الموضوع الشامل للمبتدئين - الصفحة 3

sayed allaa · 11-04-19, 03:11 PM

شكرا على المشاركةيامعلم
وجزاك الله كل خير

wa7ed · 11-04-19, 11:40 PM

موضوع غاية في الروعة وتسلم ايدك يا باشا
وياريت لو حضرتك تقلنا بئي ازاي نفك البندقية الرمسيس رقم واحد وازاي اغيرلها السوستة ولا الجلبة ولا اي حاجة علشان تضرب لان هي تقريبا مبتضربش

sultan · 11-04-20, 07:03 PM

الله ينور 100/100 هوه ده الكلام

sayed allaa · 11-04-20, 08:49 PM

شكرا على المشاركات يا جماعة
و قريبا يا استاذ وحيد ان شاء الله هنشوف التفاصيل دي في الجزء التاني
و شكرا يا سلطان على المرور
و جزاك الله كل خير
و يا رب اكون عند حسن ظنكم

sayed allaa · 11-04-22, 12:55 AM

ااااااااااه
احنا دلوقتي بقى بقينا حاجة تانية خالص الحمد لله
و سيبنا مستوى المبتدئين و الحمد لله و دلوقتي بقينا في الفئة المتوسطة
دلوقتي بقى عاوزين نسأل اسئلة اصعب شوية عن اسئلة المبتدئين طبعا كل لما مستوانا بيتحسن بنسأل اسئلة اقل و الاسئلة و الحجات اللي هنتعلمها بتقل
وده رابط الجزء الاول
http://www.egypthunt.net/showthread.php?t=5244
يلا نبتدي :-->
دلوقتي بقى عيب لما مستوانا يبقى كده و مش عارفين نعمل صيانة للبندقية بتاعتنا
اه يا سيد بقى عاوزك تقولي ازاي افكها و انضفها و الكلام ده و الزتونة بتاعت الموضوع
زتونة ايه انت جاي تتعشى هنا
حاضر يا عم الحج
انا مبشوفكش فينك ياض من شهرين
اهو انت كده متعرفنيش غير لما يكون فيه مصلحة
- مصلحة ايه
* فين ياض اكلة اليمام و الفراخ و السمك و الكباب و الكفتة اللي كنت قايلي عليهم
يلا ما علينا
بص يا عم الحج
دي شوية حجات انت محتاجها عشان تبتدي و ده كركر اللي عملنالو العملية

ايه يا عم كل ده هوة احنا هنفك عربية
استنى بقى اقولك الحجات
- مفك صليبة
-حتة خشبة صغيرة
- شوية مفكات صغيرة ( بتاعت الساعة )
- مفتاح
ايه يا عم كل ده مفتاح هوة احنا هنفك عربية
اه اصل انا احنا هنعدي على صمولة نفكها و انا المفاتيح بتاعتي كانت في العربية ساعتها و كسلت انزل و لقيت المطلوب )
المهم
- طقطوقتين
انا شايف واحدة بس
اه لا ما التانية عشان لو بتشرب سيجارة تطفيها فيها عشان احنا عاوزين تركيز
- محتاج طبعا بندقية
امال هتفك ايه
اه تمام انا كده عرفت الحجات قولي بفى ابتدي افك ازاي
بص يا عمنا من الاول كده
انت مش هتفك حاجة
ايه مش هفك حاجة امال مقعدني هنا اعمل ايه
لا عشان تتعلم و مش هتفك البندقية كده من اول مرة اول مرة لازم حد خبرة او فني يكون معاك
انت دلوقتي عندك بديل انك تصبر و تتفرج على الشرح كذا مرة
انا حبيت اعملك شرح عن الفك و التركيب عشان كل الفيديوهات اللي على النت الاقي المصور واقف في حتة و الراجل اللي بيفك و اقف في اخر الدنيا و انا مش شايف تفاصيل فعشان كده قولت انزلكم حاجة طازة و من قريب يلا نبتدي
1- هنفك الدبشك من على البندقية زي كده
فيه اربع مسامير نبتدي نفك القنطرة بالمسمار ده

بعد كده تفك اخوه اللي جمبه

بعد كده تفك مسامير الاجناب اللي قدام اللي هية دي

احنا كده فكينا واحد
نفك اخوه بقى من هنا

كده احنا بقى فكينا الدبشك و معانا في ادينا الدبشك و البندقية و القنطرة و 4 مسامير و مسمارين الدبشك الجانبيين مع كل واحد وردة صغيرة لازم تحافظ على كل ده و تحطه في الطقطوقة او الطبق اللي احنا جبناه
بعد كده هتشوف المنظر ده

بعد كده في جزء مهم اووووووووي لازم تفكه عشان ميتنطرش اللي هوة الجزء ده

و دي صورة تانية ليه

و فيه بقى جزئين بلاستكيين لازم برده نحافظ عليهم
اللي هما دول

و ده

طبعا كل الحجات الصغيرة اللي بنفكها نحطها في الطقطوقة او الطبق
عشان لو حاجة اتنطرت هتبقى مشكلة و هتزعلك جامد
المهم
خلاص ياعم سيد انا كده عرفت ه و بعدين اعمل ايه تاني
تعمل ايه
انت شكلك بتفكها معايا
انا قولتلك ايه
الاول تتعلم و تشوف الصور كذا مرة لغاية لما تبقى قاعد بتسمع الخطوات منغير ما تشوف الصور بعد كده بقى تبقى تفكها
يلا قوم و شيل البندقية انا شايفك
المهم
ده كده المنظر قدامك بعد لما فكينا الجزئين البلاستك دول ده المنظر اللي هيبقى قدامك

دلوقتي بقى نفك الجزء ده بالمفتاح
الصامولة دي هي اللي مثبتة مجموعة الزناد
المهم هنفكها كده

و هية دي شكلها تاني و معاها وردة برده هنشيلهم مع الحجات التانية

بعد كده بقى ده المنظر اللي قدامنا

دلوقتي الدراع هنفكه فيه ناس معندهاش الدراع ده تعتبرني مقولتش الخطوة دي
الخطوة دي للي عندهم الدراع ده
هوة ده الدراع

اه حلو اوي الدراع ده يا سيد ههههههه
افكه ازاي طيب
بص هتفكه من نحيتين الاول هتفك الوردة دي
انا مسميها الوردة الشقية
دي وانت بتفكها بتنط جامد و بتضيع ضاعت مني كذة مرة بس الحمد لله بلاقيها و بالتعود و التمرس بقيت تعرف تفكها منغير ما تنط
المهم هية دي الوردة
أللي هنفكها و اللي بتثبت الدراع و زي ما قولت اللي معندهوش الدراع ده يبقى اكنر مقولتش الخطوة دي

اه يا سيد تمام
و ده شكل الوردة من قريب بعد لما اتفكت اوعى تفك وردة تانية انت تفك اللي مثبتة الدراع بس
فيه ناس بنادقها عندها اكتر من وردة مثبتة الدراع فكهم بردو

تمام يا سيد بس انا عاوز اسأل سؤال لولبي
قول يا بابا قول اتبسط
السؤال بيقول علل
هوة انا لازم كل حاجة افكها احطها على علبة المفكات و بعد كده احطها جوة الطقطوقة
بس يلا
ركز معايا و صحصح كده و متشغلش دماغك عشان اطلعك معايا في الجزء التالت ان شاء الله
و بعدين نفك السوستة دي
كل الكلام ده لسة على الدراع

و دي صورة تانية للسوستة نفكها من نحية واحدة بس اللي هية اللي ماسكة الدراع

و ده الدراع بعد لما سلك من الزناد

اه يا سيد طب ايه لزمة الدراع الرخم ده
أمن ياسيدي
امن و نتانة هههههههههه
المهم ركز معايا عشان الخطوة اللي جاية بيضيع فيها صوابع
نجيب حتة الخشبة اللي احنا قولنا عليها و نحطها بالشكل ده و نضغط عليها بالشكل ده

و نجيب المفك و نحطه على المسمار ده و نضرب عليه بشاكوش او بالمفتاح الانجليزي كل ده طبعا مع الضغط بالشكل ده

لغاية لما يطلع المسمار ده من النحية التانية طبعا كل ده و انت لسة ضاغط
كل ده و لسة ضاغط يا سيد يعني هضغط بأيد و همسك المفك بأيد و هضرب ازاي و الله لو كان عندي ايد تالتة كنت ادتهالك
خلاص يا عم هات حد يساعدك و هوة ده المسمار

بعد كده تبتدي تقلل الضغط و تخف ايدك حبة حبة عشان السوستة مضغوطة جوه و بتنطر نطرة غبية
و هتطلع بالمنظر ده

بس و تقوم ساحبها هية والجزء اللي معاها اللي كان متثبت بالمسمار في جسم البندقية
بالمنظر ده و تركنهم الاتنين على جمب و يستحسن على ورق جرايد عشان الشحم بقى الاسود و الزيت المحروقين و اللغوصة دي

ااااااااه و بعد كده بقى وصلنا للزناد
دي ممكن تعرف تفكها و ممكن لا بس بعد لما تفك البندقية كام مرة و تتعلم هتعرف مرة بمرة
المهم
تزق بمعنى تدفع الزناد للأخر و بعدين ترفع اخر حتة فيه اللي هوة الجزء اللي كانت الصامولة راكبة عليه و تهزه براحة انا بقول اهو براحة هتلاقيه طلع في ايدك المهم بالشكل ده

بس بعد كده بقى بعد لما فكينا الزناد الحمد لله نشيلو بقى مع اخواته
و ده شكل مجموعه الزناد

