اعلان هام

[عاصــم الشبراوينــي]

كل من عنده صقر ويريد تربيه وتدريبه علي الصيد يقوم بالتحدث الي اداره الموقع وهيا تدله علي المكان وعلي المدرب
( انا فوجئت بمدرب صقور عنده اكثر من 20 صقر خاصين بيه للصيد يقوم بتدريبهم باسعار ضعيفه جدا جدا تكادد لا تذكر واول مشوفته اتعرفت عليه وحبيت اني افيد الاعضاء )
وعلي فكره هوه ممكن يبيع صقور مدربه لمن يريد اقتناء صقر للصيد

يا رب اكون قدرت افيد

[venatic13]

رخيص جدا جدا

يعني بتاع سبعه جنيه ونص مثلا

[عاصــم الشبراوينــي]

طيب ايه رايك انه فعلا مبيخدش غير ثمن اكل الصقر بس والباقي عباره عن كادو او هديه انت بتديهالو
والله انا ممصدق لحد دلوقتي بس للاسف هي دي الحقيقه لانه اصلا واخد الموضوع هوايه غير شغله
وعلي العموم جرب لو عند صقر او عايز تشتري صقر

[abdalla]

سبحان الله وبحمده

[msgm]

للصقر طريقة صيد جميلة جدا

بتجيب الفغ . و هو عبارة عن أرنب و الأرنب بيتحط على ظهرة شبكة من خيوط النايلون زي الي بيصطادوا بيها الجمبري . وبتتربط الشبكة برجل الأرنب أو يلبسا زي ""ولامؤاخذة البالطو.."" و بتربط الأرنب بالأرض في وتد من رجله

و الكلام ده كله في الصحراء.. لما الصقر ييجي يهجم على الأرنب رجله بتتشبك في الخيوط . ييجي يطير ما يعرفش . و تمسكه أنت و تخلصه من الشبكة و إنتبه لا يعضك .. و تحطه في قفص كبير لغاية ما توصله للمدرب ..

بس مين عنده الصبر و الأدوات الي يطلع بيها للصحاري و يرابط بالأسابيع .


المعلومات دي كنت قرأتها من فترة طويلة و الله أعلم

[هوارة الجبل]

المشاركة الأصلية كتبت بواسطة msgm

للصقر طريقة صيد جميلة جدا

بتجيب الفغ . و هو عبارة عن أرنب و الأرنب بيتحط على ظهرة شبكة من خيوط النايلون زي الي بيصطادوا بيها الجمبري . وبتتربط الشبكة برجل الأرنب أو يلبسا زي ""ولامؤاخذة البالطو.."" و بتربط الأرنب بالأرض في وتد من رجله

و الكلام ده كله في الصحراء.. لما الصقر ييجي يهجم على الأرنب رجله بتتشبك في الخيوط . ييجي يطير ما يعرفش . و تمسكه أنت و تخلصه من الشبكة و إنتبه لا يعضك .. و تحطه في قفص كبير لغاية ما توصله للمدرب ..

بس مين عنده الصبر و الأدوات الي يطلع بيها للصحاري و يرابط بالأسابيع .


المعلومات دي كنت قرأتها من فترة طويلة و الله أعلم

السلام عليكم ورحمه الله وبركاته
هناك فرق بين الصيد بالصقور وصيد الصقور
الصيد بالصقور وهى نوع من انواع الصيد اذا كان بالسلاح او الصقور او السلق ( كلاب صيد ) اما صيد الصقور يكون عن طريق اللفافه التى توضع على ظهر الحمامه او النقل او الاثنين معا وهذا المستخدم فى الاغلب فى مصر بالاضافه لبعض الاساليب الاخرى ولذلك ما تتحدث عنه هو خليط بين صيد الصقور والصيد بالصقور حيث انك تستخدم فريسه وهى الارنب هى تدريب وصيد بالصقور اما وضع لفافه على ظهر الارنب فهى صيد الصقور وهذا لا يحدث اما بالنسبه لصيد الصقور فى مصر فيوجد فى البحر الاحمر بطول الساحل من السويس حتى مرسى علم واسوان والواحات ومطروح ووادى النطرون وابوصوير وابو سلطان والعاشر ولكن افضلهم البحر الاحمر ووادى النطرون ...
لكم منى وافر الاحترام والتقدير

[abdalla]

سبحان الله وبحمده

[msgm]

تسلم يا هوارة كلامك سليم 100%100 .. و حسب كلام حكم الرماية الدولي الكابتن صلاح في نادي الشمس أن صيد الصقور متعب جدا و بياخد وقت طويل جدا جدا جدا جدا ..!

[gassermohyaldin]

اخى الكريم انا قمت بصيد زوجان من الصقور ارجو ان تساعدنى فى تحديد نوعهم مرفق رابط للصورة

[wael_496]

هو الصقور موجودة فين في مصر

[egypt_falcon]

اخى انا العضو الجديد egypt falcon

اذا كنت تريد التواصل معى هذا ايميلى war_on@ymail.com

اما بالنسبه للصقور وتدريبها فهذ لعبتى واذا كان احد يريد ان يدرب صقره انا مكانى الاسكندريه
وما يريد ان يدفعه مهما كان لا يفرق معى انا همنى معرفه الرجال

[xXHEMAXx]

ياجماعه انا كنت عايز اسال سؤال
هل اى صقر ممكن يدرب يعنى الصقر البلدى العادى ده ممكن اربيه؟
وهل ممكن يطير وميرجعليش تانى ؟
وانا بكليم على الصقر الى بيتباع فى سوق الجمعه ب 15 20 جنيه

[Amrelabody]

اه انا عايز اعرف بردوا

[BooGY]

الاخ هوارة الجبل ... شكرا لتعليقك على طرق صيد الصقور واماكنها لكن بالنسبة لطريقة الشبكة على الفريسة دى انا كنت سمعت عنها ومكنتش متأكد من صحتها لحد ما شوفت فيديو على المنتدى بيصطادوا فيه صقور(بلدى وعمانى) بالطريقة دى عن طريق سلاكة فيها فيران هامستر وعليها شبكة من برة ولما الصقر ييجى يصطاد الفيران رجلع تعلق فى الشبكة ويمسكوه بسهولة بعدها...والله أعلى وأعلم.........وشكرا للجميع