سؤال يا جماعة لو سمحتم عن السلاح الابيض

[ألمهندس7000]

انا بحثت فى المنتدى عن موضوع يفهمنى يعنى ايه سلاح ابيض . للاسف لم اجد
يعنى ايه مطوة --خنجر-- سنكى-- لو فى حاجة اخرى؟؟ وايه الفرق عن السكينة؟؟
وليه اجيب مطوة او خنجر مهو السكينة تقوم بالواجب؟؟!!
ايه هى انواع المطاوى؟؟ وهل هى محرمة قانونا؟؟ فى مطاوى تباع فى المنتدى . طيب ازاى؟؟
ليه المطاوى والخناجر اسعارها غالية ؟؟ وايه اللى يجبرنى اشتريها (يعنى ايه ميزتها) ؟؟
استحملونى يا جماعة .. انا معرفش اى حاجة عن الموضوع ده..
ارجو اى حد يفهمنى اى حاجة وشكرا لكم

[doos99]

يا استاذي الاسلحه البيضاء هى
المطاوى
السنكات
الخناجر
السكاكين ما لم يكن هناك مبرر قانونى او مهنى لحملها
القواطع (الكترات)
الاسهم
الرماح
الاقواس و الاسهم
السيوف
اسف للاطاله و ارجو ان اكون افدتك

[ألمهندس7000]

ده حضرتك اللى استاذ
انا مشكلتى مش مع الاسماء .. انا عايز اعرف الفرق بين كل اسم والتانى وبالذات (السكاكين .المطاوى.السنكات.الخناجر) وموقفهم القانونى ايه؟؟
وشكرا طبعا لرد حضرتك واكيد طبعا افادتنى...

[doos99]

السكاكين هي السكاكين التى تستخددم في المنزل اما المطاوى فهى السكاكين القابلعه للفتح و الغلق اما السنكات فهى التى تكون في البنادق الاليه و الخناجر مثل التى تم عرضها في السوق الخاص بامنتدى و مرفق صور لكل منهم

[الأفوكاتو]

الحقيقة سيادة العقيد أشرف مختار عمل معاك فوق الصح ، ألف شكر علي الصور الرائعة يا فندم
خالص تحياتي للجميـــــــــــــــــــــع

[ألمهندس7000]

شكرا جزيلا لسرعة الرد
-- ايه بقى موقفهم القانونى ؟؟(من كل الانواع اللى حضرتك ذكرتها) :: يعنى مثلا على حد علمى فى نوعين من المطاوى (سوسته وقرن غزال) السوستة جائز استخدامها والقرن غزال ممنوعة .. الكلام ده مظبوط؟؟
وهل يوجد انواع فرعية من اللى حضرتك ذكرته؟
وايه الميزة فى المطوة او الخنجر او السنكى اللى تخلينى اشتريه ؟؟ ام هى مجرد هواية؟؟!
وليه هى غالية؟؟
اتمنى متزهقش منى..وبكرر شكرى..

[Bora]

المشاركة الأصلية كتبت بواسطة doos99

السكاكين هي السكاكين التى تستخددم في المنزل اما المطاوى فهى السكاكين القابلعه للفتح و الغلق اما السنكات فهى التى تكون في البنادق الاليه و الخناجر مثل التى تم عرضها في السوق الخاص بامنتدى و مرفق صور لكل منهم

جهد مشكور وصور رائعة .............

[سيدخالد]

العقيد اشرف من القلائل المحترمين فى الداخليةربنا يبارك لنا فيه ويكون مثال ونموذج لضباط الداخلية

[doos99]

انا عمري ما ازهق من اخويا عقوبه حيازتها حاليا هى 7 سنين سجن و كل المطاوى و الخناجر تعامل بمسوغ قانونى واحد بدون اى استثناء و لا يوجد لها اي مميزات و اقتنائها مجرد هوايه او لتزكيه الصيد ليس اكتر و هى غاليه لانها ممنوعه و بيعها غير قانونى فشي طبيعي انها تبقي غاليه

[doos99]

المشاركة الأصلية كتبت بواسطة سيدخالد

العقيد اشرف من القلائل المحترمين فى الداخليةربنا يبارك لنا فيه ويكون مثال ونموذج لضباط الداخلية

ده بس من ذوقك يا استاذ سيد

[د.حسام]

السلام عليكم
كابتن اشرف استفسار من فضلك
معلوماتى ان السلاح الابيض عقوبته 6 شهور للحمل وتزداد اذا استخدم ياترى موضوع 7 سنين ده قانون البلطجه ولا انا اللى معلوماتى غلط ارجو الافاده
شكرا وتقبل مرورى

[monismod]

المشاركة الأصلية كتبت بواسطة doos99

انا عمري ما ازهق من اخويا عقوبه حيازتها حاليا هى 7 سنين سجن و كل المطاوى و الخناجر تعامل بمسوغ قانونى واحد بدون اى استثناء و لا يوجد لها اي مميزات و اقتنائها مجرد هوايه او لتزكيه الصيد ليس اكتر و هى غاليه لانها ممنوعه و بيعها غير قانونى فشي طبيعي انها تبقي غاليه

7 سنين ؟!!

يعنى الإنسان راح من عمره 7 سنين علشان حتت حديدة تافهه ؟!

طب هل حامل هذه الأداة هايعرف يستخدمها كويس ساعة الخطر ؟ ولا هو شعور بالأمان وخلاص ؟

طيب لو هايعرف يستخدمها ومتدرب عليها كويس .. طب ماهو فى مقولة بتقولك (أى شيء يمكن أن يكون سلاح) ولنأخذ مثلاً القلم الجاف المصنوع من مادة معدنية .. ماهو يمكن استخدامه كآلة للدفاع عن النفس أو للقتل .. وهو مصرح حمله وليس فيه مشكلة قانونية .. وفيه رياضة اسمها كوبتان kubotan بتدرب الإنسان على كيفية الدفاع عن النفس باستخدام حاجة شبه القلم كده .. وبالمناسبة يصلح استخدام القلم المعدنى بدل من هذه الأداة

والرياضة دى الدورات التدريبية بتاعتها ماليا الانترنت وعلى اليوتيوب .. ممكن أى حد يعرفها

يبقى ليه أضيع من عمرى 7 سنين علشان أجيب حاجة تافهه .. يا إما هاتتاخد منى .. يا إما هاعمل بيها مصيبة .. يا إما هاتسجن 7 سنين أونطه

وأنا مع القانون اللى خلى حمل السلاح الأبيض يتم تغليظ العقوبة عليه لدرجة 7 سنين .. لأن دى عقوبة المقصود بها ردع ومنع حمل مثل هذه الأداة .. مش إن الحكومة بتحب تحبس الناس .. أو إن عندها أماكن كتير فى السجون وعايزه تملاها مثلاً

زى عقوبة قطع يد السارق .. المقصود هنا مش إن الناس كلها تمشى من غير إيد .. المقصود تغليظ وتكبير العقاب علشان محدش يعمل كده .. علشان ينصلح المجتمع ..

لأن لو كلنا مسكنا أسلحة .. أنا واحد من الناس عصبى .. لو حد كسر عليا بعربيته أو خبطلى العربية مثلاً هاروح خابطة بالسلاح اللى معايا .. بس الحمد لله إنه مش معايا .. وربنا بيسترها على الناس .. الحمد لله ..

وقال تعالى : ( وَلَوْلا دَفْعُ اللهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيراً وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ * الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ) (الحج:40-41)

[doos99]

المشاركة الأصلية كتبت بواسطة د.حسام

السلام عليكم
كابتن اشرف استفسار من فضلك
معلوماتى ان السلاح الابيض عقوبته 6 شهور للحمل وتزداد اذا استخدم ياترى موضوع 7 سنين ده قانون البلطجه ولا انا اللى معلوماتى غلط ارجو الافاده
شكرا وتقبل مرورى

كلامك صح و لكن احنا الان نعمل بالاحكام العسكريه و ليس القوانين العاديه

[doos99]

المشاركة الأصلية كتبت بواسطة monismod

7 سنين ؟!!

يعنى الإنسان راح من عمره 7 سنين علشان حتت حديدة تافهه ؟!

