طلعة السبت 30-5-2011 ورئيس المباحث ال....أستغفر الله

[Aboyassin]

[COLOR="Blue"]السلام عليكم يا رجال المنتدى الكرام،
أحكى لكم اليوم عن طلعة صيد الأمس فى مدينة نصر و الأهوال التى لاقيتها فيها. و الحمد لله أكرمنى الله فيها على كل الأوجه.
بدأت فى التاسعة صباحا فى مصر الجديدة. وظللت أسير مع سلك الكهرباء. و الحمد لله نزلت يمامة مقفولة و 3 اخريات "ريشوا" و لم أر مكان سقوطهم للأسف.
و اليوم زاد إعجابى و تقديرى لرش الجامو ماتش الراااااائع. فقبل ايوم كنت مولعا فقط بالجامو برو ماجنوم.و لكن تبين لى بالتجرية العملية أثر الصدمة الشديدة التى تحدثها رشة الماتش فى الطريدة أيا كانت ( وذلك حتى مدى يبلغ 25 مترا حسب تجربتى هذه). فهو لا يفرتك الطريدة بل يسقطها مقفولة.
نرجع لموضوعنا و آسف على الاستطراد...
توجهت الى مدينة نصر (حيث بيت الوالد) لأجرب هناك. و عند إحدى الحدائق وقبل أن أضرب أى طلقة فوجئت بصوت أجش غليظ ينادى: "كابتاااااااااان". حاولت التجاهل مرة فعاود الصوت الغبى مرة اخرى " كابتاان يا أبو بندقية". و هنا لم أستطع أن أستمر بالتجاهل. و كان أمامى ثلاثة خيارات:
1- أن أطنش و أستمر بالسير مسرعا و الذى يريدنى يلحق بى. و لكن ليس هذا من شيم الكرام.
2- أن ألتفت مسرعا و "أرزع صاحب هذا الصوت رشه ماتش أقتل بها الغراب الكامن فى حنجرته و اريحه من معاناته". ولحسن حظه أن هذا -أيضا- ليس من شيم الكرام ولا أخلاق الإسلام.
3- أن أستدير و أرى ماذا يريد صاحب "حنجرة الجحش" برغم نفورى من الصوت. و هذا ما فعلت ولن تصدقوا ما حدث!!!!!!!!!!
وجدت على ناصية الشارع الذى كنت أسير به واحد شبه عم أشرف جزار المنطقة عندنا ( قصير و بدين و شكلة ....استغفر الله العظيم مش عايز أغلط فى خلق الله )لكن يرتدى بدلة كحلى. و المصيبة أنه-بخلاف كل هذه الصفات- يقف أمام بوكس شرطه!!!!!!
عدت الى الرجل و أنا قلق منه. ودار بيننا الحوار التالى:
(حنجرة الجحش): إيه البندقية دى؟ رصاص و لا إيه؟ هو في حد يمشى ببندقية كده فى الشوارع فى الأيام السوده دى؟ و من ملاحظتى لجحوظ عينيه و "العماص" فيهما أدركت أنه يسكن فىهذه العمارة و حظى النحس وقعن فى طريقه وهو ذاهب الى عمله ( الساعة 11 الباشا).
(أنا): بكل أدب (هههه) حضرتك دى بندقية رش و أكيد مش رصاص؟!
(حنجرة)و أنا أعرف منين؟
(أنا): أنت الآن تراها.
ثم أخذها منى ووقف حائلا بينى و بينها قائلا:
(حنجرة) إنت فاكر نفسك فى بلبيس( إشمعنى بلبيس يعنى؟!)، ورينى بطاقتك؟؟
(أنا): البطاقة أهى ، و أنا بقول لحضرتك هذه بندقية رش.
(حنجرة): بغباء و تناحة: إنت بتشتغل إيه؟ و ساكن فين؟ و بتعمل إيه هنا؟ (مع إن البطاقة فيها إجابة سؤالين من اللى سألهم لكن الغباوة تحكم بقى).
(أنا): مهندس و أسكن قريبا من هنا. و أصطاد اليمام من على أسلاك الكهرباء.
(حنجرة): ولما تيجى بقى فى عين عيل ولا واحدة ست فى البلكونه تعمل لنا هنا مصيبة؟
هنا بدأ الكلام يأخذ منحى خطيرا.
(أنا): حضرتك أنا لا أضرب على البلكونات و أنا أب لطفلين و لست صغير السن لمثل هذه الأخطاء فأنا أصطاد منذ نحو 20عاما.
(حنجرة): أمال البلاغات اللى جتنى و محاضر الإزعاااج و الشكاوى.... ( آه يابن الكدابة دانا لسه نازل من العربية حالا و لم أضرب بعد).
(أنا): إيه ده كله حضرتك؟ إممتى ؟ أنا لسه نازل من السيارة حالا؟!
( حنجرة): (بعد أن أمسك بطاقتى و البندقية الديانا حبيبتى بكلتا يديه المكتنزتين) إتفضل حصلنى على قسم أول مدينة نصر!!!!!!!!!!
يا نهار أبوك إسود!! قسم؟؟؟ أنا؟؟
(أنا): حضرتك شايف إن مشاكل الأمن فى مصر تم حلها و بقى توقيف الناس المحترمين الذين يصطادون؟
(حنجرة): أيوه و هاتحصلنى هاتحصلنى ( البندقية و البطاقة معاه ال.......)!
أنا: ليه بس حضرتك ؟ ما أمشى من هنا و خلاص؟
(حنجرة): لا.... إلا بعد أن آخذ عليك تعهد بعدم الصيد!!!
(الله يخرب بيتك... إنت جاى تتسلى عليا )
(أنا): بقول لحضرتك أنا راجل مهندس و أعمل مديرا بشركة محترمة. ووالدى لواء مهندس بالقوات الجوية (و أريته كارنيه النوادى). و أنا لم أرتكب إثما يوجب الذهاب للقسم.
(حنجرة): هو أنا بقوللك إركب البوكس... أنا بقوللك حصلنى.
( هوانت كنت عايز تركبنى البوكس يابن ال.... كمان)!! هزلت و الله.
و مشى و أخذ قلبى معه.
و على الفور تخيلت الواجب الذى سيفعله معى هذا الجزمه إذا دخلت بقدمى وكره ( القسم).
و لم اكذب خبرا و اتصلت بالوالد حفظه الله لى و قلت له " الحقنىىىىى يا باااااباااااااا" هههههه.
و الحمد لله كان أجازه اليوم ده حتى لا يصادر الديانا هذا الجزمه ولا يتنك عليا.
و قال لى أبى: "هل سألته عن إسمه؟ و بغباء قلت: لا
قال: هل أخذت رقم البوكس؟ و بغباء أيضا قلت: لا.
قا: أما لو طلع ضابط حرامى يبقى الله بعوض عليك فى البطاقة و البندقية.
قلت له: البطاقة ماشى لكن الديانا 350ماجنوم لالالالالالالالالالالالالالالالالالالالالالالالالا لالالالا.
دى مابقالهاش معى أكثر من 6 أسابيييييييع. إههههههههههىىى.
و اتضح لى أن البغل ده ثبتنى و لم أتحقق منه كما ينبغى.
المهم رحت القسم و سألت عليه بأوصافه قالو لى فى المباحث: ااااااه قصير و أسمر ده......باشا رئيس المباحث!!!!
دانا بخاف من الكلب يطلعلى أسد؟! و أيقنت أن كل هذا نتيجة عين تندب فيها رشايه قرت على البندقية. و الله يسامح اللى خبطهالى.
و جاء معى الوالد الى القسم و عرفه بنفسه . قام جاب ورا الجزمه و قال لوالدى : إبقى خلى الباشا الصغير يصطاد فى أماكن خلاء يا باشا عشان خاطرى !!!!!!
و أخذ منه البندقية و خرجت من القسم و أنا أدعو عليه بالويل و الثبور و عظائم الأمور. اللهم اجعل له من دعائى عليه نصيبا.
المهم رحت البيت ريحت شويه من الصدمة و نزلت بعد صلاة العصر حتى المغرب و أكرمنى الله بهذه الحصيلة الطيبة: 7 يمامات مقفولين+ أكثر من 10 ريشوا+ غراب مقفول من 25 متر بالجامو ماتش قبل أذان المغرب. اللهم لك الحمد أن سريت عنى أثر صدمة الصباح.
هل من الممكن أن يفيدنى أحد الزملاء الأفاضل عن مدى قانونية ما فعله معى الجحش؟ و ما هو التصرف السليم إذا تعرض أحد الصيادين لمثل هذا الموقف؟
و أترككم مع الصور. و الدعوة مفتوحة لتناول الغداء معى لكل الأحباب الكرام.
و السلام عليكم و رحمة الله و بركاته و أعتذر على الإطالة.

