|
صيد السمك معلومات عن انواع الاسماك وكيفيه واماكن الصيد. |
أدوات الموضوع | إبحث في الموضوع | انواع عرض الموضوع |
11-12-17, 09:00 PM | #1 |
صياد قديم
تاريخ التسجيل: May 2011
المدينه: القاهرة
المشاركات: 1,594
معدل تقييم المستوى: 42 |
دليل اماكن الصيد
بسم الله الرحمن الرحيم مجمع للافادة
ادوار مجربة ممكن تختار منها الاقرب ليك وربنا الرزاق وضف الادوار او الاماكن الجيدة التي تعرفها لنكمل المجموعة 1- منطقة محاجر ابو زعبل سمك بلطى كفافى سريع وقرموط بحجم كبير و السمك هناك كبير و المياة عميقة جدا جدا جدا من 7 متر و فى حتت تيج 12 متر دة كدة و بتصقط امامك وليس بالداخل . 2- منطقة دير الميمون قبل بنى سويف وبعد الكريمات جميع الاسماك وخاصة الرعاد 3- الترعة التى امام البلاجات فى فايد قرموط سريع جدا 4- ترعة الصحافة تروح لها من ابو زعبل تركب عربة باتجاه بلبيس وتنزل الصحافة وتمشى شوية فى الزراعة بلطى سريع 5- ترعة معرفش اسمها تروح لها من شبين تركب عربية بتقول الشرابية وممكن تنزل الشرابية او كفر عبد النبى بلطى حلو 6- ترعة القلج خلف السجن بلطى كفافى 7- أبو الخاو على الهدار طريق الخطاطبة كفر الزيات جميع أنواع السمك بلطي في النهار (ريم) وف الليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر 8- المنصورية و النجيلة ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر 9- كوم شريك ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر 10- قناطر بولين (كفر الزيات ) لطش من على البغلة طوال أيام العام 11- فى منطقة فى حلوان اسمها ركن فروق (و هى مرسى للسنادل الخربانا) اخر طريق الكرنيش فى اتجاة حلوان لحد متلاقى مصنع لمواسير البترول (طعم و عجين ) حداف و غماز ( فلاش باشا ) 12- القناطر هتروح القناطر و تسئل عن سجن القناطر و انزل بعدها عند المطافى و اول يمين قبل الكبرى الى علية الكامين تدخل يمين لحد اللسان و انزل هتلاقى جزر على فكرة الدوار حجارة (طعم ) غماز 13- غمازة الصغرى بعد حلوان على الكورنيش هناك ثلاثة ترع موازيين... آخر ترعة أدخل يمين حتى تجد هيش... بلطي جميل أحمر كفافي حجاري بالطعم الموسم من شهر 5 لكن ممكن يشتغل من4 أولا - البحري : 14- ابتداءا من المناشي - منشأة القناطر - ساعات بيقع فيها غلطات محترمة تشتغل صباحا ( بالريم ) و مساءا بالطعم و لو الجو هادي باليل و مافيش زحمة ممكن ترموا حداف بسن 6 أو 5 و طعم محترم ( معنكب ) و تلعبوا على البياض. 15- اتجاه الباجور : بالترتيب كدة : صروة - أو السبع روس و ده دور حداف و غماز 16- بير شمس - و ده دور غماز بالأساس و ساعات الحداف بيشتغل فيه لكن عيبه إنه بعيد شويه 17- الباجور نفسها - و فيها عدة أدوار على الحجر على كيف كيفك بلطي و رعدات 18 - اتجاه نكلا : نكلا نفسها - ولكن أنا ما بفضلش الصيد فيها أولا علشان المية هناك حامية جدا و ما ينفعش فيها غير الحداف و من على البغال مش من البر.. و ثانيا .. علشان الريحة..!!!! 