الصيد فى مصر  

العودة   الصيد فى مصر > الصيد البحري والنهري > صيد السمك

صيد السمك معلومات عن انواع الاسماك وكيفيه واماكن الصيد.

إضافة رد
أدوات الموضوع إبحث في الموضوع انواع عرض الموضوع
غير مقروء 14-12-07, 01:32 PM   #1
mr-ashraf
صياد جديد
 
تاريخ التسجيل: Jul 2014
المدينه: الجيزه بدرشين
المشاركات: 36
معدل تقييم المستوى: 4
mr-ashraf مستواه غير معروف
Talking أماكن صيد الأسماك بمدينة الأسكندرية

أماكن صيد الأسماك بمدينة الأسكندرية.



1 - بلوران امام المحروسه والصيد هناك بالبوصه اليد والماكينه والسمك بطاطا ومرمار وشراغيش.

2 - السرايه واحد امام كافتريا نانا الصيد ايضا بالبوصه اليد والماكينه وهناك ايضا بطاطا وشراغيش ومرمار والصيد هناك ليا ونهارا والمكاينه تفضل ليلا لوجود الدنيس.

3 - لسان جليم الاخير وده الصيد ايضا بالبوصه اليد والماكينه ولكن يفضل البوصه اليد وايضا الصيد من ناحيه البحر سان سيتفانو بطاطا وشراغيش لكن من ناحيه البحيره او الجانب الاخر جالانفيش وبورى واحجام كويسه اما البطاط والشراغيش صغيره الحجم.

4 - سبورتينج امام فندق قاعود وامام كافتريا سبورتينج قدام الباركينك بتاع العربيات يفضل البوصه اليد عشان الوعر هناك جامد جدا فى النهار بطاطا وشراغيش وموزه وفى وميرا وفى موسم الاسكامتيشا توجد هناك بوفره وايضا بورى احجام كبيره لان هناك كام بلوكه غرقانه جيدين وهناك غرق حوالى 5 متر وبالليل شراغيش ودنيس احجام ممتازه.

5 - شواطىء سته اكتوبر ما عليك انك تدخل على اى حاجز من هناك وتقوم بالصيد بوصه يد فقط شراغيش وميرا احجام جيده جدا جدا ودنيس ايضا.

6 - الساحل الشمالى تقوم بالدخول لاى من القرى السياحيه الى هناك والصيد هناك بالماكينه فقط والصيد مرمار من المقام الاول وشراغيش ودنيس اساسى ايضا.

7 - مارينا الصيد هناك بالبوصه اليد والماكينه تفضل ليلا الصيد و الصيد بالبوسه اليد بورى ودنيس ومرمار وبطاط والبطاطا اكتر عند المينا الى هناك امام بورتو مارينا اما الماكينه تفضل ليلا من على الكبارى وبالاخص من كوبرى الوزراء وده الدخول هناك من بوابه 5 وطبعا افضل البوابات للصيد 5 او 6.


8 - بالنسبه للجزر :

أ - جزر ابو قير :

نبدا بالجزر الخمسه تقوم بالذهاب الى ابو قير و تركب الكاريته من هناك توصلك على الشاطىء وتسال على محمد السفاح او على ابو وليد لان دول حاليا الى بيدخلوا الجز بس واجره المركب 5 جنيه الدخول 6.30 صباحا والخروج 5 العصر وده فى الصيف فى الشتاء الخروج 4 عصرا.



الجزيره الاولى :

افضل الجزر ولكن اوطاهم وتحتاج يكون البحر مريح ويوجد بها كحله وبطاطا وشراغيش وبورى وتيوس وميرا وموزه وحلاليف بوفره.

الجزيره التانيه :

فى المقام الاول شراغيش ثم بطاطا ثم حلاليف

الجزيره التالته نفس الجزيره التانيه .

الجزيره الرابعه :

نفس التانيه والتالته ولكن بتوافر عليها الزنجاريا بكثره فى الموسم الخاص بها.

الجزيره الخامسه:

ودى شبه الاولى وتحتاج ايضا يكون البحر مريح ودى بطاطا وشراغيش وتيوس وحلوف من المقام الاول.

نيجى لجزيره نيلسون :

ودى بطاطا بطاطا بطاطا ثم شراغيش وحلاليف وكحله ومرزبان احيانا بورى ودنيس ودى يفضل الدخول مع مراكب الحاج ابو سعيد او هانى.

ب - جزر ميامى :

ودى طبعا الدخول اليها من ميامى وتسأل على الحاج ابو شامه وهناك جزيرتين :

اولا السادات : ودى عباره عن فيلا فى المياه وهناك بطاطا وشراغيش ودنيس وبورى وحلاليف وتيوس والصيد بالبوصه اليد افضل.

ثانيا جريشه :دى تحتاج البحر انه يكون مريح او مشخشخ ولا يفضل البحر عالى لانها واطيه ودى باه شراغيش كبيره وحلاليف كبيره بوفره ومرمار وبورى وبطاطا وتيوس جيده.

