1. youtube
  2. new
الإعلانات
الإعلانات


صيد السمك معلومات عن انواع الاسماك وكيفيه واماكن الصيد.

إضافة رد
أدوات الموضوع إبحث في الموضوع انواع عرض الموضوع
  #1  
غير مقروء 10-12-15, 12:37 AM
الصورة الرمزية ايهاب ابو الوفا حمدى
ايهاب ابو الوفا حمدى ايهاب ابو الوفا حمدى غير متواجد حالياً
صياد نشيط
 
تاريخ التسجيل: Jun 2010
المشاركات: 264
معدل تقييم المستوى: 5
ايهاب ابو الوفا حمدى مستواه غير معروف
إرسال رسالة عبر MSN إلى ايهاب ابو الوفا حمدى إرسال رسالة عبر Yahoo إلى ايهاب ابو الوفا حمدى
افتراضي المدونة المتطورة للصيد البحرى الحديث وطرقه وفنونه

[SIZE="2"]
بسم الله الرحمن الرحيم

فى الحقيقة انه لكى يصل الصياد الى نشوة الصيد التى نتمناها جميعا لابد من ان يكون صياد شاملا بمعنى يجيد جميع فنون الصيد من برى وبحرى ويحب ان يكون ملما باساسياته وعلمه قارءا لما هو جديد فى عالم الصيد بجميع انواعه المختلفة ولكل ماهو مستحدث ومتطور وهذا مادفعنى الى ان ارسى هذه المدونة لتكون اساسا لكل هاو مبتدا فى صيد الاسماك وطرقه وفنونه .

صيد الجر او الترولينج

تعريف صيد الجر هو نوع من الصيد يتم من على مركب او يخت يسير بسرعات معينة ويتم عملية انزال للطعم الصناعى ( الرابلة ) وترك العنان لها لمسافات معينة لتسير وتعوم بنفس تكنيك السمك الطبيعى مما يثار السمك القناصة وتجرى لمحاولة التهام الطعم فتقع فى الشرك واثناء هذا الجر توضع البوصة داخل كبايات مخصصة على اليخت وتترك او توضع فى حزام خاص يتم ارتدائه والجلوس يها حتى نسمع جرس الماكينة معلنة وقوع الفريسة فى الشرك واليكم التفاصيل :-

المعدات المطلوبة :-
1- بوص جر لاتقل عن اربعون ليبرة ( رطل ) يجرى فيها الخيط على عجل وليس دبل تقليدية والحكمة واضحة من عدم سخونة الخيط وفرقعته وانقطاعه نتيجة عملية الجر الشاقة اثناء سير المركب بسرعات عالية ..

2- مكن جر غير التقليدى المعروف بيد يمنى غير اليسرى الموجود ة فى المكن العادى وتكون مصممة بسرعة واحدة او بسرعتين وبجرس تنبيه عن الاصطياد واحيانا يوجد رصاص اوتوماتيكى لرص الخيط بتوازن اثناء لمه حتى لا يرتكن فى منطقة واحدة ..

3- رابالات ( اسماك صناعية )مقاسات و الوان و اعماق مختلفة و و ياريت لو ان يتم تركيب على كل صنف قطعة بورد او قبقاب او شبشب ( معدة صيد تساعد على تغطيس الرابالات اكتر من العمق الطبيعى لها).
طبعا كل ما عرض المركب كان اكبر كل ما كان افضل لأنه بيعطى الفرصة لوضع بوص و مكن و عدة اكتر بافتراض انه عندى 8 ماكينات باحاول انى اعمل تشكيل من الرابالات يحاكى سرب السمك على الطبيعة بمعنى بانزل ب2 رابالا من النوع اللى بيطفو و 2 من النوع الوسط و 2 من النوع العميق وممكن انزل ببورد وهو يشبه البورد الذى يتعلم عليه الاطفال السباحة ولكن اصغر ومن الفلين والقصد منه دفع الرابلة الى اسفل ومن الممكن ان نستعيض عن البورد لغلو ثمنه بشبشب القبقاب مع السمك الطبيعى بدون الرابلة .
المهم جدا ان المسافات تبقى معقولة يعنى ابعد رابالا ما تبعدش عن المركب اكتر من 60 متر و اقرب واحدة 30 متر .
بهذا يكون فد تم تغطية اكبر مساحة من الأعماق و عملت تشكيل اقرب ما يكون لسرب سمك ماشى فى المياة ثم ناتى الى موضوع السرعة و المفترض انه زى ما الكتب بتقول ما يزيدش عن 5 عقده و ممكن لحد 3 لأنه لو اسرع من كده ممكن السمك الطبيعى( الطعم الطبيعى ) يتهرى حتى لو تم خياطة فمه او خياشيمه طبعا افضل اماكن للجر هى اللى جنب الشعب لان السمك الكبير بياكل الصغير اللى بيحتمى بالشعب خلال فترة النمو و بالتالى الكبير بيستنى اى غلطه من الصغير عشان ياكله و بالتالى لو الصياد لقيته ماشى فى وسط البحر علشان يخليك تجر تاكد انك بتتفسح و لو جت حاجه فهى صدفة او انك تكون دخلت فى سرب محترم. المهم هارجع لنقطة تشكيل الرابالات و هى انه لو ضرب معاك سمك حاول تعرف هو ضرب على اى نوع من الرابالات و ممكن تغيير الطقم اللى فى المياه و ارجع لف تانى على المنطقة اللى ضرب عليك السمك فيها خاصة لو تونة او باراكودا حجم وسط لأن دى معظم الأحيان بتمشى فى مجموعات كبيرة و لما بتكبر بالذات الباراكودا بتمشى لوحدها . أوقات الجر من اول ضوء لحد قبل الضهر بساعة و بعدين من العصر للغروب طبعا الشتاء افضل من الصيف فى الجر لأن السمك بيطلع على وش الميه نتيجة برودة الميه و فى الصيف بيغطس تحت شوية تفاديا لسخونة الطبقات العليا من الميه و فى الحالات دى طبعا البورد او القبقاب و الرابالات الغاطسة افضل و فرصها اكبر فيه حاجة تانية كمان حلوة جدا ممكن تتعمل انك بتربط 5 خيوط فى ظهر المركب على مسافة 10 الى 15 متر و بتنزل معاهم شوية رابالات ريش او الوان لكن بدون سن و دول يتسمواTEASERS يعنى ""غياظات"" و دى مهمتها فى المقام الأول لفت و جذب انتباه السمك و من غير سن تانى لأنه ممكن سمكة تيجى فعلا تاخدها.
ملحوظة هامة جدا و هى ان حنكة ريس اللنش فى عدم اخذ الملفات على العاصى او على الضييق لأن ده ممكن يلخبط الخيوط مع بعضها و تبقى مشكلة لو هاتنزل (بمعلقة جر ) نوع من انواع الطعم الصناعى يشبه لبيسة الاحذيه معدنية تعتمدفى المقام الاول على ابهار الاسماك بلمعانها واستفزازها - خلى بالك لأن المعلقة حركتها فى الميه زى المروحة و يفضل تبقى ابعد حاجة عشان لاتلمس باقى الرابالات.
ملحوظة:- فى صيد الجر الاعتماد على الابهار البصرى للسمكة باغرائها بالوان الرابلة والتى تتفنن الشركات الكبرى مثل ويليامز او يازورى او رابلة او سور كاتش فى ابهار السمك القناص بطريقة الاغراء البصرى.