ورح رااكب البوكس و طااالع/COLOR]

[simsim1996]

ياباشا البندقيه دى كانت هاتوديك فى داهيه حمدا لله على سلامتك وانا ممكن اخلصك منها واخدها منك بخمسين جنيه وعوضى على الله بس هاخد عليها علبة الجامو الماتش هديه

[Kareem_Z]

أعتقد مفيش قانون يدى له الحق فى اللى بيعمله ده .. هو واضح انه كان نازل شغله وواضح طبعا انه من الأصل روحه فى مناخيرة من الظروف اللى الشرطة فيها اليومين دول.

عموما حصل خير و الحمد لله انها جت سليمة

[سيدخالد]

ماشاء الله على الصيد الجميل الرائع وبعدين اخى الفاضل ابو ياسين من المفترض انك مطلعش بطاقة لاى حد وتتكلم بكل قوة لانى البنادق الرش معلهاش جرم لانها لاتحتاج ترخيص ورئس المباحث ده كان عاوز يعمل عليك شغل لانه مش محترم وده شكله من النظام البائس وارجوك قولى قسم ايه؟؟؟؟؟؟؟؟؟؟

[bredator]

المشاركة الأصلية كتبت بواسطة simsim1996

ياباشا البندقيه دى كانت هاتوديك فى داهيه حمدا لله على سلامتك وانا ممكن اخلصك منها واخدها منك بخمسين جنيه وعوضى على الله بس هاخد عليها علبة الجامو الماتش هديه

ههههههههههههههههه
انا عليا ب70

[simsim1996]

المشاركة الأصلية كتبت بواسطة bredator

ههههههههههههههههه
انا عليا ب70

ايه يا باشا هانقطع على بعض والا ايه
خلاص احنا بس نخلصها من الراجل ونكسب فيه ثواب وبعدين نتفق
ومش هانختلف هى فى كل حته بعشرة الاف هاديهالك بتسعه بس من غير علبة الماتش

[يونس]

علي فكره البندقيه دي معلشي نظير شؤم عليك انا لو منك و بعد الي حصلي ادور علي حد اسمه يونس و ادهاله
ب2000 جنيه و عوضه علي الله

[أبو عبدالله المصرى]

بصراحة كان الله فى عونك و له الحمد من قبل و من بعد أنه انجاك من هذه الورطة و لكن قانونيا يحق لهذا الــ..... كل ما فعله
فالقانون بيبيح اقتناء بنادق ضغط الهوا و الصيد بيها و لكنه لا يبيح التسبب فى الازعاج كما ان الصيد فى المناطق السكنية ممنوع لخطره على قاطنى هذه المناطق بمعنى ان ممكن جدا الرشة تجلى منك تيجى فى واحد واقف فى شباك ورا شجرة مثلا و انت مش شايفه او فى زجاج سيارة و هكذا
المهم حمدلله على سلامتك و سلامة الديانا و تحياتى للوالد و كل لى يمامة معاك و الف هنا مقدما

[Aboyassin]

المشاركة الأصلية كتبت بواسطة simsim1996

ياباشا البندقيه دى كانت هاتوديك فى داهيه حمدا لله على سلامتك وانا ممكن اخلصك منها واخدها منك بخمسين جنيه وعوضى على الله بس هاخد عليها علبة الجامو الماتش هديه

المشاركة الأصلية كتبت بواسطة bredator

ههههههههههههههههه
انا عليا ب70

المشاركة الأصلية كتبت بواسطة simsim1996

ايه يا باشا هانقطع على بعض والا ايه
خلاص احنا بس نخلصها من الراجل ونكسب فيه ثواب وبعدين نتفق
ومش هانختلف هى فى كل حته بعشرة الاف هاديهالك بتسعه بس من غير علبة الماتش

السلام عليكم،
جزاكم الله خيرا يا شباب،
لكننى لا أرضى أن يتورط أحد الزملاء الكرام فى مشكلة بسببى. لأن هذا ليس من شيم الكرام..
هههههههههههههههههههههههههههههه.
إبدئوا إدخروا لمثلها من الآن
50 جنيه كل شهر = باقى لكم 139 شهر على ثمنها.
و عقبالكم لما تفرحوا مثلى.
أسألكم الدعاء.
تحياتى

[dr_mohasan]

