إلى حاملى الأسلحة النارية المرخصة من غير رجال الشرطة والجيش

[kghazy]

أنا بصراحة من ساعة الحادثة الزفت بتاعة شمال سيناء وأنا مش عارف أنام من كتر ما أنا مش فاهم حاجة. وبتابع الأخبار فى كل حته علشان أحاول أفهم بس بتلغبط أكتر بالذات لما أسمع أن أمريكا بتعرض مساعدة مصر، وده معناه إن الموضوع أكبر بكتير من اللى أحنا شايفنه على الوش. أنا خايف كمان تحصل مصيبة على مستوى الجبهة الداخلية وإنفلات أمنى وحوادث فى كل المحافظات فى ظل الهبل الداخلى اللى أحنا عايشين فيه. يارب ميحصلش حاجه إن شاء الله بس الاحتياط واجب وأحنا لازم يكون لينا دور فى دعم الشرطة والجيش لا قدر الله لو الإنفلات الأمنى رجع تانى زى ما ساعدنا الجيش أيام الثورة فى الشوارع. ونظرا لانتشار السلاح دلوقتى فلا قدر الله اللجان الشعبية لو رجعت ممكن تبقى دموية. الغرض أن أنا فتحت الموضوع ده علشان أنا مؤمن أننا لازم نكون مستعدين لا قدر الله لو حصل حاجه ولازم تكون عندنا خطة طوارئ علشان نستخدم أسلحتنا المرخصة فى حماية بلدنا مش نحمى نفسنا وبس. أنا مش عارف ممكن نعمل أيه بالظبط بس على الأقل نتعرف ببعض ونعرف المناطق الجغرافية اللى بنغطيها. أنا فاكر أيام الثورة وأنا بشارك فى حماية الشارع وكان نفسي أعرف الشوارع التانية فيها ناس زيي معاها أسلحة نارية مرخصة ولا لأ علشان ننسق نبتشيات مع بعض بس ساعتها أتضح أن كله بيفتى ويطلع أشاعات وكان ناقص يقولوى فلان شايل دبابة فى بيته

[kghazy]

أنا أقصد أن الموضوع يكون أسمه " إلى جاملى ...." بس اتكتبت غلط .. معلش

[mr vigo]

ربنا يكرمك يا غازي على شعورك النبيل

بس بإذن الله مش حنوصل للموضوع ده وحيعدو على خير وربنا يحفظ مصر وأهلها

[bodygard 34]

الضرب بيد من حديد وبكل قوه ..على رأس كل من تسول له نفسه بالتلاعب بأمن هذا الوطن الغالى ومحاولة التقليل من شأن وقدرة جيشنا العظيم ...هو الحل الامثل لأستقرار الحاله الامنيه ..داخل او على حدود البلد..وما يحدث داخل سيناء الان هو ما سيجعل الامور تعود لأستقرارها ان شاء الله

[ashraf_f]

البلد دلوقتى اتملت سلاح مرخص وغير مرخص و معدل و نسبة الشر الى الخير 1فى الالف اطمن كل السلاح اللى مع الشرفاء مستعد و التأمين المرة دى و ربنا ما يجيبها اساسا هيكون اقوى بكتير قوى عن ايام الثورة

[NILE MAN]

البلد متوترة سياسيا و أمنيا بسبب الصراع بين النظام القديم و مريديه و النظام الجديد و مريديه - اعتقد ان ساعة الحسم الثورى اقتربت كثيرا و رب ضارة نافعة - فحينما توجد التضحيات وجدت المكاسب الحقيقية - كلنا على ثقة اننا مستعدون للدفاع عن الوطن و انشاء الله اننا جميعا لمنتصرون شعبا و جيشا.