انواع الاسماك التى يتم صيدها بطريقة الجر ( الناجل – البراكودا- التونة – الجرم البياض- الشرايف – الخرمان –البلاميطة – الدراك) والهنا والشفا.




ال ) صيد الجيجنج Jigging(


صيد الجيجنج هى من الطرق الحديثة لصيد الاسماك والتى حققت نجاحا هائلا فى السنوات الاخيرة فى صيد الاسماك التى كان يفشل الصيادين بالطرق التقليدية العادية فاخيرا اصبح صيد سمك الانش مثلا سهلا جدا هذه الايام بعد ان كان جميع صيادى الاسكندرية يفشلون فى صيده رغم كثرته واصطياده يكون بطريقة صيد الجيجنج الجديدة والتى تعتمد على بوص صغير مقاسه 165 سم او 180 سم بالاضافة الى طعم صناعى عبارة عن(جيجاية)او رابلة 80 جرام الونها زاهية وخيط لايقل عن 70 ويبدا الصياد فى نزول الجيجاية حتى تلمس الارض ثم الصعود بمسافة 10 سم وبدا الصياد فى عملية استفزاز الاسماك بطريقة اليويو المتكررة ولو ان الاسماك اعلى بعد 10 اميال سوف تاتى بسرعة لالتهام الطعم الصناعى ويبدا الصياد رحلة الصعود الشاقة. المقدمة كانت عن مفهوم صيد التسقيط، و هو ان الصياد يضع الطعم و يرمي و ينتظر ان الطعم و تنجذب له و تأكله اذا كانت جعانة ... كذلك صيد الجر ولكن ال Jigging جاء بمفهوم مختلف ... بداية، ما هو ال Jigging ؟؟ هو ان معاك طعم صناعي يشبه المعلقة و يشبه الربالا، ترميها للقاع و الصياد يبدأ برفعها بطريقة معينة تلفت نظر السمكة أي أنها مثل الجر و لكن بطريقة رأسية فتغطي أعماق كثيرة.. و يفضل الصيد بها و المركب مش رابطة أي بطريقة العصابي، فتغط مساحة أكبر و أكبر الطعم الصناعي و هو طالع بيكون عامل شكل حرف S ..ده غير ان لها درجة لمعان عالية جدا ... الحركة دي و اللمعان تؤدي الي ضرب جرس انذار عند السمكة ان هذا جسم ممكن يكون بيهددها او بيهدد منطقة نفوذها، فتهجم عليها السمكة! ليكون هناك احتمالين لصيد السمكة1- السمكة جعانة و ظنت ان الطعم الصناعي ده أكل 2- السمكة خائفة من الطعم الصناعي و هاجمته دفاعا عن نفسها و منطقتها يبقي نرجع و نقول ازاي ان ال Jigging افضل من التسقيط:
1- عندك احتمالين لضرب السمكة مقابل احتمال واحد في التسقيط
2- يغطي مساحة أكبر فانت تحرك المعلقة علي عمق من الارض الي السطح و المركب تتحرك عرضا مع الموج. بينما ان في التسقيط انت محصور في دائرة ال10 متر التي حول الطعم الطبيعي.
3- أنظف بعيدا عن الطعم الطبيعى من البلاميطة او الكليمارى او السبيط او الماكريل او الجمبرى العقر .
4- قائم علي فكرة استفزاز السمكة و اجتذابها بدلا من انتظرها و يا رب تدخل علي الطعم. و هو ده مفهوم الصيد الذي تغير.

معدات ال Jigging :-
1- الJig او المعلقة نفسها هي قطعة معدنية شبه السمكة .. ثقيلة نسبيا من 90 الي 400 جرام .. بها سن كبير موازي لها.. يراعي ان يكون السن ذو فم مفتوح حتي لا تشبك بجسم المعلقة ... أفضل ماركة هي Williamson ... لا يفضل وضع سن ثلاثي في أخرها حيث أثبت فشله لكثرة توعيره، كما ان السمكة في حالة الjigging تهاجم رأس الjig لمحاولة قتلها بسرعة وهناك متوافر بالاسواق جيجايات ليلية فوسفوريةلا عليك الا ولن تضعها قى ضوء اى مصباح وتقوم بانزالها على الفور وانتظر النتائج الباهرة باذن اله .