أهم حاجة الحمد لله على سلامتك , وثانيا يجب أن تحمل دائما الفاتورة التى اشتريت بها البندقية والتى يكون موضح بها أنها بندقية رش وبها أيضا ماركة البندقية , ويجب ايضا أن تتعرف أولا على شخصية اللى بيكلمك ورؤية الكارنيه الخاص به وتسجيل البيانات ان أمكن , أخيرا , قانون الأسلحة واضح واستعمال بندقية رش ليس جريمة بس الراجل ده ماعندهوش ضمير وكان عايز يتسلى عليك بدل مايروح يدور عالمخدرات والسلاح اللى بيتباعوا علنى على قارعة الطريق.
ألف سلامة

[pooforever_2010]

يا جماعه انتم مش واخدين بالكم من اهم حاجه
الباشمهندس ربنا سترها معاه بفضل الله ثم الوالد
بعد احترامى لاى حد لو حصل الموقف ده مع حد ملوش ضهر
من الاخر واحد غلبان زى كان حصل ايه
انا اصلا مش عندى بندقيه بس بتخيل اى حد من اخوتى هنا
ايه الحل يا جماعه
ويا ريت حد يفيدنى لو حد وقفنى واستهبل عليا بسبب مسدس الصوت اعمل ايه
علما بانه صوت فقط مش بلى
وشكرا
بجد ربنا يرحمنا من الاشكال ال................ دى:mad::mad::mad::mad::mad::mad::mad::mad::mad::mad: :mad::mad::mad:

[Mohamed Mahmoud]

المشاركة الأصلية كتبت بواسطة dr_mohasan

أهم حاجة الحمد لله على سلامتك , وثانيا يجب أن تحمل دائما الفاتورة التى اشتريت بها البندقية والتى يكون موضح بها أنها بندقية رش وبها أيضا ماركة البندقية , ويجب ايضا أن تتعرف أولا على شخصية اللى بيكلمك ورؤية الكارنيه الخاص به وتسجيل البيانات ان أمكن , أخيرا , قانون الأسلحة واضح واستعمال بندقية رش ليس جريمة بس الراجل ده ماعندهوش ضمير وكان عايز يتسلى عليك بدل مايروح يدور عالمخدرات والسلاح اللى بيتباعوا علنى على قارعة الطريق.
ألف سلامة

المشاركة الأصلية كتبت بواسطة سيدخالد

ماشاء الله على الصيد الجميل الرائع وبعدين اخى الفاضل ابو ياسين من المفترض انك مطلعش بطاقة لاى حد وتتكلم بكل قوة لانى البنادق الرش معلهاش جرم لانها لاتحتاج ترخيص ورئس المباحث ده كان عاوز يعمل عليك شغل لانه مش محترم وده شكله من النظام البائس وارجوك قولى قسم ايه؟؟؟؟؟؟؟؟؟؟

كلام 10/10

[tarekvb]

يا جماعة صحيح ان البنادق الرش لا يجرم القانون عليها بس فى قضية اسمها ترويع امنين يعنى الضابط هيقول انه كان بيهدد امن الناس وسبق بلاغات جت من شخص ماسك بندقية عور بيها ناس زى محصل ----- ثانيا ممكن يبتعتها للمعمل الجنائى للتحقق من كونها رش ام نارية (شغل اتستعباط) وطبعا صاحب البندقية سيظل فى الحبس ما يقرب من شهر مثلا حتى تاتى نتيجة المعمل الجنائى ----- يعنى لما الغلاسة كتير اوى وملهاش اخر حتى لو بندقية رش وبالمثل حتى لو مسدس صوت الاثنين واحد ---- وكمان الضابط يعرف منين ان اللى ماسك البندقية ده محترف ولا مبتدى ؟؟؟ مش دفعا عن الضباط بل تعليقا على كلمة الباشمهندس انه راجل خبرة منذ 20 سنة ---- وربنا يسترها وينشر عدله علينا جميعا

[messam]

المشاركة الأصلية كتبت بواسطة يونس

علي فكره البندقيه دي معلشي نظير شؤم عليك انا لو منك و بعد الي حصلي ادور علي حد اسمه يونس و ادهاله
ب2000 جنيه و عوضه علي الله

دة انتا بتصتاد فى المية العكرة بقى

[ahmedabutaleb]

على فكرة انا حصل معايا نفس الموقف بالضبط يوم الجمعة اللى فاتت
وكان معايا الاستاذ محمد عبد السلام من المنتدى
وكنا بنصتاد فى حته مفهياش مناطق سكنية
وحصل ووقفنا واحد نقيب وقعد يسالنا عن البنادق اللى معانا ولما قعدنا نقولة انها رش وانها غير ممنوعة قانونا طلب مننا اننا نروح معاه القسم عشان هوا ميعرفشى موقفها ايه ( امال كان بيدرس ايه فى الكلية مش عارف) وكان طالب مننا اننا نروح معاه فى عربية الامن المركزى وبعد نقاش وجدال طويل اخد كارنية الاستاذ محمد على اساس اننا نحصلة على القسم وفعلا دخلنا القسم وقابلنا المامور وبعد شوية كلام مش فاهم ايه علاقتة بالموضوع زى انكو ممكن تتسرقوا هنا او مش تخليكوا فى بيتكوا وتتفرجوا على فرح الامير ويليمز( مش عارف مين ويليمز ده بصراحه يمكن مأمور قسم صاحبة ولا حاجه)
اخد ممنا صور البطايق ومشانا بعدها
بس بصراحه المعاملة كانت محترمة جدا واسلوب الكلام مهذب بس اصلا الموضوع ملوش لازمة لانى مش معايا حاجه ممنوعه ولا فى منطقة سكنية بس تقريبا هما كانوا فاضيين مش وراهم حاجه فقالو يتسلوا على خلق الله

[killmoretime]

انصحك اخى العزيز بقراءة ملف اسمة عشان ما تضربش على افاك دة موجود على النت علشان تعرف حقوقك كويس

[smsmn8888]

بس في الوقت الحالي مكمكن يعمل اي شئ بس هي المشكلة يا جماعة مينفعش نصطد في اماكن سكنية معمورة بالناس كتير علي الاقل هم هيخافة فالافضل يكون في مكان فاضى بس المشكلة لو طلع عليك قطاعين طرق يبقي الشرطة ارحم

[smsmn8888]

المشاركة الأصلية كتبت بواسطة ahmedabutaleb

على فكرة انا حصل معايا نفس الموقف بالضبط يوم الجمعة اللى فاتت
وكان معايا الاستاذ محمد عبد السلام من المنتدى
وكنا بنصتاد فى حته مفهياش مناطق سكنية
وحصل ووقفنا واحد نقيب وقعد يسالنا عن البنادق اللى معانا ولما قعدنا نقولة انها رش وانها غير ممنوعة قانونا طلب مننا اننا نروح معاه القسم عشان هوا ميعرفشى موقفها ايه ( امال كان بيدرس ايه فى الكلية مش عارف) وكان طالب مننا اننا نروح معاه فى عربية الامن المركزى وبعد نقاش وجدال طويل اخد كارنية الاستاذ محمد على اساس اننا نحصلة على القسم وفعلا دخلنا القسم وقابلنا المامور وبعد شوية كلام مش فاهم ايه علاقتة بالموضوع زى انكو ممكن تتسرقوا هنا او مش تخليكوا فى بيتكوا وتتفرجوا على فرح الامير ويليمز( مش عارف مين ويليمز ده بصراحه يمكن مأمور قسم صاحبة ولا حاجه)
اخد ممنا صور البطايق ومشانا بعدها
بس بصراحه المعاملة كانت محترمة جدا واسلوب الكلام مهذب بس اصلا الموضوع ملوش لازمة لانى مش معايا حاجه ممنوعه ولا فى منطقة سكنية بس تقريبا هما كانوا فاضيين مش وراهم حاجه فقالو يتسلوا على خلق الله

حلوتكو هو في حد كان حطيط تلسكوب ولا اةةةةة طمنونا بس تا انا عايز اطلع و؟؟؟؟

[عثمان الشبراوى]

السلام عليكم ورحمة الله.
اولا حمد الله على السلامة
ثانيا مفيش قانون حرم الصيد ببنادق الرش ولاكن هناك قانون بمعاقبة الصيد فى المناطق السكنية باى شكل من الاشكال
انا حصل معى موقف فى اول مره اشيل فيها بندقة واصتاد كان فى شبرا مصر وكان فى داخل المناطق السكنية
صليت الفجر وطلعت انا وصديقى بنبص قدمنا شفنا بكس فى وشنا المهم قال البطايق يارجالة لحسن الحظ انى اخزية ضابط قمت مطلع كرنية اخى من غير معرف الضابط ان ده بتاع اخى الضابط اعتقد انى الكرنية بتاعى قام عاملنى بكل احترام وقالى اتفضل يابشا بعد مامشى بكام متر وقف وبص من السيارة وقال ياباشا ثانية واحده راح قال ممكن ابص فى الكرنية تانى المشكلة مش فى الكرنية المشكلة انى يوميها كان زقنى طويله فالضابط شك فية قال ازاى يكون ضابط وزقنة طويلة المهم رحت قلتلو ده اخوية وادى البطاقة بتعتى اتئكد من الاسم وطلب منى انى مصتدش فى المناطق السكنية عشان ممكنوع وممكن يحملنى مسئولية قانونية
والحمد للة طلع ضابط محترم .

[محمد متولى]

يا باشا الثورة اتعملت علشان الكلاب الى زى الراجل دة ينضربوا بالجزمة معاك حق اقف ومتمشييش غير بية ملهوش غيير انوا يشوف بطاقتك بعد متشوف انتا كارنيهة
وممكن لو تنح معاك اتصل بمحامى وارفع علية بدل القضية 10 لحد ميعرف الى لية والى علية

[Baso]

كفارة يا أبو يا سين
وحمدالله علي سلامة الدايانا وسلامتك برده يالا .ههههههههههههههههه

[pooforever_2010]

يا جماعه محدش رد على سؤالى
يا ريت حد يهتم بسؤالى ويرد
يا جماعه انتم مش واخدين بالكم من اهم حاجه
الباشمهندس ربنا سترها معاه بفضل الله ثم الوالد
بعد احترامى لاى حد لو حصل الموقف ده مع حد ملوش ضهر
من الاخر واحد غلبان زى كان حصل ايه
انا اصلا مش عندى بندقيه بس بتخيل اى حد من اخوتى هنا
ايه الحل يا جماعه
ويا ريت حد يفيدنى لو حد وقفنى واستهبل عليا بسبب مسدس الصوت اعمل ايه
علما بانه صوت فقط مش بلى
وشكرا
بجد ربنا يرحمنا من الاشكال ال................ دى

[ابو مروان]

حمداللة على السلامة يا باشا ولكن عندى تحفظات عديدة من اسلوب حضرتك فى الهجوم على ذللك الضابط سيدى الفاضل عندما انفلت الامن وغابت الشرطة بكامل ارادتها عن الشارع وتفشت مظاهر البلطجة والعنف لمنا الشرطة وانا من الذين كانوا اكثر الناس قسوة عليهم لغيابهم ولكن عندما بداوا يعودون تدريجيا يجب الا يكون هذا هو اسلوب تعاملنا معهم بالسباب والشماتة فهذا الرجل عندما استوقف حضرتك وسالك اسالة منطقية شخص يحمل بندقية فى منطقة سكنية (ليس كل الاشخاص يستطيعون تمييز البنادق الرش من الخرطوش من الحية)الا الممارسين لهواية الصيد فقط اما الغالبية من الافراد فلا يعلمون شيئا و ثانيا سيدى العزيز امهر الصيادين ممكن ان يخطئوا فى الرماية والتنشين على هدف فيحدث لاقدر اللة مالا يحمد عقباة وتصيب الرشة طفل او سيدة وحضرتك تمللك سلاح هاى بور يعنى لا قدر اللة النتيجة ستكون مؤسفة فقدان شخص لعينة_نمارس هوايتنا نعم ولكن بعيدا عن الاماكن السكنية والاطفال_لقد حدث لاخى ونحن اطفال موقف لايمكن انساة بان شخص كان يحمل بندقية رمسيس وهو جار لنا وكان متمكن جدا فى النيشان واستعمال البندقية الا انة ذات مرة استصدمت الرشاية بجدار واصاب اخى فى زورة...... وكانت مصيبة لمدة ساعة لولا ان اللة سلم_ثالثا اخى العزيز دعنا ننحى كلمة انا ابن مين جانبا فبعد تللك الثورة المجيدة يجب ان نقول انا فلان ولست ابن فلان مع كامل الاحترام لكل شخص على ارض مصر
رابعا واخيرا.... نصيحتى القانةنية لحضرتك ان ساللك احدا ما عن بطاقتك اسالة انت اولا عن بطاقتة وتعرف على هويتة ولا تعطى بطاقتك ابدا لاحد لم تطلع على هويتة وعندما يرى بياناتك يجب ان تسترد بطاقتك فورا ولا تتركة معة ابدا او تسلمة ما معك من حقائب او بندقيتك وتتركة يمشى_مصر تمر بوقت صعب ويجب جميعا ان نتعاون لتمر تللك المرحلة نمارس هوايتنا المحببة ولكن فى مناطق غير اهلة بالسكان والاحسن ان نكون مجموعات من شخصين او اكثر_حفظ اللة مصرنا الحبيبة ومعزرة على الاطالة

