدني موجود في منتصف ماسوره المسدس وملحوم من الطرفين وده ضمان من الشركة بان المسدس غير مجهز لاطلاق اي مقذوفات وهو محدث صوت فقط لا غير واي محاولة لازالتة تعتبر تعديل وغير مصرح بحمل المسدس في حاله عدم وجوده مكانة
يعني اية مسدس فول اوتوماتيك - سيمي اوتوماتيك؟
في مسدسات صوت بتحتوي علي خاصية الفول اتوماتيك يعني زي الرشاش كده بالظبط طول مانت ضاغط هو شغال بيضرب ..
والسيمي اوتوماتيك هي ان كل ضغطه علي الزناد بطلقة بتضرب طلما الطبة راكبة في الحالتين تمام
ممكن اضرب صواريخ والعاب نارية بمسدس الصوت ؟
اه طبعا ممكن لية مينفعش في حاجه اسمها كاس صواريخ بتركب في الماسوره من الامام و بتكون واسعه كده تاخد صاروخ بيتباع في محلات الاسلحه وتجار المنتدي ممكن يوفروهولك وبتضربة بطلقة صوت هو بيندفع لفوق بيفرقع جامد وبيعمل شكل حلو في السماء وصوت عالي كمان وممكن تستخدم طلقات كاشفة وضوئية
بدالة وبتشتري الكاس ده من عندهم برضو طلما القلاوظ بتاعتة تدخل في السنون بتاعه المسدس من الامام وشكله بيبقي شبه كاتم الصوت .
المسدس بتاعي بيحشر الطلقات والطبة مكانها راكبة؟
لو المسدس مكتوب علية 9mm P.A.K تدور في السوق علي الطلقات دي وتستعملها هي المناسبه لمسدسك
لو المسدس مكتوب عليه 9MM P.A. تدور في السوق علي الشركات الي موفره العيار ده وتستخدمة
طب ما الاتنين 9ملم انا بيحشر لية
لا كل ال PAK وزنها اكبر وبرودها اكثر واكبر بنص ملي من ال PA وكل مسدس ليه عيار مناسب لحالته وخامتة علشان يعمل معاك بكفائه عاليه كمان زي مانت عاوز
المسدس بتاعي مش عارف انظفه ازاي وباية؟
اشتري سبراي بتاع تنظيف وزيت مكينات او مسدسات من محلات السلاح و نظف المسدس كويس وشوف فيديو من الفيديوهات الاجنبي بتاعة التنظيف وعيش ومتستخدمش ادوات غير فرشاه المسدس وعيدان القطن والقماش القطن بس في التنظيف و طلما فكيت المسدس نظفة براحة وعلي مهلك انت مش عسكري وحد بيجري وراك .
ايه احسن طلقات الفضي ولا الذهبي ؟
احسن خامة واحسن فينش الالماني وبعدين الايطالي والتشيكي وبعدين التركي بس طبعا غاليين اوي بالنسبه للالماني والتشيكي ومش متوفرين ونادرين جدا فاستخدم اي طلقه لونها ذهبي تركي وابعد عن الفضي تماما حتي لو صوته اعلي مش مهم بس بيوسخ المسدس والكربون بتاعة مليان شوائب وبيهبب المسدس وبيوصل لحتت متعرفش توصلها في التنظيف فحتبهدل مسدسك معاك
____________________________________
ايه الانواع المتوفره في السوق ؟
لا تعد ولا تحصي ومنها انقرض من سنين لكن المسدسات المتوفره هي التركي والالماني والايطالي بالترتيب كده التركي اشهرها واكثرها انتشارا والالماني سعره عالي لكن موجود بس مش مع اي حد والايطالي الناس بتهرب منه لان الاصلي منه سعره بيعدي ال 3 الاف جنية علشان نادر فقط !!!

انا عاوز مسدس صوت ادافع بية عن نفسي ؟
اشتري مسدس واقعي طلما استخدامك مش دائم لية ابعد عن موديلات الزوركي الا الموديل 918 فقط لانها كلها بتبان انها صوت الا هو (اضافه الزميل ZEZO BOSE) عن تجربة .... حتي ولو كان الموديلات بتاعتها تشبة الجلوك لكن الجلوك الحي مش متوفر في مصر بشكل كبير زي البريتا 92 فابعد عنهم مع ان خاماتهم قويه جدااااااا ومحدش اشتكي منهم تماما والفيبر بتاعهم ممتاز بس مينفعوش بيتكشفوا بسرعة
عندك باه يا سيدي
الايكول سبيشيال 99 و الجاكال والفيرات والبلو اف 92 والبروني 92 البروني 85 الزوراكي 918 طبعا كلها شبه البريتات وهي اشهر مسدسات وتقدر تقلب في عروض التجار ناس محترمة جدا تطلع من عندهم بمسدس ممتاز وسعره اقل من السوق و هم خبره وامانة وبيشحنوا للمحافظات اي ان كنت حيجيلك ويوصلك ..