2- الماكينة:-

يجب ان تكون مكنة ذات عزم torque عالي جدا ... فمثلا مكنة ال Jigging الجيدة عزمها أقوي من عزم مكنة الجر البن 0/9 بست مرات و سرعة لم الخيط فيها أعلي.
أمثلة لمكن ال Jigging :الطبقة العالية اوي او كما يقال عليها "مرسيدس مكن ال Jigging ":
Shimano Stella و دي ممكن تشيل بيه قوة جذب 110 كج.
daiwa saltiga
Accurate twin spin
الطبقة المتوسطة:
Shimano Saragosa
Shimano Twin Power بطبقاتها
Quantum Cabo
الطبقة الهادئة (الملائمة للمبتدئين
Shimano Spheros
Penn Spinfisher
Quantum Bait Caster

3- البوصة:=

يجب ان تكون خفيفة كاربونية طولها من 165 سم الى 180 سم ... فالبوصة هي التي تحرك المعلقة علي شكل حرف S
الطبقة العالية:
Jigging Master
Carpentner و دي بتشيل 90 كج أي 200 ليبرة (رطل)
Smith
Tuna Max
الطبقة المتوسطة:
Van Staal
الطبقة الهادئة:
Hopper
shimano Travrvaia

4- الخيط:
يجب ان يكون خيط مجدول braided فهو يعطيك مميزات عديدة... أولا لا يمط مع الجذب فيحافظ علي حركة المعلقة. ثانيا رفيع جدا و قوي جدا نسبةً لسمكه فيعطيك امكانية ان تضع علي المكنة مثلا 300 متر و هذا ملائم مع سمك الJigging الكبير... أي انه لا بديل له و يجب عمل ليدر من النايلون في النهاية بطول 3 متر. لأن السمكة لما تقرب من المركب و عايز تمسك الخيط عشان توجلها( الوجلة الة حديدية كالحربة من اجل الامساك بالسمكة ورفعها على ظهر المركب ) اذا مسكت الخيط البريدي سيقطع يدك لا محالة! كما انه يكون عنصر امان و نقطة ضعف في حالة انه يجب قطع الخيط.

يجب مراعاة ان تكون العدة كلها من بوصة و مكنة و معلقة ملائمة مع بعض من حيث قوة التحمل و حجم السمكة المراد صيدها. بحيث لا يكون خيط بقوة شد مثلا 100 كج و بوصة 100 كج لكن المكنة لا تتحمل هذه الأوزان.. وقتها ستكون المكنة نقطة ضعف و اذا قرصت عليها أكثر من تحملها هاتفوّت ... او ان تكون البوصة أضعف من باقي العدة ... او الخيط ..

فاذن فنقطة البداية هي تحديد السمكة المستهدفة او علي الاقل حجم السمك المستهدف و بناء عليه تدبر عدتك. باختصار هناك 3 درجات للJigging .. خفيف و متوسط و ثقيل
- الخفيف: سمكة أقصاها 4 كج >> تصطاد علي أعماق أقصاها 40 متر >> المعلقة يكون وزنها 90 جم
- المتوسط: سمكة من4 الي10 كج >> تصطاد علي أعماق من40 ال 70 متر >> المعلقة يكون وزنها من 90 الي 200 جم
- الثقيل: سمكة 10 كج فأكثر >> تصطاد علي أعماق أقصاها 70 الي 250 متر >> المعلقة يكون وزنها 200 الي 400 جم

نقاط القوة التي تساعدك في صيد الJigging
1- يجب ان يكون علي المركب fish finder (جهاز كاشف أعماقوتجمعات الاسماك والشعب المرجانية ).

2- حركة ا اليويو وطريقتك في جرها فالمفترض ان حركتك هي التي تستفز و تثير السمكة.
3- يجب ان تكون مفتح عينك و حواسك لحركة الموج و المياه و التيار و مكانك من الشعبة .
4- ريس المركب و ده عامل مهم.
5- لياقتك البدنية .
ثم أهم حاجة توازن العدة .
انواع الاسماك المنتظرة من هذا النوع من الصيد ( الشعور – المحاسن – الكحايات – التونة – الراكودا كنى –الكوشر – ابو سيف- النواجل )

وها هو فيديو تعليمى لطريقة الجيججنج .

وبالهنا والشفا . الJigging






الصيد الشاطىء


جميعنا بدا الصيد من علي الشاطيء بالبوصة اليد وهناك بعض النصائح الهامه التي يجب ان يعرفها كل صياد ويتعلمها بمعلومات هامة اهمها ؛-
غسيل البوصة من الرمل بعد الانتهاء من الصيد ولو بماء البحر وقبل ان تصطاد لو متخزنة وعليها تراب لان الرمل عدو الفيبر.

عدم الصيد ببوصه مركونة وبدون ان تفحصها جيدا حتنكسر مع اول رمية .
لاتستعمل شعر من قرمة قديمة بدون ان تفحصه جيدا حيث ان عمر السن هو صيده واحده ا اثنين علي الاكثر ارميه احسن حيتلم ويوقع منك السمك او يقطم مع سمكه كبيره تزعلك اهم شعر هوه شعر الترميل اهتم بنوعيته وجودته.
المدور المصدي حيقطع الشعر من عند العقده مع شده السمكه.
اوزن الفلة او الغماز جيدا بالرصاصه لان ميزات حساسيه الفله تفرق في الحصيله .

لابد ان تكون جاهز بكل المقاسات المتوقعه للسمك .

اهتم بوضع لون الفلة مع لون وشفافيه المياه يعني الابيض فوق ولا تحت حسب عينك وحسب لون المياه.


طول الشعر بالقرمه يكون مناسب للبوصه مش اطول ( الا في حالات معينه ) ومش اقصر .

لاتريط الشعر علي حرف اللبلوب ابدا اربطه بمشنقة عند ثاني عقلة من فوق ولفه علي اللبلوب واربط عليه فتلة خيط قطن علي حرف اللبلوب وده طبعا علشان توزيع العزم والمحافظه علي اللبلوب وكذلك لو حبيت تطول الشعر متعملش عقده عليه.

