| الإعلانات |
| الإعلانات |
|
|||||||
| الصيد العام موضوعات الصيد العامه وتعارف الصيادين. |
 |
| أدوات الموضوع | إبحث في الموضوع | انواع عرض الموضوع |
|
#1
|
|||
|
|||
مواضيع مهمه لكل صياد
الساده الاعضاء الكرام بعد حدوث خطأ تقنى وحذف بعض المواضيع للاعضاء سيكون هذا الموضوع مرجع لهذه المواضيع سيتم اضافه كل موضوع فى مشاركه وع ذكر صاحب الموضوع فاول المشاركه وتتقدم ادارة المنتدى بالاعتذار عن هذا الخطأ وان شاء الله لن يتكرر تحياتى
__________________
|
12-06-24, 08:08 PM
|
#2 |
|
المشرف العام
 
|
موضوع للاستاذ mero1x بسم الله الرحمن الرحيم اخوانى الاعزاء اعضاء منتدى الصيد فى مصر انا حبيت اعمل الموضوع دة رداً على الموقف اللى حصل لأبو ياسين (استيقافة من قبل ضابط شرطة وسحب بندقيتة الرش ) الموضوع دة هتكلم فية على كل ما يخص الاسلحة سواء رش او صوت او حى علشان كل واحد منا هيكون معاة بندقية رش وماشى بيها فى الشارع يكون عارف حقوقة وواجباتة وموقفة القانونى فى البداية انا اسمى امير سعد ومحامى استئناف وعاشق للقانون المصرى وبالذات جنائى واجراءات وملم بقانون الاسلحة والذخيرة ومتعلقاتها المام شديد اولاً : لازم نعرف ان الاسلحة مقسمة الى (اسلحة نارية ) و (اسلحة بيضاء) اما بنادق ضغط الهواء فلا تعتد سلاح ولكنها تشترك مع السلاح النارى فى الشكل الذى قد يقارب 100% وهيا دى المشكلة زى مسدس الصوت بالضبط اللى هوا اسمة القانونى (محدث صوت ) وليس مسدس او طبنجة طبقا لما هوا وارد فى قانون الاسلحة والذخيرة المشكلة الكبرى هيا تشابة الشكل ودة اللى هتكلم فية اولاً لازم نعرف محظورات مهمة لكل صياد اولاُ : تلسكوب البندقية مدرج فى جدول الممنوعات ويعامل معاملة السلاح الحى (جناية تصل العقوبة الى 15 سنة) ثانياً : المطاوى والخناجر والسنج والزمبك( ماسورة مدببة من المقدمة ) (جنحة تصل الى 3 سنوات) ثالثاً : الطلقات الحية وماسورة السلاح المششخنة (بها حلزونات) مجموعة الترباس فى البنادق الالية ومجموعة ضرب النار (تيتك وشاكوش وابرة) اى منها يوجة لحاملها تهمة حيازة اسلحة نارية (متعلقات) ونفس العقوبة يبقى نبعد عن الثلاث بنود السابقة (نهائياً) علشان نبقى فى السليم احنا كدا انتهينا من قصة الحى والاسلحة البيضة نرجع للرش والصوت علشان مطولش هنجز فى صورة سؤال واجابة س: حمل بنادق ومسدسات ضغط الهواء والصوت محتاج ترخيص ج : لا طبعاً س : من حق اى ضابط او عسكرى داخلية يوقفك وياخد السلاح اللى معاك للقسم على الرغم من انة عارف انة رش او صوت ؟. ج: من حقة 100% طب لية ( غلاسة مقننة وممكن تقول تعسف فى استعمال السلطة بنا وبين بعض لكن بالنسبة للقانون دا شايف شغلوا كويس) ) ( القانون مبيديش الحق للضابط بيان نوع السلاح لأن دى وظيفة المعمل الجنائى يعنى هيبقا عارف بس لية الحق انى يمشى فى اجراءاتة عمل محضر وتحويلة للنيابة بس النيابة هترجعلك البندقية اما لو مسدس صوت لأنة ممكن يكون ملعوب فية زى الغشما اللى بيفتحو ماسورة الصوت ويحطوا بلى (البس يا معلم من 5 لعشر سنين وش) فهيتوجلك حيازة سلاح بدون ترخيص وتحويلة للمعمل الجنائى لبيان ما اذا كان حى او صوت ملعوب فية او صوت على ابوة) وطبعاً الضابط اللى يعمل كدا يبقى فعلاً فاضى وعايز يتسلا نصائح اخوية قانونية ابعد عن الحجات اللى نهينا عنها متصطدش فى مناطق سكنية لأن ممكن حظك يجى ف منطقة كان فيها حد اتعور ( فقد عينة من رشاية)فيها من كام سنة وتلبس قضية احداث عاهة وتعويضات تخرب بيتك وحبس اتعامل مع الضباط بأحترام وثقة وبلاش كلمة يا باشا اعرف رتبتة ونادية يا سيادة النقيب او سيادة الرائد مع ابتسامة (كأنة صحبك ) وبالزوق تقولة طبعاً حضرتك عارف ان بنادق ضغط الهواء مش مدرجة فى جدول الاسلحة والذخائر وانا امبارح كنت بصطاد ورا مدرية الامن  واديلو حتة ابتسامةلو مكنش شاف بطاقتك لازم هيسألك انت شغال اية . تقولوا على وظفتك وتعرض علية خدماتك وتخدوا تليفونات بعض (واى خدمة) اما لو كان اتم ابن 60 فتسألوا عن كارنيهة بكل