|
ادوات الصيد الثقيله معلومات عن اادوات الصيد الثقيله |
أدوات الموضوع | إبحث في الموضوع | انواع عرض الموضوع |
11-06-07, 03:42 PM | #1 |
صياد نشيط
تاريخ التسجيل: Jun 2011
المشاركات: 413
معدل تقييم المستوى: 7 |
ضرب خرطوش
حد يا جماعة بيفهم فى الخرطوش ؟ لانى مشترك جديد فى نادى الرماية وعاوز اعرف اساسيات الضرب على الطبق الطائر لانى ضربت على خرطوش كاملة مجيبتش غير طبقين فا ياريت اللى خبرة ميبخلش عليا بيها زى مثلا اخلى الماسورة فوق الهدف ولا تحته اتجاه الريح لان قائد الميدان مقدرتش افهم منه حاجة
|
sponsor links |
11-06-07, 04:25 PM | #2 |
صياد متقدم
تاريخ التسجيل: May 2011
المدينه: الدقهلية
المشاركات: 584
معدل تقييم المستوى: 7 |
رد: ضرب خرطوش
الموضوع من شقين ( معلومات عن الرماية الطائرة والثابتة ـ وفنيات الرماية و إستخدام البندقية ) وده ممكن نوفرهولك إن شاء الله ببعض المواقع والفديوهات إلا فيها رماية خرطوش وممكن أى حد من الأخوة شاف حاجة بهذا الخصوص يرفعها للأخ الفاضل .
الشق الثانى ( التدريب العملى على الرماية بالخرطوش ) ودى مهمتك إنتة يا بطل داخل النادى وإن شاء الله هبحث وإن وجدت شئ من الشق الأول مش هأخرة عنك وتحياتى لك |
11-06-07, 06:50 PM | #3 |
صياد متقدم
تاريخ التسجيل: Mar 2011
المدينه: القاهرة
المشاركات: 507
معدل تقييم المستوى: 7 |
رد: ضرب خرطوش
- اولا السلام عليكم - انت لسة ما حسيتش بالبندقية وحييجى الاحساس مع الوقت - لكل بندقية فترة تأخير تتوقف على قوتها وبعد المسافة بينها وبين الهدف - حتحس بيها وانت بتضرب وما تستعجلش حتيجى معاك مع التدريب لكن حاقول لك تدريب صغير - اولا حتبدأ ضرب وانت قافل عين ومفتح عين - لو حتضرب من جنب لجنب - مثلا والاحسن من اليمين الى الشمال - تضرب على الطبق قبل ما يحصل الماسورة بشوية - بعد كذا مرة حتضبط معاك تقوم تجرب من تحت الى فوق وتستمر حتى تضبط معاك كل اوضاع الضرب - ممكن تراقب احد القدماء فى الميدان وهو بيضرب حتتعلم منه حاجات كتير .
- تحياتى
__________________
" لابد ان تكون ذئبا حتى لا تأكلك الثعالب " |
11-06-08, 01:51 AM | #4 |
صياد نشيط
تاريخ التسجيل: Jun 2011
المشاركات: 413
معدل تقييم المستوى: 7 |
رد: ضرب خرطوش
شاكر جدا جدا لاخى التلميذ والاخر كيمو على المعلومات الجميلة دى وان شاء الله يا كيمو اجرب اللى قولتيلى عليه بس اللى عاوز اعرفه اطلع بالماسورة مع الطبق وتبقى الدبانة فوق الهدف ولا تحته ؟
|
11-06-08, 02:57 AM | #5 |
صياد متقدم
تاريخ التسجيل: Mar 2011
المدينه: القاهرة
المشاركات: 507
معدل تقييم المستوى: 7 |
رد: ضرب خرطوش
- تبقى الدبانة فوق الهدف بشوية .
- تحياتى
__________________
" لابد ان تكون ذئبا حتى لا تأكلك الثعالب " |
11-06-08, 11:09 AM | #6 |
صياد قديم
تاريخ التسجيل: Mar 2011
المدينه: القاهره
المشاركات: 1,504
معدل تقييم المستوى: 13 |
رد: ضرب خرطوش
طيب مانتا ممكن تسال المدرب بتاعك اللي موجود معاك واكيد هو اكتر واحد عارف الرد والمساعده
__________________
وتقبل تحياتي لك |
11-06-08, 12:45 PM | #7 |
صياد متفاعل
تاريخ التسجيل: Feb 2011
المشاركات: 166
معدل تقييم المستوى: 6 |
رد: ضرب خرطوش
السلام عليكم,
على قدر معلوماتى الضعيفه, ولازم تتأكد من المدرب بتاعك الدبانه يا باشا تبقى شايله الطبق من تحت, أو بمعنى تاني تبقى منشنها على الجزء السفلى من الهدف وده ليه سبب أشرحهولك ببساطه, الشوتجن بيبقى ليها رد فعل قوي, اللى بيقولو عليه الكيك, وده بيخليها تنتش لفوق اول ما تضرب, بالتالى لو انت منشن على الجزء السفلي من الطبق, الاصابه هتطلع لفوق شويه, وده عكس البندقيه الرش لأن رد فعلها مش عنيف زي الشوت جن او تعتبر ملهاش رد فعل رأسي تقريبا والرشايه وزنها خفيف وسرعتها مش عاليه, فبتنشن فوق الهدف شويه لو كان الهدف بعيد عشان الرشايه تنزل له عموما متشغلش بالك تنشن فين لأن الموضوع معتمد على حاجات كتير منها وقفتك وطريقة تركيزك مع الطبق وانك تبقى عارف هتبدأ تتابعه منين, وهتضرب عليه فين, والزاويه اللى هتضرب منها, هل هتضرب قدامه بشويه, ولا لأ.. والكلام ده كله هيجي بالممارسه والتدريب, إفتكر كده لما كنت بتتعلم سواقه, كنت بتركز مع الدبرياج تنسى المرايات, تركز مع المرايات تنسى تنقل الغيار, بس مع الممارسه بقيت تعمل الحجات كلها فى نفس الوقت بتلقائيه.. وربنا يوفقك فى الهوايه دى وتتفوق فيها. وأهم حاجه ركز مع المدرب وحاول تزاكر على النت عشان لما تسأله تستوعب اللى هوا يقولو بسهوله ودول كام فيديو مفيدين جداً إن شاء الله اتفرج عليهم كذا مره .
__________________
. «وجــدتُ سكـوتي متجــراً فلزمتــهُ___ إذَا لَـمْ أجِـدْ رِبحـاً فَـلَـسْـتُ بِخَاسِـرِ» «وَمَا الصَّمْتُ إلاَّ في الرِّجَالِ مَتَاجرٌ___ وتـاجـرهُ يعلـــو علـى كــل تـاجــرِ» من أقوال الإمام الشافعي» . |
11-06-08, 04:06 PM | #8 |
صياد جديد
تاريخ التسجيل: Mar 2011
المدينه: القاهرة
المشاركات: 2
معدل تقييم المستوى: 0 |
رد: ضرب خرطوش
اخي الفاضل // ردا علي سؤالك تحت و لا فوق بالتحديد تضرب و الطبق فوق الماسورة مباشرة ( يعني الماسورة تحت) وطبعا الموضوع عايز تمرين كثير و متابعة للرماة المحترفين
|
11-06-08, 11:17 PM | #9 |
صياد جديد
تاريخ التسجيل: Apr 2011
المدينه: الاسماعليه
المشاركات: 47
معدل تقييم المستوى: 5 |
رد: ضرب خرطوش
ابحث في يو تيوب على
Western Wings Shooting Tips ممتازة انا ايضا بدأت في نادي الرماية وتاني حصة لي السبت القادم إن شاء الله
__________________
" ارْمُوا بَنِي إِسْمَاعِيلَ فَإِنَّ أَبَاكُمْ كَانَ رَامِيًا " صدق رسول الله صلى الله عليه وسلم
|
11-06-09, 06:43 PM | #10 |
صياد نشيط
تاريخ التسجيل: Jun 2011
المشاركات: 413
معدل تقييم المستوى: 7 |
رد: ضرب خرطوش
شاكر لك اخى ابراهيم على الشرح الوافى الجميل والاسلوب السهل وشاكر لكل من افادنى بمعلومة غالية وان شاء الله احاول مع الوقت اخد السنس بتاع البندقية لان فعلا رد فعلها قوى والنشان بيبقى فيها صعب شوية خصوصا انى متعود اضرب بالرش
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طلق خرطوش 16 | krrish | محدثات الصوت | 5 | 11-05-31 01:25 AM |
فرد خرطوش 12و 16 | kapo123 | ادوات الصيد الثقيله | 2 | 11-05-17 09:54 AM |
فرد خرطوش صوت | ashrfnabil | ادوات الصيد الثقيله | 19 | 11-05-13 12:08 AM |
خرطوش 12 | mohreda | سوق المنتدى | 8 | 11-04-24 09:06 AM |
مطلوب فرد خرطوش 16 | h_ghaly2005 | سوق المنتدى | 5 | 11-03-15 10:57 AM |