| الإعلانات |
| الإعلانات |
|
|||||||
| الصيد العام موضوعات الصيد العامه وتعارف الصيادين. |
 |
| أدوات الموضوع | إبحث في الموضوع | انواع عرض الموضوع |
|
#1
|
|||
|
|||
مـوضـوع شـامـل عـن ريـاضـة الايـرسـوفـت AirSoft (مدعم بالصور)
بسم الله الرحمن الرحيم السلام عليكم و رحمة الله و بركاته رياضة الاير سوفت AirSoft نظرا لأني بدأت الاقي اقبال كبيير من الناس عليها خاصة الشباب و عايزين يعرفوا معداتها و ايه هي كل حاجة عنها فقررت بعد تفكير شديد شديد شديد و بعد عذاب رهيب رهيب رهيب و بعد حر مخيف مخيف مخيف اني اقدملكم موضوع شامل عن رياضة الاير سوفت مدعم بالصور ما هي رياضة السوفت اير ؟ في كتيير بيسمعوا الكلمة ديه و مش عارفين لما تروح تقول واحد تعرف لعبة سوفت اير اول حاجة بتجي في ذهن اللي بيتم سؤاله يقولك ايه لعبة الهواء الخفيف يعني بنطير و برشوتات و حركات و اوعي الاف-16 جي و لا ايه ؟ طب ارد انا بص يا ريس رياضة الاير سوفت ديه عبارة عن حرب بين فريقين او اكتر من فريق و الاسلحة المستخدمة مش مطاوي و سنج و اللي يتهور يتعور لأ هي اسلحة بلاسيتك او اغلبها معدن و علي شكل الاسلحة الحقيقية شكلا و حجما و وزنا و قوة و فيها دقة عالية لكن اغلي و مسافات تصل لــ 200 م\ث لكن مش بيتحط فيها غير خرز بلاستيك اللي كنا بنلعب بيه و احنا صغيرين و بالتالي غير مضرة ممكن لسعة و عشان الحماية من اللسع فيه لبس و معدات و بتنقسم اسلحة الايرسوفت لثلاث انواع:- 1- تعمل بالغاز أو Gas Powered 2- تعمل بطاقة الوضع أو Spring Powered 3- تعمل بالطاقة الكهربائية أو Electronic Powered رياضة الايرسوفت لها قوانين زي اي رياضة و قد قمت بتجميع بعضها من خلال المواقع الاجنبية مش كلها لكن اللي قدرت اجيبه منها : 1-يتم استخدام اسلحة و معدات الايرسوفت فقط 2-يتم اختيار السلاح حسب المكان مثل المكان المفتوح يتم استخدام السلاح المناسب للمسافات البعيد بالنسبة للاماكن المغلقة يتم استخدام ذات المسافات القصيرة. 3-يجب استخدام معدات الحماية كاملة خاصة الرأس و ذلك حتي لا يتم اصابة عضو حيوي اصابات قد تكون خطيرة مثل اصابة العين 4- اذا تم اصابة فرد في قدمه او يديه مثلا يقوم بالتظاهر بالاصابة الفعلية مثلا عدم استخدام السلاح في حالة اصابة اليد , اذا كانت الاصابة في القدم يعرج و هكذا الا اذا تمت اصابة عضو قاتل في جسم الانسان فبخرج من اللعبة ع انه انتهي ديه كانت بعض قوانين اللعبة نيجي بقي للمعدات المستخدمة في رياضة الايرسوفت و المعدات فعلا شكلها حقيقي لكن طبعا مش نفس جودة الاًصلي و لا كفلار يعني يا دوب الحماية من الخرز مش الرصاص الحي اولا : الملابس 1- فيست      2-الحزام    3-الجوانتي   4-الخوذة  5-حامي الكوع و الركبة  6-النضارة    7- جراب المسدسات        8- شنطة المعدات  9- تمويه    شجر متنقل ههههه ثانيا : الاسلحة و ملحقاتها 1- البنادق        اهو حتي المعادي موجود عشان متقولوش حارمكم من حاجة 2-المسدسات   بس مش عارف ليه مفيش الحلوان كان عمل شغل جامد برده هههه 3- الامشاط   4- الليزر و الكشاف و كاتم الصوت و السكوب        5- القنابل   طبعا القنابل ديه شم مضرة ديه منظر و بتتملي تاني مش بتنفجر يعني و كذلك بالنسبة للألغام 6-الالغام  9- اهداف ثابتة و ده لو هنشن ع اهداف ثابتة في اللعبة بدل الاشخاص  و طبعا ديه مفيش اكتر من اشكال و الوان ليها و لك واح زي ما يحب 8-الخرز اللي هو الرصاص اللعبة هههه   طبعا في أشكال كتيير منها زي ما شوفتوا ع شكل قنبلة و غيره ع شكل علبة نسكافية فيه حتي ع شكل علبة لبن و مش بعيد نلاقي ع شكل دراع بلاي ستيشن كله موجود يعني متقلقوش ههههه طبعا انا مش هقدر احط كل الصور لأن كل حاجة من اللي فاتت فيه منها اشكال و الوان فجيبت اللي قدرت عليه و طبعا نتمني انها تنتشر في مصر نظرا لأنها لعبة ممتعة و في نفس الوقت يتعلم التعاون يعني ع سبيل المثال مجموعة بتتعاون مع بعضها لتحقيق هدف معين زي و يحطوا الخطط و الاحتمالات مثلا مجموعة بتحاول تخترق الحصن اللي المجموعة التانية بتحسره و العكس المجموعة اللي بتحرس تتعاون ع الدفاع عن حصنها او التلاحم المباشر عالطول وسط ارض المعركة فهي ع اد مهي ممتعة و مرحة فهي مفيدة كمان و بالنسبة للفيديوهات اللي عايز يتفرج علي فيدوهات رياضة الاير سوفت يتفضل بالدخول لموضوع العضو \omarmy007 AirSoft رياضة جديدة ليست في مصر و ارجو ان الموضوع يحوذ ع اعجابكم الموضوع ليس منقول و هو نتاج مجهود شخصي 
|
11-05-03, 08:42 PM
|
#3 |
|
صياد قديم
 
|
تسلم ايدك موضوع جامد جدا ومجهود اجمد واللة بس يا ترى الحاجات دية معروضة للبيع فى مكان ما ولا ولا كلعادة بنفرج على صور وبسسسسسسس عموما جزاك اللة خير الجزاء |
|
|
|
11-05-03, 09:01 PM
|
#4 | |
|
صياد نشيط
|
اقتباس:
|
|
|
|
|
11-05-03, 11:47 PM
|
#5 | |
|
صياد متفاعل
|
اقتباس:
وتسلم ايدك يا كبير ويارب نشوف من دة في مصر |
|
|
|
|
11-05-04, 12:07 AM
|
#6 |
|
صياد متقدم
|
موضوع جميل جدا بس بالنسبة للاسلحة ف انا شفت في الفا ماركت في اسكندرية من سنتين كدة كان فية الي بس كان عامل 300 او 400 مش فاكر بس فعلا اللعبة دي مش موجودة في مصر بس فية لعبة البينت بولpaint ballبس للاسف الاسلحة بتاعتها هي الي بتبقي العادية ولكن لو عملتم بحث حتلقو بازوكا و قنابل و بنادق سنايبر و هي حتي فيها اكشن بكتيير اكتر من السوفت اية و جميلة جدا و يا رب نشوف الحاجات دي في مصر |
|
|
|
11-05-04, 12:36 AM
|
#7 | |
|
صياد نشيط
|
اقتباس:
شكرا ليك يا باشا نورت الموضوع |
|
|
|
|
11-05-04, 12:53 AM
|
#8 | |||
|
صياد نشيط
|
اقتباس:
اقتباس:
اقتباس:
ثانيا بالنسبة للعبة ديه في تقريبا واحد في الزمالك بيبع الحاجات ديه اسمه بينو او بيتو حاجة زي كده و يمكن في محلات كبييرة تبيعه بس هو ده اللي اسمع عنه بالنسبة للسعر اللي اعرفه بالنسبة للاسعار بالدولار ان اغلي حاجة مش هتزيد عن 1500 جنيه بالمصري لكن المعدات بتبتدي من 30-50 جنيه بالمصري فيما فوق زي مقولت و طبعا فيه انواع الياباني و ده الاغلي سعرا و جودة طبعا و فيه الصيني منه الكويس و السئ و في فعلا محاولات لأدخلها لمصر لكن لازم موافقة الحكومة و طبعا الوقت الحالي مفيش امل بالاضافة انها عايزة ميزانية محترمة مش قليلة لاستيراد المعدات و قطع الغيار و يكون حد فاهم فيها لأن فيها حاجات معقدة و مكان في مكان كبيير و بعدين يتعملها فروع و انا اسمع انها موجودة في شرم الشيخ عشان الاجانب بس مشوفتش بعيني و طبعا لازم الناس تعرف الأول ايه الرياضة و بعدين يفكروا يمارسوها فلازم الناس تعرفها نورتوا الموضوع  |
|||
|
|
|
11-05-04, 12:57 AM
|
#9 |
|
صياد متفاعل
|
أنا كنت كاتب موضوع عنه قبل كده وأنا مبسط حد كمان كاتبه عشان ننشره أكتر أنا عندي videos وده كمان ممكن يساعد إن ال ناس تاخد فكرة اكبر عن ال موضوع http://www.egypthunt.net/showthread.php?t=4958 |
|
|
|
11-05-04, 03:42 AM
|
#10 |
|
صياد جديد
|
عندنا فى أسكندرية مكان كدة واللعبة أسمها paint ball بس مش خرز ,بتبقى كور بوية صغيرةمحطوطة فى بنادق رشاشة.بتليس بدلة وقناع عشان هدومك متبظ من البوية وبننتشر ونضرب على بعض وفى مكان تانى بس بالليزر المسدس بتاعك بيبقى مشحون طلقات ليزر ولابس فيست فى سينسور لليزر واللى يصيب التانى سلاحة يقف ويعتبر مات |
|
|
|
| الكلمات الدلالية (Tags) |
| airsoft, الايرسوفت, رياضة |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| Airsoft Guns | ZuniCorn | الاسلحه الناريه | 7 | 11-06-10 10:42 AM |
| بخصوص اسلحة ال airsoft | ألمهندس7000 | بنادق ضغط الهواء ومتعلقاتها | 2 | 11-05-03 08:09 PM |
| سؤال عن مسدسات airsoft | subzero | الصيد العام | 12 | 11-04-22 09:48 PM |
| تعرف علي الصقور من بين الجوارح الاخري (مدعم بالصور) | sPEEDy cHEETAh | الصيد بالصقور | 16 | 10-09-25 04:44 PM |
| اشهر انواع الصقور الصيادة (مدعم بالصور ) | sPEEDy cHEETAh | الصيد بالصقور | 13 | 10-03-23 02:00 PM |
أهلاً و سهلاً بكم فى منتدى الصيد في مصر حيث تجد من يقدر موهبتك و يساعدك دائماً على النهوض بها
العرض العادي
