تحذير هام .. مسدس البلى وخطورته

[rab2918]

الخبر التالى نشرته جريدة الأهرام فى عددها الصادر اليوم بصفحة الحوادث .. وعنوانه (حارس يمازح صديقه فيصيبه بطلقة فى رأسه ) .. والتفاصيل كالتالى ، أدى مزاح بين عاملين صديقين بمسدس صوت بأحد محلات الموبيليا بالنزهة الى وفاة أحدهما وحبس الآخر . حدثت الواقعة أمس الأول عندما كان الأستورجى يقوم بدهان احدى قطع الموبيليا فأخذ حارس المحل يمازحه باخراج مسدس صوت من جيبه وصوبه تجاه صديقه فما كان الا أن خرجت طلقة من المسدس تحتوى على بلى من المعدن فاخترقت رأسه واستقرت فى المخ وأحدثت نزيفا حادا أودى بحياته فى الحال . وأمر المستشار مصطفى خاطر المحامى العام الأول لنيابات شرق القاهرة بسرعة التحقيق فى الواقعة ، وأمام شريف سبالة مدير نيابة النزهة التى باشرت التحقيقات باشراف محمد السيد خليفة رئيس النيابة اعترف المتهم أيوب محمود عبد العزيز 45 سنة حارس محل الموبيليا بارتكابه الواقعة وتحفظت النيابة على المسدس وأمرت بحبسه وصرحت بدفن الجثة . نقلت لكم الخبر بالتفصيل وأترك لكم التعليق .. أرجو من ادارة المنتدى تثبيت الموضوع لأهميته ..

[Biso007]

نرجو من الادارة تثبيت موضوع فى كل الابواب بعنوان (من فضلك تعامل مع مسدس "الصوت" و بندقية الرش بنفس احتياطات المسدس الحى) ... "فالله خيرا حافظا و هو أرحم الراحمين" صدق الله العظيم.

[blow c06]

ماحنا طلعت روحنا و احنا بنقول ان ده سلاح بجد و فعال و خطر... ده للدفاع عن النفس زيه زى الحى تمام مع اختلاف القوه

[بدر]

لا حول ولا قوة الابالله
مش قادر افهم يعنى اية بيهرجو مع بعض بالمسدس ؟ وخصوصا ان الاخ اللى ماسكة المفروض انة عارف انة بيضرب بللى؟
تحياتى وشكرا لصاحب الموضوع

[doos99]

علشان كده مش اي حد يقدر يمسك سلاح
لان الناس اللي عندهم وعى بقوه السلاح و خطورته و طريقه استخدامه قليلين جدا
و دائما الهزار بالسلاح ممكن يعمل مشاكل كبيره

[gamopt80]

غباء وهبل والله
برضه في حد يهزر بسلاح وهو عارف ان فيه طلق بلي, حتى لو الطلق صوت من غير بلي من الغباء وتقل الدم الرهيب ان الواحد يهزر بشكل ده!!
والموضوع دا برضه دليل للناس الي كانت مستهونه بالمسدسات الصوت البلي

[kotkot]

السلام عليكم انا كنت عايز اعلق علي الموضوع من وجهة نظر اخري وهي اننا كنا بنطالب من الحكومة انها تفتح التصاريح طب ازاي

[sultan]

الاول عايز اشوف المحامين الى فى المنتدى الى الو انه مسدس عادى هيعملو ايه لما الموضع اتعرف واتعرف انه قوى كمان على فكره الداخليه مكنش عندها علم بموضوع البلى ده بس اتفرجو بقى على الى جى الى هيتمسك بمسدس ميه هيشربوله الميه

[Biso007]

المشاركة الأصلية كتبت بواسطة kotkot

السلام عليكم انا كنت عايز اعلق علي الموضوع من وجهة نظر اخري وهي اننا كنا بنطالب من الحكومة انها تفتح التصاريح طب ازاي

احنا طلبنا فتح التصاريح عشان الناس المحترمة تجد بديل عن الاسلحة المهربة و المسروقة و طبعا اجراءات التصريح فيها محددات كثيرة خاصة بالشخصية و الاتزان العقلى و الخبرة ... يعنى واحد أهبل متخلف زى ده استحالة يعرف يطلع تصريح.

[mrasool]

من لا يحترم السلاح لا يجب ان ايحمله ولا يجب ان يلمسه اصلا
السلاح يجب ان يحترم حتى ولو فارغ من الذخيرة ومن لا يعرف كيفية التعامل مع السلاح لا يجب ان يحمله

[Ahmed Nada]

لاحول ولا قوة الا بالله .. ربنا يستر

[smsmn8888]

المشاركة الأصلية كتبت بواسطة sultan

الاول عايز اشوف المحامين الى فى المنتدى الى الو انه مسدس عادى هيعملو ايه لما الموضع اتعرف واتعرف انه قوى كمان على فكره الداخليه مكنش عندها علم بموضوع البلى ده بس اتفرجو بقى على الى جى الى هيتمسك بمسدس ميه هيشربوله الميه

لااا يا سلطان هم عارفين الموضوع تا من زمان لمعلومتك بس الوقت الحالي لا يسمح بتضبيق قوانين جديدة