بعد كده نفك دراع التعميربالشكل ده
1- تكسر الماسورة
2- تتني المفصلة دي حاول بقدر الامكان تبقى عمودية بالشكر ده

بعد كده ترجع الدراع لأخر المشوار الاخر اللي نحية الماسورة مش الاخر اللي نحية الزناد
و بعد كده ترفع الدراع بالشكل ده و كده انت فكيتو

و فيه جزء مهم اوي هتلاقيه جزء بيمنع احتكاك البندقية لدراع التعمير اللي هوة ده

و بعد كده تبتدي تخرج البستم بالمنظر ده لو عصلج معاك مدقش عليه حط شوية زيت

و ده الحج بستم في اخر طريق الخروج

ودي صورة البستم بعد لما خرج بالسلامة و الجلبة في المقدمة بتاعت البستم

و دي بقى الحجات اللي اهم حاجة انها تتنضف
1- جسم البندقية ههههههههه او اللي اتبقى منها بعد التفكيك الجسم شامل دراع التعمير طبعا عشان هتلاقي عليه حجات سودة الحجات السودة دي طبعا شحم محروق
2- البستم بالجلبة بتاعته
3- السوستة بكل حجاتها
و الصورة دي للحجات اللي هتتنضف تاني

اهم حجاة قبل ما تيتدي تنضف
قوم نضف ايدك الاول كويس و حط بلاستر على التعاوير اللي عملتها في ايدك و ريح شوية و سيب كل حاجة زي ما هية عشان انا متأكد انك تعبت جدا و عرقت
اه يا سيد
بس انا عاوز اسألك سؤال
ما الحجات اللي في الصورة قدامي دي نضيفة انا اقوم انضف البندقية ليه
بص انا مش هرد عليك و شكلي هجيب واحد تاني في الجزء التالت ان شاء الله
ده عشان انا يا ناصح كنت منضفها اساسا بس لما شوفت الناس الصراحة طالبة الموضوع ده
قمت عملته عشان خاطركم و فكيتها والله عشانكم
المهم
و انت بتنضف نضف البندقية كلها
طيب انضفها بجاز يا سيد
لا اوعى متنضفهاش بجاز خالص
طيب انا يا سيد الجاز بينضف احسن
خلاص نضف بيه
بس افتكر اني قولتلك بلاش يلا انت و نصيبك بقى
مش مستاهلة جاز يا عم و لو لقيت حجات مبتطلعش بالمنديل و الدعك كده بس
حط شوية زيت اي زيت بس طبعا مش زيت اكل
انا عن نفسي علطول شغال استعمال على زيت العربية الموبيل في ناس هتقول وحش و الله انا كنت مرة مزنوق و معنديش قولت اجرب ده و علطول بجربه و مبيعملش حاجة
المهم و تنضف السوستة كويس و تنضف المكان اللي البستم كان جواه يعني جسم البندقية من جوه يتنضف كمان و جوه البستم كمان الجزء اللي بنحط فيه السوستة بس كده خلي بالك تنضف البندقية كويس و بضمير مش تلاقي نفسك تعبت تقول انا هلمها بقى لا اوعى
احنا مش كل يوم هنفك البندقية
نبتدي نشحم بقى
نستخدم شحم esso fibrax 235 ده شحم حلو اوي
طب اشحم ايه يا سيد
تشحم السوستة ( تشحمها اوعى تزيتها التزييت غالبا بيتسبب في كسر السوستة )
البستم بالجلبة
دراع التعمير
الجزء اللي دراع التعمير بيحتك بيه
بس كده
متفتريش في الشحم
بعد لما شحمنا
نروح ننضف ادينا بقى عشان نركب على نضيف خلي الشغل نضيف * نضيف البندقية هتبقى معاك 100 100
نبتدي نرجع البستم زي ما كان و ندخله على الاخر زي ما كان الفتحة اللي بالطول بتاع جسم البندقية يبقى ماشي مع فتحة البستم بعد لما يخش للاخر
بعد كده نشحم الجزء اللي دراع التعمير بيحك فيه
بعد كده نرجع دراع التعمير زي ما كان ندخله تاني بالمنظر ده

بعد كده نرجع مجموعة الزناد
بعكس العملية برده

ندخل بقى السوستة برده عكس العملية

بعد كده نضغط تاني و نركب المسمار اللي فكيناه ( عكس عملية فك السوستة )

بعد كده نبتدي نربط الصامولة تاني و نرجعها هية بالوردة بتاعتها اوعى تنسى حاجة

و نرجع دراع الامان بعكس العملية زي ما ركبناه معلش بقى نسيت اصور الخطوة دي
و بعد كده نرجع الجزئين البلاستيك بالشكل ده

و نرجع الجزء اللي عامل زي الاسطوانة اللي فكيناه ده زي ما كان بالشكل ده

بس كده احنا خلصنا مفاضلش انك تربط البندقية في الدبشك بعكس اول عملية

و خلاص على كده مبروك البندقية كده جديدة
اه تمام يا سيد
اه اديني بنبه اهو محدش يفك حاجة دلوقتي لغاية لما تتقن الموضوع نظري
و اس استفسارات على الفك و التركيب تكون على العام هنا في عشان الكل يستفيد مش على الخاص ده طبعا على حاجة لو انا مش قايلها بس انا مصور كل الخطوات
المهم
كده احنا خلصنا على جزء مهم
دلوقتي نخش على جزء تاني
تاني هوة فيه تاني يا عم
اه طبعا فيه لسة فيه حجات كتير لسة هنتعلمها بعدين
اه زي ايه
اهم الاعطال و طريقة التعامل معها :
1- البندقية و انا بضرب رشة الاقيها بتطلع نار او دخان : ده مش عيب ده شحم زيادة او زيت و بيتحرق و بيتبخر مش مشكلة
2- البندقية ضعيفة اوي : 1- الجلبة اللي حولين بيت الرش داخلة لجوة و بتسرب 2- الجلبة اللي على البستم من جوة مقطوعة و بتسرب 3- البندقية مش متشحمة كويس و بتحك في بعضها
3- البندقية بعمرها ناشفة اوي ومبتتعرش : 1- دراع التعمير بيحك في البندقية جامد ده اشهر عيب و بتلاقيه عند كل الناس و بتقول عليها مشكلة كبيرة لا كبيرة ولا حاجة
4- البندقية مقاومتها قلت عند التعمير جامد بس بتضرب و ضربها ضعيف : البندقية سوستها اتكسرت و انا قولت ازاي تفكها و تركبها تاني عادي
5- الزناد سايب خالص : يبقى انت شحمته او زيته و دي غلطة كبيرة لازم تغسله بجاز عشان تضيع اثار الشحم
دي اشهر العيوب اللي بتواجهنا دايما
--------------
تمام يا سيد
طب بقولك انا نفسي اركب تلسكوب عاوزك بقى تقولي الزتونة بتاعت الموضوع
زتونة تاني
ده انت جاي تتعشى ( تاني )
المهم يا عم الحج
البندقية بيبقى فيها حزين ( مش شرط فيه بنادق مفيهاش ) لو مفيهاش حزين يبقى ميركبش عليها تلسكوب
اه تمام
طيب فين المكان ده
ادي يا سيدي المكان اللي بيتركب عليه و بيتربط بمسامير

هوة ده
طيب ايه يا سيد الجزء ده

ده اسمو استوبر
ده بيثبت التلسكوب و فيه منو نوع بيتركب على طول الحزين
طيب ايه الفرق
الفرق ان الكبير بيدي ثبات اكبر للبنادق الهاي بور
اه
طب عندك صور ليه
اه ادي صورة ليه

اه طيب انا يا سيد بسمع ارقام غريبة اوي
يعني ايه 3-7*50 و 3-7*20
و الكلام ده
بص يا سيدي
3-7 دي قوة الزووم
50 دي قطر العدسة فهمت
طيب ايه الفرق بينهم
ابدا الكبير 50 مثلا العدسة بتاعته اكبر من 20
فبتشوف احسن
اه طيب ده بيتظبط زي النشان
اه طبعا
و ليه طريقة و هية دي على الفيديو ده
معلش بقى انا معملتلكش شرح على تلسكوب عندي عشان انا معنديش و مليش فيهم اوي
ده احسن فيديو شوفتو عن الظبط

YouTube

اه تمام يا سيد
بس كده عايز حاجة تاني
لالا يا سيد انت كده تمام يلا بقى نزل الموضوع على موقع الصيد في مصر عشان الناس المبتدئين اللي زي حلاتي كده يلاقوا كل اللي هما عايزينه ان شاء الله في الموضوع
خلاص من عنيا الجوز و مناخيري اللوز
بس كده احنا خلصنا
الموضوع غير منقول و حصري لمنتديات الصيد في مصر
ممنوع النقل غير لما اللي عاوز ينقل ياخد رأيي و رأي الادارة
ارجو التثبيت

اسكندرانى · 11-04-22, 02:06 AM

بجد انت انسان محترم اوووووووووووووى
والف شكر على الموضوع الجامد ده
تسلم يامعلم

gamo200 · 13-09-24, 04:40 PM

مش عارف اشكرك ازاي انت فعلا تستحق احسن تقدير

sayed allaa · 11-04-22, 02:10 AM

الله يخليك يا معلم ده بس من ذوقك
و شكرا على المرور
و جزاك الله كل خير

Batman · 11-04-22, 02:12 AM

شكرا جزيلا على الموضوع الرائع و كذلك طريقتك الظريفه فى الشرح - تحياتى ...

