| الإعلانات |
| الإعلانات |
|
|||||||
| مطبخ المنتدى وصفات وطرق طبخ الصيد. |
 |
| أدوات الموضوع | إبحث في الموضوع | انواع عرض الموضوع |
|
#1
|
||||
|
||||
شاورمه فراخ وشيش على اصولها
بسم الله الرحمن الرحيم
النهارده هاعمل لكم شاورمه الفراخ وشيش فراخ بتتبيله جامده اول حاجه الشاورمه هانجيب صدور فراخ ونقطعها شرايح بالطول زى كده  ونصفيها كويس تمام نيجى بقى للتتبيله كل ده هاقوله على حسب الكميه انا عامل هنا صدر فرخه واحده كل ما الكميه تكتر تقدر مقادير التتبيله كوبايه زبادى وسنه ثوم مفروم وعصير لمونه ومعلقه كبيره خل وشويه ملح وفلفل اسمر وسنه كارى مايمنعش وفيه بهارت شاورمه بتتباع جاهزه كويسه وفيها كل البهارات الى هانحتاجها دى صورتها هانحط منها معلقه كبيره او معلقه ونص  وهاننقع الفراخ فى التتبيله دى ونقفل عليها كويس اوى ونحطها فى التلاجه يوم كامل طبعا ممكن نعملها بعدها بساعه مافيش مشكله بس كل ما الفراخ تقعد فى التتبيله طعمها بيبقى اجمد زى مانتوا شايفين حططها فى علبه بتتقفل زى دى   بعد مانطلعها من التلاجه بعد يوم قبل مانبدا هانجيب بصل نقطعه جوانج ونحط عليه سماق ونسيبه على جنب دلوقتى ونقطع كام فلفلايه رومى شرايح بردوا ونجيب طماطمايه تكون جامده مش طريه ونشيل منها القلب والميه وناخد قلبها بس ونقطعها بردوا شرايح  هانطلع الفراخ وفى طاسه نسويها ومش هاتاخد منك وقت نهائى لانها خددت جزء من التسويه فى التتبيله خاصتا انها فيها خل ولمون هاتسويها وتطلعها على جنب دلوقتى  زى مانتوا شايفين لسه عليها من التتبيله لما تيجى تسويها ماتصفيهاش اوى من التتبيله وبعد ماطلعنا الفراخ على كنب نجيب البصل الى كنا حاطين عليه سماق ونحطه فى نفس الطاسخ الى سوينا فيها الفراخ ونحط شويه زيت او سمنه ونوطى عليها ونسيبه يدبل وبعدين نحط عليه الفلفل ونسيبه يدبل بردوا  وبعد كده نحط الفراخ والطماطم والنار واطيه ونديها تقليبه مع بعض  وبالهنا والشفا لو جبيت تعملها سندوتشات هاتجيب العيش السورى الخفيف وتحط فيها طحينه ومايونيز ولو عندك خيار مخلل تقطعه شرايح بالطول وتفرد فيها الشاورمه وتلف وبالهنا والشفا او مع رز بالكارى زى مانا عامل كده نخش على الشيش بصوا بقى يا رجاله الشيش اصله وراك فراخ مش صدور لو عايز تعملها بصدور ماشى بس اصلها الوراك تجيبها وتخليها وتقطعها مربعات وتشيش لان الوراك فيها دهون اكتر وده بيديها طعم احسن فى الشيش لكن الصدور بتبقى ناشفه حدا ما وده السبب ان الوراك فى الفراخ المشويه طعمها احسن من الصدور جبنا الوراك وخليناها وقطعناها مربعات او صدور ماشى الحال وقطعناها مربعات بردوا نخش على التتبيله بقى تقريبا نفس تتبيله الشاورمه الى عملناها فوق بس هانضيف شويه حاجات زبادى خل لمون ملح فلفل اى بهارات او تنفع طبعا بهارات الشاورمه الى حطيناها فوق شويه كارى مايضرش دايما بستخدمه فى معظم الاكلات بس يكون هندى اصلى مش كناسه العطار الى بيبقى عند العطارين وهانحط ثوم مفروم وهنا بقى هانزود كاتشب ومسطرده وجنزبيل فريش مفروم تمام انا عندى باربيكيو صوص حطيت منه اقل من ربع علقه شاى لانه نفا> وجامد جدااااا الى ماعندوش مش مشكله وننقع فيها الفراخ ونسيبها ليله بردوا زى الشاورمه ده الكارى الهندى حبيب قلبى الاصلى  بعد مانطلع الفراخ من التلاجه هانجيب فلفل رومى ونقطعه مكعبات وطماطم ونقطعها مكعبات وبصل بردوا مكعبات ونكون ناقعين اعواد الشيش الخشب فى ميه بثلج قبل مانشيش عشان ماتتحرقش ساوء سوينا فى الفرن او على الفحم زى مانا هاعمل ونشيش زى مانتوا شايفين بصل وفراخ وطماطم وفراخ وفلفل يعنى شكل  والتتبيله الى تفيض حطها على الفراخ والخضار بردوا وفى سينيه مدهونه زيت وعلى الفرن او على شوايه الفحم زى مانا عملتها وده كان شكلها ومش هاتاخد سوا بردوا  وطبعا الاكله دى شاورمه وشيش ماتنفعش من غير شويه بابا غنوج عجب وشويه رز بالكارى ودوس يا عم الحاج اتفضلوا معانا بقى على السفره على ماروح اجيب السلطهو العيش واجى لزوك البابا غنوج  
__________________
____________________________________________ ____________________________________________ يا رب لك الحمد كما ينبغى لجلال وجهك وعظيم سلطانك لا اله الا انت سبحانك انى كنت من الظالمين
|
|
| أدوات الموضوع | إبحث في الموضوع |
| انواع عرض الموضوع | |
|
|
أهلاً و سهلاً بكم فى منتدى الصيد في مصر حيث تجد من يقدر موهبتك و يساعدك دائماً على النهوض بها
العرض العادي
