اية الحل دلوقتى

[brns]

اصحابى واخواتى فى المنتدى
عايز اخد رايكم فى اعتداء حصل على شقة خالتى هى ساكنة اصلان فى سفير مصر الجديدة بس كانت جايبة لابنها شقة فى مدينة بدر من قبل الثورة بكتير وابنها دة اصلان خلاص اتجوز وبيشتغل فى الكويت يعنى مش محتاج للشقة اللى فى بدر دية
المهم هى كانت بتقول انها عايزة تبيعها وعلى هذا الاساس راحت من يومين للشقة اللى فى مدينة بدر لقيت يافطة موجودة على باب الشقة باسم حد وخبطت على الباب بتقول لقيت ست كبيرة فتحتلها فاستغربت خالتى وقالتلها دية شقتى واية اللى جابك هنا بصيت لقت راجل كبير برضة راح كلمها وقالها ادخلى عشان نتفاهم المهم مشيت على طول هى وابنها الصغير دة غير اللى فى الكويت
وراحت عملت محضر فى قسم بدر
فانا عايز اعرف ازاى تقدر ترجع شقتها تانى
يعنى اية الاجراءات السريعة اللى بتحصل
وشكرا لتفاعلكم معايا مقدما

[عبد.الرحمن]

لا حول ولا قوة الا بالله ... أنا شايف تلحق بسرعة تكلم محامي يقولك ايه اللي يتعمل

مع إني مش شايف في مشكلة ان خالة حضرتك كانت تفهم منهم عازين يقولوا ايه يمكن يكون منصوب عليهم هما كمان وحد باعلهم الشقة على إنها بتاعته .... بتحصل

[brns]

هو فعلان زى ما انتا بتقول كدة لانها لما راحت القسم وحكت للضابط على الناس اللى شفتهم موجودين فى الشقة قالها ان دول واضح انهم اسرة وحد ضحك عليهم واتنصب عليهم
طب لو الموضوع هيمشى بعيد عن القانون والقضاء شوية لان القانون فى الحالات دية حبالة طويلة
يعنى انا بعد ما كتبت الموضوع دة من شوية رحت اتصلت بيها سمعتها عمالة تعيط
بتقولى متعرفش حد من اصحابك تروحوا تطلعوهم
فانا جاتلى فكرة انى انزل على المطرية او عين شمس واقبضهم هناك مبلغ حلو كدة ويروحوا معانا وهما بقة ليهم اسلوبهم
او نبقى نروح قسم شرطة بدر ويتم الاتفاق مع امناء المباحث ونديهم مبلغ حلو كدة وهما ليهم اسلوبهم ويخوفوهم
مش عارف بقة اية هو الحل الامثل

[brns]

وعلى فكرة هى قالتلى انها ممكن تدفع لغايت 5000 الاف جنية لاى حد يقدر يطلع الناس دية سواء امناء مباحث او مجموعة من البلطجية يتم الاتفاق معاهم

[ahmed yasser]

بص يابوب اولا لازم تعرف انهم مش هايطلعو الا بالقوة وانتا صاحب حق فانتو تتفاهمو معاهم طلعو كان بها لكن اوعا يبتذوكم ويطلبو خلو اوحاجة حتى لو منصوب عليهم انتا مالكش دعوة

[محمود القاضى]

طب اتصل بيا يا جميل 01005275730

[brns]

قصدك يطلبوا مبلغ علشان يطلعوا تحت مسمى خلو رجل
صح
طب مدام الموضوع كدة يبقى نشوف بقة مجموعة من البلطجية فى عين شمس او المطرية بس انا عايز اسال سوال كمان
انهو احسن بالنسبة للناس اللى فى الشقة دية
نتفق مع امناء مباحث فى قسم شرطة بدر ولا بلطجية

[ahmed yasser]

المشاركة الأصلية كتبت بواسطة brns

قصدك يطلبوا مبلغ علشان يطلعوا تحت مسمى خلو رجل
صح
طب مدام الموضوع كدة يبقى نشوف بقة مجموعة من البلطجية فى عين شمس او المطرية بس انا عايز اسال سوال كمان
انهو احسن بالنسبة للناس اللى فى الشقة دية
نتفق مع امناء مباحث فى قسم شرطة بدر ولا بلطجية