ثانيا طريقه االتعامل مع البحر:-

لو المياه ساكنه متريحش الشعر علي المياه ونتشه السمكه تكون عمودية وتحت الميه كده تعلق السمكه عدل.
لو المياه متحركه انتش مهع اتجاه سحب السمكه للفلة.
لو الريح عالي ريح الشعر علي ا لمياه علشان الريح ميخدوش معاه ويعمل كرش واستخدم شعر خفيف.
لو التيار سريع استخدم شعر خفيف.
لا تضع اي شيء في متناول كعب البوصة علشان سهوله الحركه ومنع الحوادث الرزلة.
ضع الطعم بعيد عن الشمس وابدا باحسن طعم واختم باحسن طعم متهملش.

اسماك البحر المتوسط:-
البطاطه ) نقر مستمر وخفيف علي الفله مع تغييب خفيف للفلة تحت الماء.)
المرمار ) سحبه عميقه مفاجأه.)
الغلنفيش والميره )سحب الفلة علي سطح الماء للامام وتغريقها بسرعة. )
البوري )تنميل بسيط جدا للفله وغطس خفيف. )
الشرغوش الكبير والتيس ) نقره قويه وسحب للفله للاعماق. )
الجناشير او الشراغيش الصغيره ) شد مستمر للفله وخطفها. )
الكحله )خطف الفلة بعد نزول الطعم فورا.)
القاروص سحب الفلة ببطأ تحت الماء وللامام.

التعامل مع السمكه الكبيرة بالبوصة اليدوي :- لو تصادف وعلقت معاك سمكة كبيرة وده نسبي طبعا اثناء الصيد بالبوصه اليدوي تعمل ايه؟؟؟؟؟
هنا افتكر الثقة في العدة لو انت متاكد من الشعر والسن وواثق فيهم حتتعامل بثقه وبدون خوف ان السمكه تقطع او تخلع يعني لو السمكه سرحت للامام علشان تمنعها تقطع الشعر عن طريق الشد تديها جنب البوصة يعني تخلي اللبلوب يقوس بالجنب وهنا حتوزع الشد علي مرونه اللبلوب والشعر وتموتها
لو السمكه سلمت وعاوزتطلعها وانت في مكان عالي ومعكش ملقاف حتعمل الاتي حتبرم الشعر علي البوصه حتي تصبح نقطة تعليق الشعر عن العقله الثانيه وهنا ممكن ترفع واللبلوب مش حينكسر وده طبعا لو الشعر كويس . امسح بعينك المكان تحتك لو فيه مكان ينفع تريح عليه السمكه ومتهربش ماشي مش لازم ترفعها لحد عندك . متحاولش ترفع السمكة من الشعر بايدك ابدا لو السن صغيرامسك السمكه من المكان المناسب وخد بالك يعني لو وقارة امسكها من عينيها او من الفم مش من النخشوش.
لو قاروصه من اسفل الرقبة او من الفم الصفائح الخيشوميه زي السكينه.
لو بطاطه من دماغها من الامام الشرغوش الكبير بيفتح شوك الظهر اول ما تمسكه خد بالك وباهنا والشفا.



صيد البوبينج


صيد البوبينج هو من احدث طرق صيد الاسماك على الاطلاق فهو يعتمد الوضع من الحركة الى الثبات
عكس طريقة الصيد الشاطئى بطريقة الحدافات والتى تعتمد على الوضع من الثبات الى الحركة ففى الاولى وهوصيد البوبينج يحتاج فيها الصياد بوصة قطعة اوقطعتين يكون مقاسها من مترين ونصف الى الثلاثة امتار ورابيلات صغيرة طعم صناعى تكون عبارة عن اسماك بلاستيكية ذات الوان ذاهية لجذب الاسماك ويبدا الصياد من اعلى اليخت او المركب ومن الغزير يبدا فى حدف الرابلة ثم اللم ببطئى شديد ويكرر هذه الطريق باستمرار حتى ان يستفز السمك العملاق والذى يرفض اكل الطعم العادى فهذه الطريقة حققت ايضا نتائج مذهلة فى الايام الاخيرة .



انواع شاذة من الصيد:-


صيد البلاميطة

البلاميطة سمكة تعوم عى سطح الماء وغى ارتفاعات عالية نسبيا وصيدها يحتاج حنكة فى التعامل معها واغرائها وذلك كون بطريقة الجر وبدلا من الرابلة نقوم باحضار فانلة داخلية قديمة او غير مستخدمة ونقوم بتقطيعها اطوال ونثاير ونترك العنان لها وبداخلها رابلة متوسطة ذو راس احمر ( رد هيد ) وعندما تشاهد الاسماك الرابلة وهذه الاشياء تقوم بالجرى ورائها لاكلها ومن المعروف ان اسماك البلاميطة تستخدم للتقطيع كطعم لما به من دماء وزفارة تجذب الاسماك ولكن ان اردت اكلها فعليك بذبحها مثل الخراف وتعليقها من الذيل لفترة من اجل تصفية دمائها فالمشكلة فى دمائها وعند اذن يصبح لحمها شهى وبالهنا والشفا.




صيد اللينس

اللينس جمع لينسة بكسر اللام وهى عبارة عن بكرة يلف عليها خيط لايقل عن 200 ويركب بها عدة رصاصات او تقايل مثل الزيتون ويربط فى نهايتها سنار ضخم بحجم كف اليد ( هوك ) وهى طريقة للصيد الليلى من اعلى المركب ويشك بها سمكة حية صغيرة وتفضل فاتحة اللون من نوع البونجز المنتشر فى البحر الاحمر ويتم الانزال بهدوء حتى يتم لمس الشعب ثم الصعود لمسافة خمسة سم ثم يثبت طرفها الاخر على اى عمود من اعمدة المركب ويكون اللف عل هذا العمود الخشبى وعلى زجاجة مياه معدنية فارغة وعندما تاتى الاسماك لتلتهم الطعم المذكور تعتصر الزجاجة وتسمع صوت فرقعتها كجرس انذار يبدا بعدها عملية الصعود وهذه تستخدم للصيد الليلى مثل ثعابين الموراى او فرخ التوين او الهامور اوالجرم البياض .

