حل بندقيتك بطريقة أمنة.

[adel152]

الاخوة الاعزاء انا شفت اكثر من طريقة لحل البنادق لكن بصراحة كانت طرق خطر جدا بالنسبة لى وذلك لعدم استعمال منجلة لحل السوسته.
النهارده وانا بأفك التل بتاعتى قمت بتصوير خطوة خطوة حتى يستفيد الجميع عن كيفية حل البندقية وبطريقة أمان.
طبعا أول خطوة هى حل الدبشك من قميص البندقية وده عن طريق حل 3 مسامير (2 امامى و1 خلفى عند الزناد).
أول 3 صور لأماكن مسامير الدبشك وعليهم أسهم باللون الاحمر.







ودى صورة الدبشك وهوه محلول من البندقية.



بعد كده هنحل ماسورة البندقية وفى التل ليها مسمارين (المسمار الصغير بيتفك الاول لأن مستحيل حل المسمار الكبير لو المسمار الصغير فى مكانه ودى شغلة المسمار الصغير تثبيت المسمار الكبير). دى صور المسمارين قبل وبعد الحل برضه عليهم سهم وعلامه باللون الاحمر.





ودى صورة الماسورة منفصله عن البندقية.



طبعا لغاية كده دى الخطوات السهلة. نيجى بقى للخطوات اللى فيها خطورة ولازم تتعامل معاها بحرص شديد.
وضع قميص البندقية فى مكانه فى منجلة السوسته بطريقة صحيحة.



يتم الضغط على القميص من الخلف حاجة بسيطة جدا تقريبا ربع لفة من يد المنجلة وده بيضغط السوسته ويشيل الضغط الموجود على الزنبه الحديد اللى مأمنة مكان تثبيت السوستة فى نهاية القميص. المفروض الزنبه دى (عليها سهم باللون الاحمر) بعد الضغطه البسيطه عليها بتخرج من مكانهابسهولة.







بعد خروج الزنبه من مكانها هنبتدى نفك الاجزاء الخلفية وذلك بلف يد المنجلة للحل ببطأ وحرص ودى صور لمرحلة الحل على مسافات مختلفة (شوف العلامه باللون الاحمر).







أخر حاجة خروج الدليل والسوستة والبستم (طبعا انا عامل تعديل فى بندقيتى مركب دليل وسوستة واحدة فقط بدل نظام التل الاصلى اللى بيبقى بسوستتين جوه بعض).









نصيحة أخيرة دائما وانت بتفك البندقية خللى جنبك علبة بلاستيك صغيرة لوضع المسامير والزنبه....ألخ علشان مافيش حاجة تضيع منك وتحتاس بعد كده....
طريقة التركيب عكس مراحل الحل بالضبط.

أرجو ان يكون الموضوع عاجبكوا وأهم حاجة فى الموضوع عامل الامان أثناء حل السوستة بالطريقة الصحيحة.
خالص تحياتى للجميع.