بالظبط كدا لانهم طالما قالو نتفاهم يبقى عارفين وضعهم

[عبد.الرحمن]

بلطجية ايه بس وأمناء شرطة ايه ... طيب ماتقعدوا مع الناس دي الأول وتعرفوا منهم قصتهم ايه


وأكيد الصورة هتختلف ... وانت بتقول ناس سنهم كبير يعني حرام ترعبوهم أياً كان


ولو منصوب عليهم فعلاً ... انتومالكوش دعوة ... تاخدوها بالذوق بالعافية

بس أنا رأيي ... لازم تقعدوا معاهم الأول مادام أبدوا نية للتفاهم يمكن كلامهم يساعدكم بمعلومة ولا تتحل المشكلة من أساسها ... الله أعلم

[brns]

طب انتا من وجهة نظرك انهى الاكثر رعبا فى نفوسهم ويخليهم يطلعوا على طول من الشقة من غير اى تردد
اجبلهم شوية بلطجية ولا نتفق مع امناء المباحث

[عبد.الرحمن]

لكن موضوع خلو الرجل ده استحالة طبعاااا ... انتو مالكمش دعوة بالنصباية اللي حصلت

[brns]

مهو يا عبد الرحمن لو قعدنا معاهم ومطلعناش بنتيجة
يبقى طبعا فى الحالة دية لازم بلطجية او امناء مباحث
فعشان بس الوقت وننجز فى الموضوع دة انا راى من الاول كدة يبقى فى الموضوع بلطجية او امناء

[illustrator]

انا ليا وجهه نظر الشقه وكل ورقها معاكم صح
يبقى تروح تقطع عنهم الميه والنور بطلبتا ويا سلام لو 50 جنيه لاى موظف هيشيل العداد خدمه ليك
حاول تتفاوض معاهم بالحسنى اولا وفهمهم ان سهل جدا انك تمشيهم حتى لو هتولع فى الشقه وبعدين انت بتقول انهم اسرة يعنى مش شويه عيال بلطجيه يعنى هيلمو الدور
ونصيحه ليك لو الشقه هتتساب فاضيه فترة طويله اجرها قانون جديد حتى لو بسعر بخس بس وجود ساكن فى الشقه بيحافظ عليها
وربنا يوفقك للصالح

[عبد.الرحمن]

طيب ... لما تقعدوا معاهم وماتلاقوش نتيجة ابقى اعمل اللي انت بتقول عليه


رأيي بس إنك تستوضح الأمر الأول ... لقيت الكلام بالذوق مش هينفع وبيدخلوك في متاهات ووجع قلب


قولهم طيب حسبنا الله ونعم الوكيل وأنا الصبح هعمل محضر "ترقيد يعني عشان مايأخذوش أي احتياط"

وروح يا معلم هات رجالتك وأفضل يكونوا من الشرطة


وربنا يوفقك .. ويسترها معاك

[brns]

هى الشقة بتاعت خالتى مش بتاعتنا
ثانيا الورق موجود وكل حاجة يا باشا وتمام التمام
وعلى فكرة معلومة ان يتقطع عنهم المية والنور دية فكرة حلوة اوى اوى ومكنتش اعرفها الحقيقة بس ازاى يتقطع عنهم المية والنور
يعنى اروح فين عشان يتم قطع المية والنور عنهم وهل اقدم اوراق الشقة فى اى جهة تخص الشقة فى الاعتبار انها فى مدينة بدر

[illustrator]

المشاركة الأصلية كتبت بواسطة brns

هى الشقة بتاعت خالتى مش بتاعتنا
ثانيا الورق موجود وكل حاجة يا باشا وتمام التمام
وعلى فكرة معلومة ان يتقطع عنهم المية والنور دية فكرة حلوة اوى اوى ومكنتش اعرفها الحقيقة بس ازاى يتقطع عنهم المية والنور
يعنى اروح فين عشان يتم قطع المية والنور عنهم وهل اقدم اوراق الشقة فى اى جهة تخص الشقة فى الاعتبار انها فى مدينة بدر