farouk · 11-12-06, 06:28 PM

معلومات قيمه تسلم ايدك

beboo · 11-12-15, 11:11 PM

الف شكر يا حج سيد على الموضوع الرائع والمجهود الجبالر ده جعلك الله زخرا للمبتدئين

sayed allaa · 11-04-22, 02:23 AM

شكرا يا Batman على المرور
و يا رب اكون عند حسن ظنك
و جزاك الله كل خير

salas0010 · 11-04-22, 02:39 AM

تسلم يا كبير علي الموضوع الرائع جزاك الله خيرا

sayed allaa · 11-04-22, 02:51 AM

الله يخليك يا باشا
و شكرا على المرور

خالد ابو العلا · 11-04-22, 03:22 AM

ما شاء الله على المعلوماااات مشكوووور ... وجزاك الله كل خير

amer ibrahim · 11-04-22, 03:23 AM

موضوع متاكمل ورائع
شكراً لك

sayed allaa · 11-04-22, 03:37 AM

شكرا على المرور يا جماعة و جزاكم الله كل خير
و يا رب اكون عند حسن ظنكم

omarara · 11-06-13, 10:31 PM

باشا بعد اذنك انا بغير الجلبة بتاعت الجامو هنتر تقريباً هى 890 القديمة
دلوقتى انا فكيت اغلب الاشياء بس فيه مكان مش عارف هو ده بيتفك ازاى اصلاً الى هو الجزء البلاستك اللى فى آخر جسم البندقية ده عامل زى الغطاء باين فى الصور اهو

haythoma81 · 11-10-15, 01:33 AM

1000 شكر لتانى مره يبقى كده 2000 شكر للمعلومات الهامه

وليد سعد زغلول · 12-02-08, 08:49 PM

جزاك الله خيرًا على هذا المجهود الرائع وجعله الله في ميزان حسناتك

mody2211 · 13-01-12, 02:56 PM

شكراً على الشرح الجميل
جزاك الله عنا خير

DeCo · 11-04-22, 09:49 AM

تسلم ايدك يا غالى شرح وافى وخفه دم كمان . ايه العسل ده .انا هجيب صحن واجى اخد منك ....
ههههههههههههههههههههههه

koktal · 11-04-22, 09:49 AM

ربنا يباركلك فى النصح والارشاد الجميل ده والناس انشاء الله تنتفع بيه ومنتظرين جديدك تملى ...خالص تحياتى...

BASiC · 11-04-22, 11:38 AM

..............................

BASiC · 11-04-22, 11:40 AM

الله ينور عليك ويباركلك على المجهود الرائع ده احنا بأمثال حضرتك هنبقى اول منتدى صيد عربي في الترتيب

bassem nawar · 11-04-22, 11:43 AM

ولا عندي بندقية ولا عمري اصطت ابل كده و الناس اللي زيك هما اللي بيحببوني في الهواية اكتر و ببقي مطمن ان اي سؤال هلاقي الرد عليه بجد شكراااااا علي المجهود الرائع ده

body man · 11-04-22, 12:16 PM

الله عليك يا ابو السيد بجد مواضيعك احسن مواضيع فى المنتدى

احمد فتحي · 11-04-22, 12:38 PM

والله انتا ربنا بعتك لينا نجده في كل حاجه يسلم ايده

mohammad hassan · 11-04-22, 12:39 PM

ostaaaaaaaz

m.elshinawy · 11-04-22, 12:50 PM

بارك الله فيك موضوع ممتاز بصراحة خصوصا انى عندى بندقية كرال ماجنوم 5.5 دبشك خشب زى الى حضرتك فكتها دى وكانت مشكلتى مع فك السوستة والزناد بس بعد ما قريت الموضوع ده حتشجع وافكهم
وشكرا

talha · 11-04-22, 01:30 PM

ربنا يبارك فيك موضوع جامد جدا
دا انتا استاذ

commando · 11-10-17, 07:36 PM

فيديو حلو قوى

basemzero · 11-04-22, 01:34 PM

جزاك الله خيرا موضوع فعلا ممتاز و وافى و عرض شيق جدا.....انا بقى ليا سؤال ...امتى نستخدم زيت و اى نوع نستخدم و الصيانه اللى حضرتك عملتها دى نعملها كل كام رشه و بالنسبه للماسوره استخدم wd40 عشان الصدأ ولا استخدم زيت و ايه نوعه و كل كام رشه ؟؟؟.....تخيل بقى كل ده سؤال...انا قلت بردو سؤال واحد كفايه....معلش بقى انا استغليت الفرصه سامحنى

.

sayed allaa · 11-04-22, 02:00 PM

شكرا على المشاركات يا جماعة و جزاكم الله كل خير
و يا رب اكون عند حسن ظنكم و بالنسبة لسؤال الاستاذ باسم
الزيت انا بستخد موبيل بتاع العربيات عشان تقيل بعكس زيت المكنة الخفيف اللي لو زيت بيه من جوه هتلاقيه هيتحرق من اول رشتين و مش هيبقى نافع
و يستحسن عدم تزييت الماسورة الا بقى في الحاجة الشديدة
و ممنوع منعا باتا استخدام ال wd40 ده بيبهدل الدنيا
و اي سؤال تاني انا في الخدمة

basemzero · 11-04-22, 02:11 PM

انا أقصد يأستاذ سيد استخدام الزيت بيبقى للمفصلات بس؟....و بالنسبه للماسوره ازاى احميها من جوه من الصدأ عشان احافظ على الششخانات؟...انا اسف انا فعلا طولت على حضرتك كتيير...شكرا

sayed allaa · 11-04-22, 02:28 PM

لالا ابدا
الزيت يبقى للجلبة لدراع التعمير و مفصلاته
لكن الماسورة مش هيجرالها حاجة من جوة و مش محتاجة تنضيف بالزيت
ممكن لو بعد مدة بقيت ان الرشة بتخرج بتطلع نار يبقى كده فيه احتكاك من الرايش القديم بتاع الرش مع الرشة اللي خارجة
انت ممكن بعد 500 او 600 رشة تنضفها بحتة قماشة كده بس هتتعبك عشان تخرجها من النحية التانية
انت ممكن تربطها بس تربطها جامد و بخيط قوي و انا بقول بلاش زيت في الماسورة هيأثر على دقة المقذوف
و اي سؤال تاني انا في الخدمة

basemzero · 11-04-22, 03:36 PM

انا عاجز عن الشكر يأستاذ سيد.....فعلا اخ محترم

sayed allaa · 11-04-22, 03:41 PM

لا على ايه احنا كلنا اخوات
و اي استفسار تاني اما في الخدمة

koktal · 11-04-22, 06:20 PM

هههه يا استاذ سيد ادخل بالموضوع التانى علطول عشان الناس تتحمس وتستفيد اكتر ما شاء الله مرتب افكارك كويس جدا و بالتوفيق

sayed allaa · 11-04-22, 06:31 PM

لا حاضر جاري العمل عليه
و انا بجهزه بس لما اشوف اراء الاعضاء على ده
و اي استفسارات
و لما اتأكد ان كلو خلاص الجزء بتاع الصيانة ده بقى سهل و كل واحد يقدر يعمله و هوة مغمض
نخش بقى على المرحلة اللي بعدها ان شاء الله
و شكرا على المرور يا باشا

sameer · 11-04-23, 11:20 AM

اقتباس:

المشاركة الأصلية كتبت بواسطة sayed allaa

لا حاضر جاري العمل عليه
و انا بجهزه بس لما اشوف اراء الاعضاء على ده
و اي استفسارات
و لما اتأكد ان كلو خلاص الجزء بتاع الصيانة ده بقى سهل و كل واحد يقدر يعمله و هوة مغمض
نخش بقى على المرحلة اللي بعدها ان شاء الله
و شكرا على المرور يا باشا

والله العظيم انتا استاذ انتا مش محتاج رأي حد ماحدش حيقدر يوفيك حقك ولو استنيت رأي كل الاعضاء يبقا مش حتعمل الموضوع اللي بعده ولا كمان سنة والله الراجل ده عايزين نلموله فلوس عالتعب اللي تعبه ده يعني مش عارف اقولك ايه

ربنا يكرمك.........

sayed allaa · 11-04-24, 06:14 PM

اقتباس:

المشاركة الأصلية كتبت بواسطة sameer

والله العظيم انتا استاذ انتا مش محتاج رأي حد ماحدش حيقدر يوفيك حقك ولو استنيت رأي كل الاعضاء يبقا مش حتعمل الموضوع اللي بعده ولا كمان سنة والله الراجل ده عايزين نلموله فلوس عالتعب اللي تعبه ده يعني مش عارف اقولك ايه

ربنا يكرمك.........

لا على ايه الله يخليك
اصل لما بتقدم للمرحلة اللي بعديها بلاقي لسة ناس بتسأل في الموضوع التاني
فنا عاوز بقى كلنا نتقدم مع بعض بمستوانا
و شكرا يا باشا على مرورك

braveheart · 11-04-22, 07:02 PM

السلام عليكم قال رسول الله صلى الله علية وسلم فى فضل العلم والعلماء ( خيركم من تعلم العلم وعلمة ).

يا أ / sayed allaa .. بجد موضوع أكثر من ممتاز ... و مجهود رائع ربنا يجازيك عليه كل خير.
شكرا لك.
و تقبل مروري.

sayed allaa · 11-04-22, 07:17 PM

شكرا يا باشا
الله يخليك
و شكرا لمرورك
و يارب اكون عند حسن ظنك
و جزاك الله كل خير

حازم ابوالنجا · 11-04-22, 09:20 PM

شرح رائع .... التصوير خطوة بخطوة بصراحة تستحق الشكر ... جزاك الله خيرا

sayed allaa · 11-04-22, 11:40 PM

شكرا يا استاذ حازم على مرورك

pop man · 11-04-23, 04:58 AM

تسلم تسلم تسلم تسلم تسلم تسلم تسلم
بجد معنديش رد غير تسلم ايدك يا سيد وياريت التثبيت

mahmoud11144 · 11-04-23, 09:02 AM

اية الحلاوة دي يا معلم انت بجد معلم معلم معلم ومعلم محترم جدا جدا وزووووووووووووق
بجد مجهود جامد ربنا يخليك لينا يا باشا واللة وبصراحة كنت زي العسل هههههههههه
شكرا جدا ليك وديما في انتظار المذيد منك يا معلمييييييييييي
تقبل مروري....

