1. youtube
  2. new
الإعلانات
الإعلانات


الصيد العام موضوعات الصيد العامه وتعارف الصيادين.

إضافة رد
أدوات الموضوع إبحث في الموضوع انواع عرض الموضوع
  #1  
غير مقروء 12-06-09, 09:07 PM
القبطان المصرى 77 القبطان المصرى 77 غير متواجد حالياً
صيــــــــاد محتـــــــــرف

اوسمتي

 
تاريخ التسجيل: Feb 2012
المدينه: الاسكندريه
المشاركات: 2,666
معدل تقييم المستوى: 138
القبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدى
افتراضي الموضوع الشامل عن صيد اليمام ودجاج الماء ليلا


بسم الله الرحمن الرحيم
السلام عليكم ورحمة الله وبركاته
اخوانى الساده المحترمين
ادارى واعضاء منتدانا الجميل
جميعنا نعلم ان هناك صيدا للاسماك ليلا
ولكن القليل منا هو من يعلم ان ايضا هناك صيدا للطيور ليلا
وهناك من الصيادين من ييعلم ولكن يخاف الخروج للصيد ليلا
برغم انه ليس هناك داعى للخوف اصلا
وهناك من الصيادين من يهوى الصيد نهارا وفقط
وهناك من الصيادين من يهوى الصيد ليلا ونهارا
وانا العبد الفقير الى الله من النوع الاخير
اصيد ليلا ونهارا
ويشرفنى ان اقدم لكم اليوم موضوعا شاملا ومتكاملا عن الصيد ليلا
وهو صيد الطيور طبعا وليس الاسماك
وبالاخص اليمام ودجاج الماء

وعلى مأعتقد ان هذا هو اول موضوع ينشر على النت عن صيد الطيور ليلا
وارجو ان ينال الموضوع اعجابكم واعجاب الساده ادارى المنتدى الكرام
واشهد الله ان هذا الموضوع من اعدادى وبمجهود شخصى هديه منى الى منتدانا الغالى
وقد قمت بتصوير كل شىء باستثناء بعض الصور القليله من النت
لتكامل الموضوع لانى لم استطع تصوير كل شىء
وباقى الصور من تصويرى
وعلى بركة الله نبدأ
اولا وقبل كل شىء هناك بعض الصيادين يعتقدون ان الصيد ليلا حرام مستندين فى ذالك الى الحديث اللذى يقول
لاتأتو الطيور فى اوكارها ليلا
فأحب ان اطمن الجميع
فهذا الحديث مكذوب على النبى صلى الله عليه وسلم
وهذا هو الدليل
هذا الحديث مكذوب عن النبي صلي الله عليه وسلم فلا تعتبروا له
فتوي موقع الشيخ بن عثيمين
http://www.ibnothaimeen.com/all/noor/article_7094.shtml
تعالو بقى ندخل فى الجد
اولا
مميزات الصيد الليلى
1-الاستمتاع بالهواء النقى الطلق اثناء الصيد وبالذات فى الصيف
2-ممكن تصطاد بأى بندقيه معاك حتى ولو ضعيفه لأن اكبر مسافه ممكن تضرب عليها على الاشجار بالليل هى 20 متر تقريبا
والافضل يكون صوتها واطى على قد ماتقدر
3-مش هايعطلك عن شغلك. يعنى مش محتاج انك تسيب شغلك او تهمل شغلك عشان تمارس هوايتك
4-مش هاتعانى من حرارة الشمس المفرطه ولهيبها
5-مش هاتجرى ورا اليمامه وتتحايل عليها عشان تتستناك لما تضربها وممكن تدوخك وفى الاخر برده ماتعرفش تجيبها وتطلعلك لسانها وتجرى
واظن ده بيحصل معانا كتير
هههههههههههههههههههه
6-مش هاتمشى كتير لان معظم الصيد هايكون على الواقف
7-هاتنشن براحتك خااااااااااااالص من غير استعجال وخوف ان اليمامه ممكن تطير
8-الصيد الوفير فى اقصر وقت واقل مجهود سعات ربنا بيكرمنا
وبنجيب بالــ 30 الحمد لله انا وصديق ليا فى ساعتين او ثلاثه
ولو فى الغيطان فى موسم القمح ممكن 40 و50