[loot-ait]

alaah ynawar ya bo marwan

[غاوى صيد]

يا باشا ولا يهمك دة باين عليه مخبول ومتعكننش على نفسك ومبارك الصيد

[tito]

ربنا يسترها معاك ومعانا يا ابو ياسين والمرة الجاية ابقى اصطاد فى بلبيس عشان الباشا ميزعلش

[Aboyassin]

المشاركة الأصلية كتبت بواسطة kareem_z

أعتقد مفيش قانون يدى له الحق فى اللى بيعمله ده .. هو واضح انه كان نازل شغله وواضح طبعا انه من الأصل روحه فى مناخيرة من الظروف اللى الشرطة فيها اليومين دول.

عموما حصل خير و الحمد لله انها جت سليمة

المشاركة الأصلية كتبت بواسطة سيدخالد

ماشاء الله على الصيد الجميل الرائع وبعدين اخى الفاضل ابو ياسين من المفترض انك مطلعش بطاقة لاى حد وتتكلم بكل قوة لانى البنادق الرش معلهاش جرم لانها لاتحتاج ترخيص ورئس المباحث ده كان عاوز يعمل عليك شغل لانه مش محترم وده شكله من النظام البائس وارجوك قولى قسم ايه؟؟؟؟؟؟؟؟؟؟

السلام عليكم أ/ سيد
والله الموقف كان صعبا جدا وو لايمكنك المعارضة لأننى لا أدرى مدى التصعيد الذى كان يمكن أن يتخذه معى و لم ارد أن أقع فى خطأ.
و كما ذكرت فى المقال هو فى قسم مدينة نصر أول.

[pooforever_2010]

ايه يا جماعه محدش عبرنى ولا رد على سؤالى
ولا عشان انا مش قد المقام ومن شبرا يعنى رغم انى سألت مرتين
على العموم اسف انى سالت وافتكرت حد حيرد عليا
وشكرا:mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad:

[Aboyassin]

المشاركة الأصلية كتبت بواسطة أبو عبدالله المصرى

بصراحة كان الله فى عونك و له الحمد من قبل و من بعد أنه انجاك من هذه الورطة و لكن قانونيا يحق لهذا الــ..... كل ما فعله
فالقانون بيبيح اقتناء بنادق ضغط الهوا و الصيد بيها و لكنه لا يبيح التسبب فى الازعاج كما ان الصيد فى المناطق السكنية ممنوع لخطره على قاطنى هذه المناطق بمعنى ان ممكن جدا الرشة تجلى منك تيجى فى واحد واقف فى شباك ورا شجرة مثلا و انت مش شايفه او فى زجاج سيارة و هكذا
المهم حمدلله على سلامتك و سلامة الديانا و تحياتى للوالد و كل لى يمامة معاك و الف هنا مقدما

السلام عليكم
شكرا جزيلا يا أبا عبدالله.
تحياتى

[Aboyassin]

المشاركة الأصلية كتبت بواسطة dr_mohasan

أهم حاجة الحمد لله على سلامتك , وثانيا يجب أن تحمل دائما الفاتورة التى اشتريت بها البندقية والتى يكون موضح بها أنها بندقية رش وبها أيضا ماركة البندقية , ويجب ايضا أن تتعرف أولا على شخصية اللى بيكلمك ورؤية الكارنيه الخاص به وتسجيل البيانات ان أمكن , أخيرا , قانون الأسلحة واضح واستعمال بندقية رش ليس جريمة بس الراجل ده ماعندهوش ضمير وكان عايز يتسلى عليك بدل مايروح يدور عالمخدرات والسلاح اللى بيتباعوا علنى على قارعة الطريق.
ألف سلامة

السلام عليكم د/محمد
جزاك الله خيرا و سلمك.
شكرا لك. و أسأل الله له الهداية.

[Aboyassin]

المشاركة الأصلية كتبت بواسطة pooforever_2010

يا جماعه انتم مش واخدين بالكم من اهم حاجه
الباشمهندس ربنا سترها معاه بفضل الله ثم الوالد
بعد احترامى لاى حد لو حصل الموقف ده مع حد ملوش ضهر
من الاخر واحد غلبان زى كان حصل ايه
انا اصلا مش عندى بندقيه بس بتخيل اى حد من اخوتى هنا
ايه الحل يا جماعه
ويا ريت حد يفيدنى لو حد وقفنى واستهبل عليا بسبب مسدس الصوت اعمل ايه
علما بانه صوت فقط مش بلى
وشكرا
بجد ربنا يرحمنا من الاشكال ال................ دى:mad::mad::mad::mad::mad::mad::mad::mad::mad::mad: :mad::mad::mad:

السلام عليكم
أنا سألت أحد الأعضاء استخدم مسدسه للحماية و سحبته الشرطة منه و م يستطع الحصول عليه إلا بواسطة كبيرة. وهو الأخ /أمير سعد.
و سألت ضابط شرطة قريب لى فقال إنه يعرض على مصلحة الأدلة الجنائية لبيان ما إذا كان حى أو صوت. و لو صوت يتم تكسيره أمام صاحبه. و العهدة على الراوى.

[Aboyassin]

السلام عليكم
أشكر الجميع على مشاركاتهم

[Aboyassin]

المشاركة الأصلية كتبت بواسطة محمد متولى

يا باشا الثورة اتعملت علشان الكلاب الى زى الراجل دة ينضربوا بالجزمة معاك حق اقف ومتمشييش غير بية ملهوش غيير انوا يشوف بطاقتك بعد متشوف انتا كارنيهة
وممكن لو تنح معاك اتصل بمحامى وارفع علية بدل القضية 10 لحد ميعرف الى لية والى علية

المشاركة الأصلية كتبت بواسطة baso

كفارة يا أبو يا سين
وحمدالله علي سلامة الدايانا وسلامتك برده يالا .ههههههههههههههههه

المشاركة الأصلية كتبت بواسطة غاوى صيد

يا باشا ولا يهمك دة باين عليه مخبول ومتعكننش على نفسك ومبارك الصيد

المشاركة الأصلية كتبت بواسطة tito

ربنا يسترها معاك ومعانا يا ابو ياسين والمرة الجاية ابقى اصطاد فى بلبيس عشان الباشا ميزعلش

[شكرا جزيزلا إخوانى الأفاضل

[AMR EBID]

اولا حمد لله علي سلامت المجنوم
حبيبت الكل ثانيا دا ربنا ينتقم من امثاله
لكن انا كلمت واحد صحبي كانت معاه الجيت
سالتو عليها قالي ان بعها والبعهالو الجيش اخدو بيها
من علي الطريق الدولي اثنا الثوره قعدوه يومين واخدوها منه

[pooforever_2010]

المشاركة الأصلية كتبت بواسطة aboyassin

السلام عليكم
أنا سألت أحد الأعضاء استخدم مسدسه للحماية و سحبته الشرطة منه و م يستطع الحصول عليه إلا بواسطة كبيرة. وهو الأخ /أمير سعد.
و سألت ضابط شرطة قريب لى فقال إنه يعرض على مصلحة الأدلة الجنائية لبيان ما إذا كان حى أو صوت. و لو صوت يتم تكسيره أمام صاحبه. و العهدة على الراوى.