يعني ايه مسدس دبل اكشن ؟ يعني بيضرب طلقتين مع بعض ولا ايه يعني ؟
لا طبعا بيت النار واحد والابره واحده والشاكوش واحد .. .. بس حركه الزناد مزدوجة يعني شغال زي مسدس البارود بتاع زمان مش محتاج ترجع الشاكوش عالشان يضرب ممكن تدوس وتضرب والشاكوش مكانه مش واخد وضع الضرب انت بمجرد مبتدوس علي الزناد هو بيرجع للخلف و ياخد وضع الضرب ويضرب عادي وسينجل يعني لازم يكون راجع للحلف وواخد وضع الضرب علشان يضرب الابره وده فيديو بيوضح الكلام بشكل عملي لشرطي عربي يخدم في امريكا و عاشق للاسلحة
https://www.youtube.com/watch?v=7NpptUhHl10 وده الرابط (اضافة الزميل aliessam97)


لكن من وجهة نظري المتواضعة انها مش مهمة في مسدس فشنك (صوت) وبتهلك مجموعة الشاكوش بسرعة مع الاستخدام المتكرر لفترات طويلة


اية الفرق بين الايكول ب 29 و السبيشيال 99 ؟
الفرق في الشكل فقط
الايكول سبيشيال 99 شبية للبريتا 85 الحي والخزنة بتاعتة ملهاش موجة من تحت عادية ثانيا شكل الكوبري مختلف البي 99 الكوبري مفتوح من فوق تماما
البي 29 ليس لة شبية حتي الان لكن الخزنة بتاعتة لها موجة كده من تحت وشكل الكوبري مختلف الكوبري يوجد فتحة بسيطة من اليمين تطل علي بيت النار لاخراج الفارغ

الطلقات الذهبي مش شغالة (بتحشر ) مع ال بي 29 لية؟
ببساطة رهيبة ارجع اقولك سيبك من حوار فضي وذهبي من الاخر
البي 29 عيارة 9mm P.A
والسبشيال 99 9mm P.A.K
والفضي كلة P.A
والذهبي في منة انواع P.A.K و P.A

من الاخر اهتم بعيار مسدسك جدااا دي اهم حاجة علشان المسدس يعمل بدون حشر

انا يا نور عندي طلقات حي او(صوت) ومش عارف احفظها ازاي وبتطلع مرطبة ؟
الموضوع سهل وبسيط خالص حتحتاج برطمان مقفول كويس او علبة بلاستيك مقفولة كويس وتحط فيها طلقاتك وتكون محطوطة مرتاحة ونيجي باة لطريقة الحفظ .. اسهلها انك تحط معاها شوية ارز ني حلوين كدة ويكونا مغطيين الطلقات في العلبة الارز بيسحب الرطوبة ويحافظ علية اطول مدة ممكنة .... او لو مش حابب الارز ممكن تجيب كيس سيليكا الي هي بتبقي في الاحذية الجديدة دي موجودة معاها في العلبة او شنطة وترمية مع الطلق في العلبة وتقفل علية كويس وتشيلوا في الدولاب عندك سواء الطلقات حية او صوت

انا مبمسكش سلاحي كتير وراكنوا في الدولاب وخايف من الركنة يصدي او كدة ؟
بص اتاكد ان سلاحك نظيف خالص مفيهو اتربة او بواقي بارود محروق و زيتة كويس جدااا وممكن تزود في الزيت حبة طلما حتركنة وحتحطة في اي قطعة قماش وتلفة وفي كيستة وتركنوا ولو معاة علبة بلاستيك ممكن تستغني عن القماشة وتحطة ومعاة كيس سيليكا من الي حطينا زيو مع الطلقات الي شيلناها وياريت ميكونش في خزنتة اي طلقات وفارغ تماما والخزنة نظيفة تماما من الغبار برضو ودة برضو تحسبا لو انت في مكان مليان رطوبة زي محافظات الوجة البحري والسواحل مثلا