ثانيا

عيوب الصيد الليلى
تقريبا مفيش عيوب خالص وعن تجربه
ده من وجهة نظرى طبعا

ثالثا

مواعيد الصيد الليلى او الايام المفضله
1-كللللللل الايام ممكن تخرج فيها للصيد ماعادا طبعا ايام التكاثر اللى بيكون اليمام فيها نايم على صغاره او بيضه
وايضا من الافضل تجنب الايام القمريه ( اللى القمر فيها بيكون مكتمل )وهى ثلاثه ايام
لأن فى الايام القمريه اليمام بيكون قلقان وشايف حركاتك كلها كأنك بالنهار وممكن يطير من قبل ماتدخل على الشجره
2-الايام الممطره وشديدة البروده جيده للصيد الليلى
3-الايام المظلمه جدا وحالكه السواد بيكون الصيد فيها فى منتهى الروعه
لأن اليمام بيكون فى منتهى الهدوء
رابعا
اماكن تواجد اليمام ليلا
جميع اماكن تجمعات الاشجار
او الاشجار الكبيره المنفرده
واليمام تقريبا بينام على كل انواع الاشجار
ولكن الشجر المفضل عند اليمام للنوم
بالترتيب
شجر التوت
شجر الليمون
شجر الفيكس
شجر الجوافه
شجر الصفصاف
شجر الجزورين
وطبعا مش هاننسى جناين الفاكهه
خامسا
نيجى بقى للسلاح
قلنا قبل كده ان اليمام بيكون واقف ليلا على اشجار بارتفاعات 4 متر و6 و8 و10 لغاااااااااية 20 متر فى بعض الاشجار العاليه مثل الجزورين والصفصاف
وطبعا الارتفاعات دى كلها اى بندقيه بتجيبها بسهوله حتى ولو بندقيه ضعيفه بس المهم تكون دقيقه
يعنى حتى لو ظروفك مش ولا بد ومعاك بندقيه صينى من ام 300 جنيه برده هاتعرف تمارس هوايتك وتصطاد
يعنى بأى سلاح هاتصطاد هاتصطاد المهم يكون سلاحك دقيق
انا باصطاد بالاسلحه دى
سواء بندقيه bsa هاى باور سرعه 240 متر فى الثانيه

او بندقيه متوسطة القوى نوريكا 61.. سرعه 170 متر فى الثانيه

او حتى بندقيه صينى عاديه سرعه 125 متر فى الثانيه

او الكرال سرعتها 240

سادسا
واحد يقول طيب ازاى ياعم انت هانصطاد بالليل وهانشوف ازاى انت هاتخترع ولا ايه
حاضر ياباشا هاقول لحضرتك بس ماتزعقش كده ومن غير ضرب لو سمحت
هههههههههههههه
بص ياكبير
الشئ المهم جدا جدا فى الصيد اليلى
الكشاااااااااااف
وده طبعا متوفر فى كل محلات الاسلحه
وفيه كشافات شاحن محترمه بتبدأ من 120 جنيه لغااااااية تقريبا 400 وبها بطاريه داخليه للشحن من التيار الكهربى
ده بالنسبه للالى امكانياته الماديه كويسه
ودى بيكون نورها كويس جدا فى الصيد
هايرد عليا واحد ابن حلال غلبان زى حلاتى ويقول
يانهاااااااااااار اسود هادفع 120 او 200 جنيه فى كشاف؟
لا ياعم مش لاعب
ههههههههههههه
هاقولك ياعم هات كشاف عادى من ابو حجاره
بس ده بيكون ضعيف وكل ماتطلع تصطاد هاتجبله بــ10 جنيه حجاره فى كل طلعه صيد
وده طبعا هايكون مكلف جدا زائد ان نوره بيضعف تقريبا بعد ساعه او نص ساعه
هاتقوللى لألألألألألألألألألألألأ سيبك منه الكشاف ده
هاقولك خلاص ياعم ماتزعلش تعالى اقولك على فكره حلوه ورخيصه انا باصطاد بيها
هاتجيب الكشاف الاستانلس ابو 10 جنيه ده اللى هو بياخد حجرين زى اللى فى الصوره ده وياسلااااااام لو لقيت ابو تلاته حجاره اللى هو طويل شويه عشان ده اللمبه بتاعته قويه شويه عن الكشاف ابو حجرين
او اى كشاف من الانواع دى وسعرهم مابين 10 او 20 جنيه

او هات اى كشاف عادى يعجبك انت يكون بيشتغل بالحجاره بس المهم يكون بلمبه واحده مش اللى هو متعدد اللبمات

ويكون رفيع عشان لما هاتيجى تضرب هاتمسكه هو والبندقيه فى ايدك الشمال
وتجيب متر سلك كهرباء طرفين
وتفتح الكشاف من الخلف وتلحم طرف سلك من الطرفين فى مؤخرة اللمبه بتاعة الكشاف
والطرف التانى فى جسم الكشاف من الداخل
وهايبقى الكشاف بالشكل ده

وهاتشترى بطاريه كاسيت 6 فولت صينى او ماليزى بــ 25 جنيه من عند اى حد بتاع الكترونيات
زى الى فى الصوره دى

ودى مش تقيله على فكره هى وزنها تقريبا 1 كيلو ولما تحطها فى جراب وتعلقها فى كتفك مش هاتحس بيها
وهاتروح لأى مهندس بتاع تلفزيونات وتقوله عايزك تعملى دايرة شحن للبطاريه دى وتوريهاله
هاتكلفك 15 او 20 جنيه
زى اللى فى الصوره دى

ودايرة الشحن بيكون طالع منها سلكين واحد سالب وواحد موجب
خلى المهندس اللى هايعملك الدايره يعمل سلك الموجب لونه احمر عشان لما تيجى تشحن البطاريه هاتحط سلك الموجب فى الريشه بتاعة البطاريه اللى عليها علامة زائد والسلك التانى فى السالب
وبكده دى هاتعيش معاك كتيييير اوى ونورها بيكون كويس ومش مكلفه
يبقى المجموع كله كاااااام ياباشا؟
50 او 55 جنيه بالكتير
بس هاتعيش معاك كتيييييييير اوى
وكل ماتيجى تخرج للصيد هاتحطها فى الكهربه حوالى اربع او خمس سعات قبل الخروج للشحن
وبتجبلها جراب صغير كده تحطها فيه وتعلقها فى كتفك وبيكون فيها اتنين ريشه من الاعلى بتركب فى كل ريشه طرف سلك من السلكين بتوع الكشاف
ونورها بيكون قوى جدا ومش هاتكلفك حاجه تانى
والاحسن طبعا تركب عليها الكشاف الطويل ابو تلاته حجاره احسن عشان زى ماقلنا اللمبه بتاعته اقوى
بس المشكله انك ممكن متلاقيهوش لكن ابو حجرين بيقضى الغرض برده
والبطاريه دى بقى لما تشحنها ممكن تفضل معاك ونورها كويس لمدة من 5 الى 7 سعات
وده كتيييييير وجميل اوى
ودى صورتها هى والكشاف

وفيه دلوقت كشافات شاحن نازله جديد ليزر الكشاف بـ20 جنيه
بس ده مشكلته ان اخره معاك ساعتين وبيخلص
ودى صورته اللى هو الازرق فى وسط الكشافات

سابعا
كده احنا جاهزين للصيد
هانعمل ايه بقى
انت كل اللى عليك هاتشحن البطاريه كويس اوى قبل الخروج وتسيبها على الشاحن حوالى 5 سعات
وطبعا لما تيجى تشحنها تفك السلكين بتوع الكشاف من البطاريه وتحط مكانهم السلكين بتوع الشاحن
وبعد ماتشحن ركب الكشاف فيها تانى
انسب الاوقات للصيد
وانسب وقت للخروج بالليل والصيد بيكون من الساعه 8 مساء فى الشتاء لغااااااااااية الصبح لو انت عاوز
وفى الصيف من 10 مساء لغاااااااية الصبح برده لو انت عاوز
والمواعيد دى مش اجباريه
انت ممكن تخرج فى اى وقت يعجبك بالليل
لكن دى احسن مواعيد
وطبعا انت بتكون محدد المكان اللى هاتروحه قبلها وعارف اماكن تواجد الاشجار فين
ولو معاك عربيه اركنها قبل الشجره اللى هاتدخل عليها بخمسين متر مثلا عشان نور العربيه مايهيجش اليمام ويطير
وامشى براحه وماتعملش دوشه وانت داخل على الشجره
واول ماتوصل تحت الشجره هاتقوم رافع الكشاف لفوق على فروع وجزوع الشجره وتشغل النور
بالشكل ده

وساعتها لو موجود اى يمامه او اى طائر هاتشوفه بسهوله جدا جدا وساكن ومسلم ومستنيك
وبيقولك اضربنى يامعلم
وكل اللى اليمام هايعملو هو انو هايغمى عليه من الخضه اول مايشوفك
هههههههههههههه
لانك بمجرد مابتضرب الكشاف فى وش اى طائر بيصاب بعمى مؤقت ومش بيشوف ولا بيطير وبيثبت مكانه
زى اللى فى الصوره كده