19- أبو غالب : و فيها دورين حلوين جدا عند المجزر و تقدر تشتغل فيهم غماس و حداف و البلطي بتاعها يفرح 20- الحاجر : و هي بعد أبو غالب على طول و فيها كذا دور و أنا بفضل دور المدرسة و سمكها زي أبو غالب تمام 21- الخطاطبة : وهو دور مسلي سواء عند الجامع اللي على الطريق أو قدام على الحجر... و لكن عيبه إن سمكه صغير و الراي فيه كتير ( بالمناسبة الدور ده في يناير تشيل منه تعابين زي ما إنت عايز( 22- كفر داود - دور ريم و طعم و سمكته أكبر شوية من الخطاطبة بس المية فيه حامية و علشان كدة هو دور بالأساس غماس. 23- الدلنجات و دمشق - زي كفر داود بس سمكتهم أكبر و لكن مشوارهم أبعد بكتير. 24 - اتجاه قبلي : الصنادل - دار السلام - و ده مكان قدام شرطة المسطحات و بنروحله بالمعدية و ما تستهونوش بالمكان ده لأن سمكته لو اشتغلت بتطلع منه سمك محترم خصوصا على الحداف . 25- كوتسكا - دور تسلية ( لتعليم الصيد ) بصراحة ما شفتش منه خير. 26- الإخصاص : دور حلو جدا بس لو المية واطية في النيل و بناخد بلطي حلو منه. 27- ميت القايد : دور رائع لصيد الريم صباحا و الطعم في الليل ( الحداف ما ينفعش علشان الحجارة هناك كبيرة و المية سريعة( 28- نزلة عليان (غمازة) - و من هنا نخش على الجد - يعنى عدة نضيفة و خيط جديد و سنون محترمة و ده دور بلطي و رعدات و شيلان و بياض و أنوم. 29- جرزا - زي نزلة عليان بالظبط و هي في الجهة المقابلة منها. 30- من جرزا إلى بني سويف ممكن تعد أكثر من 100 دور على الناحيتين و معظمهم أدوار تقيلة و زي الفل ودا شرح من صياد محترم جدا للقناطر و الادوار التمام جزاة الله كل خير: ان القناطر صعب تلم بكل ادوارها كلها لان القناطر فيها فرع رشيد ودمياط والتفرع بيبقى في القناطر وفيها حوالي 4 رياحات(المنوفى ، التوفيقى ، البحيري , الناصري) من اجمل الرياحات قي القناطر المنوفي ميته شديدة جدا فالحداف افضل الطرق وارضه حجارة الطعم / دود الارض عادي وعنكبوت للبلطي والراي و البياض و الانومة و الدقماق وغلطات شيلان , العجينة للراي و للبني والبلطي و غلطات مبروكة وممكن تطعم للمبروكة من البوص النامي على الجوانب بس تكون حاضرة في المية الرياح البحيري من الرياحات القوية وهي الممتدة على طريق الخطاطبة وفكرته نفس فكرة المنوفي والرياحات في القناطر كلها او اغلبها ميتها شديدة لان القناطر هي منطقة الهاويس لهذة الرياحات فبتبقى المية في بداية إندفاعها اما التوفيقي والناصري فمعرفش عنهم اي معلومات بصراحة فرع رشيد في القناطر فحدث ولا حرج فية عندك ياسيدي الكوبري القديم ودا في الصيف شغال طعم وعجين ... وطول السنة تقريبا التشميط كويس الجرف بين الكبريين ودا دور ممتد بطول المناشي ويقع ما بين الكوبري القديم والكوبري الجديد ودا طعم وريم حلو جدا في الصيف وتشميط طول السنة تقريبا والسمك بلطي وبياض وانوم وقليل جدا من البني وشيلان نادرة جدا نطلع بعد كدة على الكوبري الجديد والرمي من فوق الكوبري ناحية قبلي غير بحري الكوبري قبلي هيبقى زي الجرف والكوبري القديم اما الرمي من من نفس الكبري بس على بحري بكون على المشاية الملحقة بالكبري من فوق العيون مباشرة ودي