محاولة التوصل لإسباب كسر الطبه

[michohat]

المسدس جاكال ديوال والحمد لله سليم
كنت قولت ان الطبة اللي معايا اتكسرت وانشرخت ودي بعض الصور ليها علشان عاوز اعرف ايه سبب الشرخ لان واحد صديق لي قال انها ممكن تبقي من طلقات البلي ولكني اجمالي طلقات البلي اللى ضربته عليها لا يزيد عن 10 طلقات وده خلال فتره سنه ونص وكمان الكسر والشرخ جاي فى التلت الاخير من الطبه فاظن انه ناتج من الضغط الناتج عن ضرب الطلقه يمكن كان بيهرب وبيدخل فى المسافة بين الماسورة والطبه فاحدث بها التصدعات دي مع اني رابط الطبه للاخر و طرفها واصل لحد اول مكان الطلقة
وفيه ملاحظه كنت بلاحظها كل ما باجي انظف المسدس انه لو كنت ضربت بيه كنت بلاقي جوه الماسورة او حوالين جسم الطبه حاجه زي ما يكون بلاستيك محروق رفيع كده فكونت اعتقاد ان ده من البلاستيك اللي قافل الطلقة من فوق وانه من الحرارة ساح وعمل الخيط الرفيع ده اللي يشبه الخيط الناتج من مسدس السيلكون اللاصق

اللي حصل ده بعد فرح كنت ضربت فيه يجي 25 طلقة تركي من نوع pax علي جاكال ديوال

قبل الفرح كنت منظف المسدس ومزيته و مضبطته

محاوله لتوضيح الشرخ والكسر عن طريق تحديده باللون الابيض؟






عاوز اعرف الكسر ده ناتج من ايه؟
هل من طلق البلي اللي كبسته قبل كده باستخدام منجله ولا ربط الطبه بشده ولا قوه الطلقة ولا ايه

[hemi afifi]

انت متأكد ان قطر البلي اللي بتضربه هو قطر الماسوره ؟ علشان دي لو طبه طويله لحد بيت النار و خامتها معقوله بيبقي صعب جدا اللي انت بتقوله ده يحصل , ده تقريبا بسبب ان البلي اللي بتضربه اكبر من الماسوره حاجه بسيطه بس مؤثره او ان الطبه كان فيها رايش غبي حشر البلي و مطلعه بالعافيه و بسببه شرخت الماسوره او ان خامة الماسوره وحشه اوي , اعمل ماسوره من مسمار صلب محترم قطرها الداخلي مناسب لقطر البلي اللي بتضربه و اربطها لحد بيت النار كويس و باذن الله مش حيحصل كده تاني

[michohat]

متأكد من القطر أه لاني جربت قبل ما اركب البليه ف الطلقة اني اعديها من الماسورة وكانت مناسبة لقطر الماسورة وعدت

عاوز اعرف احتمالات تلف الطبه التلف ده بواسطه البلي المكبوس او الربط الزياده للطبه
وهل ممكن ان الضغط المتولد داخل ماسورة المسدس وانا مركب طبه البلي + طبه الصوت وانا بضرب صوت هل هو كافي انه يسبب التلف ده؟

[M.SHADY]

متابع للاهميه

[hemi afifi]

انا اول مره اشوف الكسره دي و شكلها غبي اوي اقولك علي نصيحه فكك من الطبه دي خالص و اعمل واحده من مسمار صلب محترم و اتأكد ان الماسوره من اولها لأخرها وسع واحد و مستقيمه , بالنسبه لسبب الكسر غير مفهوم بس لو دي طبه صلب محترمه و الضغط مهما كان كانت العتله هي اللي حتتكسر قبل الماسوره بسبب الرجع الزياده و لو كان اصلا في رجع زياده المسدس ده مكانش حيرمي فارغ من الاساس كانت العتله حتروح و تيجي بسرعه و حتحشر الفارغ بس تقريبا الطبه دي كان فيها عيب و مش مظبوطه المهم خدت الشر و راحت و اعمل واحده من مسمار صلب محترم المره دي و اكد علي الخراط انها تبقي كلها وسع واحد و مستقيمه و ربنا يكرمك

[mr vigo]

شكلها كده ياصديقي ان الطبه نفسها خامتها وسمكها مش محمل وقوي زي طبب ناس بتبيعها هنا

حاول تغير الطبه وشوف المسدس نفسه حيعمل نفس الحركه مع الطبه الجديده ولالا؟؟

[michohat]

الطبه المفروض انها من خامه محترمه وعرفش خامتها ايه لاني مش مصنعها
كنت قرأت ان تنكيل الطبه له عامل فى تقليل نسبه تأكلها فهل عند عمل طبه اخري اراعي انها تكون متنكله
وسبب عمل الموضوع هو الوقوف علي الاسباب الممكنه لحدوث الكسر بهذا الشكل للطبه حتي لا يكون السبب سوء الاستخدام مني

[محمد مكاوى]

السلأم عليكم مكاوى مهندس ميكانيكا اعمل الطبة و بعد ماتتعمل سحنة على درجة حرارة علية و اطفيهافى الجاز و هتكون صلب ممتاز ان شاء اللة

[michohat]

شكرا استاذ مكاوي
بس انا عاوز اعرف ارجع للشخص اللى اشتريت منه الطبه علشان الطبه فيها عيب ولا سبب الكسر مني؟
لان الشخص اللي اشتريتها منه قال لي اجيبها له يغيرها لي وانا عاوز اعرف احسن اكون بظلمه
هل الكسر ده ممكن يكون نتيجه سوء استخدام مني علماً بان اجمالي ما ضربته عليها من بلي طول سنه ونص لا يتعدى 10 طلقات بلي و اللي حصل ده حصل بعد ما ضربت بيها حوالي 25 طلقة صوت وانا مركب طبه البلي وفوقها طبه الصوت
هل الغلطه من سوء استخدام او حاجه من ناحيتي؟

[محمد مكاوى]

المشاركة الأصلية كتبت بواسطة michohat

شكرا استاذ مكاوي
بس انا عاوز اعرف ارجع للشخص اللى اشتريت منه الطبه علشان الطبه فيها عيب ولا سبب الكسر مني؟
لان الشخص اللي اشتريتها منه قال لي اجيبها له يغيرها لي وانا عاوز اعرف احسن اكون بظلمه
هل الكسر ده ممكن يكون نتيجه سوء استخدام مني علماً بان اجمالي ما ضربته عليها من بلي طول سنه ونص لا يتعدى 10 طلقات بلي و اللي حصل ده حصل بعد ما ضربت بيها حوالي 25 طلقة صوت وانا مركب طبه البلي وفوقها طبه الصوت
هل الغلطه من سوء استخدام او حاجه من ناحيتي؟

السلأم عليكم استازى العزيز باين فى الصورة الملحقة ان لحمية الطبة يعنى سمكها ضعيف جدأ بسبب خرط المسمار زيادة عن الأزم انصحك بحاجة انا عملتها وريحت نفسى كمل القلأوظ حتى اقرب نفطة من بيت النار و اعمل طبة مش مخروطة من الخارج بس تكون مخروطة من الداخل و الثقب يكون mm4.01 بضبط و مسلوبة من ناحية بيت النار و سخنها حتى يتحول لونها الى احمر و اطفيها فى مادة الجاز او ماء بارد و انساها :
السبب ضعف لحمية الطبة و دة قلة خبرة من الخراط و شكرا

[omedo]

يا جماعه الراجل بيقول مركب طبه البلي ومركب وراها طبه الصوت ازاااااي؟ ماهو فتحه طبه الصوت ضيقه او وده اللي سبب كسر الطبه الطويله طبعا