اسال فى جهاز مدينه بدر عن شركه المياة والكهربا ولما تقولهم الموضوع وظبط اى حد هناك ممكن يقطه الكهربا ويقفل الميه
وعلى فكرة انت ممكن تشيل فيوز الكهربا الخاص بالشقه وتقفل محبس الميه واديها رخامه
اقولك كمان احشر حاجه فى الكالون
بالبلدى تقرفهم

[THE BUTCHER]

يا سيدي الفاضل ,,, اولا خالته سيادتك تطلع علي قسم الشرطه التابع ليه المكان وتقوم بعمل محضر تعدي علي ملكيه خاصه وتقدم الاوراق التي تثبت احقيتها في هذه الملكيه و ترفق بالمحضر وعليه يقوم وكيل النيابه باستدعاء واضعي اليد علي الملكييه عن طريق المباحث وهنا يوجد طريقين .... الاول يكون من باع الشقه باعها لأتنين وعلي اساسها تقوم النيابه بعمل تحريات عن طريق التسجيل في الشهر العقاري او المحكمه الاداريه الصادر عنها صحه التوقيع اذا كان قام احد الطرفين باي الخطوتين واذا ثبت احداها فانها تؤل اليه الشقه ...ز ثانيا اذا لم يثبت احدي الاتنين علي العقدين وكلاهما صحيح يطلب صاحب الملكيه الاصلي لأثبات رايه واذا تعثر ذلك فيجب اللجوء للقضاء علي اثاث يبقي الوضع كما هوا عليه .... والله اعلم

[دكتور عابدينوف]

المشاركة الأصلية كتبت بواسطة illustrator

انا ليا وجهه نظر الشقه وكل ورقها معاكم صح
يبقى تروح تقطع عنهم الميه والنور بطلبتا ويا سلام لو 50 جنيه لاى موظف هيشيل العداد خدمه ليك
حاول تتفاوض معاهم بالحسنى اولا وفهمهم ان سهل جدا انك تمشيهم حتى لو هتولع فى الشقه وبعدين انت بتقول انهم اسرة يعنى مش شويه عيال بلطجيه يعنى هيلمو الدور
ونصيحه ليك لو الشقه هتتساب فاضيه فترة طويله اجرها قانون جديد حتى لو بسعر بخس بس وجود ساكن فى الشقه بيحافظ عليها
وربنا يوفقك للصالح

رأس الحكمة ياريس والله
وبعدين موضوع البلطجية دا اخر حاجة ...أمناء الشرطة هتقولهم تطلعولها ليكم كذا

[محمد ياقوت]

اخى الكريم فى حل قانونى وقاتل هشرح ليك الحل وحسب ظروف الوضع شوف ينطبق على مين سواء خالتك وزجها او ابنها وزوجته
تمكين من شقه الزوجية القانون المصرى اعطى حق التمكين من شقه الزوجيه للزوج او الزوجه الحاضنه للصغار على فرض الحل عن طريق ابن خالتك زوجته تعمل محضر فى قسم الشرطه التابع لها الشقه وتقول ان زوجها قام بطردها من العين الكائنه فى -------- وان هذه العين هيه سكن الزوجيه وترغب فى تمكنها من الشقه دون تعرض الغير لها وتسير فى الاجراءات
خلال شهر هتحصل على قرار من نيابه الاسره بتمكنها من العين وينفذ القرار ويتم طرد اى شخص مهما ان كان مهما ان كان من الشقه
اعرض الفكره دى على محامى وهو هيفهم

[Mohannad01]

أنا شايف موضوع البلطجية ده ملوش لزمة واحتمال كبير يتقلب الحق عليك مش ليك
يعني لو الناس اللي في الشقة دول محترمين ودفعوا فلوس لصاحبها بس اتضحك عليهم هيبقى شكلك ساعتها ان انت المعتدي
ولو اللي ف الشقة بلطجية هيبقى الموضوع دم للركب