اتامة وتقولوا انتم موصلكوش اخر تعديل فى قانون 134 ولو سألك بتشتغل اية قولو مواطن واقطم ولو اصر انك تروح معاة القسم روح معاة واول ما توصل اسأل على المأمور ولو مش موجود يبقى نائب المأمور او رئيس المباحث او المعاون واشتكى الضابط انة متعسف فى استخدام السلطة لأن البندقية مش مدرجة فهتاخد بندقيتك وتروح وللعلم مدام متعملكش محضر يبقى بندقيتك معاك والاكلام اللى اتعمل كان هتة والسلام ختام وارجو التثبيت من الادارة ومتخفش بندقيتك رجعالك رجعالك التعديل الأخير تم بواسطة pooforever_2010 ; 12-06-24 الساعة 08:14 PM. |
|
12-06-24, 08:12 PM
|
#3 |
|
المشرف العام
|
موضوع للاستاذ essam assem أخي وصديقي على الحب والخير نلتقي ، تجمعنا هواية واحدة ، لاشك بأنها من أنبل الهوايات وأشرفها ، ولقد أنعم الله علينا حين يسر لنا اللقاء بضغطة زر تجمعنا بكم لنفيد ونستفيد ، نستفيد ممن سبقونا بالعمر والتجربة والمهارة ممن وهبهم الله الحكمة والمروءة والشهامة ، ونفيد كل عزيز إنضم إلينا حديثا في نفس الهواية أخي العزيز قد نختلف في قدراتنا وسلوكنا .. لكننا نتفق جميعا بأن الهدف واحد ، ألا وهو البحث عن متعة أحلها الله لنا ، دونما منافسة أو تعد على بعضنا البعض بالأمس كنا نرى مالا نراه اليوم واليوم نرى ماقد لايراه اللاحقون تكلم جدي عن الظبي والنعام قرب منازلهم والتي لم يسعفني حظي برؤيتها وتكلمت لولدي عن أسراب الطيور الهائلة والأرانب البرية الوافرة ولم يسعفه حظه برؤيتها إن كنت أحمل أمانة لك فهي بضع كلمات ممن يحبك ويتمنى لك الخير بلاشك أخي العزيز إن أجمل لحظات الصيد ، أن تختار ماتريد من أنواع الصيد المتعددة ، لتأخذ منها مايكفيك في تلك الرحلة ، التي لا أشك بأنك تتمنى أن تعيشها طوال حياتك تخيل قبل أن تقرر إشباع رغباتك ، صحراء بلا طيور أخي العزيز في خضم النشوة والرغبة الجارفة لاطلاق الرصاص ، نرتكب الكثير من الحماقات ! ؟نحن نطلق الرصاص دون تفكير بالعواقب ، نتمتع عندما نرى الطير يهوي ، والضب يترنح ، والأرنب المسكين ذلك الكائن الذي يكفيه من البندقية صوتها ، نتمتع عندما نراه يتمدد على الأرض نصطاد الضب الأول فالثاني فالخامس عشر !! فمتى نقف ؟؟ ومتى نسأل أنفسنا عن مدى حاجتنا لذاك العدد !! ثم هل يجيز لنا الخالق قتل مالا نحتاج ؟ المشكلة أن هدف الكثير منا هو التفاخر في المجالس !! مع أن هذا في الواقع ليس دليلا على التميز بقدر ماهو دليل على الجهل !! فاستعمال العقل في سبيل التدمير كارثة أجدادنا في الماضي كانوا يصطادونها من أجل البقاء لهم العذر في ذلك أما نحن فما عذرنا في صيدها !؟ نحن بتصرفاتنا هذه ، حرمنا أبناءنا وأحفادنا من رؤية ماتتمتع به بلادنا من الثروات الحيوانية ، تلك الثروات التي لاتعوضها النقود .. فهي التي عندما تذهب لاترجع أبدا ... وغدا عندما نقول لأولادنا : كان في أرضنا كذا وكذا !! سيسألوننا : أين هي الآن ؟؟ فماذا سنقول ؟؟ كنا نموت من الجوع فاضطررنا لصيدها !! أم كنا في أشد الخوف منها فاضطررنا لقتلها !! سنقول : أي شيء الا الحقيقة !! لماذا ؟؟ لأن الحقيقة مخجلةم ذاك الذي صوّر أكثر من 15 أرنبا على مقدمة سيارته !!م لماذا أخفى أرقام لوحته !؟ الجواب بسيط لأنه مذنب !!م وهناك العديد من الصور المشابهة لحيوانات أخرى !! المشكلة أننا نعرف الصواب ونتجنبه ، ونعرف الخطأ ونفعله !! م منقول ودية يا جماعة قصة هن الصيد الجائر يحكيها اخ من الاردن الصيد الجائر: هو الصيد غير المسئول ، ويسبب تناقصًا للكائنات الحيوانية، ويقلل من قدرتها على التكاثر طبيعيًّا لتحافظ على أعدادها ، مما يؤدي إلى انقراضا . ومن انواع الصيد الجائر استخدام جهاز جلب الطيور هذا الجهاز الذي لم اعلم بقدرته على استجلاب الطيور الا بعد استخدامه واليكم القصه جائني احد الاصدقاء وطلب مني ان اتجهز لرحلة صيد الى براري الاردن وبالتحديد صوان الاردن قرب الازرق الاردنيه طبعا كانت البدايه من القريات شمال المملكه فقلت ان الصيد بالقريات متوفر فلماذا نقنص بالاردن المهم اقنعني بالذهاب وباختصار نزلنا في احد الامكنه وكان معه جهاز استجلاب الطيور بعدة اصوات فقام بتشغيله الساعه الثانية عشر ليلا وكان صوته مزعجا وكان الصوت لطائر السمان (الفري المغدور) وعندما اقتربت الساعه من الرابعه فجرا سمعت اصوات لنزول طيور وعند طلوع النهار شاهدنا طيور الفري باعداد هائله وكانها مزرعه دواجن ثم بدات المجزره من قبل اصدقاء الرحله ويالها من مجزره اكثر من خمسمائة فره تم صيدها في ساعتين معقوووووووووووووله ياشباب حرام يكفي مايصير كذا ولكن لاحياة لمن تنادي احد القناصه الاردنييين كان معه جهاز اتى الينا وقال ممازحا بدنا ضريبة لاني شغلت الجهاز وجلب لكم الطيور معتقدا انه ليس معنا جهاز فقلنا له ونحن ايضا بدنا رسوم (طبعا حنا عندنا رسوم وهم ضريبه ولا فرق بينهم الا بالاسم فقط) وكانت معه سياره تويوتا حوض مليئه بالطيور مايقارب الالف من طيور السمان!!!!!!!!! ولا حول ولا قوة الا بالله العظيم وأخيرا لست ضد الصيد ، بل ضد المبالغة فيه فهل من مجيب ؟؟ ودية يا جماعة بعض صور الاسراف فى الصيد (الصيد الجائر)                       ارجو التثبيت من الادارة لما لة من اهمية قصوى واسالكم الدعاء التعديل الأخير تم بواسطة pooforever_2010 ; 12-06-24 الساعة 08:16 PM. |
|
12-06-24, 08:17 PM
|
#4 |
|
المشرف العام
|
موضوع للاستاذ هشام سمير السلام عليكم ورحمة الله وبركاته ... هذه مجموعة من النصائح والإرشادات مهمة لهوات الصيد والرحلات .. أتمنى أن تسفيدوا منها وقد جمعتها لكم من عدة مواقع وكتيبات مختصة بهذه الرحلات ..لكي يستفيد منها الجميع هنا ومن لديه إضافة أتمنى ألا يبخل بها علينا وسوف أقوم بإضافة المواضيع المتعلقة بهذا الشأن هنا كل ما سمحت لي الفرصة ... بسم الله نبدأ .. الإستعداد للرحلة .. قبل التوجه للصحراء أو الأماكن المرتحل إليها توقع حدوث أي شيء ، ومن هذا المنطلق ، جهز نفسك بكل المتطلبات ,, اسأل عن الأماكن التي تجد فيها ضالتك ، قبل إتخاذ القرار بمكان الرحلة .. جحور الحيوانات .. احذر من دس يدك في أي جحر ، لأن الجحور قد يتواجد بها أما أفعى أو عقرب أو ورل لاتتبول داخل الجحر ، ولا تسكب ماءا حارا داخله .. النار والجمر .. احذر من سكب الماء على النار دون تسمية . احذر من النوم قبل اطفاء النار . لاتأخذ من الحطب الا اليابس ، كي تنعم بنار قليلة الدخان ، وتبقى الأشجار للأجيال من بعدنا .. عند النوم .. احذر النوم في بطون الأودية والشعاب ، فقد تسيل في موقع آخر ، وتصلك دون أن تدري . احذر النوم قرب الأشجار والأحجار والجحور ، لأنها لاتخلو من الحيوانات الليلية .. إطلاق الرصاص .. احذر إطلاق الرصاص دون تسمية ، سواءا كان ذلك على الهواء أو أي طائر أو حيوان لاتقم بالصيد ليلا .. لاتطلق الرصاص على أي كائن لمجرد العبث ، أو تجربة البندقية . لا تطلق الرصاص قرب الحيوانات وخصوصا الإبل حتى لاتجفل ، وتتورط مع صاحبها . لا تطلق الرصاص على أي كائن قبل التأكد من خلو اتجاه البندقية من انسان أو حيوان . تدرب على مشاف البندقية ، ولاتذهب للصيد قبل إتقان التصويب . حاول قدر المستطاع تصويب بندقيتك نحو رأس الطير وليس صدره . لاتترك البندقية محشوة بالرصاص الا عند الحاجة فقط . بقايا الطعام .. احذر ترك بقايا الطعام قرب مكان نومك ، فمعظم الحيوانات يجذبها رائحة الطعام احذر ترك بقايا الطعام مكشوفة ، فقد تأكلها الأغنام وتمرض بسببها أو تموت لاتضع بقايا الطعام تحت ظل الأشجار ، وطرق السيارات .. وجود الجن .. اقرأ آية الكرسي ، وأذن كأذان الصلاة ، وارحل من المكان ، عندما تتعرض للمواقف التالية اذا سمعت مناديا قريبا منك ولا تراه . اذا رأيت أضواءا من نار أو غيره أمامك ، يتغير مكانها أو تختفي . اذا تعرضت لقذف الحجارة من مصادر لاتراها . مواجهة الخطر .. اعرف عدوك جيدا قبل مواجهته ، فالقرطة مثلا تهاجم رقبة الانسان مباشرة ، والذئب يهاجم بأسنانه الوجه ، ويمزق بيديه عضلات اليدين والبطن ، وأرجله تمزق عضلات الساق . احذر الوقوف على مقربة من الدحول والحفر العميقة من آبار وغيره ، فقد تنهار بك الأرض وتقع . احذر الإقتراب من الأفاعي الخطرة عندما تراها مستعدة للدفاع عن نفسها . احذر أثناء ضرب الأفعى بالعصا ، فهناك نوع منها خطر جدا ، ويملك سرعة مذهلة في تسلق عصائك ، ولدغك بلمح البصر ، وقد توفي كثيرون بهذه الطريقة . احذر الإقتراب من جحر القرطة ، فهي تهاجم الإنسان عندما تخاف على نفسها أو صغارها . احذر الإقتراب من الورل عندما ينفخ بطنه ورقبته ، فهو أسرع منك وعضته لاتطاق . احذر من ال*** والثعلب اذا رأيته هزيلا ، وفي جلده بقعا متناثرة بدون شعر . احذر من طرد الثعالب في الصحراء ، فهي مراوغة ماهرة ، وقد توقعك في مهالك لم تتوقعها .. فنون الصيد .. لاتصد أكثر مما تحتاج ، حتى لاتتعرض الحيوانات أو الطيور للإنقراض ، كما أن المصيد يفقد مذاقه المميز ، اذا صيد بعد مطاردة طويلة ، أو وضع بالثلاجة لأكثر من يومين ضع الأشجار التي تبحث فيها عن صيد بينك وبين الشمس . لاتأتي للصيد باتجاه الرياح ، حتى لاتهرب من أصوات المحرك ، أو تشم رائحتك . عند صيد الدّخّل اختر موقعا مناسبا تحت الشجرة ، ولاتكثر من الحركة والدوران . تنظيف الطيور .. نظف صدور الطيور وأخرج مافي بطونها قبل طهيها ، لأن بعض الطيور وخصوصا الدخل ، قد تأكل حبوبا أو حشرات ضارة بالإنسان ، وقد تم رصد حالات كثيرة في موسم عودة الطيور ، راجع أصحابها المستشفيات ورقدوا ليوم أو يومين ، بعد احتباس البول لديهم .. الإقتصاد في الماء .. خذ من الماء أكثر من حاجتك ، واحذر الإسراف في استخدامه . تشقق الشفاه .. يتعرض بعض الناس لتشقق الشفاه في الصحراء فيستحسن الإكثار من الماء ولكن بكميات قليلة .. ما أجمل الإنسان عندما يكون سعيدا في رحلاته وكشتاته .. وما أجمل رحلاتنا إذا كانت للترويح عن النفس وذهاب الهموم والغموم وترك الروتين المعتاد على النفس من الأشغال والأعمال اليومية ، وأجمل من ذلك كله إذا كانت الرحلة أو الكشتة فيها تفكر في آيات الله العظمى . ولذلك هناك بعض القواعد يجب علينا مراعاتها .. أولا / الإيمان يذهب الهموم ، ويزيل الغموم ، وهو قرة عين الموحدين ، وسلوة العابدين . ثانيــــا / ما مضى فات ، وما ذهب مات ، فلا تفكر فيما مضى ، فقد ذهب وانقضى . ثالثــــا / ارض بالقضاء المحتوم ، والرزق المقسوم ، كل شيء بقدر ، فدع الضجر . رابعـــا / ألا بذكر الله تطمئن القلوب ، وتحط الذنوب ، وبه يرضى علام الغيوب، وبه تفرج الكروب . خامسا / لا تنتظر شكراً من أحد ، ويكفي ثواب الصمد ، وما عليك ممن جحد ، وحقد وحسد . سادسا / إذا أصبحت فلا تنتظر المساء ، وعش في حدود اليوم ، وأجمع همك لإصلاح يومك . سابعا / اترك المستقبل حتى يأتي ، ولا تهتم بالغد لأنك إذا أصلحت يومك صلح غدك .. لاتدع يومك يذهب سدى سبح وهلل وكبر واستغفر واذكر الله وسبح باسم من خلق الاوديه والجبال والحيوانات وكل شيء تراه سبح باسم الله فالحجر والشجر وكل شيء يردد معك ويحييك لانك تذكر الله والله يرعاك بعينه التي لاتنام ملحوظة هااامة جدا لا تجلس امام الشاشات او الكمبيوتر لانها تضعف من النظر وبالتالي تجد صعوبة بالصيد __________________ منقوووووووول |
|
12-06-24, 08:28 PM
|
#6 |
|
المشرف العام
|
موضوع للاستاذ ashraf_f اعزائى اعضاء المنتدى المحترمين هذه معلومات مؤكدة عن تدريب الرماية ضغط هواء بندقىة و مسدس و الخرطوش اطباق الحفرة و اطباق البرج بنادى الرماية بالهرم و انا و العضو محمد عبد الرسول اشتركنا بالفعل فى رماية الخرطوش الاوراق المطلوبة : صورة البطاقة و صورة شخصية قيمة اشتراك رماية ضغط الهواء 100 شهرى + 10 جنيه اول مرة +5 جنية كارنية .