[smsmn8888]

للمرة المليون يا جماعة احترام السلاح واجب حتي ولو رش

[sultan]

سلطان مش شلطان

[boody]

لا حول ولا قوة الا بالله لا اعتقد ان الحكاية كدة طلع السلاح وراح ضربة فى دماغة اكيد كان فى خناقة او حاجة

[كفافى1]

هما عارف فعلا موضوع البلى من فترة كبيرة
لكن لابد من اللى عنده مسدس من هذا النوع يتعامل معه على انه سلاح حى - مع العلم انه فى اعضاء اخوه لنا شافوا قوة تأثيرة بالفعل
ربنا يستر
تحياتى
ياسر الكفافى

[sultan]

ربنا يستر بقى والى معاه حاجه يلمها ولا لسه مش عايزين نلم برضه

[hisham]

الله يرحمة و الحارس اكييد مخو تخيين يعني غبي (هزار بوابيين ربنا ما يواريكو هزارهم)
بعد كدا هيخلو مسدسات الصوت بتراخييص :d

[mzkader]

لا حول ولا قوة الا بالله للدرجة ده الاستهتار؟
عشان كده لازم الواحد يعرف ان البلى للحماية الشخصية فقط ويجب حفظ السلاح بالمنزل وده الغرض منه لان الارواح مش لعبة وبالنسبة للاخوة التجار ياريت وانت بتبيع لحد رصاص بلى تكون متاكد ان المشترى مش شاب صغير السن وبالفراسة كده لو حسيت ان مخه صغير او مش راكز بالاش عشان ماتشتركش فى الاثم خصوصا ان ممكن يرجع عليك بمشكلة وبالنسبة لموضوع التراخيص من حيث منعها او فتح الباب فا انا شايف ان فى ناس كتير محترمة من حقها الترخيص ليها وفى ناس ماتستحقش حتى تشيل قصافة و الامر راجع للجهات الــ من حقها منح الرخصة الناس ده لازم تشوف شغلها شويه مش تدى واحد رخصة عشان وسطة وهو مايستحقهاش وواحد تانى يستحقها ومايخدهاش عشان بالبلدى كده مالوش سكة

[sultan]

المشاركة الأصلية كتبت بواسطة mzkader

لا حول ولا قوة الا بالله للدرجة ده الاستهتار؟
عشان كده لازم الواحد يعرف ان البلى للحماية الشخصية فقط ويجب حفظ السلاح بالمنزل وده الغرض منه لان الارواح مش لعبة وبالنسبة للاخوة التجار ياريت وانت بتبيع لحد رصاص بلى تكون متاكد ان المشترى مش شاب صغير السن وبالفراسة كده لو حسيت ان مخه صغير او مش راكز بالاش عشان ماتشتركش فى الاثم خصوصا ان ممكن يرجع عليك بمشكلة وبالنسبة لموضوع التراخيص من حيث منعها او فتح الباب فا انا شايف ان فى ناس كتير محترمة من حقها الترخيص ليها وفى ناس ماتستحقش حتى تشيل قصافة و الامر راجع للجهات الــ من حقها منح الرخصة الناس ده لازم تشوف شغلها شويه مش تدى واحد رخصة عشان وسطة وهو مايستحقهاش وواحد تانى يستحقها ومايخدهاش عشان بالبلدى كده مالوش سكة

الله ينور كلاام مظبوط والله الصح الحجات دى متتحركش من البيت

[mzkader]

المشاركة الأصلية كتبت بواسطة sultan

الله ينور كلاام مظبوط والله الصح الحجات دى متتحركش من البيت

والله يا استاذ سلطان انت توقيعك جايب من الاخر احمى نفسك وماتحبسشى نفسك

[sultan]

المشاركة الأصلية كتبت بواسطة mzkader

والله يا استاذ سلطان انت توقيعك جايب من الاخر احمى نفسك وماتحبسشى نفسك

يباشا الله يباركلك منا عملت التوقيع كده لما صوتى اتنبح مع الاخوه هنا وفى ناس بتهاجمنى وتقولى انتا غلط الوضع خطر البلطجه منتشره طب ياشباب ما الجيش مبيرحمش

[mzkader]

يا استاذ سلطان لازم الناس تعرف التالى
1- طول ما سلاحك فى بيتك للحماية ماحدش يدخل يفتش بيتك
2- لو انتشرت مشاكل بسبب البلى هانلاقى الرصاص الصوت العادى بيقل وسعرة بيغلى علينا
3- كثير من الناس لسه مايعرفوش البلى من اساسه واكيد فى ناس كتير من الدخلية لسة مايعرفوش عنه حاجة فالوسمحتم توخى الحذر الشديد فى حمل السلاح خارج البيت ويا ريت يكون للضرورة القصوى وعلى فكرة بالنسبة للقانون الطبنجات الصوت مافيهاش مشكلة بس لو فى ظابط عايز يعملك مشكلة سهل جدا خصوصا ان فى ناس كتير منهم بتوع مشاكل اساسا

[akmels]

دى نتيجة الاستهتار , و فعلا مش اى حد يمسك مسدس
رحم الله المتوفى