يا ترى حنعمل ايه يوم الجمعه (جمعه الغضب 2 )

pooforever_2010 · 11-05-25, 12:00 AM

السلام عليكم
اخوانى الاعزاء كنت عاوز اخد خبرة منكم
يا ترى حنعمل ايه فجمعه الغضب 2
انا بجد محتار
الشباب والناس اللى مش متعينه (زى انا كده )
متبهدله ومديونه لطوب الارض ولازم تنزل وتقف احتجاجا على الاوضاع تانى
والناس الكبيرة (اهالينا ) بتقول ان العمليه بوخت وبقت ثورة عيال
واللى خانقنى كلمه لازم نصبر لازم نصبر
طيب معلش انا اسف عندى سؤالين واللى حيدينى اجابه واضحه حسكت واكتم زهقى فقلبى ولو حموت
1_ ايه اتغير فالبلد لصالح الناس الغلابه (كل حاجه غليت اكتر من قبل الثورة واخرهم السجائر النهارده )
2_ لحد امتى جنصبر ولو ضبرنا لقمه العيش لحد الاحوال متنصلح ايه الضمان ان حلاقى اللقمه ومفيش بلطجى يجى يخطفها ولا يغتصب ولا يقتل حد من اهلى فى ظل التخاذل الواضح (من بعض عناصر الشرطه وليس كلهم )
واسف على الاطاله وشكرا

سيدخالد · 11-05-25, 12:06 AM

(ان الله مع الصابرين) صدق الله العظيم اصبر واصمد ولابد من الاصلاح العاجل القريب اصلاح ما اتلفة وافسده الاخرين ولعل وعسى جمعة الغضب ان تصنع المعجزات باذن الله تعالى وان يحاسب النظام السابق بالعدل حتى يعم الخير والرضاء على المجتمع باكمله جمعة الغضب المصرية الثانية من اجل انقاذ الثورة المصرية تحت شعار ( انا محستش بالتغيير ونازل تانى التحرير ) 27 / 5 / 2011م

smsmn8888 · 11-05-25, 12:08 AM

اولا - هو مش سحر يا جماعة يعني الثورة عدا عليها 100 يوم خلاص كل شئ هيتغير لا مش عصا سحريا يا جماعة لازم نصبر شوية
2- البلد بتنهارررررررررر من حوالينا واحنا واقفين بنشاهدها وهي بتقع
3- متقلقوش انتو كداا هتخلوهم يضبقو حكم عسكري فعلي في البلد علشان منموتش من الجوع
4- خربانا خربانا

pooforever_2010 · 11-05-25, 12:09 AM

الاخ العزيز يا ريت توضح لو نازل يبقى ليه
ولو لأ يبقى ليه
وشكرا

pooforever_2010 · 11-05-25, 12:12 AM

اقتباس:

المشاركة الأصلية كتبت بواسطة smsmn8888

اولا - هو مش سحر يا جماعة يعني الثورة عدا عليها 100 يوم خلاص كل شئ هيتغير لا مش عصا سحريا يا جماعة لازم نصبر شوية
2- البلد بتنهارررررررررر من حوالينا واحنا واقفين بنشاهدها وهي بتقع
3- متقلقوش انتو كداا هتخلوهم يضبقو حكم عسكري فعلي في البلد علشان منموتش من الجوع
4- خربانا خربانا

ياباشا هو فيه حاجه واحده حصلت كويسه للناس الغلابه اصلا

hesham[MaFya]a · 11-05-25, 12:13 AM

و الله عندك حق بس زى ما الاستاذ قال:-(ان الله مع الصابرين)

فيلمعربى · 11-05-25, 12:15 AM

بص من خلال كلامك واضح انك مستعجل على استقرار الاوضاع كلها مرة واحدة منها الوضع الامنى وانة لازم يستتب فجئة من يوم وليلة وغلو الاسعار برضة دة مش مشكلة البلد حاليا البلد بقت او كادت ان تفلس نتيجة المظاهرات والاعتصامات اللى كان كذا واحد من الدكاترة والعقلاء والسياسين بيحذروا منها فلازم علشان يبقى فية دخل داخل للبلد وعلشان يتم انخفاض الاسعار لازم الكل يعمل وينتج وموضوع الانفلات الامنى الى حد ما ابيتدى يستقر نوعا ما وانا شايف ان فية حلول للموضوع دة منها تخريج دفعة مبكرة من اكاديمة الشرطة والدفع بعناصر من القوات المسلحة

pooforever_2010 · 11-05-25, 12:17 AM

بس احنا كده مش صابرين احنا متخاذلين
اسمحلى اسأل استاذ سمسم
ليه القانون مش بيطبق غير على الغلابه بس
يعنى انا لو اتمسكت باى حاجه بحمى بيها نفسى
اتحاكم عسكرى ومحاكمه عاجله
والحراميه والقتالين بقالهم كانم شهر ومش بعيد بعد المماطله ى يطلعوا برأة (وده بدأ)
بكرة يحكموا على الشعب كله بالاعدام

فيلمعربى · 11-05-25, 12:17 AM

لازم الصبر وندى فرصة ان مصر تقف على رجليها من اول وجديد ودة مش هيكون فى يوم وليلة وبلاش الاستعجال حتى لا نجد انفسنا فى نهاية الامر فى خراب ودمار نتيجة المظهرات والاحتجاجات على الاوضاع حاليا لازم اعطاء الفرصة لمصر

RAMSES · 11-05-25, 12:18 AM

ان مع العسر يسر وبعدين اي ثوره في التاريخ لازم يكون فيها تداعيات وصعوبات وبعدين فعلن زي الاخ الي قال 100 يوم ميعملوش حاجه ولا يائسروا في دكترا عندي في الجامعه بتقول ان حاله الانفلات الامني وتعسر الاقتصاد هيطول شويه هيعوض سنتين علي الاقل وبعد كدا الحكومه الجديده الي هيخترها رئيس الجمهوريه المنتخب من الشعب هتتخذ تتبير هتساهم في الاقتصاد وهيلاحظاها المواطن فصبر وستحمل سنتين احنا بقلنا 30 سنه في الحال ده وبعدين عايز هقولك حاجه الاسعار الي غليت موش من الثوره علي فكره كدا كدا كانت هعتحصل وبذات في رمضان فصبر واسف علي الاطاله

monismod · 11-05-25, 12:18 AM

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

أخبر تعالى أنه يبتلي عباده [المؤمنين] أي: يختبرهم ويمتحنهم، فتارة بالسراء، وتارة بالضراء من خوف وجوع، وقال هاهنا ( بِشَيْءٍ مِنَ الْخَوْفِ وَالْجُوعِ ) أي: بقليل من ذلك ( وَنَقْصٍ مِنَ الأمْوَالِ ) أي: ذهاب بعضها ( وَالأنْفُسِ ) كموت الأصحاب والأقارب والأحباب ( وَالثَّمَرَاتِ ) كما قال بعض السلف: فكانت بعض النخيل لا تثمر غير واحدة. وكل هذا وأمثاله مما يختبر الله به عباده، فمن صبر أثابه [الله] ومن قنط أحل [الله] به عقابه. ولهذا قال: ( وَبَشِّرِ الصَّابِرِينَ )

pooforever_2010 · 11-05-25, 12:20 AM

لا استقرار ولا حاجه والله يا جماعه انا فنار
وقلتها مليون مرة هنا
عندنا كل يوم خناقات وضرب نار وسرقات وقتل
ووالله فعز الضهر ولما نتصل بالقسم نقولوا خناقه يقولكك سبوهم يخلصوا على بعض
ولما نقول حد اتصاب يقولك وديه المستشفى وهناك حيعمل محضر
ايه المنطق القرف ده
بذمتكم مش حرام

pooforever_2010 · 11-05-25, 12:28 AM

يا اخوتى معلش استحملونى
اخر حاجه ممكن اقولها لو دققنا النظر حنلاقى البلاوى اللى فينا كلها
من الداخليه بسبب التخاذل
البلطجه سبب اكتر الاحتجاجات والفتن
دانا سمعت خبر فالتلفزيون
الاخوة المسحيين اثناء اعتصامهم امام ماسبيرو (وده حقهم )
بعد ماحدث فإمبابه ولو كان حصل فجامع كنت حبيقى مكانهم
نزل عليهم البلطجيه وضرب نار ومولتوف والشرطه لم تتدخل الا بعد ساعه
والحجه العقيمه كنا فانتظار الاوامر بالتعامل
ساعه يا ناس تخيلوا ساعه كام واحد كان ممكن ينقذوهم من الموت او الاصابه
بجد حرااااااااااااااااااااااااااااااااااااااااام

mahmoud el masry · 11-05-25, 12:54 AM

مش عارف اقول اية غير بلاش لعب العيال دة البلد بتنهار عيب اوى كدة كفاية البلد مش مستحملة المطالب فئوية وبعدين مبحبش حكاية مفيش شغل دى لا فى شغل فى شغل هو فعلا مبتشتغلش بالشهادة بتعتك ولا فى مجال تخصصك لاكن لو على الفلوس هتجيب فلوس البلد مليانة قطاعات خاصة ومتقوليش ان انا مش حاسس بمشكلتك انا واحد من الناس الى اشتغل فى اولاد رجب وحتت تنية كتير وكنت بجيب فلوس محترمة ومش عيب ان يكون معاك شهادة محترمة وتشتغل فى محل لا العيب انى افضل اشتكى وانعى حظى وعلى العموم نصبر شوية البلد مش هينصلح حلها من يوم وليلة الفرج قريب ان شاء الله وبلاش نفكر هناخد اية من البلد تعالوا نفكر هنوقفها على رجليها من تانى اذاى وارجو من صاحب الموضوع ان يتقبل مشاركتى بصدر رحب

pooforever_2010 · 11-05-25, 12:57 AM

المشكله مش مشكله انعدام الشغل المشكله انه محدش بيديك قرش غير لما بيجيب اخرك واكيد انت عارف عدد ساعات الشغل الكتير والمرتب الذى لا يضاهى التعب
ومش بس كده انت معرض وانت مروح انك تتسرق ويمكن تتقتل عشان اللى معاك
ويا ريت بلاش كلمه لعب عيال دى عشان بتزعل بجد

mahmoud el masry · 11-05-25, 01:06 AM

لا يا فندم حقق على انا اسف والله مقصدش بس هنعمل اية لاذم كلنا ناخد بيد البلد دى لانى فعلا حزين عليها لان فعلا البلد بتنهار

وانا اسف لو كنت زعلتك

محمود صالح · 11-05-25, 01:09 AM

السلام عليكم
الاول لازم نشوف وضع البلد لما الحرمية سابت البلد بعد الثورة سيبا البلد ازاى عاملة اية
اولا ؛ شوف موضوع الوظايف اللى موجودة شوف الوضع كان عامل اية موظفين عطلانة علشانلو حبيت تخلص ورقة تلف على اكتر من 6---7 موظفين وطبعا دة الروتين ولاكن دة علشان يكترو عدد الموظفين
ثانيا : بعد كدة شوف الاستثمار اللى فى البلد هتلاقى
1- الصناعة : خراب وغلق معظم المصانع ودة طبعا علشا الاستيراد لمصلحة ناس معينة
2 - الزراعة اصبح الربح فى زراعة الفاكهة وفى تصديرها اللى بتزرع فى المزارع اللى على الطرق الصحراوية ومعروف دية بتاعة مين وجعل الزراعة للمواد الاساسية مثل القمح لايأتى بتكلفة الزراعة
ودة بردة لسبب استيراد السماد من الخارج بأسعار عالية بسبب ارتفاع مكاسب المستوردين الهمة بردة كلانا عرفنهم وبيصيفو الان فى طره
3- واخيرا المقاولات والتشيد ودة طبعا الحاجة الوحيدة اللى كانت معقولة وبردة كان فى ناس بعنة عية اللى محتكرة كل شئ والباقى فرافيت .