انا فرد امن وديما سلاحي الشخصي معرض للاتربة و العوادم في الشارع وبتاثر علية جامد وانا لازم يكون حملي لية دوري ؟
اولا تنظف المسدس كويس جدا بس تقلل الزيت وتحط علي المناطق الي فيها احتكاك بس لتسهيل الحركة اثناء الاستخدام ثانيا خلي معاك فرشة زي فرشاه السنان مثلا و لما تخلص وقت خدمتك لو لقيت اي تجمع للتراب مثلا عند الشاكوش او اي مكان بالفرشة كدة براحة طيروا ومسحة خفيفة باي قماشة ورجعوا تاني ولما تخلص شغلك فك منو الطلقات متسيبهاش بايتة في الخازنة غير وقت الشغل بس

ما هي الاغراض الاساسية من محدث الصوت ؟
قبل متشتري محدث صوت اي ان كانت خامتة لازم تعرف انو مصنوع من اجل اغراض اساسية وهي (التدرب علي حمل الحي واستخدامة - والتعود علي اصوات الاعيرة النارية - الدفاع عن النفس والتهويش وفي خارج مصر بيتم استخدام طلاقات فلاش او tear gas غاز مسيل للدموع كرادع مؤقت لتسهيل الهرب من الموقف - واطلاق طلقات الاشارة والالعاب النارية المختلفة) فقط والاستخدام دة مفيش زيو في مصر هنا بنشتري مسدسات الصوت نتمنظر بيها في الافراح ونحرقها ضرب طلقات كمجاملة في الافراح وممكن بتوصل المجاملات لعلبة طلق او اتنين في ساعة واحدة وكمان من ارداء الطلقات ودة بيتسبب في اعطال في السلاح او ضعف بيت النار من الحرارة وبيؤدي للشرخ احيانيا او كسر في جسم الكوبري وبعدين صاحبة يروح يعيط ويقول بنرمي الوفات في الارض عالفاضي و المسدس الفلاني وحش او الماركة الفلانية محدش يشتريها ودة كلو من سؤ الاستخدام


__________________________________________________ ___________________________________

وبكده انا ممكن اكون وصلت لاكبر كم من الاساله الموجوده وبدعي من ربنا ان الموضوع يكون مفيد للميتدئن وينال اعجاب الزملاء القدماء ذوات الخبره في المجال ده وكل المعلومات الي موجوده هنا انا لميتها وحصدتها من المواضيع القديمه والاساله االمتفرقة عموما اي حد عنده تعقيب ياريت يتفضل ويفيدني ......


تحياتي ...
Nour eltoureny

التعديل الأخير تم بواسطة nour eltoureny ; 15-07-05 الساعة 01:32 PM سبب آخر: طرات تعديلات اخري
رد مع اقتباس

غير مقروء 15-06-27, 11:11 AM   #2
aliessam97
صياد نشيط
 
aliessam97 مستواه غير معروفaliessam97 مستواه غير معروف aliessam97 غير متواجد حالياً

ايه الحلاوه ديه يا اخ نور
بسم الله ماشاء الله
مسبتلناش حاجا نقولها يا جدع ليه كده
هههههههههههههه

التوقيع: <<< تضحية - فداء - مجد >>>
  رد مع اقتباس


غير مقروء 15-06-27, 11:13 AM   #3
aliessam97
صياد نشيط
 
aliessam97 مستواه غير معروفaliessam97 مستواه غير معروف aliessam97 غير متواجد حالياً

يلي يا عم اديتك تقييم ممتاز اهو اي خدمه
هههههههههههههه

التوقيع: <<< تضحية - فداء - مجد >>>
  رد مع اقتباس


غير مقروء 15-06-27, 12:44 PM   #4
ابومسلم2005
المشرف العام

اوسمتي

 
ابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيده ابومسلم2005 غير متواجد حالياً

موضوع مفيد يا أ نور واحلى تقييم

التوقيع: انك لن تصل الى شئ فى الدنيا بغير الله فكيف تصل الى الله بغير الله
01010713004
  رد مع اقتباس


غير مقروء 15-06-27, 01:50 PM   #5
zezo bose
صياد متقدم
الصورة الرمزية zezo bose
 
zezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيدهzezo bose لديه مشاركات جيده zezo bose غير متواجد حالياً