أنا لو منك أكلم محامي فاهم وفهلوي يقول لك تعمل ايه بالظبط
ممكن يجيبها لك بالقانون وممكن يقطع عنهم مية ونور بالقانون برضو
المحامين الخبرة يعرفوا يصرفوها لك تمام وتبقى انت في السليم وشقتك ترجع لك

وربنا يرجع الحق لصحابه ويخلصنا من ولاد الحرام

[Mohannad01]

المشاركة الأصلية كتبت بواسطة محمد ياقوت

اخى الكريم فى حل قانونى وقاتل هشرح ليك الحل وحسب ظروف الوضع شوف ينطبق على مين سواء خالتك وزجها او ابنها وزوجته
تمكين من شقه الزوجية القانون المصرى اعطى حق التمكين من شقه الزوجيه للزوج او الزوجه الحاضنه للصغار على فرض الحل عن طريق ابن خالتك زوجته تعمل محضر فى قسم الشرطه التابع لها الشقه وتقول ان زوجها قام بطردها من العين الكائنه فى -------- وان هذه العين هيه سكن الزوجيه وترغب فى تمكنها من الشقه دون تعرض الغير لها وتسير فى الاجراءات
خلال شهر هتحصل على قرار من نيابه الاسره بتمكنها من العين وينفذ القرار ويتم طرد اى شخص مهما ان كان مهما ان كان من الشقه
اعرض الفكره دى على محامى وهو هيفهم

+1
تمام يا أستاذ ياقوت
أهو حاجة زي كده اللي بتكلم فيها، والمحامين ليهم طرقهم

[مورو]

المشاركة الأصلية كتبت بواسطة محمد ياقوت

اخى الكريم فى حل قانونى وقاتل هشرح ليك الحل وحسب ظروف الوضع شوف ينطبق على مين سواء خالتك وزجها او ابنها وزوجته
تمكين من شقه الزوجية القانون المصرى اعطى حق التمكين من شقه الزوجيه للزوج او الزوجه الحاضنه للصغار على فرض الحل عن طريق ابن خالتك زوجته تعمل محضر فى قسم الشرطه التابع لها الشقه وتقول ان زوجها قام بطردها من العين الكائنه فى -------- وان هذه العين هيه سكن الزوجيه وترغب فى تمكنها من الشقه دون تعرض الغير لها وتسير فى الاجراءات
خلال شهر هتحصل على قرار من نيابه الاسره بتمكنها من العين وينفذ القرار ويتم طرد اى شخص مهما ان كان مهما ان كان من الشقه
اعرض الفكره دى على محامى وهو هيفهم

+11111111111111111111111111111 صحححححححححححححححححح

[brns]

انا شاكر لكل واحد فيكم رد على وافادنى بالنصيحة والاراء الصحيحة والموجزة
اشكركم جدا جدا جدا
بس انا عايز بقة اءقولكم على اللى حصل النهاردة وتقوليلى يبقى لازم نستخدم القوة والعنف مع الناس الزبالة دول ولا اية الحل
النهاردة رحت انا وابن خالتى واخدنا البواب بتاع العمارة بتاعت خالتى وهى كمان معانا ورحنا هناك ودخلنا عشان نتفاهم معاهم لان امبارح فية عضو كريم على المنتدى هنا لفت نظرى لموضوع التفاهم دة
المهم والله اول ما دخلنا وقعدنا استقبلتنا ست كبيرة كدة بس واضح انها بيئة اوى فى كلامها وطلعت لينا كمان اتنين ستات يعنى الثلاث ستات دول فى سن مثلا 52 53 كدة يعنى ومعاهم راجل عجوز اديلة 60 سنة كدة المهم قاعدين يشتموا ويسبوا واحنا مش هنطلع من الشقة واعملوا اللى انتوا عايزين تعملوة و راحت واحدة منهم دخلت تجرى على جوة وطلعت ومعاها عقد ايجار وبتورهولنا على اساس انهم اصحاب حق يعنى واعلى ما فى خيلكم اركبوة
المهم بعد ما نزلنا رحنا بنسال بتاع فاكهة اسمة الحاج وهبة وقولنالو على اللى حصل قالنا ان الناس اللى فى شقتكم دول جم من حوالى 3 شهور كدة وكسورا باب الشقة وقعدوا فيها وانهم اصلان من حتة اسمها اسبيكو فى مدينة السلام
المهم دلوقتى انا عايز اخد رايكم احبابى واصحابى واخواتى فى المنتدى
هل بقة فعلان لازم يشوفوا العين الحمرا ويضرب عليهم نار فى الشقة من بلطجية مثلا لان واضح ان القانون هياخد وقت برضة افيدونى يا اصحابى

