استفسار عن تعديل مسدسات الصوت !

[208116382]

من خبراتكم يا اعضاء المنتدى الكرام . مين احسن واحد هنا في المنتدى يقدر يعدل فرات ماجنم ؟
وايه خطوات تعديله او اللازم لتعديله و هل يفضل نص الي ولا لأ ؟؟

نرجوا الافادو و شكرا للمرور

[loverlover]

اولا اهلا بيك بين اخواتك هنا فى المنتدى
ثانيا انصحك تشيل فكرة التعديل دي من دماغك اساسا
لان فعلا مشاكلها كتير وضررها اكبر بكتير من نفعها خصوصا فى الوقت الحالي
وبعدين انت عايز تعدله تخليه بيضرب بلي ؟؟ ولا حي ؟؟؟؟؟؟؟؟
انك تقلبه حي دي انساها تماما ومتسألش ولا تفكر فيها
وإنك تخليه بيضرب بلي .. فدة لازم يكون يكون المسدس مفتوح من المصدر
وتشيل الطبة اللى بتبقى جاية معاه الصغيرة بتاعة الصوت وتركب له طبة طويلة بتعملها عند خراط بمقاسات معينة وبتكون بتوصل لقبل بيت النار بحاجات بسيطة عشان تعوض حبس الغاز اللى كانت بتقوم بيه الطبة الأصلية للمسدس .. اما بقى لو كان المسدس مقفول وحضرتك فتحته عند خراط فاحتمال 50 % يبوظ في ايده والماسورة تسافر وتبقى عملت زي اللى رقص على السلم ولاانت استفادت بيه صوت ولا استفادت بيه بيضرب مية حتى ولو وديته لخراط وفتحه بقت عقوبتك جنائياً أكبر وأخطر وهتبقى حيازة سلاح ناري بدون تراخيص وكمان معدل يعنى انت بعد الشر عليك طبعا فى هذه الحالة هتسااااااااااااااااااااافر
نيجي بقى تاني لموضوع لو المسدس مفتوح من المصدر فدة ماعلهوش اي عقوبة جنائية ومافيهوش مشاكل بس حضرتك احب اطمنك ان انت فى مصر ولو ظابط وقفك ولقى معاك المسدس من غير مايكون بيضرب بلي ولا دياولو وبيضرب صوت بس وحب يرخم عليك .. هياخد حضرتك على النيابة والنيابة هتأمر بإعدامه وهتعيط على الفلوس اللى اتحطت فيه ... اما بقى لو لقاه بيضرب بلي ومعاك طلقات بلي .. فانت كدة لبست في الحيط وهتسافر بردو ..
وبعدين عشان تعمل طبة اصلا فيلم هندي كبييييييييييير مش حاجة سهلة
لانها بمقاسات معينة وعايزة حد فاهم لانها لو اتعملت اي كلام بخامة تعبانة فالمسدس كل سنة وانت طيب الماسورة هتنفخ ومش بعيد تتشرخ او تتكسر او حتى الاجزاء نفسها تتكسر .. والكلام دة حصل مع ناس كتيييييير
فانا كأخ ليك بقولك وبأمانة عن تجربة إبعد عن الشر وغنيله والحارس هو الله لان المسدس دة هيجيب لك المشاكل لو فعلا توصلت لانك تخليه بيضرب بلي .. فمتفكرش انك لو ضربت بيه حد اعتدى عليك هتطلع منها بالعكس هتسأل قانونياً ومش هتعدى والسلاح هيتحرز وهتبقى مشكلة وهيبقى بدل مابتحمى نفسك بيه يبقى بتودي نفسك وبيتك واهلك ورى الشمس .. ربنا يبعد عنك الشر .. ونصيحة من اخ جرب كتيييييييييييييييييييييييييييييييييير فى المواضيع دى ,, بلاش احسن والله وانا والله بنصحك لوجه الله .. اسف على الإطالة

[208116382]

والله يا استاذنا العزيز حضرتك خوفتني من الموضوع ده فعلا !! و اشكر حضرتك على امانتك و جهدك في توصيل المعلومة . اوعد حضرتك اني اعيد التفكير مليا في الموضوع . وشكراااا على المجهود الكريم و ان شاء الله مش على الفاضي

[loverlover]

المشاركة الأصلية كتبت بواسطة 208116382

والله يا استاذنا العزيز حضرتك خوفتني من الموضوع ده فعلا !! و اشكر حضرتك على امانتك و جهدك في توصيل المعلومة . اوعد حضرتك اني اعيد التفكير مليا في الموضوع . وشكراااا على المجهود الكريم و ان شاء الله مش على الفاضي

انا تحت امر حضرتك والله وحضرتك زي اخويا ,, وواجب عليا أنبهك
وربنا يوفقك يارب فيما يحبه ويرضاه
تقبل خالص تحياتي

[tarekvb]

اشتريه جاهز مفتوح وبالطبة ومستخدموش وتيشيلو عمال على بطال للظروف بس

[نادرموريس]

بص بعد ما هاتعدله بلي هاتندم سيبه كده اقيم واحلي وبعدين الحمد لله البلد هدت احنا كنا فين وبقينا فين انا علي فكره ضد تعديل المسدسات لخطورتها

[محمد مكاوى]

المشاركة الأصلية كتبت بواسطة 208116382

من خبراتكم يا اعضاء المنتدى الكرام . مين احسن واحد هنا في المنتدى يقدر يعدل فرات ماجنم ؟
وايه خطوات تعديله او اللازم لتعديله و هل يفضل نص الي ولا لأ ؟؟

نرجوا الافادو و شكرا للمرور

بعد التحية "

لو حضرتك شوفت كام موضوع كنت هتعرف جواب السوأل
نصيحة بلاش تعديل فى المسدس دة يسمى بلوة كبييييييييييييييييييييرة
الترخيص فى الوقت الحالى سهل حاول و ان شاء اللة هترخص افضل
بس لو حابب تريح نفسك و تشيل طبنجة صوت للتهويش او الأفراح
انصحك اشتريها مقفولة و حاجة تكون مركة غير التركى "
و ربنا يحفظك