تخيل الوضع دة وانك انت رئيس الوزراء وبتحل الموقف دة فى الوضع دة هتعمل اية

وبجانب حاجة مهمة انك لايمكن يكون عندك تنمية وجلب استثمارات من الخارج الا فى حالة ان البلد يكون فيها استقرار واستقرار امنى .
ام من ناحية الاستقرار الامنى فدة مش سهل بعد الانكسار الشديد اللى حصل فى الشرطة
والتمرد الحالى من بعض الضبا ط

يبقى علشان الكلام دة يتحل يبقى بيدحك عليك اللى يقول هوظف او ادى شقق هو الشقق دية موجودة عندة فى الدولاب
كل اللى موجود الان من شقق ملك المحافظات والاجهزة هو بالفعل مباع من قبل البنا ء
فلا تجعلو احد يتعامل مع الشعب انة عيل صغير بيضحك علية بكلمتين

والاخر اداء الحكومة الحالية ليس بالسئ وهى مطغوطة ومحملة بأعباء لايطيق بها احد من الدمار والفساد الداخلية اللى كان موجود ولا زال وبتحاول تتخلص منة

يبقى لازم نصبر على الناس دية يأما كل واحد يجى يجلس يومين وقبل ميحل حاجات محتاجة سنين لحلها ننقلب علية ويجى واحد جديد يبتداء من اول وجديد

ورائى عدم الخروج لطلب حلول لاءن ان الله لايكلف نفس الا وسعها

pooforever_2010 · 11-05-25, 01:12 AM

اقتباس:

المشاركة الأصلية كتبت بواسطة mahmoud el masry

لا يا فندم حقق على انا اسف والله مقصدش بس هنعمل اية لاذم كلنا ناخد بيد البلد دى لانى فعلا حزين عليها لان فعلا البلد بتنهار

وانا اسف لو كنت زعلتك

شكرا لتفهم حضرتك
ومفيش اعتذار بين الاخوة
شكرا لحضرتك

xman · 11-05-25, 01:16 AM

التاريخ يعيد نفسه . رحم الله جمال عبد الناصر.

pooforever_2010 · 11-05-25, 01:18 AM

استاذ محمود صالح
كلام سيادتك جميل جدا
كل النقط اللى حضرتك وضحتها
حلها حاجه واحده بس ادى الناس المن والامان حتاخد عنيهم
ساعدهم حيسعدوك
يا باشا طول ايام الثورة
مين كان بيحمى اهلى واهلك غيرى انا وانت
من كان بيحمى الجامه والكنيسه غير محمد وجرجس
لو ركزت فالكلام ده
اكيد حتعرف انه اللى جوة طرة لاند لسه بيلعبوا برجالتهم
عشان البلد تولع اكتر ونقولهم الحقونا
تعالوا ادونا على قفانا بس احمونا
بس ده بامر الله مش حيحصل

koktal · 11-05-25, 01:18 AM

اقتباس:

المشاركة الأصلية كتبت بواسطة pooforever_2010

بس احنا كده مش صابرين احنا متخاذلين
اسمحلى اسأل استاذ سمسم
ليه القانون مش بيطبق غير على الغلابه بس
يعنى انا لو اتمسكت باى حاجه بحمى بيها نفسى
اتحاكم عسكرى ومحاكمه عاجله
والحراميه والقتالين بقالهم كانم شهر ومش بعيد بعد المماطله ى يطلعوا برأة (وده بدأ)
بكرة يحكموا على الشعب كله بالاعدام

القانون مش ضد الغلابة بس والدليل هوا الوضع اللى الرموز السابقة فيها دلوقتى .. واول محاكمة بالاعدام لأمين شرطة قتل اكثر من عشريين متظاهر .. تسمح حضرتك تقولى >>>>فين اللى ضد الغلابة بس..؟!! ......يا أخى اصبر وما صبرك الا بالله ..

pooforever_2010 · 11-05-25, 01:19 AM

بس يا جماعه بعد احترامى لاخوتى كلهم ووجهه نظرهم
ليه الكل واخد موقف سلبى
معقول محدش حيشارك يوم الجمعه
لا اله الا الله

pooforever_2010 · 11-05-25, 01:21 AM

اقتباس:

المشاركة الأصلية كتبت بواسطة koktal

القانون مش ضد الغلابة بس والدليل هوا الوضع اللى الرموز السابقة فيها دلوقتى .. واول محاكمة بالاعدام لأمين شرطة قتل اكثر من عشريين متظاهر .. تسمح حضرتك تقولى >>>>فين اللى ضد الغلابة بس..؟!! ......يا أخى اصبر وما صبرك الا بالله ..

بذمتك
ده كلام يعقل امين شرطه قتل 20 مره واحده لوحده
طيب ازاى
انا زمايلى كلهم امناء
تسليحهم
طبنجه 8 طلقات
ولا كان بياخد ال3 بطلقه
وهى الناس كانت وقفاله يعنى

ابو علي · 11-05-25, 01:21 AM

اقتباس:

المشاركة الأصلية كتبت بواسطة monismod

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

أخبر تعالى أنه يبتلي عباده [المؤمنين] أي: يختبرهم ويمتحنهم، فتارة بالسراء، وتارة بالضراء من خوف وجوع، وقال هاهنا ( بِشَيْءٍ مِنَ الْخَوْفِ وَالْجُوعِ ) أي: بقليل من ذلك ( وَنَقْصٍ مِنَ الأمْوَالِ ) أي: ذهاب بعضها ( وَالأنْفُسِ ) كموت الأصحاب والأقارب والأحباب ( وَالثَّمَرَاتِ ) كما قال بعض السلف: فكانت بعض النخيل لا تثمر غير واحدة. وكل هذا وأمثاله مما يختبر الله به عباده، فمن صبر أثابه [الله] ومن قنط أحل [الله] به عقابه. ولهذا قال: ( وَبَشِّرِ الصَّابِرِينَ )

كلام جميل وطيب ولكن لم يأمرنا الله عز وجل أن نذهب للبلاء بأرجلنا وأن نوقع أنفسنا في البلاء ..كما قال رسولنا الكريم محمد بن عبد الله صلى الله عليه وسلم __ لا تتمنوا لقاء العدو واسألوا الله العافية __ فليس معنى أن الشهادة في سبيل الله خير أن نتمنى البلاء ولقاء الأعداء ..

للأسف نحن من أوقعنا أنفسنا فيما نحن فيه الآن والصبر هذا الذي تتكلم عنه كان يجب أن يُستخدم فبل أحداث هذه الثورة المشؤمة ولو كنا أمتثلنا لأمر ربنا الذي ذكرته انت من الصبر وغيرنا من أنفسنا أولا وأصلحنا من أحوالنا مع بعضنا لكان فضل الله علينا كبير وعظيم ولكان ابدلنا حاكم أفضل وأصلح

ولكننا ما زلنا على تفريطنا في دين الله ونسرق بعضنا ونغلي على بعضنا ونسرق في الموازين ونخوض في أعراض جيراننا ونغش في البيع والسلع ونعق ابائنا ونشاهد المحرمات ونسمع الغنا والخنا وتسير النساء متبرجات والصلاة تُصلى والناس على القهاوي وفي البيوت ... ثم يخرج الناس يطلبون ألتغير للأحسن ..... هيهات هيهات ...

إن ما نحن فيه الآن وما هو قادم إنما هذا عقوبة من الله عز وجل لعدم الصبر والتغيير بلا سير على منهج الله في دينه .. والحقيقة الوحيدة أنه لن يُرفع كل هذا لا بمظاهرات ولا إنقلابات ولا إعتصامات إنما هو بالإعتراف بالذنب أولا ثم التوبة منه ..

koktal · 11-05-25, 01:24 AM

لان العملية مسخت اوى .. وهما بيتلككوا على الصقطة واللقطة .. فا احنا ننساهم شوية عشان يقدروا يركزوا فى عملهم .. لان المجلس العسكرى عليييه ضغط والله يا جماعة غيير عادى

pooforever_2010 · 11-05-25, 01:24 AM

معنى كلام حضرتك الاعتذار للرئيس السابق

pooforever_2010 · 11-05-25, 01:26 AM

اقتباس:

المشاركة الأصلية كتبت بواسطة koktal

لان العملية مسخت اوى .. وهما بيتلككوا على الصقطة واللقطة .. فا احنا ننساهم شوية عشان يقدروا يركزوا فى عملهم .. لان المجلس العسكرى عليييه ضغط والله يا جماعة غيير عادى

ده اللى مجننى اللى مش عاوز يشتغل من الشرطه يقعد فبيته احسن ويدى فرصه للجديد
هو مش حاسس انه نزوله الشغل بما يرضى الله ممكن ينقذ حياه انسان برئ
بس هو بينام مرتاح مهو سلاحه معاه وبيضرب فاى وقت بيه

gamopt80 · 11-05-25, 01:28 AM

انا الصراحه مش نازل , هنزل ليه الي نازلين نازلين علشان عايزين الدستور يتعدل الاول وعلشان طلبات تانيه مش هتحصل في يوم وليله, وبنسبه للدستور ودا حصل فيه استفتاء والاغلبيه قالت لا يبقى انتهي الكلام مش من حق الي هينزلوا يطلبوا بعكس ارادت الاغلبيه
وبعدين بحس ان الي بينظم المظهرات دي فاضيين قوي, ما نسيب الحكومة تشوف شغلها البلد في وضع صعب!!

dr_mohasan · 11-05-25, 01:29 AM

اقتباس:

المشاركة الأصلية كتبت بواسطة pooforever_2010

ده اللى مجننى اللى مش عاوز يشتغل من الشرطه يقعد فبيته احسن ويدى فرصه للجديد
هو مش حاسس انه نزوله الشغل بما يرضى الله ممكن ينقذ حياه انسان برئ
بس هو بينام مرتاح مهو سلاحه معاه وبيضرب فاى وقت بيه

يا ترى شفت رسالتى عالخاص ؟؟؟

koktal · 11-05-25, 01:31 AM

اقتباس:

المشاركة الأصلية كتبت بواسطة pooforever_2010

معنى كلام حضرتك الاعتذار للرئيس السابق

لأ طبعا .. انا لم اقل ذلك .. بس الامور تهدأ مش اكتر .. عشان الناس تشوف اكل عشها .. لأن فى ناس اعرفها حالهم واقف من اللى بيحصل ده .. واحنا الحمد لله عملنا انجاز رهييب ..

pooforever_2010 · 11-05-25, 01:34 AM

اولا بحترم وجهه نظرك فعدم النزول
ويا باشا الناس مش نازله تهزر ولا عشان الدستور
عشان سرعه المحاكمه واستقرار البلاد امنيا وماديا وكل حاجه
ورجاء متقولش دى ناس فاضيه
لان الناس الفاضيه فيهم كتير ناس ضحت عشنا ولا مش معيا
نورت الدنيا يا باشا

pooforever_2010 · 11-05-25, 01:35 AM

اقتباس:

المشاركة الأصلية كتبت بواسطة dr_mohasan

يا ترى شفت رسالتى عالخاص ؟؟؟

جارى الرد يا دكتور

pooforever_2010 · 11-05-25, 01:35 AM

اقتباس:

المشاركة الأصلية كتبت بواسطة koktal

لأ طبعا .. انا لم اقل ذلك .. بس الامور تهدأ مش اكتر .. عشان الناس تشوف اكل عشها .. لأن فى ناس اعرفها حالهم واقف من اللى بيحصل ده .. واحنا الحمد لله عملنا انجاز رهييب ..

والله لو حسبتها حتلاقى وقف الحال بسبب الانفلات الامنى

gamopt80 · 11-05-25, 01:36 AM

اقتباس:

المشاركة الأصلية كتبت بواسطة koktal

لأ طبعا .. انا لم اقل ذلك .. بس الامور تهدأ مش اكتر .. عشان الناس تشوف اكل عشها .. لأن فى ناس اعرفها حالهم واقف من اللى بيحصل ده .. واحنا الحمد لله عملنا انجاز رهييب ..

الي الناس مش عارفاه ان المظهرات دي مبتخليش السياح ينزلوا مصر, طول ما في مظهرات ومشاكل في مصر لا سياحة ولا اقتصاد ولا اي نيلة
بس هنقول ايه الفاضي يعمل قاضي , الدولة بتعمل الي بتقدر عليه وفي ضغط عليهم, ايه فايدة المظاهره ما هما عارفين مطالب الشعب وحافظينها

gamopt80 · 11-05-25, 01:38 AM

اقتباس:

المشاركة الأصلية كتبت بواسطة pooforever_2010

اولا بحترم وجهه نظرك فعدم النزول
ويا باشا الناس مش نازله تهزر ولا عشان الدستور
عشان سرعه المحاكمه واستقرار البلاد امنيا وماديا وكل حاجه
ورجاء متقولش دى ناس فاضيه
لان الناس الفاضيه فيهم كتير ناس ضحت عشنا ولا مش معيا
نورت الدنيا يا باشا

على فكره والله مقصدكش بموضوع ناس فاضيه, انا بتكلم على حزب شباب الثوره "ائتلاف شباب الثوره "والناس دي هي دي شغلتهم فا احنا مش هنمشي وراهم كل ما ينزلوا اعلان في الفيس بوك نجري وراهم دا الي اقصده, وعلى فكره اهدافهم غير اهدافك
والمطالب بتتحقق بس واحده واحده الضغط الزياده مش هيفيد بالعكس

واوعى تزعل من راي لو هتزعل ممكن امسحه علشانك

pooforever_2010 · 11-05-25, 01:39 AM

لا يا باشا الناس دى مش فاضيه ولا حاجه
وهو لو مفيش مظاهرات السواح حيجوا بعد كل الاخبار السوده عن القتل والسرقه والاغتصاب
اللى ماليه الدنيا كلها
حرام عليك تقول كده

pooforever_2010 · 11-05-25, 01:41 AM

اقتباس:

المشاركة الأصلية كتبت بواسطة gamopt80

على فكره والله مقصدكش بموضوع ناس فاضيه, انا بتكلم على حزب شباب الثوره "ائتلاف شباب الثوره "والناس دي هي دي شغلتهم فا احنا مش هنمشي وراهم كل ما ينزلوا اعلان في الفيس بوك نجري وراهم دا الي اقصده, وعلى فكره اهدافهم غير اهدافك
والمطالب بتتحقق بس واحده واحده الضغط الزياده مش هيفيد بالعكس

واوعى تزعل من راي لو هتزعل ممكن امسحه علشانك

لا يا باشا متمسحش حاجه دى وجهه نظرك
وانا بتبادل معاك الراى والاكنت عملت الموضوع (يلا ننزل الثورة 2 )
شكرا لحضرتك

koktal · 11-05-25, 01:41 AM

اقتباس:

المشاركة الأصلية كتبت بواسطة gamopt80

الي الناس مش عارفاه ان المظهرات دي مبتخليش السياح ينزلوا مصر, طول ما في مظهرات ومشاكل في مصر لا سياحة ولا اقتصاد ولا اي نيلة
بس هنقول ايه الفاضي يعمل قاضي , الدولة بتعمل الي بتقدر عليه وفي ضغط عليهم, ايه فايدة المظاهره ما هما عارفين مطالب الشعب وحافظينها

بالظبط كدا المظاهرات بقت تعمل رعب فى البلد .. فا نحكم عقلنا افضل .. من التسرع

pooforever_2010 · 11-05-25, 01:44 AM

والله مش المظاهرات الاجانب بتحب التحرر
بس بتخاف من البلطجه والارهاب

gamopt80 · 11-05-25, 01:45 AM

ماهو انت لازم تحدد انت نازل ليه لو نازل علشان قضية الامن, فا انا معاك انزل بس والله وخليك فاكر كلامي هتنزل هتلاقي اغلب الي نازلين علشان اهداف تانيه خالص, ائتلاف شباب الثوره نازلين علشان موضوع الدستور واغلب الي نازلين علشان الموضوع ده تبع حزب ساويرس, ودا اهم مطلب عندهم, وموضوع المحاكمات انا مش شايف داعي لمظاهرات علشانه لانهم بيتحاكموا فعلا والقضاء عليه ضغط رهيب وربنا يعينهم

pooforever_2010 · 11-05-25, 01:47 AM

تمام حضرتك بدات تفهمنى
الشغل الشاغل الوحيد اللى المفروض يبقى فدماغنا هو الامن بس برضه مننساش الباقى صح

koktal · 11-05-25, 01:48 AM

اقتباس:

المشاركة الأصلية كتبت بواسطة pooforever_2010

والله مش المظاهرات الاجانب بتحب التحرر
بس بتخاف من البلطجه والارهاب

يا باشا اللى تشوفوا صح اعملوا .. بس المهم متكنش زعلت من اراءنا .. انتا طلبت النصح والناش تجاوبت معاك .. تحياتى

pooforever_2010 · 11-05-25, 01:51 AM

اقتباس:

المشاركة الأصلية كتبت بواسطة koktal

يا باشا اللى تشوفوا صح اعملوا .. بس المهم متكنش زعلت من اراءنا .. انتا طلبت النصح والناش تجاوبت معاك .. تحياتى

يا باشا والله مزعلت
لو زعلت يبقى الموضوع باطل
وابقى انا بكدب عليكم وعلى نفسى
البلد دى عشان تنصلح لازم نسمع راى معارضينا قبل المؤيدين
عشان الكمال لله وحده واكيد حنستفاد
بجد شرفنى كل من تجاوب معى شكرا ليكم اخوتى

ادم عبد ربه · 11-05-25, 02:18 AM

تسمحلى ارد

اولا بالنسبة للسؤال الاول مفيش حاجة اتغيرت لأن احنا اصلا متغيرناش نفس سلوكنا زى ما هو عايزيين كل حاجة على الجاهز وكل واحد يمشى البلد بمزاجه الحاجة غلت ابشرك الزميل العزيز لان معظم الناس اللى معاه فلوس وعايزة تشغلها مشت من البلد بعد ما صبرو علينا وقبضونا شهرين من جيوبهم وفى الاخر قالك يا عم دى ناس عايزة تقبض من غير ما تشتغل دول بتوع مظاهرات مش بتوع انتاج وبالتالى الانتاج قل والبورصة رايحة فى داهية والسياحة خربت وحنا لسه مستنين الحكومة تجيبلنا وتعملنا وتاخد بادينا اصل احنا غلابة وكلنا عايزين نشتغل فى البترول يا الكهرباء كده يعنى وكمان دول مش عاجبهم واضعهم وعايزين ذيادة

ثانيا محدش قالك اصبر عادى يعنى البلطجية هيزيدو بدل الواحد 1000 وبدل ماهيقلبونا فى الشارع هيطلعوا البيوت عادى وممكن بعد كده نوصل او اسف نرجع لزمن الفتوات والشرطة هترفع ايديها هى والجيش لان احنا مبنسمعش كلامهم وبنموت فى الفوضى تصبر على ايه يا استاذى الفاضل
الشباب اللى ماتو فى الثورة دفعوا اغلى ما عندهم حياتهم علشنى وعلشانك وعلشان ملايين من الناس تعيش محترمة واحنا للاسف احنا اللى ضيعنا دمهم هدر مش حد تانى

طيب افكرك بحاجة ممكن

بيان للشرفاء من أهل مصر .... عهد جديد .... وابدأ بنفسك
مـــــــــــــــن الــــــــــــــــــــــــــيوم
====================هذه بلدك انت .. لا تصنع "مبارك" أخر.. صمتك وضعفك هما من صنعا مبارك وهذا عهد جديد نصنعه بأيدينا

" القسم الرسمى لكل مصرى من الآن"

أقسم بالله العظيم .. ان التزم بما لى وما علي تجاه هذا الوطن .. وان اقوم بكل اخلاص بعملى على اكمل وجه من اجل رخاء هذا البلد وتقدمها .. والا اسكت على اى حادثة فساد وان اسعى لكشف كل ماهو فاسد امامى .. وأن أضحى بكل ما هو غالى ورخيص من أجل تراب مصرنا العظيمة .. وأن أقوم بالارتقاء بأخلاقى للأفضل من أجل مجتمع طاهر وأفضل .. والى الامام دائما ...يا مصر ..
================================
لا تلقي الـزبالة بالشـوارع ،لا تكـسر إشـارة المرور، لا تـدفـع رشـوة، لا تـــزوّر ورقة .
لا تسمح لـظابط يـعذب مصــري زيك... لا تسمح لاي شرطــى يـهـينك وقـدم فيه شـكوي .
لا تهرب من مخالفة فإن أخطأت فإنصاع للقانون ولا تدفع رشوة تبدأ بها عهدا فاسـدا جـــديدا .
· لا تكن سلبيا واضرب يد الظلم دوما .. لا تتســاهل مع المخطأ وواجــهه بتصرفـــاته الخاطــئة .

· إوعي تنسى حريتك أبداً.. إوعي ماتشتركش في الانتخابات.. إوعي تبيع صوتك بأي ثمن.
· إوعي تنسي احترامك لنفســك وللأخرين .. إوعــي تــهين حد .. إوعــي تســخر مـن حد .
إوعي تسمح لمسئول يتجاهلك أو يبتزك وتذكرأنه يعمل لكى يخدمك ولولاك ماكــان هــو .
· إوعي تقول انا واقف فى ملك الحكومة بل انت تقف فى ملكك .. فهذه " مصــر " وطــنك.
إوعي تقول انا مالى بل هو مالك إوعـي تقول ماليــش دعـــوة بل انت صاحب الدعــــوة .

أنا ســأقــرأ دســـتور وقوانــــين وطـــني لأعـــــرف حــقـوقــي وواجــباتى الـقـانـونيــة .
أنا مش حادفع رشاوي ولا إكراميات تانى في المرور والأقسام والمصالح الحــكوميــــة .
أنا سأقدم بلاغ ضد أي تعدي من رجل شرطة حتى لوكان سايق عربية بالاتجاه المعاكس.
أنا مش ناوي أعاكس بنات لإنهم اخواتى المصريات. أنا سأفخر ببــلدي أمـــام الأجـــانب.
أنا سأتطوع لمساعدة الـــناس وسأعامـــلهم باحـــترام وسأقدر ظـــروفهم ومــــعـاناتهم .
· أنا سأشجع صناعات بلدي .. أنا سأبــلغ جــهاز حـــماية المــستهلك عن أي غش سلعي .

\

ملحـــــــــــوظه صغيره لو بجد نفسك ف التغير يستمر وتفضل فى حريه.....َ

ثورة 25 يناير...ليست فرصة للتغيير السياسي فحسب وإنما فرصة ليثبت كلا منا وطــنيته

انا ولا انت ولا غيرنا عملنا ايه من الكلام ده

pooforever_2010 · 11-05-25, 02:22 AM

بجد كلامك جميل جدا جدا جدا
بشكرك من كل قلبى والله
الله يرحمهم شهداء الثورة
ويا رب ميروحش دمهم هدر بسبب ناس غير مسئوله

fidodido · 11-05-25, 04:14 AM

يا جماعه مصر هتعلن افلسها على رمضان و وزير الماليه قال احنا فى يوم الاحتجاج الواحد بنخسر ملايين انا كده كده نازل يوم الجمعه انشأ الله لسببين او تلاته ١ ميدان التحرير قريب جدا منى ٢ انا تهئت من المذكره ٣ عاوز اساعد الناس

pooforever_2010 · 11-05-25, 04:17 AM

اقتباس:

المشاركة الأصلية كتبت بواسطة fidodido

يا جماعه مصر هتعلن افلسها على رمضان و وزير الماليه قال احنا فى يوم الاحتجاج الواحد بنخسر ملايين انا كده كده نازل يوم الجمعه انشأ الله لسببين او تلاته ١ ميدان التحرير قريب جدا منى ٢ انا تهئت من المذكره ٣ عاوز اساعد الناس

يعنى لو بعيد ولا زهقان مش حتنزل
لازم تكون مقتنع ان فيه ناس كتير نازله
طلبا للامان ولقمه العيش
وشكرا

fidodido · 11-05-25, 04:35 AM

مهو لقمه العيش دى احنا الى لازم نشتغل علشان نجبها يعنى معلش الواحد لازم يجى على نفسه شويه و يشتغل اي حاجه خلاص حتته التعيين دى انتهت و الى يقول ان لسه فى تعين يبقى بيوهم نفسه و بيوهم غيره معلش لو العدد الغفير ده بدل مايطلع على التحرير و راح يدور على شغل و يقدم فى كذا مكان انشأ الله نص الى هيقدم هيتقبل محدش يقولى الشغلانه دى مش مقامى معلش يا سيدى تعالى على نفسك لحد ماتلاقى شغلانه العمر و تشتغل و تاخد انشا الله ٥٠٠ جنيه بدل ما متخدش حاجه و تخسر البلد

fidodido · 11-05-25, 04:37 AM

و احنا ناسيين ان السياحه ابتدت ترجع تانى و فنادق شرم و الغردقه مافيهاش عماله و محتجين ناس كتير

ادم عبد ربه · 11-05-25, 07:20 AM

اقتباس:

المشاركة الأصلية كتبت بواسطة fidodido

مهو لقمه العيش دى احنا الى لازم نشتغل علشان نجبها يعنى معلش الواحد لازم يجى على نفسه شويه و يشتغل اي حاجه خلاص حتته التعيين دى انتهت و الى يقول ان لسه فى تعين يبقى بيوهم نفسه و بيوهم غيره معلش لو العدد الغفير ده بدل مايطلع على التحرير و راح يدور على شغل و يقدم فى كذا مكان انشأ الله نص الى هيقدم هيتقبل محدش يقولى الشغلانه دى مش مقامى معلش يا سيدى تعالى على نفسك لحد ماتلاقى شغلانه العمر و تشتغل و تاخد انشا الله ٥٠٠ جنيه بدل ما متخدش حاجه و تخسر البلد

يا بيه احنا عايشين على السلف عايشين عوالة امريكا تعطف علينا بكم مليار
والسعودية تكسر عنينا بكم مليار زيهم مظاهرات ايه ويوم الغضب على ايه انا مش فاهم ومعنديش مشكلة اغضب بس لازم اقدم المصلحة العامة على المصلحة الخاصة خلينا احنا بنتكلم على اسعار مواد غذائية طيب ده شهرين ولا تلاتة بالكتير ومش هيبقى فيه مواد للطاقة معناه ان مفيش كهرباء ( يعنى مفيش حضانة لطفل لسه مولود، مفيش غرفة عمليات هتتفتح ،مفيش اى جهاز انت تتخيله ) المغرب ننور لمبة الجاز ونقعد حواليها وقابل يا معلم على الجرائم طبعا

ادم عبد ربه · 11-05-25, 07:25 AM

اقتباس:

المشاركة الأصلية كتبت بواسطة fidodido

و احنا ناسيين ان السياحه ابتدت ترجع تانى و فنادق شرم و الغردقه مافيهاش عماله و محتجين ناس كتير

مفيش سياحة انا جاى لسة من مامورية شغل فى فندق الفور سيزن شرم 3غرف بس لسياح روس وباقى الفندق خرابة هوا والله انا صعب عليا صاحب الفندق ولا موظف الاستقبال الى بيشتغل وهو خايف ليمشى من شغله بسبب ناس ملهاش شغلانة غير المظاهرات والاحتجاجات يقف رزقه وميساعدش مع اخوه ولا اخته فى تعليمها الله يرحمكم يا شهداء الثورة ويسامحنا على اللى عملناه فيكم

Mohamed Mahmoud · 11-05-25, 07:46 AM

اقتباس:

المشاركة الأصلية كتبت بواسطة ادم عبد ربه

مفيش سياحة انا جاى لسة من مامورية شغل فى فندق الفور سيزن شرم 3غرف بس لسياح روس وباقى الفندق خرابة هوا والله انا صعب عليا صاحب الفندق ولا موظف الاستقبال الى بيشتغل وهو خايف ليمشى من شغله بسبب ناس ملهاش شغلانة غير المظاهرات والاحتجاجات يقف رزقه وميساعدش مع اخوه ولا اخته فى تعليمها الله يرحمكم يا شهداء الثورة ويسامحنا على اللى عملناه فيكم

كلام صح 100*100 انا مدير فى فندق فى 6اكتوبر نسبة الشغال عندنا 15% والنسبة الشهر الجاى 5% يا رجالة فى اكبر دولة فى العالم امريكا الرئيس بيتحاسب بعد 3 اشهر من تولية الرئاسة وطبعا هناك مفيش مشاكل و لا مظاهرات زى عندنا دلوقتى احنا بنخسر كل شهر فى السياحة مليار دولار كل السيائحين الان رحوا دبى و تركيا
البلد مش هتبقى كويسة من يوم وليلة اكيد هتاخد وقت احنا بدانا ناخد من المخزون الاستراتيجى ولو فضلنا كدة اخر السنة مش هنلاقى حاجة
لازم احنا اللى نتغير نبدا بانفسنا
البلد بتتخرب -عايزنا نبقى زى العراق واللة دة مخطط خارجى احنا صبرنا 30 سنة مش عارفين نصبر سنة والا اتنين
انا مش هنزل يوم 27 ان هروح اشوف شغلى واكل عيشى انا وولادى

عبده ناني · 11-05-25, 11:03 AM

ان الله لا يغير ما بقوم حتى يغيرو ما بأنفسهم .. احنا محتاجين كل واحد فينا يعمل ثوره على نفسه .. ولما كل واحد يصلح نفسه ساعتها ربنا هيكرم البلد كلها ..

msa_79 · 11-05-25, 11:37 AM

اقتباس:

المشاركة الأصلية كتبت بواسطة عبده ناني

ان الله لا يغير ما بقوم حتى يغيرو ما بأنفسهم .. احنا محتاجين كل واحد فينا يعمل ثوره على نفسه .. ولما كل واحد يصلح نفسه ساعتها ربنا هيكرم البلد كلها ..