مع احترامى لحضرتك وتقديرى الخاص لمجهودك الرائع بس فيه اعتراض بسيط خالص بس جوهرى ياباشا المسدس الزوراكى ابو الواقعية انا فضيت بيه خناقة مكنتش طرف فيها بين بلطجية فى منطقة شغلتها السلاح وكان فى طنطا فى منطقة القرشة كنت معدى صدفة من المنطقة دى ولقيت مجرزة والناس بتستغيث كان معايا الحى والصوت علما بان الحى مرخص توكاريف روسى ومعايا كمان سى زد ديوتى وكان بالصدفة معايا الزوراكى 918 شبيه البريتا انا وقفت العربية بعيد وكانت الخزنة مليانه من جنب الخناقة فضلت اضرب الخزنة ورا بعض تقريبا الناس اتفركشت وكان واقف جنبى واد افتكر ان المسدس ده بتاع قوات خاصة من سرعته فى الضرب وصوته العالى وهديت الامور وخلعت فورا قبل ما حد يكتشف الامر وكله كان شايف المسدس فى ايدى اللى كان معاه مطاوى وسنج وخرطوش فرد حتى كله هس اسمع الصمت يعنى بس كان فى ظهرى المسدس الحى تحسبا لاى مشكلة بدات بالصوت وكانت النتيجة مذهلة الوضع هدى شوية واللى جرى جرى وخلعت انا بسرعة بردو بس بعد ما عملت نمرة من الاخر كانت خير يعنى حقننا للدماء وكان الزوراكى 918 بطل المشهد وشكرا

التوقيع: كم تحطمت احلام اعدائك على جبالك يا مصر
  رد مع اقتباس


غير مقروء 15-06-27, 02:34 PM   #6
el7awi
صياد متقدم
 
el7awi مستواه غير معروفel7awi مستواه غير معروفel7awi مستواه غير معروف el7awi غير متواجد حالياً

استاذ نور موضوع فوق المدهش شكرا جدا لمجهود حضرتك

  رد مع اقتباس


غير مقروء 15-06-27, 05:08 PM   #7
عاطف الشاذلى
مشرف قسم الاسلحه

اوسمتي

 
عاطف الشاذلى في بداية الطريقعاطف الشاذلى في بداية الطريقعاطف الشاذلى في بداية الطريقعاطف الشاذلى في بداية الطريقعاطف الشاذلى في بداية الطريق عاطف الشاذلى غير متواجد حالياً

والله طبيخك اتقدم يا حووورية هههههههه
ايه الحلاوة دى يا نور
مجهود مشكور
بس انا اختلف معاك ف حاجة واضم صوتى لصوت zezo فى ان الزوراكى واقعى جدا وانت عارف انه كان معايا
بس عموما موضوع قيم ومفيد ولك منى اعلى تقييم

التوقيع: اللهم احفظ مصر وجيشها وارحم شهدائها الابرار
  رد مع اقتباس


غير مقروء 15-06-27, 05:57 PM   #8
ابومسلم2005
المشرف العام

اوسمتي

 
ابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيدهابومسلم2005 لديه مشاركات جيده ابومسلم2005 غير متواجد حالياً

ادعوا لي انا صاحب الالهام
ههههههههه

التوقيع: انك لن تصل الى شئ فى الدنيا بغير الله فكيف تصل الى الله بغير الله
01010713004
  رد مع اقتباس


غير مقروء 15-06-27, 06:27 PM   #9
عاطف الشاذلى
مشرف قسم الاسلحه

اوسمتي

 
عاطف الشاذلى في بداية الطريقعاطف الشاذلى في بداية الطريقعاطف الشاذلى في بداية الطريقعاطف الشاذلى في بداية الطريقعاطف الشاذلى في بداية الطريق عاطف الشاذلى غير متواجد حالياً

اقتباس:
المشاركة الأصلية كتبت بواسطة ابومسلم2005 مشاهدة المشاركة
ادعوا لي انا صاحب الالهام
ههههههههه
مين الهام دى يا شيخ

التوقيع: اللهم احفظ مصر وجيشها وارحم شهدائها الابرار
  رد مع اقتباس


غير مقروء 15-06-27, 06:46 PM   #10
nour eltoureny
مشرف سوق المنتدى
 
nour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريقnour eltoureny في بداية الطريق nour eltoureny غير متواجد حالياً

اقتباس:
المشاركة الأصلية كتبت بواسطة aliessam97 مشاهدة المشاركة
ايه الحلاوه ديه يا اخ نور
بسم الله ماشاء الله
مسبتلناش حاجا نقولها يا جدع ليه كده
هههههههههههههه
هههههههههههه يا عم انا بس لميت الاسالة مش اكثر

  رد مع اقتباس

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 02:46 PM

الإعلانات