انواع الطعوم

1- البحر الاحمر ( طعوم صناعية رابلات وجيجايات – لحوم البلاميطة مقطعة قطع صفيرة وكذلك اسماك الماكريل او الكاليمارى او السبيط او الجمرى العقر ).

2- البحر المتوسط ( جمبرى عقر = دود اسمعلاوى = سبيط او كايمارى = ريم او طحالب او جلاجولا
- عجين .

3- النيل دود عادى او اسمعلاوى او السبلة او عجين او امعاء الدجاج .



مصطلحات

هناك مصطلحات نسمعها على المراكب والجديد من الهواه لايعلمها .


أ‌-الكنة هو مكان هادئ يلجئ اليه ريس المركب فى منطقة هادئة فى البحر للكن والخلود للنوم بعد يوم شاق.

ب‌-الطرحة هو مكان يطرح فيه ريس المركب للبدء فى الصيد والتسقيط.

ج‌-الغزير هو المياه العميقة جدا لانزال ادوات صيد الجر .

ح‌-التوعير هو سقوص الرصاص او التقل داخل احدى الشعب وامساك السنار بجسم صلب .

خ‌-الترميل عملية تثبيت السنار بربطة معينة بالخيوط .




الادوات

لابد من وجود عدة ادوات هامة لصيد البحار :-

1- ايس بوكس لحفظ الطعم الطبيعى او الاسمال حال صيدها بملئه بالواح الثلج .
2- شنطة ادوات او تولز لحفظ الادوات التى قد تستخدم من سنار او خيوط ورصاص .
3- جوانتى مطاطى لارتدائه لعدم اصابة اليد من الخيوط او خلافه.
4- حزام لارتدائه ووضع كعب البوصة بداخله اثناء الجر او الجيجنج .
5- خيوط وتقايل ومداور وسنانير سلاح متعددة الاحجام.


الرصاص او التقيلات



الرصاصة او التقيلة من اهم الاشياء الت تساعد الصياد فى انجاح منظومته فهدفها دفع الخيط ومابه الى اسفل وتختلف اوزانها باختلاف الريح والبوص والماكينة وهناك تقالات ظهرت اخيرا خارج مصر وبالتحديد ايطاليا لا توعر ولا تشبك فى اى ضخور وهى عبارة عن خرطوم جلد محشو بالرصاص الهدف منه عدم الامساك بما هو وعر او بالشعب وبالتجربة الشخصية حققت نجاحا هائلا وماعليك فقط الا واسقاطها فى اى وعر وانت مطمئن تماما .


خواطر ونصائح هامة


البحر غادر جدا وموحش وليس له كبير والدليل على ذلك ماشاهدناه من افتراس اسماك القرش للسائحين الاجانب وغيرها من روايات واقاويل مرعبة اذن فلسفة البحر تعتمد على اطاعة اوامر الاكبر سنا وبالتالى اكثر خبرة والحقيقة انها ليست اوامر بقدر ماهى نصائح او تعليمات ومن يعمل بالبحر من ربابنة او قباطنة يعوا ذلك جيدا هذه هى فلسفة البحار بل هى فلسفة الحياة بصفة عامة وهذا يجذبنى لكى اقص على سيادتكم واقعة حدثت لى اثناء رحلة صيد بالبحر الاحمر ففى اول يوم صيد فى هذه الرحلة لم نصطاد سوى عدة سمكات قليلة وتمنينا ان يكون غدا افضل من من اليوم ودخلنا حجراتنا للخلود للنوم واذ بى افوجئ بوجود صرصار صغير يتمشى بجوارى فصرخت فانا اخافها واخشاها تماما وصحيت الدكتور صيدلى محمد الطوخى صديقى والموجود معى بذات الحجرة ورد على بضحك انا عايز انام بكرة سوف اصطاده لك وتركت الحجرة خوفا وصعدت الى الدور العلوى للمركب الموجود به الدمان والاجهزة ووجدت الريس صابر ريس المركب( سارى ) الرجل الطيب والذى يذكرنى بالفنان جمال اسماعيل فى فيلم جزيرة الشيطان وبعبارته الشهيرة انسسسسسسسسسس فهو بحق يشبهه فى كل شيئ ويعلم جيدا اننى اول من اطلقت عليه هذا التشبيه وجلست بجواره نتحدث وقلت له ياعم صابر انا حزين على هذا اليوم الغريب الذى لم نصطاد فيع اى شيئ فرد وقال لى انا حزين اكثر منكم وان شاء الله بكرة حيكون افضل من اليوم ده رزق فقلت له ايه رايك ياعم صابر بكره نطلع المجر ( المجر ) بكسر الميم وهى المناطق الدولية المفتوحة لسير البواخر والبوارج العملاقة وهى منطقة تعج بالاسماك الكبير ة جد ا والاعماق التى تصل الى مائة متر ويزيد وصيدها عن تجربة وفير جدا فاجاب لى لالا فقلت له لماذا قال لى البحر عالى والريح عاتية بلاش ولما شاهدنى زعلت قال لى خلاص بكرة نتناول وجبة الافطار ونشرب الشاى ونطلع المجر علشان خاطرك ونمت بجواره خوف من الصرصار حتى الصباح وفطرنا وشربنا الشاى والنسكافيه ودور عم صابر ماكينات اليخت وانطلق الى المجر وبعد نصف ساعة وجدنا امواج عاتية وكان كل شيىء داخل المركب وخارجه بيروح ويجى واشياء تتكسر من فرط شدة التيار فقد كنا بحق نمثل اعلان اولدسبايس الشهيربامواجه العاتية ودخلناجميعا مهرولين داخل غرف المركب وقلنا الحقنا ياعم صابر لف بسرعة ونظر لى عم صابر وقال لى انا مش قلت لك انا اربعين سنة فى البحر وقلت لك حتتعب وطبعا صابر المخضرم لم يلف على العاصى ولف على مسافة كبيرة كنا جميعا اصابنا الاعياء من دوار البحر وحالات قيئ شديدة ولم يسعفنا د محمد الطوخى بحقنه البرمبرام التى يحتفظ بها بحقييته ويعطيها لنا باستمرار وقاية من دوار البحر قبل الصعود على المركب لانه هو الاخر اصيب بحالة اعياء شديدةمن دوار البحر. المهم الى انا عايز اقوله هو التعلم من الاكبر منا سنا ومن اعترك الحياة واعتركته واثقلته خبرة ومواهب والانصياع لتوجيهاته بل ولااوامره بلا حرج هذه فلسفة الحياة بصفة عامة والبحر بصفة خاصة .

