تعديل أمان للبنادق الصينى العتلة.

[adel152]

الى محبى البنادق الصينى العتلة تعديل بسيط لتأمين بوابة بيت الرش. الموضوع ده مهم جدا لأن لا قدر الله لو البستم فلت من الزناد وقفل البوابه اثناء لتقيم الرشه ممكن يطير عقلة من صباعك. التعديل بسيط وسهل بس محتاج دقة فى المقاسات. انا وجدت هذا الموضوع فى احدى المنتديات بالخارج ونقلته لحضارتكم بالصور.
كل الخطوات هتلاقى لها صورة :

- هتجيب قطعة خشب مناسبة بمقاس بيب الرش وتثبتها مكانها وده لتأمين البوابة اثناء التعديل.



- هتعمل خرم فى نفس المكان اللى موجود بالصوره عند الحديد الخارجى قرب البوابة. تأكد من المقاسات بدقة شديدة ليكون الخرمين مقابلين بعض بالضبط. لن تحتاج خرم اكبر من 5مم.



- هتركب الدبشك وتشوف المقاس الصحيح والمكان الصحيح لعمل مكان فى الدبشك بنفس مقاس ومكان الثقب اللى فى الحديد.



- شوف صورة الشكل بعد تخريم الحديد والدبشك.



- هتجيب مصمار صلب محمل بنفس مقاس الخرم تقريبا وهتثبته مع مسمار الدبشك زى الصورة .



- عند التعمير وقبل وضع الرشة او احد اصابعك عن البوابه المسمار هيكون حاجز وأمان لو لا قدر الله البوابة اتقفلت لأى سبب. زى الصورة.



- وده الشكل النهائي للبندقية بعد التعديل انظر للصور.



أتمنى للجميع السلامه ان شاء الله.

طبعا فيه ناس كثير هتقول ايه لازمة كل ده. هأرد عليهم واقول لهم علشان ما يحصلكش حاجة زى كده.
شوف صورة الصوبع وفيه 8 غرز بسبب البوابة.



خالص تحياتى للجميع.

[هشام سمير]

الكبيييير طول عمره كبيييير شرف ليا ان اول واحد يرد على الموضوع العملاق ده من الكبير الخبير الرسمى للمنتدى عادل بك

[adel152]

ربنا يباركلك يا هشام باشا. وربنا يسترها على الجميع يارب.
تحياتى واحترامى.

[kemo can]

موضوع جميل جدا بس عايز افهم حاجه ايه الفرق بين الامان اللى متعدل ده وبين الامان اللى فى البندقيه اصلا

[محمد المهدى]

:-)فكرة جميلة وشكرا على المجهود و البحث

[Mohamed Mahmoud]

موضوع هام جداااا
تسلم يا كبير