طب هل حامل هذه الأداة هايعرف يستخدمها كويس ساعة الخطر ؟ ولا هو شعور بالأمان وخلاص ؟

طيب لو هايعرف يستخدمها ومتدرب عليها كويس .. طب ماهو فى مقولة بتقولك (أى شيء يمكن أن يكون سلاح) ولنأخذ مثلاً القلم الجاف المصنوع من مادة معدنية .. ماهو يمكن استخدامه كآلة للدفاع عن النفس أو للقتل .. وهو مصرح حمله وليس فيه مشكلة قانونية .. وفيه رياضة اسمها كوبتان kubotan بتدرب الإنسان على كيفية الدفاع عن النفس باستخدام حاجة شبه القلم كده .. وبالمناسبة يصلح استخدام القلم المعدنى بدل من هذه الأداة

والرياضة دى الدورات التدريبية بتاعتها ماليا الانترنت وعلى اليوتيوب .. ممكن أى حد يعرفها

يبقى ليه أضيع من عمرى 7 سنين علشان أجيب حاجة تافهه .. يا إما هاتتاخد منى .. يا إما هاعمل بيها مصيبة .. يا إما هاتسجن 7 سنين أونطه

وأنا مع القانون اللى خلى حمل السلاح الأبيض يتم تغليظ العقوبة عليه لدرجة 7 سنين .. لأن دى عقوبة المقصود بها ردع ومنع حمل مثل هذه الأداة .. مش إن الحكومة بتحب تحبس الناس .. أو إن عندها أماكن كتير فى السجون وعايزه تملاها مثلاً

زى عقوبة قطع يد السارق .. المقصود هنا مش إن الناس كلها تمشى من غير إيد .. المقصود تغليظ وتكبير العقاب علشان محدش يعمل كده .. علشان ينصلح المجتمع ..

لأن لو كلنا مسكنا أسلحة .. أنا واحد من الناس عصبى .. لو حد كسر عليا بعربيته أو خبطلى العربية مثلاً هاروح خابطة بالسلاح اللى معايا .. بس الحمد لله إنه مش معايا .. وربنا بيسترها على الناس .. الحمد لله ..

وقال تعالى : ( وَلَوْلا دَفْعُ اللهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيراً وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ * الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ) (الحج:40-41)

لذلك ننصح الشخص العصبي بعدم حمل اي نوع من الاسلحه مهما كانت الظروف و معلومه اقصر طريق للسجن هو حمل سلاح اذا كان حامله عصبي و ربنا يسترها عليك و علينا

[monismod]

المشاركة الأصلية كتبت بواسطة doos99

لذلك ننصح الشخص العصبي بعدم حمل اي نوع من الاسلحه مهما كانت الظروف و معلومه اقصر طريق للسجن هو حمل سلاح اذا كان حامله عصبي و ربنا يسترها عليك و علينا

هههههه

ربنا يبارك فى حضرتك .. طيب سؤال بقى بالمناسبة دى

هل يوجد امتحان معين يكشف إن الشخص ده عصبى لدرجة تمنعه من حمل السلاح ؟
مع العلم إن فيه ناس عندها نوع من العصبية هو الأخطر على الإطلاق .. وهو إنه شخص حليم بطبعه .. ولكن لما بيتعصب بيخرج عن شعوره ويفقد عقله وبيكون شخص تانى غير مسؤول عن تصرفاته .. وفى فيلم أمريكى اتكلم عن المرض ده اسمه anger management

فهل يمكن كشف هذا النوع الصعب كشفه من الغضب أو العصبية وذلك عند استخراج رخصة لحمل السلاح ؟ ولا احنا هنا مش فاهمين فى الحاجات دى ؟

[سرسور]

بعد اذنك هل الاقواس و الاسهم و الرماح من الاسلحة البيضاء الممنوعة ؟
وجزاك الله خيرًا

[jamayka]

المشاركة الأصلية كتبت بواسطة سرسور

بعد اذنك هل الاقواس و الاسهم و الرماح من الاسلحة البيضاء الممنوعة ؟
وجزاك الله خيرًا

ايوه يا استاذى الاقواس و اسهمها و مسدسات الاسهم و الرمح و البلطة تندرج تحت بند الاسلحة البيضاء المذكورة فى نص قانون الاسلحة المصرى