وها هى الموسوعة الذهبية لصيد الاسماك وطرقه وفنونه الحديثة والمتطورة اهديها لاسرة المنتدى وادارته واعضائه الكرام واهديها الى كل من ساهم معى كما اهديها الى روح والدى العزيز الذى كان رحمه الله عاشقا للصيد البرى والبحرى واترك سيادتكم مع الصور ولكم منى تحياتى وعام سعيد .
الصور المصغرة للصور المرفقة
اضغط على الصورة لعرض أكبر

الاســـم:	Img00119.jpg‏
المشاهدات:	462
الحجـــم:	251.0 كيلوبايت
الرقم:	5284   اضغط على الصورة لعرض أكبر

الاســـم:	Img00120.jpg‏
المشاهدات:	760
الحجـــم:	208.9 كيلوبايت
الرقم:	5285   اضغط على الصورة لعرض أكبر

الاســـم:	Img00122.jpg‏
المشاهدات:	326
الحجـــم:	175.0 كيلوبايت
الرقم:	5286   اضغط على الصورة لعرض أكبر

الاســـم:	Img00123.jpg‏
المشاهدات:	495
الحجـــم:	195.4 كيلوبايت
الرقم:	5287   اضغط على الصورة لعرض أكبر

الاســـم:	Img00124.jpg‏
المشاهدات:	516
الحجـــم:	232.6 كيلوبايت
الرقم:	5288  

اضغط على الصورة لعرض أكبر

الاســـم:	Img00125.jpg‏
المشاهدات:	356
الحجـــم:	134.4 كيلوبايت
الرقم:	5289   اضغط على الصورة لعرض أكبر

الاســـم:	Img00128.jpg‏
المشاهدات:	632
الحجـــم:	163.3 كيلوبايت
الرقم:	5290   اضغط على الصورة لعرض أكبر

الاســـم:	Img00132.jpg‏
المشاهدات:	334
الحجـــم:	185.3 كيلوبايت
الرقم:	5291   اضغط على الصورة لعرض أكبر

الاســـم:	Img00135.jpg‏
المشاهدات:	419
الحجـــم:	140.9 كيلوبايت
الرقم:	5292   اضغط على الصورة لعرض أكبر

الاســـم:	Img00137.jpg‏
المشاهدات:	498
الحجـــم:	264.8 كيلوبايت
الرقم:	5293  

اضغط على الصورة لعرض أكبر

الاســـم:	Img00138.jpg‏
المشاهدات:	325
الحجـــم:	221.7 كيلوبايت
الرقم:	5294   اضغط على الصورة لعرض أكبر

الاســـم:	Img00139.jpg‏
المشاهدات:	351
الحجـــم:	196.1 كيلوبايت
الرقم:	5295   اضغط على الصورة لعرض أكبر

الاســـم:	Img00141.jpg‏
المشاهدات:	319
الحجـــم:	226.6 كيلوبايت
الرقم:	5296   اضغط على الصورة لعرض أكبر

الاســـم:	Img00143.jpg‏
المشاهدات:	284
الحجـــم:	122.3 كيلوبايت
الرقم:	5297   اضغط على الصورة لعرض أكبر

الاســـم:	Img00144.jpg‏
المشاهدات:	486
الحجـــم:	194.3 كيلوبايت
الرقم:	5298  

اضغط على الصورة لعرض أكبر

الاســـم:	Img00145.jpg‏
المشاهدات:	412
الحجـــم:	194.7 كيلوبايت
الرقم:	5299   اضغط على الصورة لعرض أكبر

الاســـم:	Img00148.jpg‏
المشاهدات:	355
الحجـــم:	267.9 كيلوبايت
الرقم:	5300   اضغط على الصورة لعرض أكبر

الاســـم:	Img00150.jpg‏
المشاهدات:	361
الحجـــم:	134.8 كيلوبايت
الرقم:	5301   اضغط على الصورة لعرض أكبر

الاســـم:	Img00151.jpg‏
المشاهدات:	326
الحجـــم:	156.3 كيلوبايت
الرقم:	5302   اضغط على الصورة لعرض أكبر

الاســـم:	Img00152.jpg‏
المشاهدات:	287
الحجـــم:	206.3 كيلوبايت
الرقم:	5303  

اضغط على الصورة لعرض أكبر

الاســـم:	Img00153.jpg‏
المشاهدات:	522
الحجـــم:	200.6 كيلوبايت
الرقم:	5304   اضغط على الصورة لعرض أكبر

الاســـم:	Img00154.jpg‏
المشاهدات:	272
الحجـــم:	207.1 كيلوبايت
الرقم:	5305   اضغط على الصورة لعرض أكبر

الاســـم:	Img00157.jpg‏
المشاهدات:	330
الحجـــم:	217.8 كيلوبايت
الرقم:	5306   اضغط على الصورة لعرض أكبر

