الصيد فى مصر  

العودة   الصيد فى مصر > الصيد البحري والنهري > صيد السمك

صيد السمك معلومات عن انواع الاسماك وكيفيه واماكن الصيد.

 
 
أدوات الموضوع إبحث في الموضوع انواع عرض الموضوع
غير مقروء 12-12-30, 06:47 PM   #1
tarekabasy
عضو مميز جداً
 
الصورة الرمزية tarekabasy
 
تاريخ التسجيل: Jul 2012
المشاركات: 508
معدل تقييم المستوى: 129
tarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدى
افتراضي التاو تاو..... العباسى

صباح الفل على الصيادين الجدعان
العدد والأدوات مهمة جدا بتساعد وتيسر على الصياد رحلتة
اخر رحلة كنت فيها مان الهوا شديد جدا وكانت لصيد الكاليمارى على شواطةء السخنة قريب من لافيستا السخنة...المهم الدنيا ساقعة وكلة حاول يعمل شاى بالتوتو بتاعة وفشل الجميع فشلا زريعا هههههههه بينى وبينكم الهوا كان جامد جدا......المهم سميت الله وقولتلهم هشربكوا شاى وانا اصلا مش كييف شاى بس كنت عامل تاوتاو جامد بجد
زمان كنت دايما باخد ترمس شاى وعندى من اول ربع لتر لغاية اتنين لتر بس بينى وبينكم اول ما تفضى منة 5 كوبايات شاى مثلا بيبتدى يبرد مع ان عندى ترامس لكبرى الشركات العالمية امريكية الصنع ويابانية

بس بينى وبينكم كنت عاوز حل اكيد يمنح الدفء فى الشتاء القارس ويسلى كمان وقت التمنيع....المهم شوفت الصيادين بيستخدموا التاوتاو وكل واحد سبحان الله عاملة بطريقة شكل يعنى لغاية النهاردة ماشوفتش حد عاملة زى التانى.... منهم اللى عملة خراطة من النحاس علشان صاحبة صياد وخراط ومنهم اللى خلى صاحبة فى المصانع الحربية يعملهولة ومنهم اللى عملة من فلتر الزيت بتاع العربية......

بينى وبينكم رحلة ليلية على نيل والا شط بحر فى الشتا بدون عدة شاي يعتبرانتحار هههههههههههه

المهم التاوتو اللى عملتة عملنا شاى فى الرحلة تمام وكافح الريح الشديدة ولو انى اول ما رجعت عملتلة تعديل سميتة ( إحكام النار ) المهم ندخل بقا على التوتو عشان خدت من وقتكم كتير

التوتو كان مطلوب انة يبقا كومباكت يعنى بالبلدى محندق..........حلوة محندق دى هههههههههههه
لية بقا عشان ماياخدش مساحة ومايبقاش شيلة

عشان كدة عملتلة كل القطع دى ههههههههههههههههههههههه



Uploaded with ImageShack.us


ما تتخضوش كدة عمال اقول موجز وكومباكت ومحندق ههههههه وفى الأخر يطلع بالحجم دة دحنا كدة بقا عاوزين شيكارة نشيلة فيها هههههههههههه

لا اصبروا دى صورتة لما بيتقفل



Uploaded with ImageShack.us

دى بقا مكوناتة بالتفصيل



Uploaded with ImageShack.us


ودى بقا نص قفلة صورتهالكوا عشان تعرفوا بيتلبس ازاى



Uploaded with ImageShack.us

دى اول قطعة ومهمة جدا ومتوفرة جدا وهى طربوش الشيشة هتلاقوة فى محلات بيع الشيشة ومستلزماتها وممكن تشترية مستعمل من اى قهوة او من اى سوق خردة



