ما الفرق

[نادرموريس]

سؤوال لاهل الخبره ايه الفرق بين سكوب البوشنال و التاسكو وايهما افضل
2-هل المطروح حاليا في السوق تقليد ولا اصلي
3-نرجو من الاعضاء اللذين قامو باقتناء اي منهما ابداء الراي وشكرا

[adel152]

الاخ العزيز ا/ نادر بعد التحية
انا عندى تليسكوب بوشنال 3-9*40 مدرج + شعار اخضر واحمر جايبه من انجلترا (صناعة صينى) من سنتين وهو تليسكوب ممتاز.
مع ذلك برجاء الدخول على هذا الرابط لمزيد من المعلومات بخصوص التليسكوبات الموجودة فى مصر.
http://www.egypthunt.net/showthread.php?t=30260
تحياتى

[نادرموريس]

مشكور اخي العزيز اصل انا مجربتش الا الالماني وراكب عندي علي الديانا بس مفيش فيه زوم انا عايز اشتري تليسكوب 6*24*50 فانا محتار بين بوشنال وتاسكو انا قريت في موقع تاسكو انه البوشنال في تصحيح ابعاد التاسكو لا اسف علي الاطاله اخي الكريم

[Peace Missile]

انا عندى سكوب 6-24 *50 نوعة Edenberg Gmbh
مواصفاته : Firedot Dupllex Red Illuminated AOE >>> ممكن ابدلة فقط بسكوب يكون Mildot

[نادرموريس]

ممكن صوره للنوع ده معلش هانتعب حضرتك

[نادرموريس]

وصناعته ايه

[Peace Missile]

الصناعة صينى ..ولكن انا اللى شارية من الصين راسا مش شارية من مصر ..شارية من على النت ايام ما كان الحاجات بتنفع تدخل عادى....بس حضرتك انا مش هبيعة انا ممكن ابدلة بسكوب نضيف يكون Mildot

[نادرموريس]

الحقيقه انا عايز واحد ربنا يباركلك فيه

[Peace Missile]

بس على فكرة ..6-24 *50 مش هيكون عملى اوى على بنادق الصيد لان مسافات الصيد للطيور مش بتكون بعيدة يعنى المناسب جدا جدا هو 3-9*50 ويا حبذا لو كان aoe وميل دوت ..لكن ال 6-24 دة عايز بندقية مورس .. لانه اول تكبير فيه 6x يعنى لو هتصطاد على مسافة اقل من 25 متر هتلاقى مغروش معاك ..

[نادرموريس]

صدقني هو ده الي انا بسال فيه بس لو ديانا 52 انت اكيد عارف انها قويه ممكن يكون كويس معاها

[نادرموريس]

سؤال ايه الي يتناسب مع ديانا 52

[Bebeto]

عندي سكوب وارد روسيا
الزووم من 3 الي 9
قطر العدسة الامامية 32
اضاءة احمر 11 درجة
السكوب ماركة zos
غير موجود في مصر نهائيا
ميل دوت
شعار مدرج و هرمي

[نادرموريس]

محفور عليه made in rosia السعر كام لو سمحت

[hunter store]

بص يانادر باشا بالراحة كده علشان موضوع صينى او مش صينى ده الكلام فى كتير


1- كل التليسكوبات اللى موجودة سواء بوشنال او تاسكو او بى اس او اى نوع سواء الناس اشتريته من برا او من جوه مصر طالما معليهوش سيريال نمبر ( رقم تسلسلى يعنى ) يبقى كوبى وده حال 98 % من التليسكوبات فى مصر


2- بالنسبة للى بيقول ان السكوب متصنع لمصر - الكلام ده بعيد تماما عن الصحة ليه علشان الكلام ده يحصل لازم المستورد يطلب مش اقل من 100000 تلسكوب علشان يشغلوا خط انتاج

الحقيقة ان التلسكوبات اللى بتيجى من الصين سواء عن طريق المواقع او غيره واحد وخير دليل هات مثلا سكوب حد اشتراه عن طريق النت وادخل على موقع بوشنال مش حتلاقى الموديل شبه خالص


الحاجه الناية الصينى اللى متصنع عن طريق الشركة الحقيقة وده اول حاجه حتلاقى عليه رقم تسلسلى

2 - حتلاقيه نفس الموديل بتاعه بالظبط على الموقع الرسمى

3- سعره مش حيقل فى بلده عن 150 دولار

وطبعا بقيت التليسكوبات اللى محفور عليها الصناعة بتعتها


اما ان التلسكوبات الموجوده تعبانه ده كلام عام ومينفعش

لان كل نوع من الانواع اللى انت قولت عليها فى حالة او اتنين كان فيهم مشاكل

اى منتج بتتقاس جودته بنسبة المرتجعات ومفيش حاجه مفيهاش مرتجعات

ارجو انى اكون افدتك

فى الاخر بقا التليسكوب اللى انت عاوزه 6-24 * 50 بوشنال موجود عندى لو محتاجه انت عارف رقمى

[Bebeto]

المشاركة الأصلية كتبت بواسطة نادرموريس

محفور عليه made in rosia السعر كام لو سمحت

مش مكتوب عليه انما هو وارد روسيا
ادخل علي جوجل و اعمل سيرش عن ZOS rilfe scopes
هتلاقيه
و السكوب معاه القاعدة بتاعته جاية معاه و لو حضرتك مش مصدق انه جاي من روسيا دور هتلاقي موضوع انا عامله بسأل عن امكانية دخول السكوبات مصر من روسيا

[Bebeto]

و مفيش سكوبات بيبقي محفور عليها مكان الصناعة

[نادرموريس]

معلش ياجماعه اصل انا الي عندي الماني الي هو العادي

[نادرموريس]

شكرا استاذ كريم علي الافاده الجميله

[نادرموريس]

استاذ بيبيتو انا مصدق انو روسي بس لتعدد الانواع الواحد مش فاهم

[Bebeto]

المشاركة الأصلية كتبت بواسطة نادرموريس

استاذ بيبيتو انا مصدق انو روسي بس لتعدد الانواع الواحد مش فاهم

هههههههه ولا يهمك
ممكن لو حضرتك عايز تتاكد من حاجة تكلمني علي الرقم ده 01119997151
او ابعتلي رقمك و لو عايز تتصل دلوقتي مفيش مشكلة
و السكوب الرؤية بتاعته فوق الممتازة و نقية جدا حتي مع اعلي زووم

[نادرموريس]

شكر خاص لاستاذ كريم لحل مشكله المحافظات حيث قمت بطلب قاعده منظار قام بشحنها في الحال وهي اجود من الصوره كمان