Axel · 11-04-23, 01:24 PM

تسلم ايدك يا باشا ع المجهود
و فعلا موضوع مفيد جداا للمبتدئين و تكملة للجزء الأول
عايزين بقي باقي الاجزاء
طمع شوية ههههه

sayed allaa · 11-04-23, 05:31 PM

شكرا على المشاركات يا جماعة و جزاكم الله كل خير
و يا رب اكون عند حسن ظنكم

M.AbdelKader · 11-04-23, 10:48 PM

فعلن مواضيعك أكتر من رائعة و أفادتنى كتير جدا جدا جدا كمبتدأ فى الموضوع و مستنيين الأجزاء الجايه

shoor80 · 11-04-23, 11:16 PM

انت استاذ في المواضيع بتاعتك
[COLORربنا يخليك لينا يا معلممممممممممممممممممممممممممممممممم="Indigo"][/COLOR]

sayed allaa · 11-04-23, 11:22 PM

شكرا على الردود
و يارب اكون عند حسن ظنكم

mamdoh.ramzy · 11-04-23, 11:50 PM

أية الروعة دى والله أنا لو كنت شفتك من الاول مكنتش رحت لحد أصلح عندة ويضحك علية فى الاخر ربنا يبارك لك فى المجهود الى عملتة ويخلفلك كل الخير

sayed allaa · 11-04-23, 11:55 PM

شكرا يا باشا الله يخليك
و اي استفسار انا في الخدمة

essam assem · 11-04-24, 07:26 PM

واللة يا فندم الواحد عاجز عن الكلام فعلا جزاك اللة خير الجزاء وربنا يجعلك مساعدك لينا فى ميزان حسناتك ونرجو من سيادتك الا تبخل علينا من موضوعاتك الجميلة دية مشكوووووووووووووووووووووووووووووووووووووووووووووور

sayed allaa · 11-04-24, 08:05 PM

شكرا يا باشا على مرورك
و يا رب اكون عند حسن ظنك

وليدعادل · 11-04-26, 12:50 AM

ماشاء اله موضوع ممتاز كالعاده من شخص محترم ... شكرا

sayed allaa · 11-04-26, 01:14 AM

شكرا على مرورك يا استاذ وليد
الله يخليك ده بس من ذوقك
و جزاك الله كل خير

Kareem_Z · 11-04-26, 09:45 PM

ربنا يبارك لك و يجازيك خير

sayed allaa · 11-04-26, 10:21 PM

الله يخليك ده بس من ذوقك
و انا في الخدمة في اي وقت

Salman.Nedal · 11-04-29, 02:26 PM

فعلا موضوع رائع وشرح مفصل وبسيط
شكرا يا أستاذنا على الموضوع الهايل ده

sayed allaa · 11-04-29, 03:03 PM

شكرا يا باشا على مرورك

sherifsn · 11-05-04, 12:05 AM

جزاك الله خيراً يا أخي سيد ، بجد موضوع ومجهود رائع
تحياتي

sayed allaa · 11-05-04, 03:27 PM

شكرا لمرورك يا باشا

well12m · 11-05-06, 08:49 PM

شكرا لك على الموضوع الهايل بس البندقيه ديه نوعها ايه انا عندى المارفيك فقها سهل جدا ولو صعب كنت فقتها بردو(:

khaledabdelnaby · 11-05-06, 10:42 PM

زى معودتنا دايما يابو السيييييييد موضوعات ممتازة ومراجع للناس تستفيد منها

sayed allaa · 11-05-07, 01:21 PM

شكرا على مروركم يا جماعة
و يا رب اكون عند حسن ظنكم

Khaled777 · 11-05-13, 05:12 AM

شكرا على الموضوع الرائع ده. فعلا الأسلوب جميل وكل الخطوات و التفاصيل واضحة جدا وبالصور.
أنا عندي مشكلة وياريت تقدر تساعدني في حلها!!!!!!
البندقية كانت ضعيفة شوية فقلت أفكها و أعمل لها صيانة زى ما وضحت في موضوعك الجميل دة وكمان أشيك على السوستة وجلدة البستم.
فعلا وجدت الجلدة بها تأكل بسيط وكانت متيبسة (ناشفة) شوية وحاسس أنها ممكن تتفرول بسهولة فقلت يبقى لازم أغيرها علشان البندقية تبقى كويسة.
فعلا اشتريت جلدة من محل بالقاهرة الكل بيشكر في صاحبة وفي معاملتة وامانتة. الجلدة كانت شكلها مختلف عن اللي كانت في البندقية، كانت بلاستيك ناشف ولونها أبيض لكن القديمة كانت لونها بني ويبدو انها لما كانت جديدة كانت مرنه (شبه الاستيكة او المطاط). المهم ان الراجل كان ركب لي الجلدة على وش البستم اللي كنت اخذتة معايا علشان يتاكد انها نفس الجلدة المطلوبة للبندقية. ولما ركب الجلدة حسيت انها اكبر من القديمة شوية ولكن قلت يمكن علشان لسه جديدة.
المهم لما جيت اجمع البندقية تاني بعد التشحيم وجدت ان الجلدة مش راضية تدخل جسم البندقية. ضغطت عليها شوية فدخلت لكن محشورة جامد وشوية تدخل وشوية تقف وفي الأخر (عند الجزء الاخير المقفول في جسم البندقية اللي بينضغط فية الهوا) كانت اسهل شوية بس الحركة تعتبر لسة تقيلة. ركبت ذراع التعمير وفضلت احرك البستم في الجزء الأخير رايح جاى فبقت اسهل كمان شوية. فقلت اسيبها فترة لغاية ما تطبع على مكانها داخل البندقية فكملت تقفيل البندقية وتركتها لمدة يوم. بعد كدة عمرتها بالراحة وفكيت التعمير كذا مرة وبعدين جربت بيها رشتين تلاتة ولكن حاسس انها متحسنتش كثير. فقلت اختبر كده تسريب الهوا فلاقيت فية تسريب من عند جلدة البستم فحسيت بيأس وحيرة شديدة. فكيت البندقية تاني وطلعت البستم ومسحت الشحم من علي الجلدة كويس فلاقيت اثار خدوش على طرف الجلدة من فوق. ركبت البندقية تاني وسبتها ومن ساعتها مش عارف اعمل اية!!!!!
هل الجلدة كانت كبيرة ومتنفعش للبندقية ولا انا اتعاملت معاها جامد شويه فباظت ولا نوع الجلدة البلاستيك ده مش اصلي ووحش ولا في مشكلة في جسم البندقية من الداخل...... مش عارف!!!!!! ياريت لو عندك حل أو رأي قول لي علية.
أسف للتطويل وأولا وأخيرا شكرا لموضوعك الجميل

sayed allaa · 11-05-16, 09:28 PM

لالا ابدا مفيش اسف ولا حاجة
انا اللي اسف جدا
اني اتأخرت في الرد
عشان مشغول و الله و مشوفتش الموضوع خالص
المهم
اكيد طبعا الجلدة مضروبة دي 1
رقم 2 الجلدة اساسا بتبقى ناشفة و معصلجة شوية و انت بتركبها الكلام ده لو مستعملة عشان متسربش هوا فما بالك الجديدة بقى
فده طبيعي بس لازم تكون متأكد ان الجديدة قد القديمة بالظبط
2 حاجة انت زيت الجلبة كويس و شحمتها
لو كده عاوزك تعمل حاجتين
1- تعمر البندقية و بعدين تحط نقطتين - تلاتة نقط في الخرم اللي بيطلع منو الهوا
2- تحط نقطة زيت على الجلبة اللي حوالين الرش
3- جرب و ادعيلي
انا مجرب الطريقة دي
و الصراحة فرقت معايا جامد
جرب و قولي منغير ما تفك حاجة
و بالنسبة للجلبة
دي ممكن تكون مضروبة
انت اشتريتها بكام

Khaled777 · 11-05-17, 12:21 AM

أخي الفاضل
شكرا جزيلا لردك على استفساري. ولا داعي للاسف ابدا انا متفهم الامر تماما.

أولا وقبل كل شيء احنا كلنا شاكرين لك على موضوعاتك الجميلة التي تكتبها في المنتدي والتي اكيد استفاد منها ناس كتير اوي. وانا شخصيا شاكر لك اهتمامك وذوقك العالي جدا وردك الوافي على استفساري.

ثانيا بانسبة للجلدة، انا فعلا شحمتها كويس هي وجسم البندقية قبل تركيبها. بس هي فعلا كانت من الطرف العلوي لها وهي متركبة في البستم اكبر من القديمة. القديمة كانت كلها سوى واحد لكن الجديدة كانت طالعة على واسع بشكل باين اوي.
بالنسبة لحكلية التزييت انا جربتة لكن المشكلة انها فعلا بتسرب وانا وجدت اثار خدوش على طرف الجلدة من فوق. اعتقد انها تلفت واتجرحت من شدة الاحتكاك.
ثمن الجلدة 40 جنية من عند محل بالقاهرة مشهود له بالثقة من اعضاء المنتدى. لكن الجلدة مش مكتوب عليها أي حاجة تدل على الشركة المصنعة ولا تدل على انها اصلية ام لا.
انا حاشوف محل تاني يمكن يكون عندة جلدة أفضل او اشوف امكانية شراء جلدة تكون اكيد اصلية من الخارج عن طريق النت.
شاكر جدا لك اخي العريز واتمنى دوام الود والمعروف.
مع خالص تحياتي

ٍِSherif Yosry · 11-05-17, 02:42 AM

بالصدفة البحتة وصلت لهذه الصفحة نظرا لأني من محبي صيد البحر ، ولكن دقة الشرح وخفة الظل الكبيرة أوقفتني دون أن أغير الصفحة ، ثم ذهبت وأطمئننت على أني مازلت محتفظا بالبندقية الأسبانية العجوز ، وإن شاء الله سوف أقرأ التعليمات مرتين تلاته الأول ثم أبدأ في إحياء البندقية . ألف شكر لدقة الشرح وألفين شكر لخفة الظل

sayed allaa · 11-05-17, 11:55 AM

بالنسبة للاستاذ خالد
انا نصيحتي
تجيب واحدة من بره
السعر هيبقى هوة هوة تقريبا
بس الخامة احسن بكتير طبعا
و شكرا لمرورك يا استاذ شريف

Khaled777 · 11-05-17, 03:34 PM

اقتباس:

المشاركة الأصلية كتبت بواسطة sayed allaa

بالنسبة للاستاذ خالد
انا نصيحتي
تجيب واحدة من بره
السعر هيبقى هوة هوة تقريبا
بس الخامة احسن بكتير طبعا
و شكرا لمرورك يا استاذ شريف

شكرا لردك اخي العزيز.
فعلا انا ساحاول اعمل كدة.

cono · 11-05-17, 04:11 PM

الله ينور يا استاذ سيد بجد انت حكاية

sayed allaa · 11-05-17, 04:14 PM

شكرا لردودكم يا جماعة
و يا رب اكون عند حسن ظنكم

محمدحجازى · 11-05-18, 08:43 PM

شكرا جزيلا يا استاز سيد بجد طريقه الشرح بسيطه جدا وتتفهم بسرعه الله ينور عليك على فكره انا مستنى اشوف رد منك على اى حد يستفسر عن البنادق عشان الواحد يتعلم اكتر مشكوررررررررررررررررررررررررررر

elnegm888 · 11-05-20, 02:57 PM

فى البدايه مش عارف اشكر سعادتك على المعلمات المهمه ولا الشرح المبسط ولا السرد الممتع الجميل خفيف الظل ولاولاولا
جزاكم الله خيرا
مجهود رائع مشكورررررررررررررررررررررررررر

sayed allaa · 11-05-20, 03:10 PM

شكرا لردودكم يا جماعة و يارب اكون عند حسن ظنكم

blacklight · 11-05-21, 07:54 AM

انت استاذ يا كابتن سيد

بس انا عندي سؤال عن مسمار الزناد

مش موجود عندي في البندقية اللي نوعها نوريكا 5.5 قديمة

بس شغالة كويس

ممكن الاقي المسمار دة لو بحثت عنه ؟؟

والسؤال التاني

لما بعمر البندقية بتبقى جامدة جدا

هل الحل اني افكها بالطريقة اللي قلت عليها دي ؟

ولعلمك ...

البندقية بتاعتي عمرها حوالي 30 سنة وعمرها ما اتفكت ولا اتشحمت ابدا

تنصحني بإيه قبل ما اشتغل فيها

وملاحظة

انا عندي زيت سلاح هل كفاية ؟؟

ولا لازم اجيب شحم برضو ؟؟

وياريت تطلع على سؤالي دة وتجاوبني عليه بخبرتك

http://www.egypthunt.net/showthread.php?t=8994

sayed allaa · 11-05-29, 08:31 PM

انا جاوبتك في الموضوع على الاسئلة اللي حضرتك طلبتها
و بالنسبة للاستفسارات الجديدة
اه عادي و يا ريت لو تصورلي الجزء اللي حضرتك قصدك عليه عشان مش واخد بالي
بالنسبة لموضوع التعمير
المشكلة ان دراع التعمير بيحك في جسم البندقية و محتاج تشحيم
و انت مش محتاج تفكها كلها انت بس هتكسر البندقية و ترفع دراع التعمير زاوية 90 زي منا قلت بس متفكهوش
شحمه و هوة في مكانه بس كده
و بالنسبة تزييت او تشحيم انا بفضل التشحيم لدراع التعمير
و لو هية شغال و مفيهاش عيب غير التقل في التعمير يبقى متفكهاش كلها انت تشحم بس دراع التعمير
و الشحم اسمه
esso fibrax 235 العلبة النص كيلو منه ب 17 جنيه
و الزيت اوعى يكون wb40 ده
و لو هوة اوعى تستخدمه
استخدم زيت الموبيل زي منا قايل فوق
بس لو المشكلة طلعت من دراع التعمير بس يبقى مش محتاج غير انك تشحمه منغير فك ولا بتاع
انما لو محتاجة و لقينا عيب تاني يبقى نفكها
و معلش لو اتأخرت في الرد

a7md10 · 11-05-30, 02:58 AM

الحمد لله ربنا و فقنى و قدرت افك الرمسيس ن 1 حته حته عشان اعملها الصيانة

ممكن اعرف ازاى اصينها يعنى ايه هى الأماكن اللى هتحتاج تشحيم و ايه هى الاماكن اللى محتاجة تزييت و ايه افضل نوع شحم استخدمة و افضل نوع زيت استخدمه

تانى حاجة فى جز من داخل البدقية عبارة عن اسطوانه رفيعة قطرها أقل من قطر السوستة اتنطرت مع الصامولة الخلفية اللى رابطة اسطوانة البندقية من الخلف و انا بفكها الاسطوانة دى فيها طرف مبطط ياترى اتجاه لداخل البندقية و لا لخارجها

بالنسبة للبستم عاوز ارجعه مكانه مش عارف الجلبة بتحشر مش راضية تخلى البستم يدخل و خايف اتعافى عليها تتفرك و تبوظ

sayed allaa · 11-05-30, 03:22 AM

اقتباس:

المشاركة الأصلية كتبت بواسطة sayed allaa

و دي بقى الحجات اللي اهم حاجة انها تتنضف
1- جسم البندقية ههههههههه او اللي اتبقى منها بعد التفكيك الجسم شامل دراع التعمير طبعا عشان هتلاقي عليه حجات سودة الحجات السودة دي طبعا شحم محروق
2- البستم بالجلبة بتاعته
3- السوستة بكل حجاتها
و الصورة دي للحجات اللي هتتنضف تاني

اهم حجاة قبل ما تيتدي تنضف
قوم نضف ايدك الاول كويس و حط بلاستر على التعاوير اللي عملتها في ايدك و ريح شوية و سيب كل حاجة زي ما هية عشان انا متأكد انك تعبت جدا و عرقت
اه يا سيد
بس انا عاوز اسألك سؤال
ما الحجات اللي في الصورة قدامي دي نضيفة انا اقوم انضف البندقية ليه
بص انا مش هرد عليك و شكلي هجيب واحد تاني في الجزء التالت ان شاء الله
ده عشان انا يا ناصح كنت منضفها اساسا بس لما شوفت الناس الصراحة طالبة الموضوع ده
قمت عملته عشان خاطركم و فكيتها والله عشانكم
المهم
و انت بتنضف نضف البندقية كلها
طيب انضفها بجاز يا سيد
لا اوعى متنضفهاش بجاز خالص
طيب انا يا سيد الجاز بينضف احسن
خلاص نضف بيه
بس افتكر اني قولتلك بلاش يلا انت و نصيبك بقى
مش مستاهلة جاز يا عم و لو لقيت حجات مبتطلعش بالمنديل و الدعك كده بس
حط شوية زيت اي زيت بس طبعا مش زيت اكل
انا عن نفسي علطول شغال استعمال على زيت العربية الموبيل في ناس هتقول وحش و الله انا كنت مرة مزنوق و معنديش قولت اجرب ده و علطول بجربه و مبيعملش حاجة
المهم و تنضف السوستة كويس و تنضف المكان اللي البستم كان جواه يعني جسم البندقية من جوه يتنضف كمان و جوه البستم كمان الجزء اللي بنحط فيه السوستة بس كده خلي بالك تنضف البندقية كويس و بضمير مش تلاقي نفسك تعبت تقول انا هلمها بقى لا اوعى
احنا مش كل يوم هنفك البندقية
نبتدي نشحم بقى
نستخدم شحم esso fibrax 235 ده شحم حلو اوي
طب اشحم ايه يا سيد
تشحم السوستة ( تشحمها اوعى تزيتها التزييت غالبا بيتسبب في كسر السوستة )
البستم بالجلبة
دراع التعمير
الجزء اللي دراع التعمير بيحتك بيه
بس كده
متفتريش في الشحم

انا الاسئلة دي انا مجاوب عليها في الموضوع
الاماكن اللي محتاجة تزييت و تشحيم و كذلك قايل برده نوع الشحم و الزيت زي ما قولت موبيل بتاع العربية
و بالنسبة للجزء اللي حضرتك قصدك عليه ده الطرف المبطط يبقى لتحت و المشرشر لفوق
لو ركزت برده هتلاقيني مصور الخطوة دي
و بالنسبة للبستم شحم بس الجلبة كويس و متخافش اللي خلى البندقية تستحمل الضرب اللي جوه يبقى اكيد هتستحمل و انت بتدخلها
عادي يعني انت شحمها كويس
و لو مش راضية تدخل يبقى حط ورقة عليه من الاخر و دق عليه على الخفيف متتعافاش في الدق
بس كده و اي استفسار تاني انا في الخدمة

a7md10 · 11-05-30, 04:49 AM

شكرا للافادة بس ياريتنى ما فكتها اديلى ساعة مش عارف اقفل البندقية من السوستة

لى كام استفسار كده انا نسيت انضف البندقية من الشحم القديم هيبقى فى مشكلة

و الشحم اللى استخدمته لونه ابيض متخزن عندى من فترة كبيرة دا كويس و لا اجيب نوع تانى و ابدأ العملية من الأول

مشكلة تانية يظهر انى شحمت بزيادة لدرجة انه الشحم بيخرج من مكان غرفة الهواء الفتحة المقابلة لمكان وضع الطلقة فى الماسورة اعمل ايه

انا مستخدمتش زيت خالص فيها مشكلة ولا عادى

sayed allaa · 11-05-30, 05:11 AM

لو السوستة مغلباك ممكن تستعمل كوريك العربية لو عندك
اللي هوة الاسود القديم ده
مش الهيدروليكي العادي يعني
و تركب بيه البندقية يأما تخلي حد يساعدك
يأما توديها لحد يقفلهالك لو غلبتك اوي
هوة اه لازم تنضف البندقية من الشحم القديم و تشحمها من جديد
و بالنسبة للشحم ده معرفش والله مجربتهوش بس احسن تجيب حاجة متجربة زي اللي انا قولت عليه
يأما علبة الشحم السعودي ده برده انا جربته لونه بيج و كويس
مش مشكلة مستخدمتش زيت ولا حاجة و الشحم تقدر تشيل الزيادات عادي و اساسا بعد مده الزيادة بيخرج
و بيتبخر من الحرارة
عادي بس انت تركز شوية و نصيحة اخوية انت تسيبها دلوقتي و تبقى تكملها بعدين انا اول مرة فكيت بندقية
كانت مغلباني و هتجنني و كنت هموت و بنهار ههههههه
لكن ريحت شوية و استرخيت و استرجعت قوتي و ركبت السوستة
و ربنا معاك و متقلقش عادي جدا سهلة
و اقولك على طريقة كنت بستعملها لما بفكها
انت تمسك في ايدك سفنجة او حتة قماشة و تخليها كده سميكة اكنك هتطلع حاجة من الفرن
او احسن تستعمل الجوانتي بتاع الفرن و تضغط بأيدك على فوهة البندقية من فوق
و تثبت البندقية بأيدك الشمال كويس و تخلي حد يركب المسمار اللي ماسك السوستة بس كده
لو غلبتك انت تاخدها كده و تشوف اقرب محل صيانة يركبهالك و اهو برده تتعلم
بس سهلة يعني ان شاء الله ممكن تعملها لوحدك
و عادي لو مستخدمتش زيت مش مشكلة

a7md10 · 11-05-30, 05:38 AM

اوك بس المشكلة ان الرمسيس فيها حاجة غبية الا و هى ان نهاية اسطوانة البندقية بتغلق بغطاء حديد مقلوظ يعنى لازم اضغط و بعدين الف لغاية لما اقفل للأخر زى مل تكون بتربط مسمار قلوظ شفت الهنا اللى انا فى هههههههه
التانية نهاية البندقية نصف كرة يعنى مش هينفع اخليها على الأرض ولا على خشبة و اضغط من فوق لانها هتفلت

على العموم انا هخليها الوقت لغاية لما اعيد التشحيم من اول و جديد لان زى ما قلتلى لازم اشيل الشحم القديم

انا حقيقى عاجز عن الشكر

sayed allaa · 11-05-30, 06:18 AM

لا العفو على ايه
و ان في الخدمة و في اي وقت
بالنسبة ليك دلوقتي الموضوع صعب جدا
تالت او رابع مرة ليك تفك البندقية هتحس انها لعبة
يعني الموضوع بقى سهل جدا فاهم
يلا ربنا معاك و استعمل بس شحم من اللي قولتلك عليه
و ان شاء الله البندقية هترجع 20 سنة ورا و هتحس بفرق جامد

a7md10 · 11-05-30, 08:45 AM

اخيرا ركبتها اظاهر المصانع الحربية عندهم ضمير اوى

لى استفسار اخير فى بعض الشحم بيدخل فى الماسورة ياترى يأثر على الدقة و اجاه الطلقة لما تخرج من الماسورة

sayed allaa · 11-05-30, 08:56 AM

طيب تمام الحمد لله
اول مرة متعبة شوية معلش
بعد كده هيبقى سهل زي ما قولتلك
الشحم
اه هيأثر على الدقة لمدة قصيرة
يعني اضرب بيها 10 رشات هتلاقيه اختفى تماما
هوة بعد 4 رشات بيكون تأثيره راح اساسا
بس بعد 10 هتحس انها عادي و رجعت دقتها زي الاول
و اي استفسار تاني انا في الخدمة

omarara · 11-05-30, 09:08 PM

السلام عليكم موضوع رائع معلش اتأخرت عليك كنت بشترى البندقية ههههههه
طيب دلوقتى عندى مشكلة ومحدش بيرد عليها رد مقنع او محدش بيرد اصلاً انا عندى بندقية جامو هنتر 890 س شكل قديم واحد صحبى شحهمها وظبطها وانا هفك الدبشك الخشب وهظبطه
عاوز اعرف ادهن جسم البندقية المعدن بإيه !!!!!!!!!!
متعرفش علب رش نظيفة الوان عشان عاوز اموهها وتكون الوان مطفيه ومش بتطلع
او حتى وصيلة إنها تترش اسود مطفى عادى ومش بيطلع برضه !
ولك جزيل الشكر

a7md10 · 11-05-30, 10:26 PM

الحقونى يا جماعة و ديت البندقية لواحد عشان يشحمهالى راح الباشا نضفها من الشحم القديم بجاز .....أعمل ايه؟؟؟؟

sayed allaa · 11-05-30, 11:20 PM

بالنسبة للاستاذ الصورة الرمزية omarara
بالنسبة لجسم البندقية المعدن فيه واحد صاحبي رشها دوكو عند واحد معرفة
لكن لو انت وديتها لواحد هيخاف و مش هيعملك حاجة
انت ممكن ترشها بالاسبراي
فيه هنا عضو كان عملها قبل كده عادي و اول لما تطلع تبقى ترشها تاني مش مشكلة
او ممكن توديها لورشة احسن هوة يرشهالك احسن بدل ما تعمل حاجة و متعجبكش في الاخر
و بالنسبة للاستاذ a7md10
هوة تنضيف الجاز ممكن في اي حتة في البندقية الا الجلب
لو محطش جاز على الجلبة يبقى مفيش مشكلة
و لو اني بفضل انو ميحطش جاز اساسا بس خلاص هيبان معاك بعد فترة
لو هوة حط جاز على الجلبة هتلاقيها اتقطعت في الاخر
و تبقى تغيرها
بس هوة اكيد فاهم يعني
بس انا مبحبش احط جاز خالص على البندقية اساسا
بس مش مشكلة هوة التأثير بيحصل لما بيحطه على الجلبة
فبتلاقيها اتقطعت في الاخر

omarara · 11-05-31, 12:10 AM

اقتباس:

المشاركة الأصلية كتبت بواسطة sayed allaa

بالنسبة للاستاذ الصورة الرمزية omarara
بالنسبة لجسم البندقية المعدن فيه واحد صاحبي رشها دوكو عند واحد معرفة
لكن لو انت وديتها لواحد هيخاف و مش هيعملك حاجة
انت ممكن ترشها بالاسبراي
فيه هنا عضو كان عملها قبل كده عادي و اول لما تطلع تبقى ترشها تاني مش مشكلة
او ممكن توديها لورشة احسن هوة يرشهالك احسن بدل ما تعمل حاجة و متعجبكش في الاخر
و بالنسبة للاستاذ a7md10
هوة تنضيف الجاز ممكن في اي حتة في البندقية الا الجلب
لو محطش جاز على الجلبة يبقى مفيش مشكلة
و لو اني بفضل انو ميحطش جاز اساسا بس خلاص هيبان معاك بعد فترة
لو هوة حط جاز على الجلبة هتلاقيها اتقطعت في الاخر
و تبقى تغيرها
بس هوة اكيد فاهم يعني
بس انا مبحبش احط جاز خالص على البندقية اساسا
بس مش مشكلة هوة التأثير بيحصل لما بيحطه على الجلبة
فبتلاقيها اتقطعت في الاخر