استاذ عبده بصراحه حضرتك جبت المفيد
انا عارف ان رأيي مش هايعجب معظم الناس
الحقيقة في رايي ان الثورة دي اصلا في حد ذاتها غلط لاننا بالثورة دي بنتحدي سنة ربنا في الكون
احنا عايزين نغير ما بينا بدون ان نغير ما بانفسنا
المفروض لما تبني بتبدأ من تحت لفوق
انا شايف اننا عايزين نبني من فوق لتحت
طبعا انا ضد اثورة اصلا مش عشان انا مع النظام القديم ولا انا من الفلول والكلام الفاضي اللي مالي وسائل الاعلام اليويمن دول
انا ضدها لاني شايف ان الناس كان لازم تعمل ثورة علي نفسها الاول وتصلح من نفسها الاول وبعد ما كل واحد يصلح من نفسه كان قبل ما يثور علي النظام يثور علي الجزار اللي مغلي اللحمه عليه ويقاطعه ياجماعه كام دعوة اتعملت لمقاطعة اللحمة واغيرها من السلع اللي ولعت نار بدون اي سبب غير الاستغلال من التجار وجشعهم واللي لسه موجود الحد النهارده
وبعد ما الناس تثور علي الفاسد في نفسها والفساد اللي حواليها في شغلها وفي منطقتها بعدها تبقي تثور علي النظام (وللسبب ده دينا محرم الخروج علي الحاكم لان مفاسده اعظم من فوايده)

استاذ pooforever_2010 انا حاسس بحضرتك كويس اوي بالرغم من اني الحمد لله مش متاثر اوي باللي حصل حتي الان
بس انا متأكد ان الدور جاي عليا
ماهي دي مشكلتنا كلنا طول ما المشكلة بعيده عني يبقي مليش دعوة بس احب اقول للناس كلها افتكرو قصة الثيران الثلاثة وان كل واحد هاييجي عليه الدور ويتاكل برده
بالنسبة ليوم الغضب التاني رأيي انه مش هايعمل حاجه بالعكس هو هايدمر اكتر ويأخر اكتر لان كل ما بيحصل حاجات زي دي الاقتصاد بيتهد اكتر والشركات اللي قادرة تستحمل وفاتحه هاتقفل وم شهاتقدر تقاوم اكتر ويزيد العاطلين وبالتالي تزيد الجريمه والسرقة والبلطجه
وربنا يرحمنا جميعا برحمته ويعدينا من الايام دي علي خير
واختم كلامي بقول سيدنا عمر بن الخطاب ضي الله عنه
نحن قوم كنا اذلة فأعزنا الله بالاسلام فمتي ابتغينا العزة في غير الاسلام اذلنا الله

abdalla nabel · 11-05-25, 11:59 AM

اقتباس:

المشاركة الأصلية كتبت بواسطة smsmn8888

اولا - هو مش سحر يا جماعة يعني الثورة عدا عليها 100 يوم خلاص كل شئ هيتغير لا مش عصا سحريا يا جماعة لازم نصبر شوية
2- البلد بتنهارررررررررر من حوالينا واحنا واقفين بنشاهدها وهي بتقع
3- متقلقوش انتو كداا هتخلوهم يضبقو حكم عسكري فعلي في البلد علشان منموتش من الجوع
4- خربانا خربانا

انا معك في هذا الكلام شكرا

mero1x · 11-05-25, 12:15 PM

اللى عايزين مصر تتغير اقولهم
لو عملتوا مليون مظاهرة ولا حاجة هتتغيير /// لو عايزين البلد تتغير للأحسن ارجعو ل
( ان الله لا يغير ما بقوم حتى يغيروا ما بأنفسهم ) صدق الله العظيم

اللى عايز ينزل مظاهرة علشان يشتغل واللى مش عايز ينزل مظاهرة علشان يحافظ على ما تبقى من شغلة اقولهم
(وفى السماء رزقكم وما توعدون) صدق العلى العظيم

نظرة عامة على المقف الراهن لمصر فى نقط موجزة

مصر لكتير من فئات المجتمع دبيحة اللى يقدر ياخد منها حاجة ياخد (سرقة وبلطجة ومطالب فئوية و جمعيات ولجان لحكم البلد من الباطن )

الحكومة : دايرة تشحت من دول العالم على الرغم من انها لو من بداية الثورة بنوا كام مصنع كانوا شغلوا كام الف
ولو زرعوا كام فدان كانوا اكلو الناس وصدروا الباقى

محاكمة الفاسدين :
اكبر خزوق الشعب المصرى لبسة لما واحد ملهوش فى السياسة قال محاكمة سريعة ( منة لله)
العاقل عايز محاكمة (للعبرة والردع المستقبلى)
السفية عايز محاكمة (لرد الفلوس المنهوبة)
مبدئياً اللى هيرجع من فلوس البلد 1% من المسروق فعلياً
الثورة وما صاحبها من ركود اقتصادى عدت مليارات المليارات فلو ربنا وفق ورجعنا كل الفلوس بتاعة البلد راحة (سد عجز عن شهر واحد)

الدستور وتغيرة :
مش وقتة خالص وكان من باب اولى منعملش استفتاء ونقف فى الشمس من صباحية ربنا للفجر من الاول

الخوف :
ان الاخوة اللى رايحن المظاهرة علشان يشتغلو او يعدلو الدستور او يحاكموا فلان وعلان
يستغلوا من قبل (عناصر خارجية طمعانة فى الدبيحة اللى بتحتضر) ويطلعو بمظاهرة بتنادى بأقالة المشير ويتم انقلاب على الجيش (مصادر موثوق فيها)
والجيش لو رد طلقة يبا انا لله وانا الية راجعون وانتم فاهمين قصدى .
وللعلم ممكن اى حد يلبس عسكرى ويعمل اللى ما يتعمل والشعب غلبان معاهم معاهم عليهم عليهم

اللى يحب مصر ميديش فرصة للكلام دة .

و

msa_79 · 11-05-25, 12:18 PM

اقتباس:

المشاركة الأصلية كتبت بواسطة mero1x

اللى عايزين مصر تتغير اقولهم
لو عملتوا مليون مظاهرة ولا حاجة هتتغيير /// لو عايزين البلد تتغير للأحسن ارجعو ل
( ان الله لا يغير ما بقوم حتى يغيروا ما بأنفسهم ) صدق الله العظيم

اللى عايز ينزل مظاهرة علشان يشتغل واللى مش عايز ينزل مظاهرة علشان يحافظ على ما تبقى من شغلة اقولهم
(وفى السماء رزقكم وما توعدون) صدق العلى العظيم

نظرة عامة على المقف الراهن لمصر فى نقط موجزة

مصر لكتير من فئات المجتمع دبيحة اللى يقدر ياخد منها حاجة ياخد (سرقة وبلطجة ومطالب فئوية و جمعيات ولجان لحكم البلد من الباطن )

الحكومة : دايرة تشحت من دول العالم على الرغم من انها لو من بداية الثورة بنوا كام مصنع كانوا شغلوا كام الف
ولو زرعوا كام فدان كانوا اكلو الناس وصدروا الباقى

محاكمة الفاسدين :
اكبر خزوق الشعب المصرى لبسة لما واحد ملهوش فى السياسة قال محاكمة سريعة ( منة لله)
العاقل عايز محاكمة (للعبرة والردع المستقبلى)
السفية عايز محاكمة (لرد الفلوس المنهوبة)
مبدئياً اللى هيرجع من فلوس البلد 1% من المسروق فعلياً
الثورة وما صاحبها من ركود اقتصادى عدت مليارات المليارات فلو ربنا وفق ورجعنا كل الفلوس بتاعة البلد راحة (سد عجز عن شهر واحد)

الدستور وتغيرة :
مش وقتة خالص وكان من باب اولى منعملش استفتاء ونقف فى الشمس من صباحية ربنا للفجر من الاول

الخوف :
ان الاخوة اللى رايحن المظاهرة علشان يشتغلو او يعدلو الدستور او يحاكموا فلان وعلان
يستغلوا من قبل (عناصر خارجية طمعانة فى الدبيحة اللى بتحتضر) ويطلعو بمظاهرة بتنادى بأقالة المشير ويتم انقلاب على الجيش (مصادر موثوق فيها)
والجيش لو رد طلقة يبا انا لله وانا الية راجعون وانتم فاهمين قصدى .
وللعلم ممكن اى حد يلبس عسكرى ويعمل اللى ما يتعمل والشعب غلبان معاهم معاهم عليهم عليهم

اللى يحب مصر ميديش فرصة للكلام دة .

و

كلامك حاد بس في الجون

EGY GLADITOR · 11-05-25, 12:24 PM

طيب فيه ايه ما الناس حلوة وبتفهم ومشغلة مخها لازمته ايه البلبلة دى الله ينور على احلى منتدى وازكى رجالة وعلى فكرة شكر خاص للاخ ادم عبد ربه

بدر · 11-05-25, 12:25 PM

تسلم ايدك يا استاذ امير
بس مع الاسف الناس ودن من طين وودن من عجين
واسف اكتر انى اقول ان احنا شعب تجمعنا طبلة وتفرقنا عصا
وخلاص احنا كسبنا الثورة ووقعنا النظام انما اللى بيحصل دة هيوقع البلد وكفاية بقى
ارحمونا

mero1x · 11-05-25, 01:01 PM

يا بدر باشا البلد فعلاً وقعت وادمها لو راعنا ربنا فى شغلنا وفى الانتاج مش اقل من سنتين لأن الرئيس الجديد اللى هيمسك البلد هتلاقى وقفات ضدة كل يوم وانتقادات حتى لو كان نبى نازل من السما .

بضم صوتى لصوتك واقول ارحمووووووونا وركزوا فى شغلكم ومتنتظروش نتائج قبل سنة على الاقل من تولى الرئاسة

دا ربنا سبحانة وتعالى خلق الارض فى 6 ايام ب (كن)

ما بالك البشر اللى هيغيروا اقتصاديات وتخطيط وسياسات وبأفعال يلزمهم اد اية ؟؟؟

smsmn8888 · 11-05-25, 01:36 PM

عارفين المشكلة فين ان الاخوة السلفيين الذي مطلعوش التورة اصلا وبيعملو مظاهرات خاصة ليهم هما بس ؟؟ظ
بيقول ان الذي هيطلع يوم الجمعة كافر و ملحد وعلماني بصراحة شئ مستفذ ورخم
انا مش معا المظاهرة بتاعت يوم الجمعة ولا معا كلام السلفيين طبعا بس القصة كلها ان لبد من الصبر شوية علي الاقل نمنع المظاهرات لمدة شهرين ويتفق الكل علي ذلك مع العلم انت تا في الاحلام ان الناس يتفقو اصلاا بس اها محاولة ونشوف السوق هيحصل في اة البلد احوال الاقتصاد بعد ذلك اعملو الذي انتو عايزينو
معلومة صغيرة اوى حسني مش هيتحاكم ولا واحد هيقدر يعملو حاجة نهائي واسالو الجيش يا باشاوات تا رائيس جمهورية لمدة 30 سنة شغلو عقلكو شوية

pooforever_2010 · 11-05-25, 03:44 PM

الف شكر لكل اخوتى بجد اتشرفت جدا بردودكم
وحتى اللى معارضنى استفدت من كلامه
بس اوضح لكم والله انا خايف برضه على البلد زيكم واكتر
واللى راعبنى اكتر الحوداث اللى هنا
وزى ماخ فاضل قال
النهارده هنا بكرة فباقى الاماكن وربنا يسترها عليكم
تخيلوا الانفلات الامنى ده فالمناطق العشوائيه ومحدش عارف يلمه
امال لو بقى فكل البلد
اكيد حتبقى جهنم
وبعد احترامى ليكم شوفوا احصائيات الحوادث كل يوم
تعرفوا ان الناس اللى بتقول كلها سنه ولا اتنين والحياه تتعدل
على متتعدل يبقى نص الشعب مات ياما اغتصب ياما اتسرق
بالذمه مش حرام عشان جهاز الشرطه خايف يقوم بواجبه
ازاى فرد امن يقول خايف ولما هو خايف ميقعد فبيته
ولا عاوزنا نرجع لايام زمان وكل منطه تشوف فتوة يحميها
واخيرا شكرا ليكم على الافاده
اخوكم الصغير/ محمد سعيد

Ahmed Ghoneim · 11-05-25, 05:02 PM

نعمل وقفات كبيرة بس بدون اعتصامات وتعطيل للبلد

التلميذ · 11-05-25, 05:11 PM

انا رأئى ( فسألو أهل الذكر إن كنتم لا تعلمون ) كل واحد يسئل الشخص الذى يثق فى دينة وعلمة ماذا نفعل يوم يوم الجمعة

gamopt80 · 11-05-25, 05:53 PM

smsmn8888 يا باشا بلاش النظره دي للسلفيه على فكره انت لما بتتكلم عن السلفيه او تتهمهم انت كده بتتهم نفسك وبتتهم الاسلام , لان السلفيه هي الاسلام وكلنا سلفية!!, ارجوك اعرف معنى كلمة سلفيه لان دا منهج اتباع قول وعمل , والسلفي هو التابع لمنهج السلف رضوان الله عليهم
ومش معنى ان واحد مربي دقنه وعمل حاجه غلط او قال وجهة نظر غلط نتهم السلفيه كلها!!
انا بستغرب قوي من الي بيتكلموا على السلفيه كانهم اعداء او ارهابيين وانهم عايزين يخربوا البلد !
للاسف طبعا بعض الاعلام ليه دور كبير في كده,وبيحاول يعمل غسيل دماغ للمواطن العادي ويكره في اي شيء اسلامي علشان يوصلوا للي عايزينه فا ارجوك حكم عقلك شويه ومتمشيش ورى كل كلمه يقولها اعلامي خبيث عايز يلغي ويفصل الدين عن الدولة باسم التحضر ! ويوصل الناس فكرة ان السلفية بيخربوا وبيحرقوا وبيدمروا...

وربنا يستر على عقيدتنا ودينا الاسلامي!
--------------------------------------------
smsmn8888 انا طبعا مكنتش اعرف ان حضرتك مسيحي الا لما اخ نبهني, مش همسح ردي السابق ولكن اسمحلي ارد على حضرتك
انا طبعا مكنتش افضل اننا ندخل في نقاش بخصوص اتهامك للسلفيه علشان ميكونش كلامي يدايق اي مسيحي, ومحدش يقولي انت بتعمل مشاكل....
لكن ما دام حضرتك فرضت اتهام عليهم من حقي كا مسلم ارد بحترام زي ما ديني علمني
اولا السلفيه زي ما قولت في ردي فوق هي الاسلام لما حضرتك تتهم السلفيه او تتكلم عنهم كانك بتتكلم عن كل مسلم, واعتقد حضرتك متقبلش اني انتقد رمز من رموز المسيحيه او القساوسة ودا الي بيأمرنا بيه الاسلام وبيرفض اننا نتعدى ولو بالكلام على اهل الكتاب, واعتقد دا واضح حتى مع الفارق في المواقع الاسلامية وبعكس المواقع المسيحية الي 24 ساعه سب وشتم
ثانيا الجماعه السلفيه اكتر ناس عانت من الظلم في مصر , وعمرهم ما طلبوا حماية من اي دولة او اي حد لانهم وطنيين وعندهم انتماء وبيحبوا بلدهم
ثالثا اعتقد موقف البابا شنودة ورموز المسيحية الكبار كان واضح من الثوره وطلبوا ان محديش ينزل , فا غريب ان حضرتك تنتقد السلفيين وتنسى مواقف الكنيسة

رابعا ودا خارج الموضوع ولكن للتوضيح, اي شخص بيتعدى او يساعد على التعدي على كنيسة او دار عبادة او يظلم حد من اهل الكتاب الاسلام و السلفيه بريئه منه والآيات والاحاديث الي بتحث وتأمر على بر اهل الكتاب ومعاملتهم بالحُسنى واعطائهم حقوقهم كتيره جدا

اتمنى حضرتك فهمت ردي

ملحوظة: ردي مش لغرض عمل مشكله ردي لهدف التوضيح لا اكثر, وحاولت اني اختصر وانتقى كلام ميجرحش حد و لو حضرتك عايز مزيد من النقاش معنديش مشكلة

essam assem · 11-05-25, 06:16 PM

اقتباس:

المشاركة الأصلية كتبت بواسطة gamopt80

smsmn8888 يا باشا بلاش النظره دي للسلفيه على فكره انت لما بتتكلم عن السلفيه او تتهمهم انت كده بتتهم نفسك وبتتهم الاسلام , لان السلفيه هي الاسلام وكلنا سلفية!!, ارجوك اعرف معنى كلمة سلفيه لان دا منهج اتباع قول وعمل , والسلفي هو التابع لمنهج السلف رضوان الله عليهم
ومش معنى ان واحد مربي دقنه وعمل حاجه غلط او قال وجهة نظر غلط نتهم السلفيه كلها!!
انا بستغرب قوي من الي بيتكلموا على السلفيه كانهم اعداء او ارهابيين وانهم عايزين يخربوا البلد !
للاسف طبعا بعض الاعلام ليه دور كبير في كده,وبيحاول يعمل غسيل دماغ للمواطن العادي ويكره في اي شيء اسلامي علشان يوصلوا للي عايزينه فا ارجوك حكم عقلك شويه ومتمشيش ورى كل كلمه يقولها اعلامي خبيث عايز يلغي ويفصل الدين عن الدولة باسم التحضر ! ويوصل الناس فكرة ان السلفية بيخربوا وبيحرقوا وبيدمروا...

وربنا يستر على عقيدتنا ودينا الاسلامي!

كلام حضرتك 100*100 ودية المشكلة اللى ناس كتير مش عرفها احنا كلنا سلفيين السلفي هو التابع لمنهج السلف رضوان الله عليهم كما قال اخى الكريم تحياتى

احمد حسن ادريس · 11-05-25, 09:07 PM

السلام عليكم ورحمة الله وبركاته
اولاً احنا لازم ننزل فى جمعة الغضب 2
احنا لينا مطالب غير اللى انت قولتها بجانب طبعاً كل اللى انت قولته

احنا عايزين القانون ياخد مجراه وباْقصى سرعه
لاْن الفساد الادارى واضح زى الشمس لكل مسئول عن وزاره وكبيرهم كمان ومراته وولاده وشوية المنتفعين اللى تحته على طول

احنا مش هنستنى لما يستخدموا الثغره اللى فى قانون تنظيم السجون الماده (36) اللى بتسمح بالإفراج الصحى عن مبارك وحرمه

( كل محكوم عليه يتبين للطبيب أنه مصاب بمرض يهدد حياته بالحظر، أو يعجزه عجزا كليا يعرض أمره على مدير القسم الطبى للسجون لفحصه بالاشتراك مع الطبيب الشرعى للنظر فى الإفراج عنه)

ونستنى بقى لما القضاء يقول كلمته

حسنى مبارك.. أفندم.. اخلاء سبيل
سوزان ثابت.. أفندم.. إخلاء سبيل
زكريا عزمي.. أفندم.. إخلاء سبيل
فتحي سرور.. أفندم.. إخلاء سبيل
مفيد شهاب.. أفندم.. إخلاء سبيل
إبراهيم كامل.. أفندم.. إخلاء سبيل

الشعب المصري.. أفندم.. 15 يوم بتهمة البلاغ الكاذب

الجلسه الثانيه

الجلسة الثانيه بمقتضى قانون العقوبات يستمر حبس الشعب المصرى المجنى علية لاجل غير مسمى لاجل غير مسمى والزامة بالتعويض عن الاضرار الجسيمة لهدم دولة مبارك وعاءلتة لذ تم الزامة بتعويض لايقل عن 90000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 00000000000000000000000000000000000000بليون دولار والاشغال الشاقة الى يوم الدين

فمينفعش مننزلش لازم ننزل عشان لو تلاحظ ان فى كل مظاهره بتحصل بنضغط على المجلس العسكرى فبيعجل فى الاحكام

لازم ندافع عن ثورتنا بكل تمن حتى لو تمنها ارواحنا

===============================
الشعب يريد محاكمة الفساد

smsmn8888 · 11-05-25, 09:40 PM

اولاانا بحيك بشدة علي اسلوب في الحديث
القصة كلها اني قراءة الخبر بخصوص ثورة الجمعة في اكتر من جريدة وكان رد الاخوان عدم المشاركة و السلفيين ولكن كان رد السلفيين اشد قوة وقسوى بتوجية الاتهام الي من يتزل التحرير يوم الجمعة انة كافر وملحد و علماني للاسف انا حزين لوصولنا لاختلاف الاراء بالشكل المفزع تا ياليت تكون فهمت مقصدي
حكاية رفد الكنيسة دخول الثورة تا برضو كان راي الازهر في الثورة وراي 70 % من مصر قبل الثورة ورفضهم ليها ولكن بعد ما قامت الثورة لم يصدق احد ما حدث
للاسف انا طول عمرى اعلم ان السلفيين هم ناس بيعملو بتعاليم الاسلام ولا يسعو الي استخدم القوة او الارهاب ولكن ماذا حدث بعد الثورة لهم ارجو التفسير وهل انضم بعض الاشخاص المتطرفين تحت مظالة السلفية ؟؟؟؟ فهمت المقصود
ويارب ننسي بقي الكلام تا كله والبلد تشتغل شوية لازم الناس تعرف ان الفلوس مش هتتوزع علينا ولا هتيجي اصلااا

smh86 · 11-05-25, 09:53 PM

السلام عليكم جميعا
اولا الوضع العام وخاصة الوضع الأمنى ميسرش وخصوصا تخاذل الشرطه بس أنا قرأت اِن المجلس العسكرى هيشيل وزير الداخليه وهيحط مكانه وزير من المجلس العسكرى قريب .وأنا شايف اِن بعض المطالب جيده لكن بعض المطالب فى رأى مش كويسه مثلا وضع مجلس رئاسى وتشكيل لجنه لتعديل الدستور طيب كنا عملنا أستفتاء ليه . وما هو لما أنا أروح علشان المطالب الكويسه يبقى انا زودت العدد وبقيت محسوب على اِنى بأيد كل المطالب .ولازم ندى فرصه للمجلس مش دهاللى أخترناه. وطبعا الانفلات الامنى معروف انى سببه توابع النظام السابق وعلى فكره كل الجرايم دى موجوده من زمان . بس الاعلام بيحبكه أوى اليومين دول.وبسه لحال ليبيا وسوريا واليمن أحنا نحمد ربنا على الجيش المصرى أنا مش نازل

smsmn8888 · 11-05-25, 09:58 PM

اقتباس:

المشاركة الأصلية كتبت بواسطة smh86

الوضع العام وخاصة الوضع الأمنى ميسرش وخصوصا تخاذل الشرطه بس أنا قرأت اِن المجلس العسكرى هيشيل وزير الداخليه وهيحط مكانه وزير من المجلس العسكرى قريب .وأنا شايف اِن بعض المطالب جيده لكن بعض المطالب فى رأى مش كويسه مثلا وضع مجلس رئاسى وتشكيل لجنه لتعديل الدستور طيب كنا عملنا أستفتاء ليه . وما هو لما أنا أروح علشان المطالب الكويسه يبقى انا زودت العدد وبقيت محسوب على اِنى بأيد كل المطالب .ولازم ندى فرصه للمجلس مش دهاللى أخترناه. وطبعا الانفلات الامنى معروف انى سببه توابع النظام السابق وعلى فكره كل الجرايم دى موجوده من زمان . بس الاعلام بيحبكه أوى اليومين دول.وبسه لحال ليبيا وسوريا واليمن أحنا نحمد ربنا على الجيش المصرى أنا مش نازل

اتفق معاك في الكثيرمن ارائك
فعلا احنا افضل من الباقي بس برضو فيتانس تانية احسن منا بكتير ؟؟؟؟؟ الانسان لازم يشكر ربنا علي كل شئ هو ادراء بما افضل لنا

gamopt80 · 11-05-25, 10:45 PM

smsmn8888 وانا بحي حضرتك بشده على احترامك , ودا يدل انك راجل وطني بتحب مصر وخايف عليها
بنسبه للكلام ايل بينشر خاصتا على السلفيه متاكد 100% انه كدب, وعلماء ومشايخ السلفيه معروفين ومستحيل يقولوا كده, والتكفير عندنا امر كبير جدا مش لعبه يعني, وبعدين ماهو الاعلام معروف انه بيلقط اي كلمه من اي حد ويعمل منها مانشت كبير ويفبرك الخبر

بنسبه للاشخاص الي بتقول عنهم, دول اصحاب فكر متطرف ولا ينتموا لا للسلفيه ولا للاسلام , والاسلام بريء منهم, منهج السلف واضح وغير قابل لا للتعديل او لاهواء المتطرفين , وعلى فكره انا على علاقة بالاحزاب السلفية وعارف فكرهم كويس جدا, ووالله العظيم الي القسم بيه احسن من اي شيء, الناس دي لا عايزه خراب ولا بيقبلوا تعدي او استخدام للعنف ابدااا
واي شخص متطرف بيترفض وبيهاجم بشده وبينزل مواضيع في المواقع الاسلاميه والسلفيه تنتقد افعاله بالدليل من منهج الرسول صلى الله عليه وسلم, وانا واحد من الناس نزلت مواضيع بتهاجم بشده التعدي الي حصل على الكنائس , والرسول صلى الله عليه وسلم قال «ألا من ظلم ذمياً أو انتقصه من حقه أو كلفه فوق طاقته أو أخذ منه شيئاً بغير طيب نفس فإنا خصيمة يوم القيامة» وغيرها كتير من الاحاديث والآيات....
فا ازاي ينسب لسلفي اي فعل تخريب او تعدي على دار عبادة اذا كان دا منهج الاسلام!
ومتنساش ان في طوائف غير اهل السنه والجماعة بتحاول بدورها كمان تشوه السلفيه باي شكل, وناس كتير ليهم مصلحة لتشوية صورة السلفية وعمل فتنه
وحتى لو سلفي عمل شيء غلط او ليه فكر مختلف عن اجماع السلفيين فدا يحاسب عليه هو مينفعش التعميم لانه مبدأ غلط سواء للمسلمين او المسيحيين

وفعلا محتاجين نهتم بشغلنا وننسى الكلام ده ونبعد عن المظاهرات والمشاكل الي بتعطل حال البلد
ونقف ضد اي شخص بيحاول يسيء للبلد ويخربها او يتعدى على الاديان سواء المسيحية او الاسلام

ويارب يحفظ مصر ويتعدل حال البلد ونبقى احسن

smh86 · 11-05-25, 10:57 PM

اقتباس:

المشاركة الأصلية كتبت بواسطة smsmn8888

اتفق معاك في الكثيرمن ارائك
فعلا احنا افضل من الباقي بس برضو فيتانس تانية احسن منا بكتير ؟؟؟؟؟ الانسان لازم يشكر ربنا علي كل شئ هو ادراء بما افضل لنا

معاك حق فى ناس أحسن منا بكتير .بس دائما البناء أصعب من الهدم . وصعود السلم درجه درجه وشكرا على ذوقك واحترامك

smh86 · 11-05-25, 11:10 PM

اللى يقولك السلفيين كانوا فين ساعة الثورة ..