Uploaded with ImageShack.us

ودى بقا صورة القطعتين اللى بعدة وهم بيت النار يعنى اللى هنحط فية السبرتو ونولع فية وتحتها علاية عبارة عن علبة تونة سهلة الفتح وتكون مقلوبة ...........وخلى بالك بيت النار دة لازة تعملة بنفسك تجيبة من علبة صلصة او علبة لبن مكثف المهم ان العلبة الصاج دى تبات كويس داخل ضهر علبة التونة عشان لا قدر الله ماتوقعش وانت بتشيل الدروة من عليها تدلق السبرتو وتحرق الدنيا...........والمميز فى علبة التونة اللى هى العلاية انها ليها افريز زى سور فى ضهرها ودا بيتوافق مع علب صاج كتير اللى تلاقيها لابسة فيها قصها بسكينة او منشار اللى يعجبك واتنى حرفها بالكماشة عشان ماتعورش وهى هتبقا صاج طبعا ممكن تصدى تلفها بلزق المونيوم زى اللى انت شايفة دة عشان تمنع اترمسك للصدا اثناء استعمالها



Uploaded with ImageShack.us

وطبعا ماننساش اننا نجهز القطعة الاولى اللى هى الطربوش اللى سميناه دروة النار بالتخريم عشان دخول الهوا وكمان تركيب ايد عشان نشيلة منها اثناء الحمل وتفيد كمان فى الشيل بعد التسخين وبدونها مش هتقدر تشيل الدروة وهى سخنة.....وكمان يتم تركيب اربع مسامير بصواميل من برة ومن جوة عشان تقف عليهم الكنكة اللى هتغلى فيها



Uploaded with ImageShack.us

وادى صورة تورينا شكل النار بعد ما نولع السبرتو



Uploaded with ImageShack.us

ودى بقا صورتة اثناء التشغيل عشان نشوف انة فعلا حامى ومنجز وبيعمل تلات كوبايات شاى فى المرة الواحدة
وطبعا السر فى الكوباية البرميل دى مابتضيعش اى مساحة وايدها تحفة متنية بشكل جيد مش واخدة مساحة خالص



Uploaded with ImageShack.us

ولما المية تغلى تشيل الدروة وتطفى النار كدة بالعلبة الزيادة تحطها عليها هتطفى النار لوحدها لأن السبرتو مش سريع الأشتعال اوى وكمان هتحافظ على السبرتو انوا مايطيرش يعنى لو سبتها ساعة مثلا هتلاقى السبرتو زى ما هو وترجع الزيادة فى القزازة تانى.......


Uploaded with ImageShack.us


ودى صورتة لما كونا فى الرحلة والصورة بتوضح شدة الرياح ولما رجعت عملت القطعة اللى سميتها احكام النار وهى علبة تبغ فرغتها بسكينة فراغ على قد نزول الكوباية البرميل اللى بنغلى فيها عشان النار ماتطيرش فى ايام الهوا الشديد ودا طبعا كان بيسبب ان الشاى يتأخر ونستهلك سبرتوا كتيييير جدا



Uploaded with ImageShack.us

ودى صورة المجموعة كلها ببساطة لا بتاخد مكان ولا تعيق الحركة ولا تشكل حمولة



Uploaded with ImageShack.us

واللى مش مصدق يشوف بتدخل فى جيب الجربندية بسهولة



Uploaded with ImageShack.us


وانا شخصيا عامل اتنين واحد فى جربندية الصيد النيلى والبحرى مابيتشلش منها والتانى فى شنطة الصيد البرى عشان ماوجعش دماغى بالشيل والحط والنسيان

وفى النهاية اتمنالكم الخير والسعادة والصيد الوفير
وتشربوا شاى يدفيكم فى البرد القاسى .......... وابقوا افتكروا التاو تاو العباسى
__________________
طارق العباسى تلميذ الجميع


http://img832.imageshack.us/img832/5404/tawke3copy.jpg
tarekabasy غير متواجد حالياً   رد مع اقتباس
sponsor links
 

sponsor links

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 06:08 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir