اقتراح: اصنع سكوبك بنفسك

[باسم الطيب]

السلام عليك ورحمة الله وبركاته
وصباح الورد ع اللى مش جمبو حد
وصباح الفل والياسمن ع قعدين منعنسين

انتم رأيكم ايه يا جماعه نظرا لغلاء اسعار السكوبات
كان فى طريقة كدة واحد صاحبى قالى عليها كانوا المدرسين بتوع اخوه عايزين نشاط عن العدسات فصاحبى ده عمل منظار لاخوه الصغير وكانت فكرته بسيطه قوى وهى انك"تحط عدسه محدبه (مكبرة) كبيرة وخلفها بمسافه مناسبه تحط عدسه مقعرة(مصغيرة) ويكون حجمها فى حجم عقله الإصبع تقريبا وتجيب زجاجة ماء بلاستيك وتقص القاعده وتلزق مكنها العدسه المكبره وفى فوهة الزجاجه الزق العدسه المصغره
وكل ما كبر حجم العدسه المكبرة كل ما كبرة الصورة اكتر
والله اعلم
ممكن نركبها ع بندقية ومع شوية تظبيط كده فى النشان تنفع زى الاسكوب
ايه رأيكم انتم يا ناس يا زوق؟

[ebrahem]

ممتاز كنت فين من زمان يا جميل. وازيد على كلامك ان ممكن تستعمل قطعة ماسورة pvc
وتظبت عليها العدسات اما الحسابات الخاصة بقطر العدسة وسماعتها والبعد بين العدستين دى موجودة فى اى كتاب عن الفيزياء الضوئية و محلات عدسات النظارات تقدر تعمل اى حاجة انت عايزها..
ومن مدة جاتلى فكرة تانية جاهزة بس محتاجة alignment مظبوط
وهيا تركيب كاميرا صغيرة شبة السكوب بزوم وليزر على البندقية..وافتكر انى شفت كاميرا مناسبة فى كارفور لكن معنديش وقت اعملها

[ebrahem]

up up up ...........

[باسم الطيب]

المشاركة الأصلية كتبت بواسطة ebrahem

ممتاز كنت فين من زمان يا جميل. وازيد على كلامك ان ممكن تستعمل قطعة ماسورة pvc
وتظبت عليها العدسات اما الحسابات الخاصة بقطر العدسة وسماعتها والبعد بين العدستين دى موجودة فى اى كتاب عن الفيزياء الضوئية و محلات عدسات النظارات تقدر تعمل اى حاجة انت عايزها..
ومن مدة جاتلى فكرة تانية جاهزة بس محتاجة alignment مظبوط
وهيا تركيب كاميرا صغيرة شبة السكوب بزوم وليزر على البندقية..وافتكر انى شفت كاميرا مناسبة فى كارفور لكن معنديش وقت اعملها

‏
شكرا يا هيما
هو ده الكلام مش تقولى حتت سكوب تمنه ضعف البندقية مرتين بصاحبها
هههههههه
حلو الفكره دى بجد انك تعمل الزوووم

[ahmed yasser]

الفكرة دى كنت واخدها فى ابتدائى وانا مش عايز احبطكم لكن بتهيألى ماتنفعش لأنك اذا ربنا وفقق وعملت العدسات عالازازة هاتعمل نيشان ازاى ولو عملتو هتخليه متحرك زى اللى فى الاسكوب عشان تظبطه ازاى ولو كل دا حصل هاتعملو قواعد ثابتة عالبندقية ازاى الاسكوب 3*7*20 ب 175 جنيه وممتاز جدا عالعموم ربنا يوفق وتعمل احسن اسكوب يا سيدى

[باسم الطيب]

المشاركة الأصلية كتبت بواسطة ahmed yasser

الفكرة دى كنت واخدها فى ابتدائى وانا مش عايز احبطكم لكن بتهيألى ماتنفعش لأنك اذا ربنا وفقق وعملت العدسات عالازازة هاتعمل نيشان ازاى ولو عملتو هتخليه متحرك زى اللى فى الاسكوب عشان تظبطه ازاى ولو كل دا حصل هاتعملو قواعد ثابتة عالبندقية ازاى الاسكوب 3*7*20 ب 175 جنيه وممتاز جدا عالعموم ربنا يوفق وتعمل احسن اسكوب يا سيدى

ربنا يخليك يا ابو حميد

مممممممممممم
هو عموما مشكلة التقريب والتبعيد محلوله
احنا ممكن نلزق العدسه المقعرة على خرطوم كهرباء بلستك بس مش الجامد لا النوع التانى اللى بيبقى فيه حلقات عشان يطول ويقصر ونقص حته منه ونلزق فى طرفها العدسه الصغيرة ونحطهم فى فم الزجاجه وبكده لما هنعوز نكبر الصورة ندخل الخرطوم لجوه والعكس صحيح
ومتهيألى اننا لو قسنا قطر العدستين وقسمناهم بالتساوى بقلم سبورة الى 4 تربع بالبرجل و المنأله ومع شوية تجارب فى التنشين هنعرف نثبتها فى مكان مظبوط بأفيز مثلا
؟؟؟؟

[hesham[MaFya]a]

السلام عليكم.. انا من اشد المعجبين بمقولة الحاجة ام الأختراع و ديه بداية كويسة جداً ان شاء الله نعمل حاجة حلوة سوا و لكن المشكلة زى ما قال الأخ المحترم احمد ياسر لو تم حلها هتتبقى لنا اكبر مشلكة ..! و هى رد فعل البندقية فمن اقل رد فعل اكيد هيقع كل ده..و لكن ان شاء الله طول ما فى مناقشة اكيد هنوصل لحل ان شاء الله.

[ahmed yasser]

ياباشا النيشان مابيكونش مرسوم على العدسة النيشان عبارة عن حلقة جوا الاسكوب ومتركب فيها خيطين رفيعين جدا لدرجة انى وانا صغير فتحت اسكوب ولمست السلكين دول وانقطعوا ولحد دلوقتى معايا المهم الحلقة اللى فيها السلكين بتكون متحركة بواسطة المفتاحين اللى برا عشان تتظبط فلو انت عملته على العدسة نفسها هتتظبط ازاى على العموم ربنا معاك وتعمل واحد حلو

[باسم الطيب]

ربنا يخليك يا ابو حميد
ععل فكرة يا زوق
انا جربت الحكاية دى من حوالى 3 او 4 شهور كدة وكانت حلوة قوى بجد وبتقرب جامد
بس مش متأكد بصراحة انها هتنفع لبندقية صيد