بتكون ميتها شديدة جدا جدا فية مواسم المبروكة بتاكل من عليها في المية الحامية بالطعم (عنكبوت) او ريم او البوص (قصب الفار) وهو البوص النامي على حواف النيل المواسم دي عادة بتكون في شهر 6 , 7 ,8 الطعم التاني المميز العجينة بس دي عايزة حرفنة شوية في تجهيز العجينة وحرفنة في الصيد بيها علشان العجينة ما تسيبش من السنارة من شدة المية والعجينة دي من الطعوم السحرية إللي كتير من الناس بيتجاهلها بسبب صعوبة الصيد بيها انواع السمك الراي - البني - القراميط - البياض - الشيلان إن وجدت و البلطي والمبروكة تأكلها لكن بالصدفة ويفضل في حالة توجية الطعم لصيد البياض تزفير العجينة بوضع زفارة سمك عليها لانها جاذبة للبياض الطعم الدولي (مصارين الدجاج) ودي للقرموط رقم واحد وصدف ثعبان في الشتاء وصدف مبروكة العنب البناتي للقراميط والبني في شهر 7,8 والصيد بالسمك زي انك تطعم راية صغيرة جدا او جلمانة ودي ممتازة للبياض والشيلان والرعاش القرموط والبني الكبير جدا بيدخل عليها بس دي عايزة يكون معاك سنارة تطعمها وتنساها بس الغلطة فيها بإذن الله بحاجة محترمة زمان كنا بنجيب بيها قشر بياض بس دا إنقرض ننزل من فوق المشاية على الجرف البحري ودي ادوار مبروكة ممتازة بس لما المية تكون عالية وبلطي في موسم الريم , وبالطعم في الشتاء التعبان بياكل كويس وادوار القراميط كتير نظرا لوجود البوص ودي صيدها بالطع الدولي نطلع بعد كدة على منطقة السد او الشلالات ودي منطقة ممتازة لهواة الصيد بالفلة (الغماز) بالريم وبيقع فيها بلطي محترم بس لازم مركب وتنزل على الهدار او الشلال او كما نسميها في القناطر الدشم والراي والبني بياكل كويس في الصيف على العجينة والطعم .....والمبروكة والدقماق والبياض والتعبان و الشلباية كل الاسماك دي هناك بس انت ورزقك ..لانهم مبيكلوش بالساهل وعايزين صبر وحرفنة واحب اضيف بعض الاماكن 1-بنها ,برشوم,الطريقة حداف الطعم دود ارض الاسماك انوم وبياض وممكن غماز ادوار حجر بلطي ورعاش كتير 2-ترعة الاسماعيلية ,سرياقوس علي الهويس الجديد حداف جميع انواع السمك والطعوم ,البني كتير جدا 3-التحرير ,عزبة الباشا غماز بلطي ورعاش وبياض على الوش الطويل 4-القنطرة غرب ,الرياح ,ترعة ابو خليفة الطريقه حداف و غماز بياض رهيب بالعلق,وبلطي 5-الشرقية ,السعديين ,ترعة ابو الاخضر حداف بياض وكرور ولبيس وانوم وبني 6- شبين القناطر ترعةالشرقاوية و الحسنية بلطي علي الغماز وقرموط , نهارا ريم وليلا طعم ولهواة السبلة والسمم (مالهاش حل) ووادي الريان يقع غرب مدينه الفيوم ويبعد عنها حوالي 20ك واحلي مكان للصيد هو البحيره الاولي وبالتحديد عند مدخل المياه اي المجره والطعم هناك بيكون سمك صاحي واحلي طعم هو سمك البوري وده هتجيبه تشميط من المجره ويليه ابو رياله والبني وابو رياله واضعف طعم هو الِشر وأحب أضيف من عندى مكان خلف مطار النزهه بالأسكندريه إسمها العفاريتى وفيها سمك جامد الموضوع منقول و ذلك لاهمية المعلومات الموجودة بة
__________________
الصياد مايصتدش صياد |
sponsor links |
