بعد البحث والتنقيب العصفور اسمة السنونو؟

[Amiroz]

1- السنونو

Barn Swallow / Hirundo rustica


الطائر دة اسمه السنونو

بيتاكل بقا ولا لاء؟

[Amiroz]

هذا الفيديو له وهو يشدو

YouTube

YouTube

هذا وهو يطير

YouTube

YouTube

[akmels]

انتى عايز تكلوا ليه , ده شكلوا جميل جدا , يتربى احسن لو تعرف تجيبه

[Amiroz]

انا اصلا بخاف منة وكل ما امسك واحد منه اطلق صراحة
انا مش عاوز ابالغ واقول اني بشوف منه بالألوف يعني مش طائر نادر
ولا اكله هيخلصة ولا هي طفاسة
وفكرة الاكل شئ طبيعي لاني بصطاد واحب اعرف اية اللي بيتاكل واية لاء
لان الهدف من صيد الطيور هو اكلها مش التسلية

[msa_79]

هو مفيهوش لحمه اصلا ده اصغر من العصفور البلدي خساره فيه التعب في التنضيف بس طبعا انت حر لو عايز تاكله كله بس هو علي حسب عملي بيعتمد في اكله علي الحشرات

[Amiroz]

الفكرة للي عاوز خلاصة الموضوع

العصفور دة اكثر الطيور انتشار وعاوز اجرب اصطادها وهي طايرة

لكن لو مش بيتاكل يبقي مجرد اني احاول اضرب علية وهو طاير مش هتحصل

لاني لو ضربت علية واصطادة يبقي لازم اكلة ولا كلامي في حاجة غلط؟

[mr_ms1985]

اعتقد انه لايؤكل

[ابو مروان]

تضرب مين وهو طاير _ههههههه_الطائر دة من امهر الطيور فى الطيران والمناورة ويتفوق على الصقر الشاهين فى الطيران وهو موجود فعلا فى مصر بالالاف ولكن صعب ونادر جدا انك تشوفة واقف علاى حاجدة ممكن تصتادة من عليها

[Amiroz]

بص يا ابو مروان
العصفور دة فية ميزة جميلة انه وهو طاير بيغير اتجاهه في نقطة وبيرجع لها اكثر من مرة وفي النقطة دي بيكون طيرانة ثابت يعني للمحاولة ليس إلا
صدقني انا تابعت مجموعة حوالي ربع ساعة استمتعت جدا وخفت اضرب علية لا تيجي معايا حظ واصطادة يبقي قتلت شئ لا يؤكل ودة انا شايف ان حرام بشكل كبير ودة سبب سؤالي عن انه يؤكل او لا يؤكل

[Amiroz]

بالنسبة لو تحب تشوف منة ألاف واقفة علي الطريق الدائري منقطة اسمها ميت حلفا اعداد رهيبة لدرجة انك صعب تشوف السلك من العدد اللي واقف علية ودة بيكون بعد 5 المغرب

[koktal]

ده للإقتناء فقط يا باشا مش للصيد لأن حرام فيه الصيد ..

[Amiroz]

حقيقي ممكن اني اشتري له قفص
حد جرب ولا بيموت في الاسر
لان صوتة روعة جدا

[koktal]

لو هتجيب يبقا تجيب مجموعة مش أقل من 4 إناث و4 ذكور لأن العصافير مبتعش إلا فى مجموعات والقفص لازم يكون كبيــر كفاية عشان العصفور بيحب ياخد حريته كاملة ومتنساش الأعشاش الخاصة لهم (للعصافير) بتباع فى سوق السيدة عائشة وربنا يكفينا شر الأسواق .. وإهتم بالنظافة جيدا أخى الكريم عشان ده عامل مؤثر جدا على صحة الطيور عامة .. والماء يكون متوفر بإستمرار .. بالنسبة للأكل متحطش كتير عشان العصفور ميملاش ويأثر على الأنثى فى الحمل .. وراعى أيضا عدم الإزعاج والدخول والخروج جانب القفص .. ولازم القفص يكون فى مكان به تيار هواء معتدل وأشعة الشمس وصلاله ..
وتربية الطيور ممتعة جدا بس محتاجة صبر ..

[ابو مروان]

اعتقد ان الطائر دة استحالة يعيش فى قفص لانة ما بيهمدش من الطيران_وطريقة طيرانة غريبة جدا واعتقد واللة اعلم انهم فى امريكا اخدوا تصميم الطائرة الشبح منة_ولة طريقة عجيبة جدا سبحان اللة فى بناء عشة_االعصفور بيمسك عود خشب صغير فى منقارة زى عود الكبريت كدة وبعدين يعوصها طين من اى مكان فية طين ويروح على الكورنر فى محل مقفول او مخزن ويلزق وهكذا لغاية لما يعمل عش لية فى الكورنر ولما العش دة بينشف بيكون جامد حديد زى الاسمنت

[mero1x]

يا جماعة الطائر دة لا يؤكل لأنة بياكل الحشرات (الذباب والباعوض والهاموش) ودة السر فى طيرانة الغريب وتغيير اتجاههة المفاجىء فهو يتغذى اثناء طيرانة على الحشرات الطائرة .
تقبلوا مرورى

[Amiroz]

المشاركة الأصلية كتبت بواسطة mero1x

يا جماعة الطائر دة لا يؤكل لأنة بياكل الحشرات (الذباب والباعوض والهاموش) ودة السر فى طيرانة الغريب وتغيير اتجاههة المفاجىء فهو يتغذى اثناء طيرانة على الحشرات الطائرة .
تقبلوا مرورى

معلومة قيمة يا mero1x