هى فى الصوره واقفه على مسافه قريبه جدا لكن فى الواقع هاتكون ابعد شويه
يعنى معاك من 4 متر الى 25
على فكره سعات كتير بيكون واقف على الشجره الواحده اكتر من 10 يمامات ممكن تضرب منهم 3 او 4 والباقى بيطير طبعا بعد كذا رشه
وكل مالبندقيه هايكون صوتها واطى كل ماهتنزل من الشجره الواحده عدد اكبر
وبرده انت ورزقك يعنى ممكن تلاقى على الشجره يمامه واحده
ممكن اتنين ممكن تلاته
ممكن متلاقيش على الشجره دى حاجه خالص عادى ساعتها هاتشوف شجره غيرها
ولو مشفتش حاجه اول ماتنور فى الشجره من تحت لف حوالين الشجره من كل اتجاه ودور كويس على حاجه ممكن تكون مستخبيه
وخليك حريص على قد ماتقدر ومتوجهش الكشاف ناحية جسمك او جسم الشخص اللى معاك عشان كده ممكن اليمامه تشوفك بسهوله وتطير
ولو لقيت يمامه هاتمسك الكشاف على كف ايدك الشمال وفوق الكشاف تحط ماسورة البندقيه
وتمسك الاتنين مع بعض بايد واحده
بالشكل ده


والايد التانيه طبعا على الزناد
وبكده هاتنور بالكشاف على اليمامه وتنشن فى نفس الوقت
واحد محترم هايقوللى طيب هانشوف الناشنكهات ازاى وانا بانشن؟؟
سيادتك احنا اتفقنا انك لما تيجى تنشن هاتمسك الكشاف على ايدك الشمال
وتسند ماسورة البندقيه عليه
يعنى بالعربى هاتكون منشن بالكشاف والبندقيه فى نفس الوقت على اليمامه
وساعتها فى الوضع ده هاتبص من فتحة الشيز هاتشوف نملة الدبانه واليمامه بكل سهوله
وعلى فكره
ممكن تاخد حد معاك يمسكلك الكشاف وينورلك وانت عليك تضرب وبس
والكلام ده ينطبق على دجاج الماء ايضا لكن طبعا مع اختلاف المكان
لان دجاج الماء بيكون فى الترع والمصارف والبحيرات مش على الاشجار

ونادرا لما يمامه تطير او دجاجه تغطس وتهرب منك اول ماتضرب الكشاف فى وشها لان زى ماقلنا الطريده بتصاب بعمى بمجرد ماتضرب فى وشها النور
ونشن براحتك خاااااالص
واضرب براحتك خاااااااااااالص وماتقلقش اليمامه مستنياك مستنياك
وعلى فكره فى بعض الاحيان ممكن تضرب طلقه متجيش فى اليمامه وتفضل واقفه مكانها برده لغاية ماتضرب عليها تانى
وده بيحصل كتيييييييير اوى فى الليالى شديدة البروده بالذات
وده فيديو لأحدى طلعاتى الليليه يارب يعجبكو

وفى النهايه

اتمنى الموضوع يكون عجبكم وتستفيدو منه
واى اخ او صديق عاوز يستفسر عن اى شىء تانى انا فى الخدمه وتحت امره
وارجو الدعاء لى ولوالدى بالرحمه والمغفره[/COLOR]

[CENTER][SIZE="5"][COLOR="Red"]
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*

رد مع اقتباس

غير مقروء 12-06-09, 09:25 PM   #2
محمد حافظ بك
صياد قديم
الصورة الرمزية محمد حافظ بك
 
محمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدىمحمد حافظ بك حائز على اهتمام المنتدى محمد حافظ بك غير متواجد حالياً

ايه يا قبطان الشغل الجامد ده ...استاذ و رئيس قسم ليلي و نهاري و بحري و جوي و سماوي و باطني و انفلونزا ......الله ينور بجد و علي التثبيت فورااااااااااااااا ان شاء الله و ربنا يغفر ليك و للوالد ان شاء الله

التوقيع: سبحان الله و بحمده . . . سبحان الله العظيم
  رد مع اقتباس


غير مقروء 12-06-09, 09:39 PM   #3
darkshaft
صياد قديم
 
darkshaft في بداية الطريقdarkshaft في بداية الطريقdarkshaft في بداية الطريقdarkshaft في بداية الطريق darkshaft غير متواجد حالياً

موضوع رائع جدا من راجل ذو خبره عالية و ارجوا من الاداره التثبيت.