الاســـم:	Img00159.jpg‏
المشاهدات:	331
الحجـــم:	201.8 كيلوبايت
الرقم:	5307   اضغط على الصورة لعرض أكبر

الاســـم:	Img00163.jpg‏
المشاهدات:	818
الحجـــم:	159.0 كيلوبايت
الرقم:	5308  

اضغط على الصورة لعرض أكبر

الاســـم:	Img00164.jpg‏
المشاهدات:	338
الحجـــم:	121.2 كيلوبايت
الرقم:	5309   اضغط على الصورة لعرض أكبر

الاســـم:	Img00165.jpg‏
المشاهدات:	324
الحجـــم:	237.7 كيلوبايت
الرقم:	5310   اضغط على الصورة لعرض أكبر

الاســـم:	Img00167.jpg‏
المشاهدات:	275
الحجـــم:	260.6 كيلوبايت
الرقم:	5311   اضغط على الصورة لعرض أكبر

الاســـم:	Img00168.jpg‏
المشاهدات:	318
الحجـــم:	237.3 كيلوبايت
الرقم:	5312   اضغط على الصورة لعرض أكبر

الاســـم:	Img00169.jpg‏
المشاهدات:	584
الحجـــم:	165.3 كيلوبايت
الرقم:	5313  

اضغط على الصورة لعرض أكبر

الاســـم:	Img00170.jpg‏
المشاهدات:	350
الحجـــم:	147.2 كيلوبايت
الرقم:	5314   اضغط على الصورة لعرض أكبر

الاســـم:	Img00171.jpg‏
المشاهدات:	347
الحجـــم:	159.7 كيلوبايت
الرقم:	5315   اضغط على الصورة لعرض أكبر

الاســـم:	Img00172.jpg‏
المشاهدات:	389
الحجـــم:	157.3 كيلوبايت
الرقم:	5316   اضغط على الصورة لعرض أكبر

الاســـم:	Img00175.jpg‏
المشاهدات:	3779
الحجـــم:	179.0 كيلوبايت
الرقم:	5317   اضغط على الصورة لعرض أكبر

الاســـم:	Img00176.jpg‏
المشاهدات:	377
الحجـــم:	143.5 كيلوبايت
الرقم:	5318  

اضغط على الصورة لعرض أكبر

الاســـم:	Img00174.jpg‏
المشاهدات:	327
الحجـــم:	172.1 كيلوبايت
الرقم:	5319   اضغط على الصورة لعرض أكبر

الاســـم:	Img00177.jpg‏
المشاهدات:	360
الحجـــم:	150.5 كيلوبايت
الرقم:	5320   اضغط على الصورة لعرض أكبر

الاســـم:	Img00178.jpg‏
المشاهدات:	301
الحجـــم:	150.9 كيلوبايت
الرقم:	5321   اضغط على الصورة لعرض أكبر

الاســـم:	Img00179.jpg‏
المشاهدات:	374
الحجـــم:	143.8 كيلوبايت
الرقم:	5322   اضغط على الصورة لعرض أكبر

الاســـم:	Img00181.jpg‏
المشاهدات:	578
الحجـــم:	168.6 كيلوبايت
الرقم:	5323  

اضغط على الصورة لعرض أكبر

الاســـم:	Img00180.jpg‏
المشاهدات:	804
الحجـــم:	167.7 كيلوبايت
الرقم:	5324   اضغط على الصورة لعرض أكبر

الاســـم:	Img00189.jpg‏
المشاهدات:	297
الحجـــم:	145.2 كيلوبايت
الرقم:	5325   اضغط على الصورة لعرض أكبر

الاســـم:	Screen%20Snaper%20Image%202[2].jpg‏
المشاهدات:	591
الحجـــم:	21.2 كيلوبايت
الرقم:	5326  
__________________
ايهاب ابو الوفا حمدى


لاتاسفن على غدر الزمان لطالما ----رقصت على جثث الاسود كلاب

لاتحسبن برقصها تعلوا على اسيادها-تبقى الاسود اسود والكلاب كلاب
رد مع اقتباس

غير مقروء 10-12-15, 02:06 AM   #2
المستشار
صياد متقدم
 
المستشار مستواه غير معروف المستشار غير متواجد حالياً
إرسال رسالة عبر Yahoo إلى المستشار

يسعدنى ان اكون اول من يرد على هذا البحث المتميز وبجد بتسعدنا وربنا يبارك فيك

التوقيع: [SIGPIC][/SIGPIC]وما رميت اذ رميت ولكن الله رمى
  رد مع اقتباس


غير مقروء 10-12-15, 06:47 AM   #3
الصيااد
صياد نشيط
الصورة الرمزية الصيااد
 
الصيااد مستواه غير معروف الصيااد غير متواجد حالياً
إرسال رسالة عبر MSN إلى الصيااد إرسال رسالة عبر Yahoo إلى الصيااد إرسال رسالة عبر Skype إلى الصيااد

موضوع ممتاز جدا ومرجع لكل هاوي صيد السمك ارجو من الادراة تثبيت الموضوع ومشكور استاذ ايهاب الصراحه موضوع روعه تقبل تحياتي................