[diiie_hard]

ما احترامي لكل الردود الي فاتت

انت تجيب شوية بلطجية يخرجوا الناس دي عافية ويرموا كل حاجتهم بره الشقة وتقفلها كويس اوي ويا تبيعها علي طول يا اما تاجرها

ده الحل والخلاصة بدون شرطة او قواضي علشان تخلص نفسك بدام الشقة بتاعتك واوراقك سليمة ومحدش يقدر يلومك في الي هتعمله بدام ده ملكك

[big man]

المشاركة الأصلية كتبت بواسطة diiie_hard

ما احترامي لكل الردود الي فاتت

انت تجيب شوية بلطجية يخرجوا الناس دي عافية ويرموا كل حاجتهم بره الشقة وتقفلها كويس اوي ويا تبيعها علي طول يا اما تاجرها

ده الحل والخلاصة بدون شرطة او قواضي علشان تخلص نفسك بدام الشقة بتاعتك واوراقك سليمة ومحدش يقدر يلومك في الي هتعمله بدام ده ملكك

صح كدة انت تجيب بلطجية يخرجوهم بس من غير اي اسلحة اقصى حاجة عصاية مأشة وترمولهم حاجتهم برة الشقة وتركب باب خشب بكالون محترم وفوقية باب حديد ولازم زي ما قال الاخ الكريم تسكن اي حد في الشقة يا تاجرها يا تبيعها وانشاء اللة الكلاب دي تخرج

[مورو]

المشاركة الأصلية كتبت بواسطة big man

صح كدة انت تجيب بلطجية يخرجوهم بس من غير اي اسلحة اقصى حاجة عصاية مأشة وترمولهم حاجتهم برة الشقة وتركب باب خشب بكالون محترم وفوقية باب حديد ولازم زي ما قال الاخ الكريم تسكن اي حد في الشقة يا تاجرها يا تبيعها وانشاء اللة الكلاب دي تخرج

ياعم بيج مان انت كاتب توقيع مالهوش علاقة باللي انت بتقول عليه هههههههههههههه
انت من الاخر تشوف محامي صايع وهوا هايتصرف مالكش دعوه بحاجه خالص علشان نار مع ناس من السلام مش هياكل شوف محامي هيظبطلك الدنيا

[big man]

المشاركة الأصلية كتبت بواسطة مورو

ياعم بيج مان انت كاتب توقيع مالهوش علاقة باللي انت بتقول عليه هههههههههههههه
انت من الاخر تشوف محامي صايع وهوا هايتصرف مالكش دعوه بحاجه خالص علشان نار مع ناس من السلام مش هياكل شوف محامي هيظبطلك الدنيا

لية يباشا بس ما هو اتفاهم بالعقل معاهم وهم قالو انهم مش طالعين وجه وقت العضلات لان ولا نيابة ولا محضر هيجبلة حقة
(يبقى انت اكيد اكيد في مصر)

[مورو]

المشاركة الأصلية كتبت بواسطة big man

لية يباشا بس ما هو اتفاهم بالعقل معاهم وهم قالو انهم مش طالعين وجه وقت العضلات لان ولا نيابة ولا محضر هيجبلة حقة
(يبقى انت اكيد اكيد في مصر)

هي وجهة نظر برده بس المحامي هيوجههم اكتر واسرع اذا كان بالبلطجة او بالقانون