  رد مع اقتباس


غير مقروء 12-06-09, 09:44 PM   #4
القبطان المصرى 77
صيــــــــاد محتـــــــــرف

اوسمتي

 
القبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدى القبطان المصرى 77 غير متواجد حالياً

اقتباس:
المشاركة الأصلية كتبت بواسطة محمد حافظ بك مشاهدة المشاركة
ايه يا قبطان الشغل الجامد ده ...استاذ و رئيس قسم ليلي و نهاري و بحري و جوي و سماوي و باطني و انفلونزا ......الله ينور بجد و علي التثبيت فورااااااااااااااا ان شاء الله و ربنا يغفر ليك و للوالد ان شاء الله
حبيييييييييييبى يامحمد بك والله انت
دايما رافع راسى وعامل معايا احلى جو
هههههههههههههههههه
ربنا يخليك لينا يا اجدع واحلى اسكندرانى فى اليكس

التوقيع: *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*

  رد مع اقتباس


غير مقروء 12-06-09, 09:45 PM   #5
القبطان المصرى 77
صيــــــــاد محتـــــــــرف

اوسمتي

 
القبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدى القبطان المصرى 77 غير متواجد حالياً

اقتباس:
المشاركة الأصلية كتبت بواسطة darkshaft مشاهدة المشاركة
موضوع رائع جدا من راجل ذو خبره عالية و ارجوا من الاداره التثبيت.
والله مرورك هو الاروع يا استاذ ايهاب
شرفنى مرورك وسعيد والله بمعرفتك

التوقيع: *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*

  رد مع اقتباس


غير مقروء 12-06-09, 09:51 PM   #6
عادل عبده
صياد قديم
الصورة الرمزية عادل عبده
 
عادل عبده عادل عبده عادل عبده عادل عبده عادل عبده عادل عبده عادل عبده عادل عبده عادل عبده عادل عبده عادل عبده عادل عبده غير متواجد حالياً

موضوع اكتر ن رهيب واكبر من ممتاز
تسلم ايدك بجد وتحياتى ليك يا غالى

التوقيع:
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

اللهم انى استغفرك واتوب اليك

*اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت *
  رد مع اقتباس


غير مقروء 12-06-09, 10:02 PM   #7
القبطان المصرى 77
صيــــــــاد محتـــــــــرف

اوسمتي

 
القبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدى القبطان المصرى 77 غير متواجد حالياً

اقتباس:
المشاركة الأصلية كتبت بواسطة عادل عبده مشاهدة المشاركة
موضوع اكتر ن رهيب واكبر من ممتاز
تسلم ايدك بجد وتحياتى ليك يا غالى
ربنا يبارك فيك ياكبيرنا ياااااااارب
بجد والله بيسعدنى دايما مرورك الكريم وكرم اخلاقك

التوقيع: *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*

  رد مع اقتباس


غير مقروء 12-06-09, 10:08 PM   #8
hafez
صياد نشيط
الصورة الرمزية hafez
 
hafez مستواه غير معروفhafez مستواه غير معروف hafez غير متواجد حالياً
إرسال رسالة عبر Skype إلى hafez

موضوع ممتاز جدا......

التوقيع:
دكتور حافظ
  رد مع اقتباس


غير مقروء 12-06-09, 10:12 PM   #9
hesham[MaFya]a
ادمن صفحة المنتدى
الصورة الرمزية hesham[MaFya]a
 
hesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدىhesham[MaFya]a من كبار اسرة المنتدى hesham[MaFya]a غير متواجد حالياً
إرسال رسالة عبر Yahoo إلى hesham[MaFya]a

بجـــــــــــــــــــــــــــــــــد انت استااااااااااااااااذ تسلم ايييييييدك .. و دعاوتنا للوالد بالمغفرة و ان يدخله الله فسيح جناته ..

التوقيع:
الــصيــــــــــــد ادب ... مــــــش مســــــــــــــــــك ســــــــــلاح.!
  رد مع اقتباس


غير مقروء 12-06-09, 11:13 PM   #10
القبطان المصرى 77
صيــــــــاد محتـــــــــرف

اوسمتي

 
القبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدى القبطان المصرى 77 غير متواجد حالياً

اقتباس:
المشاركة الأصلية كتبت بواسطة hafez مشاهدة المشاركة
موضوع ممتاز جدا......
اشكرك جدا ياافندم والله

التوقيع: *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*

  رد مع اقتباس

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
الموضوع الشامل للمبتدئين sayed allaa بنادق ضغط الهواء ومتعلقاتها 526 17-07-05 01:11 PM
الموضوع الكامل عن الصيد ليلا وبالاخص اليمام والقميري mustafa-amer الصيد العام 26 12-05-28 02:31 PM
الموضوع الشامل بخصوص كريم بسكوتة البلطجي NEW_Year الموضوعات العامه 25 12-05-04 01:59 PM
صيد دجاج الماء ليلا ابو عامر صور وفيديو الصيد ورحلاته 12 11-11-10 01:18 PM


الساعة الآن 01:43 PM

الإعلانات