التوقيع: مصر اللتي في خاطري وفي فمي
  رد مع اقتباس


غير مقروء 10-12-15, 07:06 AM   #4
wegdan12345
صياد نشيط
 
wegdan12345 مستواه غير معروف wegdan12345 غير متواجد حالياً
إرسال رسالة عبر MSN إلى wegdan12345 إرسال رسالة عبر Yahoo إلى wegdan12345

وعدت فاوفيت
لكني كنت اتمني اني اكون اول واحد ارد علي موضوع بكم المعلومات الرهيبة زي الموضوع ده
وانت عارف طبعا اني كنت منتظرة
تسلم ايدك علي المجهود ((اقل ما يقال عنه جبار))

  رد مع اقتباس


غير مقروء 10-12-15, 07:44 AM   #5
galal khalifa
صياد قديم
الصورة الرمزية galal khalifa
 
galal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدى galal khalifa غير متواجد حالياً
إرسال رسالة عبر MSN إلى galal khalifa إرسال رسالة عبر Skype إلى galal khalifa

مدونة رائعة وسرد عقبري ومتنوع يجعل القارئ يتذكرة من اولة الي اخرة كل الشكر لك وسوف يتم تثبيت الموضوع ليكون مرجع لجميع محبي صيد السمك تكل الرايضة الرائعة وانا شخصيا اطلق عليها رياضة الصابرين

التوقيع: الصيد متعة والتفوق هو الهدف
  رد مع اقتباس


غير مقروء 10-12-15, 08:14 AM   #6
mlmk66
صياد متفاعل
 
mlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيده mlmk66 غير متواجد حالياً

استاذ / حمدي ابو الوفا موضوع في غاية الروعة ومعلومات غزيرة ومفيدة جدا وكنت ديما بسال عنها ومش بلاقي اجابة شافية اشكرك مرة اخري

التوقيع: [SIGPIC][/SIGPIC]
  رد مع اقتباس


غير مقروء 10-12-15, 03:21 PM   #7
ايهاب ابو الوفا حمدى
صياد نشيط
الصورة الرمزية ايهاب ابو الوفا حمدى
 
ايهاب ابو الوفا حمدى مستواه غير معروف ايهاب ابو الوفا حمدى غير متواجد حالياً
إرسال رسالة عبر MSN إلى ايهاب ابو الوفا حمدى إرسال رسالة عبر Yahoo إلى ايهاب ابو الوفا حمدى

الشكر كل الشكر للادارة المحترمة لتثبيت الموضوع واخص بالشكر حبيبى وعزيزى سيادة المستشار محمد بك عبد الرازق لاول مشاركة فى الموضوع كما الشكر من كل قلبى للقائد والقدوة العمدة الخلوق جلال بك ربنا يروق بالك يارب وكذلك الشخصية الوقورة محمد بك لبيب الذى اشكره جدا على جميع مداخلاته كما ايضا اخص بالشكر الصياد محترف صيد الاسماك والذى اعتبر مداخلته الجميلة بمثابة وسام من صياد سمك محنك اما اخيرا فحبيبى وجدان الذى اشكره جدا واقوله حضر نفسك لرحلة صيد سمك قريبا ولكم من تحياتى ولاننحرم ابدا من مداخلاتكم التى اعتبرها بمثابة قلادة على صدرى دمتم بكل ود وخير .

التوقيع: ايهاب ابو الوفا حمدى


لاتاسفن على غدر الزمان لطالما ----رقصت على جثث الاسود كلاب

لاتحسبن برقصها تعلوا على اسيادها-تبقى الاسود اسود والكلاب كلاب
  رد مع اقتباس


غير مقروء 10-12-15, 06:36 PM   #8
momo44
صياد قديم
الصورة الرمزية momo44
 
momo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيدهmomo44 لديه مشاركات جيده momo44 غير متواجد حالياً

موضوع رائع
انا كنت ناوى ادخل فى موضوع الصيد البحرى
وحضرتك سهلت عليا كتير فى فهم كثير من المصطلحات
شكرااااااااااااااا

التوقيع:

الصيد رياضة الملوك
  رد مع اقتباس


غير مقروء 10-12-27, 11:20 PM   #9
egyptian coptic
صياد متفاعل
 
egyptian coptic مستواه غير معروف egyptian coptic غير متواجد حالياً

ماشاء الله موضوع رائع بكل ما في الكلمة من معنى

استاذي العزيز ايهاب بك طبعا سيادتك موسوعة في الصيد بحري و بري و انشاء الله انول شرف رحلة مع سيادتك بس انا اتعلم او اتفرج او اطبخ انما اصطاد معتقدش اني اصطدت سمكة وزنها اكتر من 100 جرام ههههههههههه و الغريبة ان نص عيلتي هاوية الصيد البحري بجنون و بيطلعوا بشكل دوري كانه واجب عليهم

تسلم ايهاب بك على الموضوعات المميزة و دائما من نجاح الى نجاح و من تالق الى تالق

لا ننحرم جديدك المميز

كل الاماني بالسعادة و الابتسامة

التوقيع:
احب في الصيد الترقب و التتبع و المراقبة

الا اني احب مشاهدة الحيوان او الطائر و مراقبته على الشجر او الارض او في الماء

اكثر مما احبه على مائدتي

لذلك

انا اخترت ان اكون صياد

المشهد و المعلومة و الجمال

و ليس صياد للحوم
  رد مع اقتباس


غير مقروء 10-12-28, 05:13 AM   #10
osama2011
Banned
 
osama2011 نتمنى ان يقوم بتطوير نفسه (غير مرحب به ) osama2011 غير متواجد حالياً
إرسال رسالة عبر MSN إلى osama2011

مدونه زادتني عشقا وحنينا لصيد الرجر الذي اعشقة عشقا لولا غرق صديق عزيز لي في الزعفرانه لما كنت تركت هذه الهواية لفترة امتدت لثلاث سنوات
جزاكم الله خيرا اخي الاستاذ ايهاب ابو الوفا حمدي علي هذه المدونة الرائعة

  رد مع اقتباس

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
طريقه عمل السمك السنجارى( لعشاق الصيد البحرى) عاشق القنص مطبخ المنتدى 14 10-09-15 04:59 PM
نصيحة لوجه الله التحرى قبل الشراء Youssef بنادق ضغط الهواء ومتعلقاتها 8 10-08-27 10:36 AM
مكان للصيد mohamed shawkat انواع الطرائد ومواسمها 18 10-07-17 03:22 PM
احلى صور للصيد Gamo صور وفيديو الصيد ورحلاته 6 10-04-15 05:10 AM
سيارات للصيد وبس Gamo صور وفيديو الصيد ورحلاته 5 09-11-11 08:37 PM


الساعة الآن 01:06 PM

الإعلانات