معلش يا جما عه الفيديو ده عجبنى

smsmn8888 · 11-05-26, 12:24 AM

اقتباس:

المشاركة الأصلية كتبت بواسطة smh86

اللى يقولك السلفيين كانوا فين ساعة الثورة ..معلش يا جما عه الفيديو ده عجبنى

انت عارف ان المشكلة ان قالو ان الاخوة الذي كانو مربين ذقنهم هم تبع الاخوان وناس قالو لاااا دول شيوخ من الازهر وناس تانين بس تا كان في لبيبيا قالهم مش شايفن دول ارهابيين مش شايف الدقون هههه مجنون
في نهاية الامر من المستحيل ان حد يستطيع ان يقول مين كان في التحرير لان كلهم مصريين مصريين قامو بثورة لا ينسها التاريخ ولن ينساها الحكام والروئس في المستقبل
القصة كلها ان كبار القوم والشيوخ والاباء الكهنة ايام الثورة قالو متنسلوش الشوارع البلد هتدمر دول عايزين يولع البلد تا اجندة من الخارج لا تات اسرائيل لا امريكا ياراجل لا حماس لااا قطر لاااا ايران في النهاية تا ماس كهربي ؟؟؟؟؟؟؟؟؟؟؟؟؟؟؟؟

heckler · 11-05-26, 11:45 AM

موضوع هام ، لكن بصراحة الرؤية حتى الان غائبة عن مصر ، ولكن يوجد شىء حقيقى واقعى واحد يجب علينا جميعا ان نفعله اذا اردنا اصلاحا ، الا وهو : العمل ، علينا بالعمل واختيار الشرفاء ، وتطبيق الامر الالهى " ان خير من استأجرت القوى الامين " ، وكذلك " أقرأ " كما فعلت ماليزيا " ويجب ان يعلم الجميع ان الحكومة الحالية تبذل جهدا صادقا وتحتاج فقط الى مساعدتنا وتشجيعنا ولا تستعجلوا النتيجة فالخير مع العمل الصادق قادم قادم لامحالة والله الموفق والمستعان على ما تصفون .

شبرا · 11-05-26, 12:20 PM

أن رأييء خير الأمور الوسط.لازم ننزل بس مش علشان فاكرين الأمور حاتتغير في خلال 24 ساعة . الموضوع محتاج سنين.أيوة سنين لازم نؤمن بده.ولازم نعرف أن ثورة 56 أخدت 3 سنين علشان الأمور تستقر على سبيل المثال رغم أن الوضع كان مختلف فبالمنطق لما يكون الفساد عمره 30 سنه تفتكر ياخد أد إيه علشان نعاجه.لو واحد عمره 30 سنة ما بيصليش محتاج أد إيه علشان تنصحه ويبدأ يصلي.أنا معاك أن فيه تباطأ علشان كده بقولك أنزل بس لازم تفهم أن الأمور مش حاتتحل قبل 3 أو 4 سنين لو حتي ملائكة بيحكمونا.هو ده اللي لاذم نتعايش معاه.يعني السياحة مثلا (وده خطأ) كبير استعجلو عليها قبل الأمور ماتتحسن , إيه اللي حصل ؟ اللي حصل أن اللي كان بيسمع بس جى وشاف !يمكن اللي سمع كان حايجي السنة الجاية بس اللي شاف مش حايجي قبل 10 سنين.ومثال تاني هو الإعلان اللي بندفع فيه ملايين علشان دعوة السياح لمصر على السي ان ان واللي بيتعرض بعد النشرة تماما واللي فيها أخبار المصايب اللي في مصر!!!!ده كلام والنبي؟!هي دي نتيجة الاستعجال

شبرا · 11-05-26, 12:24 PM

تعليق بسيط يا جماعة بلاش نساير الهوجة اللي بتهاجم السلفيين علشان ناس متدينين ونقول هما كانوا فين!طب هو أي واحد فينا كان فين ؟البرادعي كان فين؟ في النمسا و مستشار رئيس الوزرا الجديد كان في أمريكا و عمرو حمزاوي كان في ألمانيا وغيرهم وغيرهم اللي مش عارفين أساميهم.انا مش سلفي بس بحترم اي شخص قال من لا إله إلا الله فبلاش نساير موجه مهاجمة الأخوان والسلفيين.مع أحترامي للجميع

pooforever_2010 · 11-05-26, 01:29 PM

اقتباس:

المشاركة الأصلية كتبت بواسطة شبرا

تعليق بسيط يا جماعة بلاش نساير الهوجة اللي بتهاجم السلفيين علشان ناس متدينين ونقول هما كانوا فين!طب هو أي واحد فينا كان فين ؟البرادعي كان فين؟ في النمسا و مستشار رئيس الوزرا الجديد كان في أمريكا و عمرو حمزاوي كان في ألمانيا وغيرهم وغيرهم اللي مش عارفين أساميهم.انا مش سلفي بس بحترم اي شخص قال من لا إله إلا الله فبلاش نساير موجه مهاجمة الأخوان والسلفيين.مع أحترامي للجميع

نورتنى وافدتنى يا باشا

Yasser Arafa · 11-05-26, 01:59 PM

أنا شايف أن النزول يوم الجمعة للتظاهر خطأ فادح لأن نتيجتة خراب البلد مش صلاحها

لا يوجد هدف و مضمون حقيقى للتظاهر الأن

العمل الأن أهم بكتيير من التظاهر

الحكومة الحالية لا تملك عصا سحرية لحل مشاكلنا

المجلس العسكرى وقف مع الثورة الحقيقية و لولاة لكانت البلد فى خراب

رموز الحكم السابق فى السجون و يجب ترك الأمر للقضاء

مش عايزين نخرج من ديكتاتورية مبارك عشان ندخل فى ديكتاتورية و إرهاب الثورة

العمل هو المطلوب الأن و ليس التظاهر

braveheart · 11-05-26, 02:20 PM

أخواني الأعضاء ... الموضوع يتلخص في الأتي :

القوات المسلحة لا تملك عصا سحرية لتغيير الأمور بالسرعة المطلوبة ... مش عاوزين ننسي إننا بنصلح فساد لمدة 30 سنة .. يعني أجيال أتربت علية و أنا بعزر الناس لأنها وجدت أخيرا طريقا للحرية بعد كبت سنين طويلة ... و لكن في نفس الوقت لا نريد أن نستغل الحرية أستغلال خاطئ.

كما أن القوات المسلحة كانت بعيدة كل البعد عن الأمور الداخلية و المشاكل المدنية ، فمن الطبيعي أن نجد تباطؤ في حل المشكلات.

و أنا مع الإنتظار ... مع المراقبة و تقصي الأمور ... حتي لا تضيع أهداف الثورة في نفس الوقت ، و لكن أنظروا إلي الأمر بنظرة أخري .. سنلاحظ أن شباب الثورة و معظم تياراتها ... أنكروا معرفتهم بالجهة المنظمة لهذه الجمعة !!! ... مما يجعلني أشك في أيدي خفية أخري تتلاعب بعقول الناس ... لأهداف أخري لا يعلمها إلا الله .... و قد أكون مخطئا.

طلعت مجدي · 11-05-26, 02:27 PM

ان مع العسر يسر يارب اكرمنا وارحمنا

pooforever_2010 · 11-05-27, 04:31 AM

اقتباس:

المشاركة الأصلية كتبت بواسطة طلعت مجدي

ان مع العسر يسر يارب اكرمنا وارحمنا

ابو عاصم · 11-05-27, 08:07 AM

سؤال الى الداعين الى ثورة الغضب الثانية على من نغضب ومن اجل ماذا نتظاهر ونعتصم ان كانت نواينا صادقة واهدافنا نظيفة الطريق الصحيح و العملي لمواصلة ثورتنا الحقيقية الحالية يكون بتقديم المساعدة والتقويم عند الحاجة، لا بالمواجهة والتخوين أو الدفع باتجاه الوقيعة بين الشعب وجيشه العظيم الذي هو الداعم الأساسي لنجاح ثورته ؛ الأمر الذي قد يستغله البعض المتأمر لتحقيق أهداف بعيدة عن خيارات الشعب المصري وثورته. ولا تسوا ان امريكا لن تسمح بنجاح تجربة الجيش المصرى فى حمايه الثورة والشعب لانها ضد فكر الفوضى الخلاقة التى تريد اعماله لخلق شرق اوسط جديد

pooforever_2010 · 11-05-28, 03:30 AM

ان مع العسر يسر يارب اكرمنا وارحمنا

11-05-25, 12:00 AM	#1
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	يا ترى حنعمل ايه يوم الجمعه (جمعه الغضب 2 ) السلام عليكم اخوانى الاعزاء كنت عاوز اخد خبرة منكم يا ترى حنعمل ايه فجمعه الغضب 2 انا بجد محتار الشباب والناس اللى مش متعينه (زى انا كده ) متبهدله ومديونه لطوب الارض ولازم تنزل وتقف احتجاجا على الاوضاع تانى والناس الكبيرة (اهالينا ) بتقول ان العمليه بوخت وبقت ثورة عيال واللى خانقنى كلمه لازم نصبر لازم نصبر طيب معلش انا اسف عندى سؤالين واللى حيدينى اجابه واضحه حسكت واكتم زهقى فقلبى ولو حموت 1_ ايه اتغير فالبلد لصالح الناس الغلابه (كل حاجه غليت اكتر من قبل الثورة واخرهم السجائر النهارده ) 2_ لحد امتى جنصبر ولو ضبرنا لقمه العيش لحد الاحوال متنصلح ايه الضمان ان حلاقى اللقمه ومفيش بلطجى يجى يخطفها ولا يغتصب ولا يقتل حد من اهلى فى ظل التخاذل الواضح (من بعض عناصر الشرطه وليس كلهم ) واسف على الاطاله وشكرا __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 12:06 AM	#2
سيدخالد مشرف الصيد البري تاريخ التسجيل: Feb 2011 المدينه: الهرم_جيزة المشاركات: 1,105 معدل تقييم المستوى: 11	رد: يا ترى حنعمل ايه يوم الجمعه (جمعه الغضب 2 ) (ان الله مع الصابرين) صدق الله العظيم اصبر واصمد ولابد من الاصلاح العاجل القريب اصلاح ما اتلفة وافسده الاخرين ولعل وعسى جمعة الغضب ان تصنع المعجزات باذن الله تعالى وان يحاسب النظام السابق بالعدل حتى يعم الخير والرضاء على المجتمع باكمله جمعة الغضب المصرية الثانية من اجل انقاذ الثورة المصرية تحت شعار ( انا محستش بالتغيير ونازل تانى التحرير ) 27 / 5 / 2011م __________________ قوله تعالى : { فلم تقتلوهم ولكن الله قتلهم وما رميت إذ رميت ولكن الله رمى وليبلي المؤمنين منه بلاء حسنا إن الله سميع عليم }[SIGPIC][/SIGPIC]

11-05-25, 12:08 AM	#3
smsmn8888 صياد قديم تاريخ التسجيل: Jan 2009 المشاركات: 2,653 معدل تقييم المستوى: 21	رد: يا ترى حنعمل ايه يوم الجمعه (جمعه الغضب 2 ) اولا - هو مش سحر يا جماعة يعني الثورة عدا عليها 100 يوم خلاص كل شئ هيتغير لا مش عصا سحريا يا جماعة لازم نصبر شوية 2- البلد بتنهارررررررررر من حوالينا واحنا واقفين بنشاهدها وهي بتقع 3- متقلقوش انتو كداا هتخلوهم يضبقو حكم عسكري فعلي في البلد علشان منموتش من الجوع 4- خربانا خربانا __________________ لا تعليق

11-05-25, 12:09 AM	#4
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) الاخ العزيز يا ريت توضح لو نازل يبقى ليه ولو لأ يبقى ليه وشكرا __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 12:13 AM	#6
hesham[MaFya]a ادمن صفحة المنتدى تاريخ التسجيل: Mar 2011 المدينه: cairo المشاركات: 1,593 معدل تقييم المستوى: 40	رد: يا ترى حنعمل ايه يوم الجمعه (جمعه الغضب 2 ) و الله عندك حق بس زى ما الاستاذ قال:-(ان الله مع الصابرين) __________________ الــصيــــــــــــد ادب ... مــــــش مســــــــــــــــــك ســــــــــلاح.!