ورشة سلاح ؟
هو ورش السلاح بيرشوا ؟
لو تعرف حد ممكن تقولى انا عارف واحد اللى هو شريف بتاع شبرا بس انا من اكتوبر مينفعش إنى اروح اسئله :confused: فمش عارف هيكون عنده ولا ايه الكلام

a7md10 · 11-05-30, 11:47 PM

للأسف انا مودتهاش لواحد متخصص انا ودتها لواحد سمكرى بتاع عربيات عشان يشحمها و جبتله الشحم و الزيت اللى انت قولت عليه لاقيته منضف السوستة بالجاز و غرقها كلها جاز ياترى اجيب جلبة تانية منين و ياترى لو شحمت البندقية على كده و قفلتها السوستة هتتكسر ولا ايه ..... ارجو الحل ؟؟؟؟

sayed allaa · 11-05-31, 12:04 AM

الصراحة انت بدأت الموضوع غلط خالص
مينفعش الصراحة توديها لسمكري عربيات خالص
عشان هوة مبيفهمش فيهم فهيعاملها زي العربية الشحم بيتغسل بالجاز
المهم هوة نضف السوستة بس بالجاز و لا نضف البندقية كلها
لو نضف الجلبة كمان بالجاز يبقى تجيب واحدة تانية من محلات السلاح بقى
اللي في مدينتك فتح الله مثلا فيه كذا محل على حسب مكانك
و تشحمها ليه تاني هوة مش شحمهالك و نضفهالك
ولا نضفهالك و شحمهالك بس و سايبهالك انت تركبها عشان انا مش فاهمك بصراحة
هوة السوستة عموما بتتكسر لو حطيت عليها زيت كتير
انا عن نفسي بفضل ابعد عنه اساسا في السوستة بالذات
فبشحمها

a7md10 · 11-05-31, 12:14 AM

هو الباشا رحتله و هو شغال فيها لاقيت الافندى بيغسلها بالجاز من جوه و بره و لما لاقيته غسل السوستة بالجاز قلتله متشحمهاش و سيبها على كده و مخليتوش يكمل عشان خايف لو شحمتها و ركبتها السوسته تتكسر جوه حتى الجلبة لم تسلم من الجاز ....... الوقت انا كده هغير الجلبة بس كنت عاوز جلبة أفضل بالمرة عشان تخلى الطلقة اقوى ياترى نوعها ايه و اجيبها منين ....... و بالنسبة لموضوع السوستة اعمل ايه عشان اضيع اثر الجاز

sayed allaa · 11-05-31, 12:46 AM

بالنسبة للاستاذ الصورة الرمزية omarara
اكيد ورش السلاح بترش او تعرف لها سكة يعني
انا معرفش حد بره اسكندرية بصراحة ان شاء الله حد من اكتوبر يفيدك
و بالنسبة للاستاذ a7md10
انا بقول احسن تروح لورشة سلاح في القاهرة زي ما الاستاذ omarara قال فيه ورشة لشريف بتاع شبرا
يعملك البندقية و يغيرلك الجلبة عشان الصراحة موضوع الجاز ده غلط في غلط
ازاي يغسل البندقية كلها بجاز
عموما هوة بيتبخر فانت سيبه شوية يتبخر
بس الجلبة هية اللي هتبوظ كده خلاص
انت تروح بالبستم لاي واحد بتاع قطع غيار للسلاح و تخليه يديلك واحدة زيها و الاحسن تخليه يركبهالك على البستم
و انت بتركبها تتبع الخطوات اللي انا كتبتها في الموضوع عشان انت متبعتهاش صح
او مقولتش للراجل يتبعها يعني بس مش مشكلة خلاص اللي فات مات
و تقرأ الموضوع تاني و كويس عشان انت مقرتهوش كويس و تركز فيه عشان متقعش في اخطاء تانية زي اللي حصلت دي
و ربنا معاك
و اي استفسار تاني انا في الخدمة

a7md10 · 11-06-02, 10:32 AM

سؤال تانى ياترى ينفع ابدل النشنكاه الخلفى و الامامى للرمسيس نمرة 1 بنشنكاه افضل زى مثلا نشنكاه فسفورى

omarara · 11-06-02, 10:44 AM

ياباشا عندى سؤال معلش
انا لسه مشترى نوريكا سبورت بس حاسس انها ضعيفة شوية !
وانا ببص على الكلام المكتوب عليها لقيت مكتوب (f) هو كل السبورت فرجن f !!

sameer · 11-06-02, 11:03 AM

اقتباس:

المشاركة الأصلية كتبت بواسطة omarara

ياباشا عندى سؤال معلش
انا لسه مشترى نوريكا سبورت بس حاسس انها ضعيفة شوية !
وانا ببص على الكلام المكتوب عليها لقيت مكتوب (f) هو كل السبورت فرجن f !!

بعد اذن الاستاذ سيد السبورت مش هاي باور 160 م\ث

11-04-19, 03:11 PM	#1
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين شكرا على المشاركةيامعلم وجزاك الله كل خير __________________ لا تخف من صوت الرصاصة --- فالرصاصة اللي ستقتلك لن تسمع صوتها

11-04-19, 11:40 PM	#2
wa7ed صياد متفاعل تاريخ التسجيل: Jul 2010 المشاركات: 71 معدل تقييم المستوى: 6	رد: الموضوع الشامل للمبتدئين موضوع غاية في الروعة وتسلم ايدك يا باشا وياريت لو حضرتك تقلنا بئي ازاي نفك البندقية الرمسيس رقم واحد وازاي اغيرلها السوستة ولا الجلبة ولا اي حاجة علشان تضرب لان هي تقريبا مبتضربش

11-04-20, 07:03 PM	#3
sultan صياد قديم تاريخ التسجيل: Mar 2011 المدينه: الاسكندريه المشاركات: 1,261 معدل تقييم المستوى: 13	رد: الموضوع الشامل للمبتدئين الله ينور 100/100 هوه ده الكلام

11-04-20, 08:49 PM	#4
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين شكرا على المشاركات يا جماعة و قريبا يا استاذ وحيد ان شاء الله هنشوف التفاصيل دي في الجزء التاني و شكرا يا سلطان على المرور و جزاك الله كل خير و يا رب اكون عند حسن ظنكم __________________ لا تخف من صوت الرصاصة --- فالرصاصة اللي ستقتلك لن تسمع صوتها

11-04-22, 02:06 AM	#6
اسكندرانى صياد متفاعل تاريخ التسجيل: Jan 2011 المدينه: الأسكندرية المشاركات: 97 معدل تقييم المستوى: 0	رد: الموضوع الشامل للمبتدئين 2 بجد انت انسان محترم اوووووووووووووى والف شكر على الموضوع الجامد ده تسلم يامعلم __________________ يا بلادي يا بلادي انا بحبك يا بلادي http://a2.sphotos.ak.fbcdn.net/hphot..._6540771_n.jpg

13-09-24, 04:40 PM	#7
gamo200 صياد نشيط تاريخ التسجيل: Sep 2013 المدينه: حدائق الاهرام المشاركات: 257 معدل تقييم المستوى: 5	رد: الموضوع الشامل للمبتدئين 2 مش عارف اشكرك ازاي انت فعلا تستحق احسن تقدير

11-04-22, 02:10 AM	#8
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين 2 الله يخليك يا معلم ده بس من ذوقك و شكرا على المرور و جزاك الله كل خير __________________ لا تخف من صوت الرصاصة --- فالرصاصة اللي ستقتلك لن تسمع صوتها

11-04-22, 02:12 AM	#9
Batman صياد نشيط تاريخ التسجيل: Mar 2011 المدينه: الاسكندريه المشاركات: 362 معدل تقييم المستوى: 6	رد: الموضوع الشامل للمبتدئين 2 شكرا جزيلا على الموضوع الرائع و كذلك طريقتك الظريفه فى الشرح - تحياتى ...

11-12-06, 06:28 PM	#10
farouk صياد قديم تاريخ التسجيل: Nov 2011 المدينه: الاسكندريه المشاركات: 1,385 معدل تقييم المستوى: 17	رد: الموضوع الشامل للمبتدئين 2 معلومات قيمه تسلم ايدك __________________ eng.farouk اشهد الا اله إلا الله و ان محمد رسول الله سبحان الله وبحمده سبحان الله العظيم

11-12-15, 11:11 PM	#11
beboo صياد متفاعل تاريخ التسجيل: Mar 2011 المدينه: حدائق المعادى المشاركات: 152 معدل تقييم المستوى: 5	رد: الموضوع الشامل للمبتدئين 2 الف شكر يا حج سيد على الموضوع الرائع والمجهود الجبالر ده جعلك الله زخرا للمبتدئين

11-04-22, 02:23 AM	#12
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين 2 شكرا يا Batman على المرور و يا رب اكون عند حسن ظنك و جزاك الله كل خير __________________ لا تخف من صوت الرصاصة --- فالرصاصة اللي ستقتلك لن تسمع صوتها

11-04-22, 02:39 AM	#13
salas0010 صياد نشيط تاريخ التسجيل: Apr 2011 المدينه: الجيزه المشاركات: 496 معدل تقييم المستوى: 39	رد: الموضوع الشامل للمبتدئين 2 تسلم يا كبير علي الموضوع الرائع جزاك الله خيرا __________________ الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَاباً وَخَيْرٌ أَمَلاً (46)(سورة الكهف) وايه هيا بقى الباقيات الصالحات ؟ هى كلمات بسيطة القول كبيره الثواب [ سبحآن آللّہ ، والحمد للّہ ، ۆلٱ إلہ إلٱ آللّہ ، ۆآللّہ أگبر ] وسميت [ بالباقيات ] لأنها هِـيَّ آلتيّ يبقى ثۆابها ۆيدوم جزائها ...

