طلب من الأخوه الصقارين واعضاء المنتدى الكرام

[modyana]

بسم الله الرحـمن الرحــيم

الصراحه انا عايز اشترى صقر من فتره طويله بس مكنتش عارف منين وازاى وبعدين لقيت المنتدى الجميل ده وياريت لو حد يقدر يفيدنى فى هذا الموضوع منين اجيب الصقر او لو فى حد عنده وعايز يبيع وايه نوع الصقر الكويس اللى ابتدى امارس بيه الهوايه دى واسعارهم وإذا كان فى معلومات تانيه يبقى جزاكم الله كل خير........وكل عام وانتم بخير ورمضان كريم.

[golden eagle]

و انا كمان برضه والله بس لما نويت أنزل سوق الجمعه اتفرج السوق اتحرق المهم انا اعرف ان فيه ناس كتير فى الشرقيه بتبيع بس ماعرفش الاماكن بالظبط بس انا عن نفسى مش من محبى السفر فياريت فعلا لو حد يعرف اماكن بيع فى القاهره يدلنا اما عن الانواع مش مشكله كبيره يعنى لو انت ماليكش فيها خالص ممكن تجرب البلدى او الجراد هايكون اسهل انك تجرب فيه ولو عايز حاجه اعلى شويه عندك الوكرى او الشاهين الجبلى حسب معلوماتى الوكرى مش غالى بالنسبه للانواع التانيه الكبيره نسبيا
وتقبل مرورى

[modyana]

المشاركة الأصلية كتبت بواسطة golden eagle

و انا كمان برضه والله بس لما نويت أنزل سوق الجمعه اتفرج السوق اتحرق الظاهر كده وشى حلو عليه المهم انا اعرف ان فيه ناس كتير فى الشرقيه بتبيع بس ماعرفش الاماكن بالظبط بس انا عن نفسى مش من محبى السفر فياريت فعلا لو حد يعرف اماكن بيع فى القاهره يدلنا اما عن الانواع مش مشكله كبيره يعنى لو انت ماليكش فيها خالص ممكن تجرب البلدى او الجراد هايكون اسهل انك تجرب فيه ولو عايز حاجه اعلى شويه عندك الوكرى او الشاهين الجبلى حسب معلوماتى الوكرى مش غالى بالنسبه للانواع التانيه الكبيره نسبيا
وتقبل مرورى

اشكرك اخويا golden eagle على الإفاده وانا فعلا كنت ناوى انزل سوق الجمعه لما قالوا عليه بس كده هضطر انى استنى شويه وياريت يا شباب لو حد عنده معلومات عن سعر الوكرى بكام هنا فى مصر وانا مستنى اى حد عنده صقور للبيع يكلمنى.

[Rembrandt]

حاليا موسم طرح الطيور شغال واسعار الطيور حاليا مولعة واسعار الفرخات (وكرى او جبلية ) من 800 الى 2000 على حسب اللون والمقاس ودة بلنسبة لطيور المبتدئيين.
ومنصحكش انك تشترى طيور من سوق الجمعة لان مش هتلاقى طيور كويسة معظم اللى هناك حاجات صغيرة ..ولو لقيت حاجة محترمة هاتبقى اكيد بايتة ومش طرح جديد.. ولو فى القاهرة هاتبقى الاسعار مضاعفة..انصحك تنزل الشرقية جزيرة سعود هتلاقى اللى انت عايزة ان شاء الله..
واخيرا وهو رجاء شخصى..قبل ماتفكر انك تشترى صقر ياريت تقرا الاول عن الصقور وتسأل حد قريب منك عن طبيعتهم وطريقة التعامل معاهم والبيئة الملائمة ليهم فى الاسر.....الخ الخ
عشان الصقور دى كائنات حساسة جدا وعايزة معاملة خاصة
وثانيا عشان دى روح اوقعها حظها العسر ما بين ايديك واذا تسببت فى مرضها او موتها فأكيد ربنا هايحاسبك.
وان شاء الله بقية الاخوة يفيدوك اكتر منى

[ديانا]

هذا صقر حصاوي


هذا أشقر



هذا صقر الجير نحن في ليبياهكد نقول



وهذا شاهين
وأدا تريد واحد من طيور مفيش أي مشكلة وهذا ايميلي





br4010m@hotmail.com

dos_ftb@yahoo.com