شكرا لاهتمام حضرتك وردك عليا
بس الواحد يعمل ايه عشان يحمى نفسه
والله كان فيه خناقه هنا بالخرطوش واتصلنا بالقسم
تخيل الرد ايه لما يخلصوا على بعض نبقى نيجى
قلنا طب والناس اللى فالشارع قالوا معاهم ربنا وقفلوا السكه
تخيلوا

[Aboyassin]

المشاركة الأصلية كتبت بواسطة ابو مروان

حمداللة على السلامة يا باشا ولكن عندى تحفظات عديدة من اسلوب حضرتك فى الهجوم على ذللك الضابط سيدى الفاضل عندما انفلت الامن وغابت الشرطة بكامل ارادتها عن الشارع وتفشت مظاهر البلطجة والعنف لمنا الشرطة وانا من الذين كانوا اكثر الناس قسوة عليهم لغيابهم ولكن عندما بداوا يعودون تدريجيا يجب الا يكون هذا هو اسلوب تعاملنا معهم بالسباب والشماتة فهذا الرجل عندما استوقف حضرتك وسالك اسالة منطقية شخص يحمل بندقية فى منطقة سكنية (ليس كل الاشخاص يستطيعون تمييز البنادق الرش من الخرطوش من الحية)الا الممارسين لهواية الصيد فقط اما الغالبية من الافراد فلا يعلمون شيئا و ثانيا سيدى العزيز امهر الصيادين ممكن ان يخطئوا فى الرماية والتنشين على هدف فيحدث لاقدر اللة مالا يحمد عقباة وتصيب الرشة طفل او سيدة وحضرتك تمللك سلاح هاى بور يعنى لا قدر اللة النتيجة ستكون مؤسفة فقدان شخص لعينة_نمارس هوايتنا نعم ولكن بعيدا عن الاماكن السكنية والاطفال_لقد حدث لاخى ونحن اطفال موقف لايمكن انساة بان شخص كان يحمل بندقية رمسيس وهو جار لنا وكان متمكن جدا فى النيشان واستعمال البندقية الا انة ذات مرة استصدمت الرشاية بجدار واصاب اخى فى زورة...... وكانت مصيبة لمدة ساعة لولا ان اللة سلم_ثالثا اخى العزيز دعنا ننحى كلمة انا ابن مين جانبا فبعد تللك الثورة المجيدة يجب ان نقول انا فلان ولست ابن فلان مع كامل الاحترام لكل شخص على ارض مصر
رابعا واخيرا.... نصيحتى القانةنية لحضرتك ان ساللك احدا ما عن بطاقتك اسالة انت اولا عن بطاقتة وتعرف على هويتة ولا تعطى بطاقتك ابدا لاحد لم تطلع على هويتة وعندما يرى بياناتك يجب ان تسترد بطاقتك فورا ولا تتركة معة ابدا او تسلمة ما معك من حقائب او بندقيتك وتتركة يمشى_مصر تمر بوقت صعب ويجب جميعا ان نتعاون لتمر تللك المرحلة نمارس هوايتنا المحببة ولكن فى مناطق غير اهلة بالسكان والاحسن ان نكون مجموعات من شخصين او اكثر_حفظ اللة مصرنا الحبيبة ومعزرة على الاطالة

السلام عليكم يا أبا مروان،
واضح أننى لم أتمكن من التبيين و توضيح الوضع. فأنا لم أستخدم السباب إلا عندما طلب ذهابى للقسم. وأنا لم أضرب طلقة واحدة بجوار العمارات لأن كلامك صحيح 100 فى 100 ولا أحد فوق الخطأ.و إنما كنت أمر أمام عمارة فى طريقى الى مربع حديقة مفتوحة حولها سلك كهرباء.
و المشكلة الأساسية معه هى اسلوبه المشين فى الكلام و معاملته الفجة لى كأنه يتكلم مع مسجل خطر و ليس مع مهندس محترم.
و ثالثا أنا لم أذكر أننى "إبن مين" كما تقول أنت للضغط أو التباهى و إلا كنت قلتها أول ما تكلم معى. و لكن فقط عندما رأيت إصراره على ذهابى للقسم بدعوى كاذبه. و لم تر أنت أنه كذب فى إدعائه بوجود بلاغات ضدى و قد كنت نزلت من السيارة للتو؟!
و ديننا الحنيف علمنى ألا تمايز للبشر بالنسب أو غيره" إن أكرمكم عند الله أتقاكم".
وأسأل الله لنا جميعا التوفيق و السداد.

[osamaboha]

امال انا اعمل اية اللي بصتاد في التحرير

[tarekvb]

المشاركة الأصلية كتبت بواسطة osamaboha

امال انا اعمل اية اللي بصتاد في التحرير

ازاى فى التحرير بتصطاد منين هو تكون من شباب الثورة وكنت بتسلى نفسك فى الصيد وبتقول انا من الثوار هههههههههه

[صقر ابوحسانين]

يعم دى امور عاديه والله كان عامل عليك راجل علشان هو عارف انه صيد واقسم لك لو كان معاك مسدس حى او بندقيه الى وانت فى عرض الشارع مفيش اى حد كان هيقولك بتعمل ايه وعلى فكره هيرجعوا اوسخ من الاول لان ده من طبع الكلاب دى .....عامل عليك قط وهو اصلا تلقى مراته ضربها بالجزمه قبل مينزل وفش غلبه فيك حمد لله على السلامه .......

