كل ما يخص الصقور.,؟

[حورس1]

المشاركة الأصلية كتبت بواسطة هشام سمير

اخى حورس ممكن تقولى الاماكن اللى بيتواجد فيها الصقور بكثرة فى مصر لانى بجد بعشق الصيد بالصقور بس للاسف عمرى ما مارستها يعنى عايز من حضرتك تقولى لو عايز اشترى صقر كويس اشتريه منين ولو عايز اصطتاده عن طريف عمل احد الفخوخ اللى الاخوه اتكلمو عنه اصطتدوا منين مع العلم انى من البحيره ولك جزيل الشكر

الصقور
نوعين منها ما هو مستوطن
مثل العوسق (الشرياس) وهو موجود فى كل مكان وفى المدن وعلى اعمدة الكهرباء وهناك ايضا صقر الكوهيه وكلا النوعين السابقين نوعين من الصقور سواء رضينا ام ابينا ولكنهم غير مرغوبين للصيد
لدى الصقارين العرب وذلك لان طريدتهم الاولى هى الحبارى وهو لن يجرا ان يراها
وهناك نوعين من الصقور الحقيقيه
وهما الوكرى (ويسمى فرخ القش ) والجبليات وكلاهما متواجد فى جنوب مصر مرورا بجبال البحر الاحمر
واما عن المهاجرة فهى (الحرار والشاهين البحرى )
وهى تمر على مصر فى طريق الذهاب والعودة وتمر بطرق محددة وراء طرائدها
فتجدها تتدفق الى سيناء ومنها ما ياخد خط الساحل مرورا بصحراء الاسكندريه والنطرون والضبعه مرورا بمطروح والسلوم
والاخر تتجه جنوب الى الصعيد مباشرة
وجميعها
يكونوا فى ضيافه الطواريح الذين لم يتركوا شئ
سواء فى طلعه الطير او فى ردته