11-12-17, 09:06 PM | #2 |
صياد متقدم
تاريخ التسجيل: Oct 2011
المدينه: دمياط
المشاركات: 866
معدل تقييم المستوى: 9 |
رد: دليل اماكن الصيد
جزاك الله خير .... انت بقى لو جاى دمياط قولى وهاظبطك
__________________
انا من نظر الاعمى الى ادبى واسمعت كلماتى من به صمم |
11-12-17, 09:16 PM | #3 |
صياد قديم
تاريخ التسجيل: May 2011
المدينه: القاهرة
المشاركات: 1,594
معدل تقييم المستوى: 42 |
رد: دليل اماكن الصيد
مشبك بقى و حلويات دمياط المشهورة
__________________
الصياد مايصتدش صياد |
11-12-17, 09:20 PM | #4 |
صياد متقدم
تاريخ التسجيل: Oct 2011
المدينه: دمياط
المشاركات: 866
معدل تقييم المستوى: 9 |
رد: دليل اماكن الصيد
كله بين ايديك يا باشا بس انت تامر
__________________
انا من نظر الاعمى الى ادبى واسمعت كلماتى من به صمم |
12-01-06, 08:52 AM | #5 |
صياد جديد
تاريخ التسجيل: Jan 2012
المشاركات: 4
معدل تقييم المستوى: 0 |
رد: دليل اماكن الصيد
عرض جميل اثابك الله
|
12-01-06, 03:57 PM | #6 |
صياد قديم
تاريخ التسجيل: May 2011
المدينه: القاهرة
المشاركات: 1,594
معدل تقييم المستوى: 42 |
رد: دليل اماكن الصيد
و اثابكم و حماكم
__________________
الصياد مايصتدش صياد |
12-01-21, 07:44 PM | #7 |
صياد متقدم
تاريخ التسجيل: Feb 2011
المدينه: الاسكندرية
المشاركات: 568
معدل تقييم المستوى: 7 |
رد: دليل اماكن الصيد
جزاك الله خيرا
|
12-01-24, 12:24 PM | #8 |
صياد نشيط
تاريخ التسجيل: Nov 2011
المدينه: الاسكندرية ( حاليا دمياط )
المشاركات: 459
معدل تقييم المستوى: 7 |
رد: دليل اماكن الصيد
الله ينور ياياشا
انا فى دمياط يا معلم ظبطنى ههههههههههههه اوعى تكسل الجمعة اللى جاية
__________________
سبحان الله وبحمده ******* سبحان الله العظيم |
12-02-21, 12:39 PM | #9 |
صياد جديد
تاريخ التسجيل: Feb 2012
المشاركات: 4
معدل تقييم المستوى: 0 |
رد: دليل اماكن الصيد
بارك الله فيك
|
12-02-22, 01:06 PM | #10 |
الاداره تحذر التعامل مع هذا العضو فى البيع والشراء
|
رد: دليل اماكن الصيد
__________________
drugstore-onlinecatalog.com |
12-02-27, 02:54 AM | #11 |
صياد جديد
تاريخ التسجيل: Feb 2012
المدينه: القاهرة
المشاركات: 1
معدل تقييم المستوى: 0 |
رد: دليل اماكن الصيد
كورنيش النيل من قدام ماسبيرو عند الأتوبيس النهرى بيطلع بلطى حجارى و كمان التشميط بيجيب سمك بلطى كبير و كمان الكوبرى الصغير اللى قدام القصر العينى بيطلع القراقير و ساعات سمك القنوم أو الهنوم أنا مش عارفة اسمه بالضبط و كمان كوبرى قصر النيل بيطلع بياض و بلطى كبير
|
12-02-28, 01:25 AM | #12 |
صياد جديد
|
رد: دليل اماكن الصيد
طب يا رجالة لو حد بيصطاد عالنيل انا عاوز ناس نطلع سوا ... لأن انا عالنيل ميح ... انا بضطر اسافر اسماعلية وكفر الشيخ عشان اصطاد عشان ليا اصحاب هناك غاويين صيد انما فالقاهرة عالنيل مفيش .... ياريت يا شباب لو حد بيطلع عالنيل ومحتاج حد معاه يبقي يعمل حسابي
وشكرا |
12-03-28, 05:13 AM | #13 |
صياد جديد
تاريخ التسجيل: Mar 2012
المشاركات: 1
معدل تقييم المستوى: 0 |
رد: دليل اماكن الصيد
أنا عايز تكوين مجموعة للصيد على النيل و في البحر (أنا من سكان القاهرة)
|
12-05-09, 05:45 PM | #14 |
صياد جديد
تاريخ التسجيل: May 2012
المشاركات: 1
معدل تقييم المستوى: 0 |
رد: دليل اماكن الصيد
شكرا وبارك الله فيك
|
12-05-09, 07:13 PM | #15 |
صياد متميز جداً
|
رد: دليل اماكن الصيد
تسلم ايدك وفى عندك الكريمات( نيل) _(ترع) والبرمبل _ والحلف _ وسول _وكفرفنديل
__________________
صيديمامة 1 http://www.youtube.com/watch?v=iUp1vcoAMpI طلعة صيد فراخ الماء https://www.youtube.com/watch?v=H0RvUWehhEw صيد فراخ الماء بالصف https://www.youtube.com/watch?v=FDGwwzJMHy0 صيديمامة 2 https://www.youtube.com/watch?v=ql1FtTYJwds صيد البط الخضيرى https://www.youtube.com/watch?v=wcWs3YM5ckE#t=11 صيادين حلوان https://www.youtube.com/watch?v=BrLZO2ugg4M |
12-05-12, 04:10 PM | #16 |
صياد قديم
تاريخ التسجيل: May 2011
المدينه: القاهرة
المشاركات: 1,594
معدل تقييم المستوى: 42 |
رد: دليل اماكن الصيد
الادارة المحترمة ارجو حذف الموضوع
__________________
الصياد مايصتدش صياد |
12-05-28, 11:58 PM | #17 |
صياد جديد
|
رد: دليل اماكن الصيد
بصراحه يا برنس انت مبدع وجميع الاماكن الى انت ذكرته كويسه وانا رحت اصطد فى معظم الاماكن دى ومكان زى ابو زعبل ورا المحاجر للتنبايه فقط فيه ثعباين كبيرت الحجم
وماكن زى صروا ف المنوفيه فيه ديبه منصحش حد يروح بليل وبصراحه مبسوط جدا من شرحك و الف شكر يا كبير |
12-05-30, 09:04 PM | #18 |
صياد متفاعل
|
رد: دليل اماكن الصيد
بارك الله فيك
انا مئدرش اعمل موضوع فى غاية الروعة ذيك كدا تسلم ايدك |
12-05-30, 09:48 PM | #19 |
صياد نشيط
تاريخ التسجيل: Aug 2010
المدينه: عين شمس القاهره
المشاركات: 285
معدل تقييم المستوى: 8 |
رد: دليل اماكن الصيد
الله عليك و الله تشكر
__________________
أبو رضوى اللهم لا تكلنى إلى نفسى طرفه عين أبدا |
12-05-30, 09:57 PM | #20 |
صياد قديم
تاريخ التسجيل: Feb 2012
المدينه: Ẵℓёжล₦₫Řїล
المشاركات: 1,261
معدل تقييم المستوى: 45 |
Re: دليل اماكن الصيد
تسلم ايديك يا باشا ... ا شاء الله الاعضاء يستفيدوا
|
12-06-07, 12:43 PM | #21 |
صياد متفاعل
تاريخ التسجيل: Dec 2011
المشاركات: 145
معدل تقييم المستوى: 5 |
رد: دليل اماكن الصيد
ما شاء الله
ربنا يبارك فيك |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اماكن الصيد | amr7 | الصيد العام | 3 | 11-10-03 10:56 PM |
اماكن الصيد في مصر | mezo_hunter | انواع الطرائد ومواسمها | 12 | 10-11-28 05:27 PM |
دليل اماكن الصيد فى مصر | المستشار | الصيد العام | 11 | 10-09-14 05:31 PM |
موقع جميل للبحث عن اماكن مناسبه للصيد | محمد حافظ | الصيد العام | 16 | 10-08-24 05:05 PM |
دليل محلات ادوات الصيد | msgm | محلات الاسلحه وادوات الصيد | 79 | 09-12-06 10:30 PM |