التدريب مرتين اسبوعيا وذلك للبندقية او المسدس قيمة اشتراك الخرطوش 400 +10 اول مرة + 5 كارنية للتدريب مرتين اسبوعيا فقط السبت و الثلاثاء من العاشرة صباحا و حتى الواحدة ظهرا و ممكن فى الخرطوش اشتراك نصف شهر يوم واحد فى الاسبوع تختار السبت او الثلاثاء ب 200 +10 اول مرة + 5 كارنيه و ثمن علبة الخرطوش 65 جنية فى كل تمرينة البنادق متوفره لديهم براوننج سوبر فوزيه جيدة جدا بدون ايجار الاشتراك شامل استعمال البندقية و المدرب و الاطباق قائد الميدان العميد \ ابو بكر راجل قمة فى الاحترام و يساعده المعلم مجدى . ممتاز ارجو ان اكون قد افدتكم و ارجو التثبيت اتصلت بالنادى و لا يزال التدريب متوقف و سألت عن استفسارات الاعضاء بخصوص سن التدريب هو ابتداء من 16 سنة \ النادى لا يعطى شهادة او اى اوراق تساعد على استخراج رخصة سلاح . علمت ان التدريب و الاشتراكات توقفت شهر 7 لعدم وجود زخيرة و المسموح لهم فقط اصحاب البنادق المرخصة و معهم زخيرتهم يدفعو فقط 20 جنيه لاستخدام الميدان |
|
12-06-24, 08:35 PM
|
#7 |
|
المشرف العام
|
موضوع للاستاذ هشام سمير
|
|
12-06-24, 08:47 PM
|
#8 |
|
المشرف العام
|
موضوع للاستاذ هشام سمير الموضوع للعملاق الاستاذ احمد كمال  بعض يغفل بعض اهم الامور فى الصيد ويعتقد ان الموضوع مجرد اتقان الرمايه ولكن هذا ليس هو الاهم ان للصيد فنون واساليب يجب اتقانها قبل اتقان الرمايه. وسوف اوضح بعض القليل منها 1 - دراسه سلوكيات الطرائد على اختلاف انواعها فهم جيد لاسلوب تعاملها مع الخطر 2-دراسه البيئه التى يتم فيها الصيد فلكل بيئه اساليب تختلف عن البيئات الاخرى 3-استخدام الكاموفلاج والخداع بطرق ذكيه للايقاع بالطريده او لجذبها لتدخل نطاق المنطقه التى تستطيع اقتناصها منها 4-انتخاب السلاح المناسب للصيد فلكل صيد الاسلحه التى تصلح له اولا نوضح بعض الاشياء التى يجب مراعتها قبل الخروج الى الصيد سواء صيد الحيوانات او الطيور اولا يجب فهم كيف تستشعر الحيوانات الخطر لتتجنبه تعتمد الحيوانات والطيور على حواس غايه فى القوه وهبها لها الله عز وجل لتكون لها وسيله لتحمى انفسها تتمثل اما فى حاسة شم قويه او ابصار او اجتماع الاثنين معا ولهذا يجب علينا خداع الحيوان بان نقلل من المؤثرات التى نحدثها حتى لا يلاحظ الحيوان وجودنا فى بيئته الطبيعيه كدخلاء عليه اولا التمويه البصرى للحصول على هذا نلجا لى استخدام ادوات تساعدنا على التخفى وسط البيئه اهمها الملابس المموهه واغطية الراس والجلد لتغطية الوجه والاشرطه المموهه التى تستخدم لتغطيه السلاح وهنا يتوقف الوان التمويه على حسب البيئه عدم استخدام الاسطح الزجاجيه او المرايات واستخدام البصريات المغطاه بمانع الانعكاس  تم تقليل : 73% من الحجم الأصلي للصورة[ 700 x 400 ] - إضغط هنا لعرض الصورة بحجمها الأصلي   تم تقليل : 19% من الحجم الأصلي للصورة[ 2576 x 1932 ] - إضغط هنا لعرض الصورة بحجمها الأصلي تم تقليل : 48% من الحجم الأصلي للصورة[ 1049 x 394 ] - إضغط هنا لعرض الصورة بحجمها الأصلي  تم تقليل : 53% من الحجم الأصلي للصورة[ 960 x 947 ] - إضغط هنا لعرض الصورة بحجمها الأصلي وهذا فيديو يوضح طريقه سهله لتمويه السلاح ثانيه تمويه الرائحه     وهو عباره عن اجراءات تسبق الخروج الى الصيد واجراءات تتم وقت الصيد اولا التجهيز للخروج يجب ملاحظة عدم استخدام اى معطرات للجسم او مزيلات العرق يل يمكن احيانا استخدام الشبه الطبيه وتدليك بها مناطق التعرق حيث ان لها تاثير قابض على الجلد للتقليل من افراز العرق لانه اكثر الروائح التى تكشف الصياد عدم غسل الملابس قبل الصيد مباشرة وعدم استخدام مساحيق الغسيل ذات الروائح وكذلك استخدام صابون بدون روائح عطريه للاستحمام به قبل الخروج تهويه الملابس جيدا بعد الغسيل وعدم تخزينها فى خزانه ملابس بل تعلق فى الهواء الطلق الاجرائات الاحترازيه اثناء الصيد .. اولا معرفه اتجاه الرياح وتجنب ان تكون الرياح فى ظهرك والطريده امامك يمكن استخدام الروائح الصناعيه المميزه لبعض الطرائد ان وجدت 3- الشراك الخداعيه وهى متعدده من اهمها نمازج الطيور والحيوانات التى يتم نثرها بالمنطقه التى تحيط بك لتجذب الطيور ومن امثلتها نماذج مختله لانواع البط وهذا الفيديو يوضح اهم تلك الاساليب وهو اسلوب المناداه الصوتى للطيور وبعض انواع من تلك النماذج ميكانيكى اى متحرك ليظهر كانه طائر حقيقى ايتخدام الطيور الحيه احيانا كوسيله جذب عن طريق ربطها من ارجلها وتثبيتها فى ميدان الصيد فيكون وجودها مجفز لنزول الطيور الاخرى الاهتمام باستخدام ادوات مساعده مثل البصريات واجهزة الراديو للتنسيق فى حال وجود اكثر من صياد**** كل الشكر والتقدير للعملاق والمخضرم والمتألق للاستاذ الفاضل احمد بك كمال صاحب الموضوع الاساسى فهو فعلاً علم من اعلام الهوايه وله باع طويل فى خدمة مواضيع الصيد |