11-05-25, 12:15 AM	#7
فيلمعربى Banned تاريخ التسجيل: Mar 2011 المشاركات: 132 معدل تقييم المستوى: 0	رد: يا ترى حنعمل ايه يوم الجمعه (جمعه الغضب 2 ) بص من خلال كلامك واضح انك مستعجل على استقرار الاوضاع كلها مرة واحدة منها الوضع الامنى وانة لازم يستتب فجئة من يوم وليلة وغلو الاسعار برضة دة مش مشكلة البلد حاليا البلد بقت او كادت ان تفلس نتيجة المظاهرات والاعتصامات اللى كان كذا واحد من الدكاترة والعقلاء والسياسين بيحذروا منها فلازم علشان يبقى فية دخل داخل للبلد وعلشان يتم انخفاض الاسعار لازم الكل يعمل وينتج وموضوع الانفلات الامنى الى حد ما ابيتدى يستقر نوعا ما وانا شايف ان فية حلول للموضوع دة منها تخريج دفعة مبكرة من اكاديمة الشرطة والدفع بعناصر من القوات المسلحة

11-05-25, 12:17 AM	#8
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) بس احنا كده مش صابرين احنا متخاذلين اسمحلى اسأل استاذ سمسم ليه القانون مش بيطبق غير على الغلابه بس يعنى انا لو اتمسكت باى حاجه بحمى بيها نفسى اتحاكم عسكرى ومحاكمه عاجله والحراميه والقتالين بقالهم كانم شهر ومش بعيد بعد المماطله ى يطلعوا برأة (وده بدأ) بكرة يحكموا على الشعب كله بالاعدام __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 12:18 AM	#10
RAMSES صياد جديد تاريخ التسجيل: May 2011 المشاركات: 12 معدل تقييم المستوى: 5	رد: يا ترى حنعمل ايه يوم الجمعه (جمعه الغضب 2 ) ان مع العسر يسر وبعدين اي ثوره في التاريخ لازم يكون فيها تداعيات وصعوبات وبعدين فعلن زي الاخ الي قال 100 يوم ميعملوش حاجه ولا يائسروا في دكترا عندي في الجامعه بتقول ان حاله الانفلات الامني وتعسر الاقتصاد هيطول شويه هيعوض سنتين علي الاقل وبعد كدا الحكومه الجديده الي هيخترها رئيس الجمهوريه المنتخب من الشعب هتتخذ تتبير هتساهم في الاقتصاد وهيلاحظاها المواطن فصبر وستحمل سنتين احنا بقلنا 30 سنه في الحال ده وبعدين عايز هقولك حاجه الاسعار الي غليت موش من الثوره علي فكره كدا كدا كانت هعتحصل وبذات في رمضان فصبر واسف علي الاطاله

11-05-25, 12:18 AM	#11
monismod صياد متفاعل تاريخ التسجيل: Mar 2011 المدينه: 6 أكتوبر - بعد البراميل المشاركات: 139 معدل تقييم المستوى: 0	رد: يا ترى حنعمل ايه يوم الجمعه (جمعه الغضب 2 ) وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157) أخبر تعالى أنه يبتلي عباده [المؤمنين] أي: يختبرهم ويمتحنهم، فتارة بالسراء، وتارة بالضراء من خوف وجوع، وقال هاهنا ( بِشَيْءٍ مِنَ الْخَوْفِ وَالْجُوعِ ) أي: بقليل من ذلك ( وَنَقْصٍ مِنَ الأمْوَالِ ) أي: ذهاب بعضها ( وَالأنْفُسِ ) كموت الأصحاب والأقارب والأحباب ( وَالثَّمَرَاتِ ) كما قال بعض السلف: فكانت بعض النخيل لا تثمر غير واحدة. وكل هذا وأمثاله مما يختبر الله به عباده، فمن صبر أثابه [الله] ومن قنط أحل [الله] به عقابه. ولهذا قال: ( وَبَشِّرِ الصَّابِرِينَ )

11-05-25, 12:20 AM	#12
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) لا استقرار ولا حاجه والله يا جماعه انا فنار وقلتها مليون مرة هنا عندنا كل يوم خناقات وضرب نار وسرقات وقتل ووالله فعز الضهر ولما نتصل بالقسم نقولوا خناقه يقولكك سبوهم يخلصوا على بعض ولما نقول حد اتصاب يقولك وديه المستشفى وهناك حيعمل محضر ايه المنطق القرف ده بذمتكم مش حرام __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 12:28 AM	#13
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) يا اخوتى معلش استحملونى اخر حاجه ممكن اقولها لو دققنا النظر حنلاقى البلاوى اللى فينا كلها من الداخليه بسبب التخاذل البلطجه سبب اكتر الاحتجاجات والفتن دانا سمعت خبر فالتلفزيون الاخوة المسحيين اثناء اعتصامهم امام ماسبيرو (وده حقهم ) بعد ماحدث فإمبابه ولو كان حصل فجامع كنت حبيقى مكانهم نزل عليهم البلطجيه وضرب نار ومولتوف والشرطه لم تتدخل الا بعد ساعه والحجه العقيمه كنا فانتظار الاوامر بالتعامل ساعه يا ناس تخيلوا ساعه كام واحد كان ممكن ينقذوهم من الموت او الاصابه بجد حرااااااااااااااااااااااااااااااااااااااااام __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 12:54 AM	#14
mahmoud el masry صياد متفاعل تاريخ التسجيل: Nov 2010 المشاركات: 160 معدل تقييم المستوى: 0	رد: يا ترى حنعمل ايه يوم الجمعه (جمعه الغضب 2 ) مش عارف اقول اية غير بلاش لعب العيال دة البلد بتنهار عيب اوى كدة كفاية البلد مش مستحملة المطالب فئوية وبعدين مبحبش حكاية مفيش شغل دى لا فى شغل فى شغل هو فعلا مبتشتغلش بالشهادة بتعتك ولا فى مجال تخصصك لاكن لو على الفلوس هتجيب فلوس البلد مليانة قطاعات خاصة ومتقوليش ان انا مش حاسس بمشكلتك انا واحد من الناس الى اشتغل فى اولاد رجب وحتت تنية كتير وكنت بجيب فلوس محترمة ومش عيب ان يكون معاك شهادة محترمة وتشتغل فى محل لا العيب انى افضل اشتكى وانعى حظى وعلى العموم نصبر شوية البلد مش هينصلح حلها من يوم وليلة الفرج قريب ان شاء الله وبلاش نفكر هناخد اية من البلد تعالوا نفكر هنوقفها على رجليها من تانى اذاى وارجو من صاحب الموضوع ان يتقبل مشاركتى بصدر رحب __________________ الألفاظ هي الثياب التي ترتديها أفكارنا

11-05-25, 12:57 AM	#15
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) المشكله مش مشكله انعدام الشغل المشكله انه محدش بيديك قرش غير لما بيجيب اخرك واكيد انت عارف عدد ساعات الشغل الكتير والمرتب الذى لا يضاهى التعب ومش بس كده انت معرض وانت مروح انك تتسرق ويمكن تتقتل عشان اللى معاك ويا ريت بلاش كلمه لعب عيال دى عشان بتزعل بجد __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 01:06 AM	#16
mahmoud el masry صياد متفاعل تاريخ التسجيل: Nov 2010 المشاركات: 160 معدل تقييم المستوى: 0	رد: يا ترى حنعمل ايه يوم الجمعه (جمعه الغضب 2 ) لا يا فندم حقق على انا اسف والله مقصدش بس هنعمل اية لاذم كلنا ناخد بيد البلد دى لانى فعلا حزين عليها لان فعلا البلد بتنهار وانا اسف لو كنت زعلتك __________________ الألفاظ هي الثياب التي ترتديها أفكارنا

11-05-25, 01:09 AM	#17
محمود صالح صياد نشيط تاريخ التسجيل: Apr 2011 المدينه: الجيزة - العجورة المشاركات: 281 معدل تقييم المستوى: 6	رد: يا ترى حنعمل ايه يوم الجمعه (جمعه الغضب 2 ) السلام عليكم الاول لازم نشوف وضع البلد لما الحرمية سابت البلد بعد الثورة سيبا البلد ازاى عاملة اية اولا ؛ شوف موضوع الوظايف اللى موجودة شوف الوضع كان عامل اية موظفين عطلانة علشانلو حبيت تخلص ورقة تلف على اكتر من 6---7 موظفين وطبعا دة الروتين ولاكن دة علشان يكترو عدد الموظفين ثانيا : بعد كدة شوف الاستثمار اللى فى البلد هتلاقى 1- الصناعة : خراب وغلق معظم المصانع ودة طبعا علشا الاستيراد لمصلحة ناس معينة 2 - الزراعة اصبح الربح فى زراعة الفاكهة وفى تصديرها اللى بتزرع فى المزارع اللى على الطرق الصحراوية ومعروف دية بتاعة مين وجعل الزراعة للمواد الاساسية مثل القمح لايأتى بتكلفة الزراعة ودة بردة لسبب استيراد السماد من الخارج بأسعار عالية بسبب ارتفاع مكاسب المستوردين الهمة بردة كلانا عرفنهم وبيصيفو الان فى طره 3- واخيرا المقاولات والتشيد ودة طبعا الحاجة الوحيدة اللى كانت معقولة وبردة كان فى ناس بعنة عية اللى محتكرة كل شئ والباقى فرافيت . تخيل الوضع دة وانك انت رئيس الوزراء وبتحل الموقف دة فى الوضع دة هتعمل اية وبجانب حاجة مهمة انك لايمكن يكون عندك تنمية وجلب استثمارات من الخارج الا فى حالة ان البلد يكون فيها استقرار واستقرار امنى . ام من ناحية الاستقرار الامنى فدة مش سهل بعد الانكسار الشديد اللى حصل فى الشرطة والتمرد الحالى من بعض الضبا ط يبقى علشان الكلام دة يتحل يبقى بيدحك عليك اللى يقول هوظف او ادى شقق هو الشقق دية موجودة عندة فى الدولاب كل اللى موجود الان من شقق ملك المحافظات والاجهزة هو بالفعل مباع من قبل البنا ء فلا تجعلو احد يتعامل مع الشعب انة عيل صغير بيضحك علية بكلمتين والاخر اداء الحكومة الحالية ليس بالسئ وهى مطغوطة ومحملة بأعباء لايطيق بها احد من الدمار والفساد الداخلية اللى كان موجود ولا زال وبتحاول تتخلص منة يبقى لازم نصبر على الناس دية يأما كل واحد يجى يجلس يومين وقبل ميحل حاجات محتاجة سنين لحلها ننقلب علية ويجى واحد جديد يبتداء من اول وجديد ورائى عدم الخروج لطلب حلول لاءن ان الله لايكلف نفس الا وسعها __________________ (قُلْ إِنَّ صَلاتِىِ وَنُسُكِى وَمَحْيَاىَ وَمَمَاتِى لِلَّهِ رَبِّ الْعَالَمِينَ) حياتى كلها لله محمود صالح evom88@yahoo.com e_vom88@hotmail.com evom88@gmail.com 0103720740-0148666629-0110207451

11-05-25, 01:16 AM	#19
xman صياد متقدم تاريخ التسجيل: Feb 2011 المشاركات: 560 معدل تقييم المستوى: 8	رد: يا ترى حنعمل ايه يوم الجمعه (جمعه الغضب 2 ) التاريخ يعيد نفسه . رحم الله جمال عبد الناصر. __________________ إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

11-05-25, 01:18 AM	#20
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) استاذ محمود صالح كلام سيادتك جميل جدا كل النقط اللى حضرتك وضحتها حلها حاجه واحده بس ادى الناس المن والامان حتاخد عنيهم ساعدهم حيسعدوك يا باشا طول ايام الثورة مين كان بيحمى اهلى واهلك غيرى انا وانت من كان بيحمى الجامه والكنيسه غير محمد وجرجس لو ركزت فالكلام ده اكيد حتعرف انه اللى جوة طرة لاند لسه بيلعبوا برجالتهم عشان البلد تولع اكتر ونقولهم الحقونا تعالوا ادونا على قفانا بس احمونا بس ده بامر الله مش حيحصل __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 01:19 AM	#22
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) بس يا جماعه بعد احترامى لاخوتى كلهم ووجهه نظرهم ليه الكل واخد موقف سلبى معقول محدش حيشارك يوم الجمعه لا اله الا الله __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 01:24 AM	#25
koktal صياد قديم تاريخ التسجيل: Apr 2011 المدينه: جمهورية مصر العربية المشاركات: 1,138 معدل تقييم المستوى: 13	رد: يا ترى حنعمل ايه يوم الجمعه (جمعه الغضب 2 ) لان العملية مسخت اوى .. وهما بيتلككوا على الصقطة واللقطة .. فا احنا ننساهم شوية عشان يقدروا يركزوا فى عملهم .. لان المجلس العسكرى عليييه ضغط والله يا جماعة غيير عادى __________________ سبحان الله وبحمده سبحان الله العظيم سبحان الله والحمد لله ولا اله الا الله والله اكبر سبحان الله وبحمده عدد خلقه ورضا نفسه وزنة عرشه ومداد كلماته

11-05-25, 01:28 AM	#28
gamopt80 صياد قديم تاريخ التسجيل: Apr 2011 المشاركات: 1,010 معدل تقييم المستوى: 11	رد: يا ترى حنعمل ايه يوم الجمعه (جمعه الغضب 2 ) انا الصراحه مش نازل , هنزل ليه الي نازلين نازلين علشان عايزين الدستور يتعدل الاول وعلشان طلبات تانيه مش هتحصل في يوم وليله, وبنسبه للدستور ودا حصل فيه استفتاء والاغلبيه قالت لا يبقى انتهي الكلام مش من حق الي هينزلوا يطلبوا بعكس ارادت الاغلبيه وبعدين بحس ان الي بينظم المظهرات دي فاضيين قوي, ما نسيب الحكومة تشوف شغلها البلد في وضع صعب!!

11-05-25, 01:34 AM	#31
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) اولا بحترم وجهه نظرك فعدم النزول ويا باشا الناس مش نازله تهزر ولا عشان الدستور عشان سرعه المحاكمه واستقرار البلاد امنيا وماديا وكل حاجه ورجاء متقولش دى ناس فاضيه لان الناس الفاضيه فيهم كتير ناس ضحت عشنا ولا مش معيا نورت الدنيا يا باشا __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 01:39 AM	#36
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) لا يا باشا الناس دى مش فاضيه ولا حاجه وهو لو مفيش مظاهرات السواح حيجوا بعد كل الاخبار السوده عن القتل والسرقه والاغتصاب اللى ماليه الدنيا كلها حرام عليك تقول كده __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 01:44 AM	#39
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) والله مش المظاهرات الاجانب بتحب التحرر بس بتخاف من البلطجه والارهاب __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 01:45 AM	#40
gamopt80 صياد قديم تاريخ التسجيل: Apr 2011 المشاركات: 1,010 معدل تقييم المستوى: 11	رد: يا ترى حنعمل ايه يوم الجمعه (جمعه الغضب 2 ) ماهو انت لازم تحدد انت نازل ليه لو نازل علشان قضية الامن, فا انا معاك انزل بس والله وخليك فاكر كلامي هتنزل هتلاقي اغلب الي نازلين علشان اهداف تانيه خالص, ائتلاف شباب الثوره نازلين علشان موضوع الدستور واغلب الي نازلين علشان الموضوع ده تبع حزب ساويرس, ودا اهم مطلب عندهم, وموضوع المحاكمات انا مش شايف داعي لمظاهرات علشانه لانهم بيتحاكموا فعلا والقضاء عليه ضغط رهيب وربنا يعينهم

11-05-25, 01:47 AM	#41
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) تمام حضرتك بدات تفهمنى الشغل الشاغل الوحيد اللى المفروض يبقى فدماغنا هو الامن بس برضه مننساش الباقى صح __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 02:18 AM	#44
ادم عبد ربه صياد متفاعل تاريخ التسجيل: Feb 2011 المشاركات: 182 معدل تقييم المستوى: 5	رد: يا ترى حنعمل ايه يوم الجمعه (جمعه الغضب 2 ) تسمحلى ارد اولا بالنسبة للسؤال الاول مفيش حاجة اتغيرت لأن احنا اصلا متغيرناش نفس سلوكنا زى ما هو عايزيين كل حاجة على الجاهز وكل واحد يمشى البلد بمزاجه الحاجة غلت ابشرك الزميل العزيز لان معظم الناس اللى معاه فلوس وعايزة تشغلها مشت من البلد بعد ما صبرو علينا وقبضونا شهرين من جيوبهم وفى الاخر قالك يا عم دى ناس عايزة تقبض من غير ما تشتغل دول بتوع مظاهرات مش بتوع انتاج وبالتالى الانتاج قل والبورصة رايحة فى داهية والسياحة خربت وحنا لسه مستنين الحكومة تجيبلنا وتعملنا وتاخد بادينا اصل احنا غلابة وكلنا عايزين نشتغل فى البترول يا الكهرباء كده يعنى وكمان دول مش عاجبهم واضعهم وعايزين ذيادة ثانيا محدش قالك اصبر عادى يعنى البلطجية هيزيدو بدل الواحد 1000 وبدل ماهيقلبونا فى الشارع هيطلعوا البيوت عادى وممكن بعد كده نوصل او اسف نرجع لزمن الفتوات والشرطة هترفع ايديها هى والجيش لان احنا مبنسمعش كلامهم وبنموت فى الفوضى تصبر على ايه يا استاذى الفاضل الشباب اللى ماتو فى الثورة دفعوا اغلى ما عندهم حياتهم علشنى وعلشانك وعلشان ملايين من الناس تعيش محترمة واحنا للاسف احنا اللى ضيعنا دمهم هدر مش حد تانى طيب افكرك بحاجة ممكن بيان للشرفاء من أهل مصر .... عهد جديد .... وابدأ بنفسك مـــــــــــــــن الــــــــــــــــــــــــــيوم ====================هذه بلدك انت .. لا تصنع "مبارك" أخر.. صمتك وضعفك هما من صنعا مبارك وهذا عهد جديد نصنعه بأيدينا " القسم الرسمى لكل مصرى من الآن" أقسم بالله العظيم .. ان التزم بما لى وما علي تجاه هذا الوطن .. وان اقوم بكل اخلاص بعملى على اكمل وجه من اجل رخاء هذا البلد وتقدمها .. والا اسكت على اى حادثة فساد وان اسعى لكشف كل ماهو فاسد امامى .. وأن أضحى بكل ما هو غالى ورخيص من أجل تراب مصرنا العظيمة .. وأن أقوم بالارتقاء بأخلاقى للأفضل من أجل مجتمع طاهر وأفضل .. والى الامام دائما ...يا مصر .. ================================ لا تلقي الـزبالة بالشـوارع ،لا تكـسر إشـارة المرور، لا تـدفـع رشـوة، لا تـــزوّر ورقة . لا تسمح لـظابط يـعذب مصــري زيك... لا تسمح لاي شرطــى يـهـينك وقـدم فيه شـكوي . لا تهرب من مخالفة فإن أخطأت فإنصاع للقانون ولا تدفع رشوة تبدأ بها عهدا فاسـدا جـــديدا . · لا تكن سلبيا واضرب يد الظلم دوما .. لا تتســاهل مع المخطأ وواجــهه بتصرفـــاته الخاطــئة . · إوعي تنسى حريتك أبداً.. إوعي ماتشتركش في الانتخابات.. إوعي تبيع صوتك بأي ثمن. · إوعي تنسي احترامك لنفســك وللأخرين .. إوعــي تــهين حد .. إوعــي تســخر مـن حد . إوعي تسمح لمسئول يتجاهلك أو يبتزك وتذكرأنه يعمل لكى يخدمك ولولاك ماكــان هــو . · إوعي تقول انا واقف فى ملك الحكومة بل انت تقف فى ملكك .. فهذه " مصــر " وطــنك. إوعي تقول انا مالى بل هو مالك إوعـي تقول ماليــش دعـــوة بل انت صاحب الدعــــوة . أنا ســأقــرأ دســـتور وقوانــــين وطـــني لأعـــــرف حــقـوقــي وواجــباتى الـقـانـونيــة . أنا مش حادفع رشاوي ولا إكراميات تانى في المرور والأقسام والمصالح الحــكوميــــة . أنا سأقدم بلاغ ضد أي تعدي من رجل شرطة حتى لوكان سايق عربية بالاتجاه المعاكس. أنا مش ناوي أعاكس بنات لإنهم اخواتى المصريات. أنا سأفخر ببــلدي أمـــام الأجـــانب. أنا سأتطوع لمساعدة الـــناس وسأعامـــلهم باحـــترام وسأقدر ظـــروفهم ومــــعـاناتهم . · أنا سأشجع صناعات بلدي .. أنا سأبــلغ جــهاز حـــماية المــستهلك عن أي غش سلعي . \ ملحـــــــــــوظه صغيره لو بجد نفسك ف التغير يستمر وتفضل فى حريه.....َ ثورة 25 يناير...ليست فرصة للتغيير السياسي فحسب وإنما فرصة ليثبت كلا منا وطــنيته انا ولا انت ولا غيرنا عملنا ايه من الكلام ده

11-05-25, 02:22 AM	#45
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: يا ترى حنعمل ايه يوم الجمعه (جمعه الغضب 2 ) بجد كلامك جميل جدا جدا جدا بشكرك من كل قلبى والله الله يرحمهم شهداء الثورة ويا رب ميروحش دمهم هدر بسبب ناس غير مسئوله __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-05-25, 04:14 AM	#46
fidodido مشرف قسم السوق تاريخ التسجيل: Mar 2011 المدينه: كورنيش مصر القديمه - القاهره المشاركات: 1,030 معدل تقييم المستوى: 16	رد: يا ترى حنعمل ايه يوم الجمعه (جمعه الغضب 2 ) يا جماعه مصر هتعلن افلسها على رمضان و وزير الماليه قال احنا فى يوم الاحتجاج الواحد بنخسر ملايين انا كده كده نازل يوم الجمعه انشأ الله لسببين او تلاته ١ ميدان التحرير قريب جدا منى ٢ انا تهئت من المذكره ٣ عاوز اساعد الناس __________________ http://sphotos-h.ak.fbcdn.net/hphoto...75749235_n.jpg

11-05-25, 04:35 AM	#48
fidodido مشرف قسم السوق تاريخ التسجيل: Mar 2011 المدينه: كورنيش مصر القديمه - القاهره المشاركات: 1,030 معدل تقييم المستوى: 16	رد: يا ترى حنعمل ايه يوم الجمعه (جمعه الغضب 2 ) مهو لقمه العيش دى احنا الى لازم نشتغل علشان نجبها يعنى معلش الواحد لازم يجى على نفسه شويه و يشتغل اي حاجه خلاص حتته التعيين دى انتهت و الى يقول ان لسه فى تعين يبقى بيوهم نفسه و بيوهم غيره معلش لو العدد الغفير ده بدل مايطلع على التحرير و راح يدور على شغل و يقدم فى كذا مكان انشأ الله نص الى هيقدم هيتقبل محدش يقولى الشغلانه دى مش مقامى معلش يا سيدى تعالى على نفسك لحد ماتلاقى شغلانه العمر و تشتغل و تاخد انشا الله ٥٠٠ جنيه بدل ما متخدش حاجه و تخسر البلد __________________ http://sphotos-h.ak.fbcdn.net/hphoto...75749235_n.jpg

11-05-25, 04:37 AM	#49
fidodido مشرف قسم السوق تاريخ التسجيل: Mar 2011 المدينه: كورنيش مصر القديمه - القاهره المشاركات: 1,030 معدل تقييم المستوى: 16	رد: يا ترى حنعمل ايه يوم الجمعه (جمعه الغضب 2 ) و احنا ناسيين ان السياحه ابتدت ترجع تانى و فنادق شرم و الغردقه مافيهاش عماله و محتجين ناس كتير __________________ http://sphotos-h.ak.fbcdn.net/hphoto...75749235_n.jpg

11-05-25, 11:03 AM	#53
عبده ناني صياد متفاعل تاريخ التسجيل: Apr 2010 المدينه: الاسكندريه /مصر المشاركات: 176 معدل تقييم المستوى: 6	رد: يا ترى حنعمل ايه يوم الجمعه (جمعه الغضب 2 ) ان الله لا يغير ما بقوم حتى يغيرو ما بأنفسهم .. احنا محتاجين كل واحد فينا يعمل ثوره على نفسه .. ولما كل واحد يصلح نفسه ساعتها ربنا هيكرم البلد كلها .. __________________ قال النبي صلى الله عليه وسلم :- ( من صنع إليه معروف ، فقال لفاعله : جزاك الله خيرا ، فقد أبلغ في الثناء )

11-05-25, 12:15 PM	#56
mero1x صياد متقدم تاريخ التسجيل: Apr 2008 المشاركات: 663 معدل تقييم المستوى: 10	رد: يا ترى حنعمل ايه يوم الجمعه (جمعه الغضب 2 ) اللى عايزين مصر تتغير اقولهم لو عملتوا مليون مظاهرة ولا حاجة هتتغيير /// لو عايزين البلد تتغير للأحسن ارجعو ل ( ان الله لا يغير ما بقوم حتى يغيروا ما بأنفسهم ) صدق الله العظيم اللى عايز ينزل مظاهرة علشان يشتغل واللى مش عايز ينزل مظاهرة علشان يحافظ على ما تبقى من شغلة اقولهم (وفى السماء رزقكم وما توعدون) صدق العلى العظيم نظرة عامة على المقف الراهن لمصر فى نقط موجزة مصر لكتير من فئات المجتمع دبيحة اللى يقدر ياخد منها حاجة ياخد (سرقة وبلطجة ومطالب فئوية و جمعيات ولجان لحكم البلد من الباطن ) الحكومة : دايرة تشحت من دول العالم على الرغم من انها لو من بداية الثورة بنوا كام مصنع كانوا شغلوا كام الف ولو زرعوا كام فدان كانوا اكلو الناس وصدروا الباقى محاكمة الفاسدين : اكبر خزوق الشعب المصرى لبسة لما واحد ملهوش فى السياسة قال محاكمة سريعة ( منة لله) العاقل عايز محاكمة (للعبرة والردع المستقبلى) السفية عايز محاكمة (لرد الفلوس المنهوبة) مبدئياً اللى هيرجع من فلوس البلد 1% من المسروق فعلياً الثورة وما صاحبها من ركود اقتصادى عدت مليارات المليارات فلو ربنا وفق ورجعنا كل الفلوس بتاعة البلد راحة (سد عجز عن شهر واحد) الدستور وتغيرة : مش وقتة خالص وكان من باب اولى منعملش استفتاء ونقف فى الشمس من صباحية ربنا للفجر من الاول الخوف : ان الاخوة اللى رايحن المظاهرة علشان يشتغلو او يعدلو الدستور او يحاكموا فلان وعلان يستغلوا من قبل (عناصر خارجية طمعانة فى الدبيحة اللى بتحتضر) ويطلعو بمظاهرة بتنادى بأقالة المشير ويتم انقلاب على الجيش (مصادر موثوق فيها) والجيش لو رد طلقة يبا انا لله وانا الية راجعون وانتم فاهمين قصدى . وللعلم ممكن اى حد يلبس عسكرى ويعمل اللى ما يتعمل والشعب غلبان معاهم معاهم عليهم عليهم اللى يحب مصر ميديش فرصة للكلام دة . و

11-05-25, 12:24 PM	#58
EGY GLADITOR صياد جديد تاريخ التسجيل: May 2011 المشاركات: 4 معدل تقييم المستوى: 0	رد: يا ترى حنعمل ايه يوم الجمعه (جمعه الغضب 2 ) طيب فيه ايه ما الناس حلوة وبتفهم ومشغلة مخها لازمته ايه البلبلة دى الله ينور على احلى منتدى وازكى رجالة وعلى فكرة شكر خاص للاخ ادم عبد ربه

11-05-25, 12:25 PM	#59
بدر صياد قديم تاريخ التسجيل: Dec 2010 المدينه: 6 اكتوبر المشاركات: 1,819 معدل تقييم المستوى: 33	رد: يا ترى حنعمل ايه يوم الجمعه (جمعه الغضب 2 ) تسلم ايدك يا استاذ امير بس مع الاسف الناس ودن من طين وودن من عجين واسف اكتر انى اقول ان احنا شعب تجمعنا طبلة وتفرقنا عصا وخلاص احنا كسبنا الثورة ووقعنا النظام انما اللى بيحصل دة هيوقع البلد وكفاية بقى ارحمونا __________________ لا حيلة فى الرزق ولا شفاعة فى الموت

11-05-25, 01:01 PM	#60
mero1x صياد متقدم تاريخ التسجيل: Apr 2008 المشاركات: 663 معدل تقييم المستوى: 10	رد: يا ترى حنعمل ايه يوم الجمعه (جمعه الغضب 2 ) يا بدر باشا البلد فعلاً وقعت وادمها لو راعنا ربنا فى شغلنا وفى الانتاج مش اقل من سنتين لأن الرئيس الجديد اللى هيمسك البلد هتلاقى وقفات ضدة كل يوم وانتقادات حتى لو كان نبى نازل من السما . بضم صوتى لصوتك واقول ارحمووووووونا وركزوا فى شغلكم ومتنتظروش نتائج قبل سنة على الاقل من تولى الرئاسة دا ربنا سبحانة وتعالى خلق الارض فى 6 ايام ب (كن) ما بالك البشر اللى هيغيروا اقتصاديات وتخطيط وسياسات وبأفعال يلزمهم اد اية ؟؟؟