11-04-22, 02:51 AM	#14
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين 2 الله يخليك يا باشا و شكرا على المرور __________________ لا تخف من صوت الرصاصة --- فالرصاصة اللي ستقتلك لن تسمع صوتها

11-04-22, 03:22 AM	#15
خالد ابو العلا صياد متفاعل تاريخ التسجيل: Mar 2011 المدينه: 6october city المشاركات: 143 معدل تقييم المستوى: 5	رد: الموضوع الشامل للمبتدئين 2 ما شاء الله على المعلوماااات مشكوووور ... وجزاك الله كل خير

11-04-22, 03:23 AM	#16
amer ibrahim صياد متفاعل تاريخ التسجيل: Dec 2010 المدينه: الأسكندرية المشاركات: 69 معدل تقييم المستوى: 5	رد: الموضوع الشامل للمبتدئين 2 موضوع متاكمل ورائع شكراً لك __________________ لا إله إلا الله amer.ibrahim1@yahoo.com

11-04-22, 03:37 AM	#17
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين 2 شكرا على المرور يا جماعة و جزاكم الله كل خير و يا رب اكون عند حسن ظنكم __________________ لا تخف من صوت الرصاصة --- فالرصاصة اللي ستقتلك لن تسمع صوتها

11-06-13, 10:31 PM	#18
omarara صياد متقدم تاريخ التسجيل: May 2011 المدينه: 6 أكتوبر المشاركات: 624 معدل تقييم المستوى: 44	رد: الموضوع الشامل للمبتدئين 2 باشا بعد اذنك انا بغير الجلبة بتاعت الجامو هنتر تقريباً هى 890 القديمة دلوقتى انا فكيت اغلب الاشياء بس فيه مكان مش عارف هو ده بيتفك ازاى اصلاً الى هو الجزء البلاستك اللى فى آخر جسم البندقية ده عامل زى الغطاء باين فى الصور اهو الصور المصغرة للصور المرفقة

11-10-15, 01:33 AM	#19
haythoma81 صياد جديد تاريخ التسجيل: Oct 2011 المشاركات: 2 معدل تقييم المستوى: 0	رد: الموضوع الشامل للمبتدئين 2 1000 شكر لتانى مره يبقى كده 2000 شكر للمعلومات الهامه

12-02-08, 08:49 PM	#20
وليد سعد زغلول صياد قديم تاريخ التسجيل: Dec 2011 المدينه: القاهرة المشاركات: 1,185 معدل تقييم المستوى: 77	رد: الموضوع الشامل للمبتدئين 2 جزاك الله خيرًا على هذا المجهود الرائع وجعله الله في ميزان حسناتك

13-01-12, 02:56 PM	#21
mody2211 صياد جديد تاريخ التسجيل: May 2012 المدينه: الاسكندرية المشاركات: 35 معدل تقييم المستوى: 5	رد: الموضوع الشامل للمبتدئين 2 شكراً على الشرح الجميل جزاك الله عنا خير

11-04-22, 09:49 AM	#22
DeCo صياد نشيط تاريخ التسجيل: Mar 2011 المدينه: بجانب عش اليمام المشاركات: 349 معدل تقييم المستوى: 6	رد: الموضوع الشامل للمبتدئين 2 تسلم ايدك يا غالى شرح وافى وخفه دم كمان . ايه العسل ده .انا هجيب صحن واجى اخد منك .... ههههههههههههههههههههههه

11-04-22, 09:49 AM	#23
koktal صياد قديم تاريخ التسجيل: Apr 2011 المدينه: جمهورية مصر العربية المشاركات: 1,138 معدل تقييم المستوى: 13	رد: الموضوع الشامل للمبتدئين 2 ربنا يباركلك فى النصح والارشاد الجميل ده والناس انشاء الله تنتفع بيه ومنتظرين جديدك تملى ...خالص تحياتى...

11-04-22, 11:38 AM	#24
BASiC صياد نشيط تاريخ التسجيل: Oct 2010 المدينه: Helwan المشاركات: 374 معدل تقييم المستوى: 6	رد: الموضوع الشامل للمبتدئين 2 .............................. __________________ YOU CAN'T HAVE EVERYTHING .......WHERE WOULD YOU PUT IT ........!!!

11-04-22, 11:40 AM	#25
BASiC صياد نشيط تاريخ التسجيل: Oct 2010 المدينه: Helwan المشاركات: 374 معدل تقييم المستوى: 6	رد: الموضوع الشامل للمبتدئين 2 الله ينور عليك ويباركلك على المجهود الرائع ده احنا بأمثال حضرتك هنبقى اول منتدى صيد عربي في الترتيب __________________ YOU CAN'T HAVE EVERYTHING .......WHERE WOULD YOU PUT IT ........!!!

11-04-22, 11:43 AM	#26
bassem nawar صياد متفاعل تاريخ التسجيل: Feb 2011 المدينه: Alexandria المشاركات: 81 معدل تقييم المستوى: 5	رد: الموضوع الشامل للمبتدئين 2 ولا عندي بندقية ولا عمري اصطت ابل كده و الناس اللي زيك هما اللي بيحببوني في الهواية اكتر و ببقي مطمن ان اي سؤال هلاقي الرد عليه بجد شكراااااا علي المجهود الرائع ده

11-04-22, 12:16 PM	#27
body man صياد جديد تاريخ التسجيل: Sep 2008 المشاركات: 21 معدل تقييم المستوى: 6	رد: الموضوع الشامل للمبتدئين 2 الله عليك يا ابو السيد بجد مواضيعك احسن مواضيع فى المنتدى __________________ http://store2.up-00.com/Mar11/O9r05982.jpg

11-04-22, 12:38 PM	#28
احمد فتحي صياد متقدم تاريخ التسجيل: Apr 2011 المدينه: الاسكندريه المشاركات: 700 معدل تقييم المستوى: 23	رد: الموضوع الشامل للمبتدئين 2 والله انتا ربنا بعتك لينا نجده في كل حاجه يسلم ايده

11-04-22, 12:39 PM	#29
mohammad hassan صياد جديد تاريخ التسجيل: Mar 2011 المشاركات: 26 معدل تقييم المستوى: 5	رد: الموضوع الشامل للمبتدئين 2 ostaaaaaaaz

11-04-22, 12:50 PM	#30
m.elshinawy صياد متفاعل تاريخ التسجيل: Mar 2011 المشاركات: 71 معدل تقييم المستوى: 5	رد: الموضوع الشامل للمبتدئين 2 بارك الله فيك موضوع ممتاز بصراحة خصوصا انى عندى بندقية كرال ماجنوم 5.5 دبشك خشب زى الى حضرتك فكتها دى وكانت مشكلتى مع فك السوستة والزناد بس بعد ما قريت الموضوع ده حتشجع وافكهم وشكرا

11-04-22, 01:30 PM	#31
talha صياد نشيط تاريخ التسجيل: Sep 2010 المدينه: القاهرة-الشروق المشاركات: 406 معدل تقييم المستوى: 9	رد: الموضوع الشامل للمبتدئين 2 ربنا يبارك فيك موضوع جامد جدا دا انتا استاذ

11-10-17, 07:36 PM	#32
commando صياد نشيط تاريخ التسجيل: Oct 2011 المدينه: حلوان المشاركات: 297 معدل تقييم المستوى: 6	رد: الموضوع الشامل للمبتدئين 2 فيديو حلو قوى __________________ http://baikalinc.ru/res_en/0_value_145_188.jpg

11-04-22, 01:34 PM	#33
basemzero صياد متفاعل تاريخ التسجيل: Nov 2009 المدينه: الاسكندرية المشاركات: 219 معدل تقييم المستوى: 7	رد: الموضوع الشامل للمبتدئين 2 جزاك الله خيرا موضوع فعلا ممتاز و وافى و عرض شيق جدا.....انا بقى ليا سؤال ...امتى نستخدم زيت و اى نوع نستخدم و الصيانه اللى حضرتك عملتها دى نعملها كل كام رشه و بالنسبه للماسوره استخدم wd40 عشان الصدأ ولا استخدم زيت و ايه نوعه و كل كام رشه ؟؟؟.....تخيل بقى كل ده سؤال...انا قلت بردو سؤال واحد كفايه....معلش بقى انا استغليت الفرصه سامحنى .

11-04-22, 02:00 PM	#34
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين 2 شكرا على المشاركات يا جماعة و جزاكم الله كل خير و يا رب اكون عند حسن ظنكم و بالنسبة لسؤال الاستاذ باسم الزيت انا بستخد موبيل بتاع العربيات عشان تقيل بعكس زيت المكنة الخفيف اللي لو زيت بيه من جوه هتلاقيه هيتحرق من اول رشتين و مش هيبقى نافع و يستحسن عدم تزييت الماسورة الا بقى في الحاجة الشديدة و ممنوع منعا باتا استخدام ال wd40 ده بيبهدل الدنيا و اي سؤال تاني انا في الخدمة __________________ لا تخف من صوت الرصاصة --- فالرصاصة اللي ستقتلك لن تسمع صوتها

11-04-22, 02:11 PM	#35
basemzero صياد متفاعل تاريخ التسجيل: Nov 2009 المدينه: الاسكندرية المشاركات: 219 معدل تقييم المستوى: 7	رد: الموضوع الشامل للمبتدئين 2 انا أقصد يأستاذ سيد استخدام الزيت بيبقى للمفصلات بس؟....و بالنسبه للماسوره ازاى احميها من جوه من الصدأ عشان احافظ على الششخانات؟...انا اسف انا فعلا طولت على حضرتك كتيير...شكرا

11-04-22, 02:28 PM	#36
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 12	رد: الموضوع الشامل للمبتدئين 2 لالا ابدا الزيت يبقى للجلبة لدراع التعمير و مفصلاته لكن الماسورة مش هيجرالها حاجة من جوة و مش محتاجة تنضيف بالزيت ممكن لو بعد مدة بقيت ان الرشة بتخرج بتطلع نار يبقى كده فيه احتكاك من الرايش القديم بتاع الرش مع الرشة اللي خارجة انت ممكن بعد 500 او 600 رشة تنضفها بحتة قماشة كده بس هتتعبك عشان تخرجها من النحية التانية انت ممكن تربطها بس تربطها جامد و بخيط قوي و انا بقول بلاش زيت في الماسورة هيأثر على دقة المقذوف و اي سؤال تاني انا في الخدمة __________________ لا تخف من صوت الرصاصة --- فالرصاصة اللي ستقتلك لن تسمع صوتها