|
12-06-24, 08:49 PM
|
#9 |
|
المشرف العام
|
موضوع للاستاذ essam assem السلام عليكم احبائى اعضاء منتدى الصيد فى مصر حمل نسختك من كتاب (توجيه وتنبيه لهواة الصيد ومحبية) تأليف : د. عبدالله بن محمد الطيار كتاب جميل جدا ما شاء الله وباذن الله تجدوا فية الفائدة وتحيــــــــــــــــــاتى للجميع |
|
12-06-24, 08:59 PM
|
#10 |
|
المشرف العام
|
موضوع للاستاذ samraghost بسم الله الرحمن الرحيم انا ترددت فى انى اعمل الموضوع ده بس قلت بعد تجربتى لازم اخلى اعضاء منتدانى الغالى يستفادوا منه الموقع الى هاشرح عليه شبيه جدا بموقع aliexprees الى اعظاء المنتدى بيشتروا من عليه لكن فيه مزايا اكتر بكتير من على اكسبريس وعليه بردوا اسكوبات الى عايز يجرب ويشترى وهاقولها فى الموضوع نتوكل على الله ونبدا الشرح اولا طريقه استخراج فيزا نت اسهل واحده والى انا مطلعها هى من بنك كريدى اجركول مصر واسمها جفت كارد وطبعا مش لازم يكون عندك حساب فى البنك كل الى بتعمله انك تروح البنك ومعاك البطاقه بتاعتك وتقول للموظف عايز فيزا جفت كارد ودى مصاريف استخراجها تقريبا عشرين جنيه وبيطلعها لك وانت واقف ووقت ماتحب تحط فيها فلوس بيبقى من خلال ماكينه زى ال atm بتبقى بره البنك بتحط الفيزا فيها والمبلغ الى عايز تحطه والفلوس بتخش الفيزا على طول وتقدر تشترى بيها كده موضوع الفيزا تمام ودى صوره الفيزا  نخش على الموقع بقى واسمه http://www.dinodirect.com اول ميزه فى الموقع ده عن موقع على اكسبريس ان اى سلعه بتحطها فى الباسكت بتبقى اوردر واحد يعنى لو ضفت 5 سلع مثلا مختلفين هايبقوا باكيدج واحد واوردر واحد وهايجوا لك فى كرتونه واحده بعكس على اكسبريس الى طريقه عمله انه عامل زى سوق كبير وفيه محلات كتير وكل محل مختص بنفسه يعنى لو اخترت كذا سلعه من محل واحد هاتتحط فى اوردر واحد عادى لكن لو اخترت سلعه من محل وجيت تختار سلعه من محل تانى هاتتحط لواحده فى اوردر لواحده وفيه ميزات جامده جدا فى dinodirect هاذكرها بعدين المهم هانخش الموقع ونعمل اكونت وبعد كده نعمل نخش باليوزر والباس الى عملناهم المهم طبعا البيانات تكون صح وتكون بنفس بيانات الفيزا الاسم والعنوان على فكره الموقع ده جامد جدا وعليه عروض وخصومات بتوصل لخمسه وتسعين فى الميه المهم بعد ماندخل بالباس واليوزر ندوس على my account ونفتح my profile والعنوان والمدينه وكل البيانات يعنى المهم ماتدخلش تاريخ الميلاد الا وانت معاك الفيزا وفيها فلوس على الاقل مايوازى 7 دولار ولما تدخل تاريخ الميلاد ماتدخلوش صح يعنى لو هاتحط تاريخ الميلاد النهارده هاتكتب فى الموقع ان عيد ميلادك بكره مثلا لو انت تاريخ ميلادك 10/12/1983 والنهارده مثلا 24/12 يبقى هاتخلى تاريخ ميلادك 25/12/1983 يا ريت الخطوه دى تكون واضحه لانك هاتستفاد من 14 دولار ببلاش زائد مزايا اخرى حد هايقولى ازاى هاقولك يا سيدى الموقع ده فيه حاجه اسمها iDinor members ودى عضويه مميزه وبيدفع لها 7 دولار لمده شهر يعنى هاتدفع 7 دولار وهاتبقى عضو مميز وهايبقى ليك مميزات لمده شهر واهم المميزات دى 1.انهم بيبعتوا لك فى تاريخ عيد ميلادك جفت كارد قيمتها 20 دولار تقدر تدفع بيها مع الفيزا يعنى لما تدفع السبعه دولار هاتستفاد بعشرين دولار ولسه 2.وانت بتعمل الاوردر الاول ليك العضو المميز له هديه مجانيه من الموقع مع بيعرضوا عليك اربع او خمس هدايا وانت بتختار منهم واحده تتبعت لك مع الاوردر ولسه 3.بيبقى ليك هديه بردوا بس بيدفعوك فيها دولار واحد يعنى بيدوك بردوا اربع او خمس منتجات ممكن يكون تمن كل واحده فيهم من عشره الى عشرين دولار وبيعملوا لك عليها عرض انك تدفع عليها دولار واحد وتتبعت لك مع الاوردر ولسه 4.بيدوك حاجه اسمها بوينت بلانس دى نقط بتاخدها بمجرد انك تبقى عضو مميز وبيدوك تقريبا 600 نقطه ودول يساوا 6 دولار ادى 6 دولار كمان نقدر نستفاد منهم واحنا بندفع شفتوا بقى بركات السبعه دولار قد ايه نسيت اقولكم كمان انهم بيعملوا لك خصم على قيمه الاوردر للعضو المميز كمان كده عرفتوا ليه بقى بنخلى تاريخ عيد ميلادنا تانى يوم ماندفع تمن العضويه المميزه عشان يبعتوا لنا الجفت كارد تانى يوم وده بيبقى عباره عن يوزر وباس هاقولكم تستخدموهم ازاى بعد مابتدفع تمن العضويه عشان تعرف انك بقيت عضو مميز هاتلاقى عملوا جنب اسمك فوق تاج ذهبى وخلى بالك السبعه دولار دول قيمه اشتراكك كعضو مميز لمده شهر بس وبعد الشهر بترجع عضو عادى تانى وخلى بالك بردوا ان الجفت كارد بتاع العيد ميلاد بيتبعت لك مره واحده بس فى عيد ميلادك حتى لو جددت العضويه وبالنسبه للهدايا المجانيه دى بتاخدها مره واحده خلال عضويتك يعنى لو جددت عضويتك الشهر الى بعده بيبقى لك الحق تختار هديه تانيه نيجى بقى للشراء الموقع طبعا سهل جدا ال Categories موجوده على الشمال وتقدر تدور فى القسم الى عايز تدور فيه عن حاجه او تبحث بالاسم ولما تعجبك حاجه وعايز تضيفها للسله بتدوس على add to cart من على اليمين تمام وخلى بالك ان فيه حاجات بيبقى معمول عليها عرض لفتره معينه وهاتلاقى عداد تنازلى بيعد لما العداد ده يخلص هاتلاقى الحاجه ترجع لسسعرها الاصلى وخد بالك من حاجه تانيه مهمه بردوا لما تختار حاجه وعجباك وعايز تشتريها بعد ماتدوس عليها هاتلاقى تحت السعر حاجه اسمها Free Shipping to: United states وده يعنى فيه امكانيه الشحن مجانى لامريكا وهاتلاقى جنب كلمه امريكا سهم دوس عليه واختار مصر عشان تتاكد ان فيها امكانيه الشحن المجانى بردوا لمصر تمام نيجى بقى بعد ماحطينا الى احناعايزينه فى السله وعايزين نعمل بيهم اوردر هاتلاقى اعلى الصفحه من فوق كلمه my cart وجنبها عدد الحاجات الى فى السله الى انت حاططها هاندوس عليها وهاتلاقى جت صفحه فيها المنتجات الى انت مختارها وهاتلاقة تحتها كلمه Free Gift for iDinor members وقصادها كلمه view the gift دوس على السهم الى جنب view the gift هاتلاقيه ظهر لك الهدايا الى انت المفروض تختار منها واحده شوف الى يناسبك منها او الى انت عايزها ودوس عليها واستنى هاتلاقيها اضافت للاوردر وببلاش وتحت هاتللاقى كلمه Only $1 to redeem وقصادها Check out $1 item دوس عليها عشان يظهر لك الهدايا الى عاملك عليها عرض وهاتاخدها بدولار واحد بس ولو مش عايز حاجه منهم يبقى براحتك بعد كده هاندوس على secure checkout والصفحه الى بعد كده هاتلاقيه جايب لك اسمك وعنوانك الى المفروض هايبعت لك عليهم ولو لاقيت فيهم غلط اعمل ايدت وصلحه وبعد كده دوس continue checkout وبعد كده هاتلاقى هاتلاقى صفحه الشحن اول حاجه هاتلاقى Ship Cost US$ 0.00 يعنى تكلفه الشحن ببلاش وهاتلاقى تحت شركات شحن ممكن تبعت بيها بس هاتتكلف فلوس طبعا لانها هاتوص لك الحاجه فى خلال يومين او تلاته وهاتجيبها لك لحد البيت او تروح تاخدها من اقرب فرع ليهم بالنسبه لك المهم احنا هانختار الشحن المجانى ملحوظه ممكن لو اشتريت حاجات كتير او كبيره ممكن ماتلاقيش شحن مجانى وتبقى ملزم تختار شركه من الى تحت وتكون عامل حسابك ان الفلوس الى فى الفيزا هاتكفى الاوردر وفلوس الشحن فيه اختيار اسمه Insurance (US$ 2.00 per order) ماتعلمش عليه لانه بتنين دولار فى مقابل انهم يبعتوا لك تراكنج نمر بس كده كده اول ما الحاجه توصل البريد هايتصلوا بيك او يبعتوا لك اختار وتحت فيه حاجه اسمها Package Returning Premium ماتعلمش عليها لان تكلفتها دولار ودى فايدتها انك لو رجعت لهم الحاجه تانى بتكون دافه الرسوم مقدما وباذن الله مافيش حاجه هاترجع لانهم بيجربوا اى حاجه قبل مايبعتوها لك بعد مانحتار طريقه الشحن هاندوس continue checkout نيجى بقى لاهم صفحه صفحه الدفع الى هانستفاد منها من الجفت كارد ابو 20 دولار والفرى بوينت اول حاجه هاتلاقى Redeem by DinoPoint DinoPoint™ balance: دى النقط الى انت تملكها وزى ماقلت قبل كده كل 100 نقطه تساوى دولار Redeemable DinoPoint™: ده عدد النقط المتاحه ليك فى الاوردر ده وتقدر تستخدمها على حسب تمن الاوردر الى انت بتعمله يعنى لو معاك 1000 نقطه يعنى يعنى عشره دولار وعامل اوردر بعشره دولار مش هاتقدر تستخدم النقط كلها فى الدفع هايسمح لك انك تستخدم مثلا 500 ولباقى هايفضل فى حسابك لاوردر تانى المهم هانشوف عدد النقط الى سامح لنا باستخدامه ونحطه فى المرع وندوس redem كده احنا دفعنا جزء من ثمن الاوردر من خلال النقط فى طرق الدفع الى تحت هانعلم على Pay by GiftCard ونحط ال Card Number و Password بتوع الجفت كارد بتاع عيد الميلاد الى المفروض هما بعتوه على الاميل بتاعنا وبكده نبقى دفعنا كمان عشرين دولار من ثمن الاوردر وبعدين ندوس على Pay by Credit Card وندوس continue checkout وبعدين نختار من * Select A Card Type: نوع الكارد الى هو فيزا ونحط بياناتها الى طالبها وبعدين ندوس click to pay ومبروك عليك اول اوردر بعد كده نقدر نخش على my account ونتابع الاوردر وندوس على my order ومن الى تحت كلمه Order Status تقدر تعرف الاوردر بتاعك اخباره ايه اذا كانوا لسه بياكدوا الدفع او بيجهزوا الحاجه الى طلبتها او شحنوه بالفعل نسيت نقطتين مهمين حبيت اضيفهم دلوقتى اول حاجه انت لما بتعمل العضويه وبتدفع السبعه دولار تمنها بيبقى متفعل الدفع التلقائى يعنى بعد ما الشهر يخلص والعضويه تنتهى هايجددوا لك العضويه تلقائى ويسحبوا سبعه دولار من الفيزا وعشان نلغى الخطوه دى هانخش على my account وبعدين my idinor life وبعدين ندوس على discontinue auto pay وبختار اول اختيار مثلا وبكده نبقى لغينا الدفع التلقائى تانى حاجه نسيت اقولها هى ميزه تانيه للعضويه الذهبيه انه بيتيح لك انك تشترك فى سحب على مجموعه منتجات وبيعملوا قرعه وواحد او اتنين حسب الكميه المتاحه بيكسبوا وبيبعتوا لك الجايزه مجانى عشان تشترك او تطلب هدايا بتخش على كلمه get free sample هاتلاقيها فوق كلمه idinor من فوق ولما تخش هاتلاقى منتجات معروضه وتحت كل واحده كلمه get free sample هاتدوش عليها هاتدخلك على صفحه هاتلاقى كلمه *Expectation ولازم تقيم المنتج الاول بانك تدوس على النجوم الى جنب الكلمه الى قلت عليها وبعد كده هاتلاقى تحت كلمه Request reason والمربع الى تحتها هاتكتب فيه سبب مقنع لطلبك للمنتج ده وطبعا مش محتاج انى اقول انك هاتكتب السبب بالانجليزى وبعد كده تدوس submit ولما تطلب من المنتجات الى موجوده وتدوس على كلمه my free sample center او كلها هاتستنى السحب وتشوف وهاتلاقى Request processing وده معناه الهدايا الى انت طلبتها Request successfully الهدايا الى السحب جه عليك فيها وكسبتها وهاتتبعت لك Request failure الهدايا الى ماجاش عليك فيها الحظ فى النهايه احب اقول ان الموضوع مش منقول ومن مجهودى الخاص وعن تجربه واعتزر عن عدم وجود صور عشان الاب فيه مشكله واى حد عنده اى استفسار انا تحت امره وبالتوفيق |
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| استشارااااااااااااات مهمه جدا جدا جدا | M.O.R | بنادق ضغط الهواء ومتعلقاتها | 12 | 12-05-16 10:31 PM |
| مقاييس الرحلات . مقاييس مهمه . قياسات مهمه . قياسات ضرورية | essam assem | الصيد البري وادواته | 17 | 12-01-18 06:58 PM |
| اسائله مهمه اوى اوى اوى | ring roo | الاسلحه الناريه | 0 | 11-11-17 10:16 PM |
| حاجه مهمه قوى ومحتاجه رأى الجميع | هشام سمير | الموضوعات العامه | 21 | 11-11-03 11:54 PM |
| حاجه مهمه ونفسي اعرفها | noricawy isa | صور وفيديو الصيد ورحلاته | 4 | 11-02-05 02:08 AM |
أهلاً و سهلاً بكم فى منتدى الصيد في مصر حيث تجد من يقدر موهبتك و يساعدك دائماً على النهوض بها
العرض العادي