[Aboyassin]

المشاركة الأصلية كتبت بواسطة صقر ابوحسانين

يعم دى امور عاديه والله كان عامل عليك راجل علشان هو عارف انه صيد واقسم لك لو كان معاك مسدس حى او بندقيه الى وانت فى عرض الشارع مفيش اى حد كان هيقولك بتعمل ايه وعلى فكره هيرجعوا اوسخ من الاول لان ده من طبع الكلاب دى .....عامل عليك قط وهو اصلا تلقى مراته ضربها بالجزمه قبل مينزل وفش غلبه فيك حمد لله على السلامه .......

أخى الكريم صقر
أشكرك و جزاك الله خيرا و أسأل الله لنا جميعا المعافاة من ملاقاة هذه الأشكال.

[waleedrahmy]

اتصرفت بحكمة يا ابوياسين ومعلش حظك كده

[صياد الفجر]

حمدالله على السلامه و ربنا يعافينا جميعاً

[hassan_11176]

السلام عليكم
اقسم بالله لو مكانك لاضربه بالجزمه
دى بندقية صيد
والمفروض بعد ما تبين له صدق كلامك انك راجل مهندس وورتله البطاقه كان قالك بكل ادب ممنوع الصيد فى الاماكن السكنيه واتفضل من هنا لو سمحت وكنت بطبيعة الحال هتقوله شكرا جزيلا
بس الظابط ده يحمد ربنا انه مش وقع فى واحد زى حالاتى
لانى كنت هظبته
وتقبل مرورى

[AHMED IS MAHMOUD]

المشاركة الأصلية كتبت بواسطة ابو مروان

حمداللة على السلامة يا باشا ولكن عندى تحفظات عديدة من اسلوب حضرتك فى الهجوم على ذللك الضابط سيدى الفاضل عندما انفلت الامن وغابت الشرطة بكامل ارادتها عن الشارع وتفشت مظاهر البلطجة والعنف لمنا الشرطة وانا من الذين كانوا اكثر الناس قسوة عليهم لغيابهم ولكن عندما بداوا يعودون تدريجيا يجب الا يكون هذا هو اسلوب تعاملنا معهم بالسباب والشماتة فهذا الرجل عندما استوقف حضرتك وسالك اسالة منطقية شخص يحمل بندقية فى منطقة سكنية (ليس كل الاشخاص يستطيعون تمييز البنادق الرش من الخرطوش من الحية)الا الممارسين لهواية الصيد فقط اما الغالبية من الافراد فلا يعلمون شيئا و ثانيا سيدى العزيز امهر الصيادين ممكن ان يخطئوا فى الرماية والتنشين على هدف فيحدث لاقدر اللة مالا يحمد عقباة وتصيب الرشة طفل او سيدة وحضرتك تمللك سلاح هاى بور يعنى لا قدر اللة النتيجة ستكون مؤسفة فقدان شخص لعينة_نمارس هوايتنا نعم ولكن بعيدا عن الاماكن السكنية والاطفال_لقد حدث لاخى ونحن اطفال موقف لايمكن انساة بان شخص كان يحمل بندقية رمسيس وهو جار لنا وكان متمكن جدا فى النيشان واستعمال البندقية الا انة ذات مرة استصدمت الرشاية بجدار واصاب اخى فى زورة...... وكانت مصيبة لمدة ساعة لولا ان اللة سلم_ثالثا اخى العزيز دعنا ننحى كلمة انا ابن مين جانبا فبعد تللك الثورة المجيدة يجب ان نقول انا فلان ولست ابن فلان مع كامل الاحترام لكل شخص على ارض مصر
رابعا واخيرا.... نصيحتى القانةنية لحضرتك ان ساللك احدا ما عن بطاقتك اسالة انت اولا عن بطاقتة وتعرف على هويتة ولا تعطى بطاقتك ابدا لاحد لم تطلع على هويتة وعندما يرى بياناتك يجب ان تسترد بطاقتك فورا ولا تتركة معة ابدا او تسلمة ما معك من حقائب او بندقيتك وتتركة يمشى_مصر تمر بوقت صعب ويجب جميعا ان نتعاون لتمر تللك المرحلة نمارس هوايتنا المحببة ولكن فى مناطق غير اهلة بالسكان والاحسن ان نكون مجموعات من شخصين او اكثر_حفظ اللة مصرنا الحبيبة ومعزرة على الاطالة

كلام منطقى والله ينور عليك

[Aboyassin]

المشاركة الأصلية كتبت بواسطة waleedrahmy

اتصرفت بحكمة يا ابوياسين ومعلش حظك كده

المشاركة الأصلية كتبت بواسطة صياد الفجر

حمدالله على السلامه و ربنا يعافينا جميعاً

المشاركة الأصلية كتبت بواسطة hassan_11176

السلام عليكم
اقسم بالله لو مكانك لاضربه بالجزمه
دى بندقية صيد
والمفروض بعد ما تبين له صدق كلامك انك راجل مهندس وورتله البطاقه كان قالك بكل ادب ممنوع الصيد فى الاماكن السكنيه واتفضل من هنا لو سمحت وكنت بطبيعة الحال هتقوله شكرا جزيلا
بس الظابط ده يحمد ربنا انه مش وقع فى واحد زى حالاتى
لانى كنت هظبته
وتقبل مرورى

السلام عليكم إخوانى الكرام
جزاكم الله خيرا. شرفتمونى بمروركم الكريم.
دمتم بخير.

[BOB20102008]

اولان حمداله على سلمتك وعلا سلمت العيه دينتك حبيبت اقلب الجميع

وبطبيعت الحال المدام منيمه من غير عشاه والصبح مفطراه بعالقه مع شيبشيبين للتحليه

فكان من الطبيعى انو يفش علو فى اتناين عساكر او حرامى بس خظك التيت واعك معاه فداع الطبيع

متزعالش منو هههههههههههههههههههههه
تقبل مروري

[mlikhunter]

انا رايي ان يكون الصيد في اماكن مفتوحه ومش سكنيه وقرب المساكن لانه قد يحدث خطا يتسبب في اذى لشخص او تلف في املاك, لذا انصح بان يكون الصيد في مكان بعيد عن التجمعات السكانيه
ولاتزعل يااخي من رثيس المباحث والله كان راحت الديانا !!!!!!!!!

[Hany Ekram]

إلي أخوتي الأعزاء الاعضاء المشاركين بالألفاظ الغير لائقة

رجاء بلاش تزغلوا من اللي الكلام ده

خلاص كل الأخوة هنا فتوات عشان شا يلين بنادق رش كلكم رامبو و فان دام
طيب طالما فتوات كنتوا بتشكوا ليه من غياب الشرطة في الشوارع و خايفين من البلطجة
يا جماعة احنا شعب ملناش في احترام القوانين و الالتزام أنتوا عاوزين تمشوا ماسكين البنادق الرش
و عاملين بقي محدش قدوكوا محدش بقي حيقدر يعملك حاجة
علي فكرة بالنسبة للآخ اللي عاوز يدي للضابط بالحذاء لو تمت سرقتك في أي مكان حتروح حضرتك
لمن أكيد لحد من الضباط اللي عاوز تضربوا بالجزمة مش كده برصه و لا لو شاءت الظروف و انت كده
لوحدك بالبندقية و إتلموا عليك و إتلموا عليك كذا واحد و ضربوك و قلبوك و أخذوا منك البندقية ،،،،
بجد بجد قولي حتعمل ايه؟
مش معني ان العضو وراله كارنيه انه مهندس يبقي تمام و يقوله شرفت و وبأي بقي متنشاس الميسدات بقي
مش كده برده !!!!!
يا أخي العزيز موضوع ان المجرم و البلطجي بيبان خلاص راح زمن الكلام ده من الممكن ان يكون الكارنيه مزور
و من الممكن ان يكون العضو و زميله الذي حدث معه ذلك أنهم يمشتوا المنطقة ليقوموا بعملية سرقة

يا أخوتي احنا عايشين في دور أنا كنت عملت و سويت أصل بابا بيشتغل مش عارف ايه و حيعملي ايه أنا محدش يقدر
يعملي حاجة و بلا بلا بلا بلا

علي فكرة أنا مش ضابط بس بصراحة الكلام ده و الردود مستفزة

يا يكون لإدارة المنتدي دور لوقف مثل هذه المشاركات التي تستفز و لا تفيد
بأ جماعة الناس هنا بتقول بلاش تحملوا أسلحة بالشارع لكن مفيش فائدة للأخوة اللي
فاكرين أنفسهم فوق القانون لكن عندما نقع تحت طائلة القانون يبقي الضباط وحوش

و لكم جزيل الشكر بس من غير زعل
الضابط ده أداة لتنفيذ القانون ، ممكن يكون أخوك أو باباك أو قريب لك

[Ahmed914]

بالمناسبة حصل معايا موقف من حوالى عشر سنوات , وكنت أحمل بندقيتى الخاصة بالشارع تحت البيت ... وحضر ضابط فى سيارة الشرطة ... وكان برتبة نقيب تقريباً .... وطلب منى إنى أبعد البندقية وأطلّعها البيت , وبصراحة أنا طنشت .... كمان خمس دقايق عدا الضابط تانى ... وقاللى بأسلوب محترم وهزار " وبعدين .... " ... فأنا أحترمت أسلوبه وطلّعت البندقية ... الغرض من القصة أوضّح أن الضابط اللى إنت قابلته إنسان يشعر بعقدة النقص .. وفى ضباط برضه محترمين ... واللى محترم ميحاولش يضايق الناس اللى فى الشارع ... وعلشان كده رئيس المباحث الناقص اللى قعد يضايقك دا راجل حمار !!!!!!

[Ahmed914]

وهو لو ضابط محترم كان هيكتفى أنه يقولك بعد إذنك بلاش المناطق السكنية ودوّر على حتة فضاء ... علشان كده هو إنسان مش محترم ومحتاج يتعالج من مركب النقص اللى عنده ... وربنا يسترها عليك ويبارك لك فى صيدك ...

[البطل]

الحمد الله أنك بخير وبعد كده مش عاوزين حد يتعامل معانا كده

[هشام عزب]

شوفت يا عم انت بتحكي في وادي واللي بيشاركوك الموضوع في وادي تاني وعينهم ضربت علي الحته اللي عايزها ب 50 واللي ب 70
اما انا طبعا مش حقول غير بسم الله ما شاء الله ربنا يباركلك فيها ادهالي ببلاش اهو صدقه عنك
ههههههههههههههههه

[marwan]

دول كلاب امن الدوله كلاب اكثر من اسرائيل

[ايهاب 2011]

بسم الله الرحمن الرحيم

تابعت الموضوع بالكامل ولم اجد رد شافي من متخصص مع احترامي لجميع الاعضاء

وبحكم انني محامي متمرس منذ 17 سنه اوضح الموضوع

اولا بخصوص الاستيقاف فقد حددته محكمة النقض بانه يحق لاي من مأموري الضبط القضائي ( ملازم فيما فوق ) استيقاف اي شخص وسؤاله والتحقق من شخصه اذا ما وضع هذا الشخص نفسه طواعية منه واختيارا موضع الريبه والشك ( حمل السلاح من ضمنها حتي لو كان مسموح به )

ثانيا بخصوص السلاح حتي لو مسموح به أو صوت أو مما هو للدفاع عن النفس فقد حظر قانون الاسلحه والذخائر حمله داخل المناطق السكنيه واظهاره للعيان خوفا من الحاق الاذي بأي من عموم الناس

ثالثا بخصوص الصيد داخل مناطق مأهوله حتي لو بسلاح مرخص فهو ممنوع طبقا لقانوني الصيد والبيئه نظرا للاضرار والمخاطر التي قد تلحق بالافراد او الممتلكات او الحياه البريه بتلك المناطق

رابعا بخصوص التصرف القانوني فهو صحيح فيحق للضابط ولو لم يكن هناك بلااغات من السكان ان يصطحب المخالف وتحرير تعهد بعدم تكرار الفعل ولا يحق له حجز السلاح طالما اطلع علي فاتورة الشراء وبعد التعهد يخرج الصياد بحوزته سلاحه وان عاد للفعل مره اخري يتم تحرير محضر وتحويل الشخص للنيابه ويكون قرار النيابه اخلاء سبيل الشخص وايداع السلاح المضبوط خزينة القسم علي ذمة القضيه واحالة الدعوي الي محكمة الجنح التي تقضي بتغريم الشخص الف جنيه غرامه وقد تصادر السلاح ان لم تقتنع برده الي صاحبه ولكن ان تأكدت من حسن سير الشخص وانه ذو نيه طيبه ويحمل فاتورة شراء فهنا قد تصرح له بالاستلام مره اخري

ارجو ان اكون قد افدتكم

تحياتي

[المايستروو]

القانون واضح والمفروض تسأله على تحقيق الشخصيه(الشاره) وده من حق اى مواطن وكمان زيادة امان شيل معاك نص قانون التراخيص للاسلحه لان فى البلد دى الورق هو اللى بيتكلم او الدستور كله ان امكن ومتخافش منه ابدا لانك مبتعملش حاجه غلط تبعاً للقانون بس حاول تصطاد فى اماكن فاضيه بعيده عن المناطق لاسكنيه ودى غالباً بتبقى معروفه زى اطراف المدينه.