اماكن الصيد في الاسكندرية :
----------------------

1-القلعه و ما حولها من اشهر مناطق الصيد بالاسكندريه لما تتمتع به من مخابئ و صخور تمتد تحت الماء لمسافه لا تقل عن مئتى متر امام القلعه مما يعد مكان مناسب لمعبشه الاسماك.

2-جزيره الارمجان و هى فى منتصف الميناء الشرقى و هى صناعيه و يمكن الصيد امام الجزيره بالقوارب فقط دون الصعود على الجزيرة لان هذا ممنوع حاليا و الميناء الشرقى بوجه عام مستعمره البطاطا .
3-ميناء الدخيله: من افضل المناطق و اغزرها فى كميات و احجام الاسماك و لكن تحتاج الى تصريح دخول .
4-السلسله:فى الميناء الشرقيه ايضا .
5-كوبرى استانلى:الصيد هناك ليلا يعطى نتائج جيده .
6-خليج نادى المهندسين: يوجد به مجموعه لا باس بها من الاسماك مثل البورى و البطاطا و الترس و الموزه و المكرونه .
7-كوبرى المنتزه: يجب قطع تذكره دخول المنتزه و المشى لمده ثلث ساعه للوصول اليه و لكن المشى فى المنتزه متعه فى حد ذاتها و يوجد هناك اسماك بيضاء جيده .
8-خليج ابوقير:يوجد به اسماك خشنه مثل البطاطا و المكرونه و الموزه و اسماك بيضاء مثل الميرمار و الشراغيش فهو بحق مستعمره قديمه .
9-جزيره نلسون:فى وسط البحر على بعد نصف ساعه من ابوقير و يتم الوصول اليها بالقوارب ذات المحركات الديزل .
10-الساحل الشمالى:يوجد به اسماك جيده جدا لصيد المكنه و لكن يجب انتقاء المكان بعنايه فكما قلت قد تذهب و تجد ان الاسماك قد ذهبت فى مشوار و تركت المنطقه .
11- مارينا:يوجد بها كبارى ذات جوده عاليه اذا حالفك الحظ قد تعود بما لا يقل عن عشره كيلو جرامات من الاسماك .
12- لسان المندرة تحت فندق شيراتون بوري دنيس خاصا في الليل رزقها واسع .
13- لسان العصافرة مثله .
14 اللسان في نادي القوات المسلحه 6 اكتوبر خلف حلقه السمك.
15- جزر ميامي .
16 - أمام المحروسه شراغيش وزنجاريا وبوري وبطاطا .
17-البوريفاج و ده مكاني المفضل و هناك في و عر من ناحية شارع 45 يعني جزيرة ميامي علي شمالك و فيها حلاليف و بطاطا و مكرونة و اسماك الوعر عموما و من ناحية الرمال في اتجاه العصافرة مرمار و قاروص بيدخل في الموسم بتاعه و يفضل الماكينة (مقتبس من عضو العمده من رقم 17 حتى 20 ).
18-المنتزة: البلوكات من ناحية شاطيء عايدة و اسال علي الشراغيش.
19-جزيرة الدهب بسيدي بشر الشاطبي بجوار الكازينو .
20-كامب شيزار امام قهوة والي كانت توجد منطقة تسمي من اهل المنطقة بالحدود وده كان فرش صخر كبير جدا و بعده عميق جدا لو حد يعرف حتت تانيه يزيدها ربنا يوفق الجميع .


منقول
mr-ashraf غير متواجد حالياً   رد مع اقتباس
sponsor links
غير مقروء 15-04-09, 02:15 PM   #2
M@ndo
صياد جديد
 
تاريخ التسجيل: Apr 2015
المدينه: الاسكندريه
المشاركات: 8
معدل تقييم المستوى: 0
M@ndo مستواه غير معروف
افتراضي رد: أماكن صيد الأسماك بمدينة الأسكندرية

اولا محدش يقدر يزايد على المعلومات دي كلها وبجد مجهود غايه في الروعه
ثانيا حضرتك نسيت منطقه سيدي جابر من بعد نادي القوات المسلحه في اتجاه كليوبترا والمنطقه دي كلها سمك موزه وشراغيش وبطاطا بأحجام ممتازه
وكمان فيه منطقه المشرحه اللي في المنتزه ودي الدخول فيها نهارا بس والمنطقه دي موجوده اما قصر المنتزه وتقدر تسأل اي فرد امن عليها وهو حيدلك الدخول فيها للصيد بس لانه مبنى قديم جدا ومن اكتر اماكن المنتزه وفره في الاسماك شراغيش وبطاطا براطيش وقاروص لان المرمى بتاع الرمي هناك كبير جدا ومافيش توعير غير في اقصى اليمين بأتجاه الكباين
وكمان فيه منطقه المعموره الشاطيء ودي يفضل الصيد بيها بالماكينه لانها شواطيء رمليه وكلها خير وافضل اوقات الصيد فيها بيكون في الشتا علشان المصيفيين بيكونوا مش موجودين
M@ndo غير متواجد حالياً   رد مع اقتباس
إضافة رد

sponsor links

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 03:51 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir