كيف تتعامل مع البلطجى فى الشارع خاصة لو حامل سلاح

[mahmoudalaa]

منقول بالنص من اجل منتدانا واعضائه الكرام (ملحوظه لا يشمل السلاح الناري)

احب اعرف البلطجه على قد ما اقريت البلطجة او الاجرام هى مشكله انتشرت كثيرا فى الدول
الناميه لم يتوصل العلماء لسبب معين فى انتشارها ..اذا كان الفقر ولا الفساد ولا البعد عن الدين ولا المخدارت المهم ملناش دعوة
احنا حالا هنفسر ازاى تواجه المشكله دى اصلا فين بنلاقى المجرمين فين بنشوف المشاكل الى بيظهر فيها السلاح واحد بيقولى فى كل حته انت مش عايش فى البلد ولا ايه اولا هقولك البلطجى ده شخص مريض بداء البلطجه بدون مبرر مهما كانت حالته المادية.
وللاسف ده الى منتشر فى مصر او شخص لم يعرف اهله او لم يستطيعو السيطرة عليه منذ صغره فنشأ فى عالم الاجرام والبقاء للاقوى او شخص لم يعرف دينه وطبعا ده اساس سبب الاجرام لان لا يجتمع الدين والمنكر فى قلب واحد والنوع الاخير هو السير فى طريق الادمان وطبعا ده عارفينه
ونبدا نتكلم امتى تتغلب على قطاع الطرق او سفاحين الشوارع او السفله والمحتالين)) بنلاقى ان البلطجيه دول هم اقذر فئات المجتمع ونجد ان معظمهم من الشباب وان لم يوضع حد لهم يزيدو فى اجرامهم (الاسلحة الى بيستخدموها)المطوة(من اشهر اسلحتهم لسهولة حملهاوالسنجه والسيف والساطور..و..و..و طبعا كل سلاح وله حل وله تدريب لتفاديه..ليه بيشيلو الاسلحه ..للتهديد للتخويف والترهيب للقتل احيانا للمشاجرات والمشاكل للسرقه للسطو للاغتصاب فى بعض الاوقات اولا قتال البلطجى الشارع لكى تفعل هذا هناك نقطه يجب نزعها تماما فى هذا الوقت ((( الخوف))) .....لازم تعرف ان المسلم لا يخاف من بشرى مثله مهما كان لان ربنا قال قى القرأ،((ولا تخافوهم وخافونى)) لان لو خوفت من انسان قد مابتخاف من ربنا ده شرك والعياذ بالله متخافش على نفسك من انسان زيك واعلم ان مهما كانت قوة هذا لانسان او قوة بنيانه فهو جبان ...ليه جبان ...لان ربنا خلقنا كده ((ان الانسان خلق هلوعا)) ربنا خلقه جبان ممكن يكون معاه سلاح وانت تشخط فيه او تزعق فى وشه هنا يدخل الرعب قلبه خوفا منك وهنتكلم فى النقطه دى حالا سر الخوف فى قلب المجرم او الخصم فى الشارع.....1-((الصرخه)) كلما كان صوتك اعلى كلما ارتعد وتراجع ..بمعنى لما يكون واقف قدامك بلطجى ومعاه سلاح اقول لفظ ولكن خارج عن ما لا يرضى الله بصوت عالى حتى يخترق صوتك او هواءك وجهه ....هتلاقيه يتراجع طيب وبعدين هتلاقى صوته انخفض مهما كان جسمه وقوته هتلاقى انه خاف وحتى لو كان متحمس جدا وقلبه ميت زى مابيقولو هنا هيعرف انك شخص سريع الغضب وحتى لو رفع يده ليضربك ستجد ضرباته خفيفه جدا خوفا منه ان تثار عليه غضبا وبكده انت دمرت حالته النفسية ((ملحوظه))يقع فيها الكثير احيانا كثيرة يكون الخصم اذكى منك فلا يظهر خوفه ابدأ مع انه مدمر داخليا بذكاء تستطيع تجعله يظهره فتلاقيه شايل المطوة او السلاح وفى ايده التانيه السيجارة ال يعنى مش خايف وهو ااقل بخه ممكن توقعه واسال مجرب ولا تسال طبيب
2-عندما يكون الخصم حامل سلاح هذه النقطه فى مصلحتك يعنى ايه((بمعنى ان هنا اغلقت طرق الرحمه وفتحت طرق الشدة يعنى محلل لك الضربه فى اى مكان يقتل الخصم فهو فى هذه الحاله الجانى وانت المجنى عليه يعنى لو قتلته مش تاخد فيه يوم واحد سجن ......وده من غباء البلطجى انه ميعرفش ده..3- معركة الشارع ليست تمرين او ماتش عادى بينك وبين صديق لك ..... قاعده واحده مع هؤلاء التفهه ويجب ان تعمل بها ((ليس هناك قواعد)) ركز على الخصية والرقبه ما بين العينين وكل مايقتل الخصم استخدم اى سلاح لا مانع وهل هناك مانع عن الدفاع عن نفسك ...نقط مهمه جدا جدا ... - اذا نظرت لقوة الخصم وقوة بنيانه وفكرت بانه لا شىء يستطيع اصابته بالتالى انت ستكون الخاسر
السرعه وهى من اهم الاشياء فاللكمة اوالحركه الدفاعيه او الهجوميه ان لم تكن فى لمح البصر فستكون اقل تاثيرا على الخصم فتمرن على السرعه
هناك نقطه اريد توضيحها وهذا يحدث مع بعض من اصدقائى ويسبب لهم الفشل ان الخصم اذا كان قويا ومفتون العضلات وطويل القامه يحدثون انفسهم بان هذا الشخص لاينفع معه قتالا الا بالرشاش الالى هذا خطأ كبير اعلم ان الله خلق الانسان ضعيفا جدا تميته عطسه تخيل او شرقه قطرة السم تجعله طريحا فى الفراش حتى الموت فاعلم ان اى انسان مهما كان حجمه اقل الضربات ستؤثر فيه وممكن ان تقضى عليه خصوصا وان كنت محترف فى لعبتك
هناك عامل يقولون اصحاب الخبرة فى قتالات الشوارع انه من اهم اسباب النصر وهو عندما تقاتل شخص وتصرخ فى وجهه حيث تجعل الهواء يلامس وجهه انها الصرخه التى تلقى فى قلب اى خصم الرعب حتى لو كنت طفلا تجد الكبير يخاف منك او مثلا انطق بكلمه له بصوت ال مثلا قوله عايز ايه ولكن بصوت عالى جدا يخترق وجهه وستجده يبتعد عنك او يبدا فى اللين او يترك القتال وان كان عنيدا جدا جدا ستجده عندما يقاتل يلمسك ولا يضربك خوفا منه ان تغضب
عندما تقاتل تجد الخصم يرفع قبضته هنا وهناك ممكن ان تصيبك او تصيب وجهك وانت تقاتل الحل ان لم تكن تعرف طرق الدفاع باليد فاعتمد على التحمل فان اصابتك ضربه فتحمل حتى تقضى عليه فانت الفائز فى النهايه ا شاء الله
عند استعمال احد الحركات للضرب افعلها بسرعه وبقوة اى لا تمسك زراعه كثيرا حتى تخمده بل افعلها عندما تلقطه بسرعه
وعند القتال فى البدايه لا تدع الخصم يضع يده على وجهك اى انه يعنى انه يحذرك بل حذره انت وضع اصابعك فى عينه ليس يدك عندما يثار الخصم لاتخف من صوته او غضبه فانه فى هذا الوقت يكون فى اضعف حالاته سدد القاضيه واجعله صريعا على الارض
طبعا هذا لا تستعمله الا فى وقت الهجوم عليك ولا تهجم بدون سبب لان الله ورسولنا حرمو ذلك هذا عند الحاجه الماسه فقط لذلك **واعلم بان الله يعينك دائما ان كنت انت الحق وستندم ان كنت الباطل

[عادل عبده]

تسلم ايدك وربنا يجزيك خير

[mahmoudalaa]

تسلم ياباشا ويجازينا ويجازيك كل خير انشاء الله

[mido axis]

جزاك الله خيرا موضوع مفيد

[mahmoudalaa]

المشاركة الأصلية كتبت بواسطة mido axis

جزاك الله خيرا موضوع مفيد

جازانا و جازاكم خيرا باذن الله

[boody]

موضوع اكثر من رائع جزاك الله كل خير

[mahmoudalaa]

تابع
http://youtu.be/3KMO8PzvR3I

[mahmoudalaa]

المشاركة الأصلية كتبت بواسطة boody

موضوع اكثر من رائع جزاك الله كل خير

ايانا واياكم

[ramyhekal]

استفدت منه كثيرا
بارك الله فى سعيك

[gamopt80]

ملاقيش معاكم واحد بلطجي مستعمل اتمرن عليه ^ ^

[hema777h]

جزاااك اللة خيراااا علي هذا الموضوع وعلي هذة المعلومات

[smsmn8888]

موضوع جميل خدوهم بالصوت صحححح بالاضافة لموضوع الجسم تا اغلب مسجلي الخطر اجسامهم ضعيفة يعني مش مفتولي العضلات وتا معنا ان القوة في القلب مش الجسم بس واكبر دليل بروسلي وجكي جان واشهر لاعبي القتال في العالم كلة ومقاتلي النينجا والساموراى اغلبهم مكنوش مفتولي العضلات زي ارنولد مثلا ولا هوجن بل القوة في استخدم الانسان لعقلة في الوقت الصحيح

[كفافى1]

تسلم تسلم تسلم

[tarekvb]

اسمحلى طابع النظرى هو الغالب فى هذا الكلام وارض الواقع لا يتم فيها ماقولت الا مصادفة حضرتك عايز تفهمنى ان واحد ماسك سنجة طولها متر هتعرف توصل لخصيته ولا رقبته ؟؟؟؟؟؟؟؟ واغلبهم بيكون مدمنين يعنى اصلا صوتك مش واصله وانت مش فارق معاه يعنى مجرد اقترابك فيها طعن بالسلاح اللى معاه مش هيسيبك تقرب من وشه وطلع الهواء بتاع فمك فيه وحضرتك هتقوله عايز ايه دى هتنفع مع بطلجى والعياذ بالله سب الدين اسهل واقذر الالفاظ اسهل حاجة عنده ؟؟؟ كلهم مش جبناء زى محضرتك قولت بل قلبهم ميت ليه عشان هو عارف لو قتلك مش هتعرف تجيبه تانى وسلاحه مديله قوه والمخدرات عمياه طبعا كل ده بنتكلم على سلاح ابيض لو سلاح نارى حدث ولا حرج لو فى اخر الشارع هيجيبك مش هتعرف تقربله من الاساس واسهل حاجة ضعطة زناد منه وبعدها ربنا يسترها هتيجى فين ؟
موقف عملى حدث فى محطة عين شمس اربعة بلطجية حاولى سرقة الايراد من الموظفين بالاسلحة البيضاء وفجاءة جه مترو ونزل منه عشرات عشرات من الناس محدش قدر يقربلهم وهربوا لان كل واحد خاف لانه عارف مجرد مايقرب هياخد غزه والله اعلم فين وهربو اربعة بلطجية ادام بشر نازلين من مترو كامل

[NSAA]

المشاركة الأصلية كتبت بواسطة tarekvb

اسمحلى طابع النظرى هو الغالب فى هذا الكلام وارض الواقع لا يتم فيها ماقولت الا مصادفة حضرتك عايز تفهمنى ان واحد ماسك سنجة طولها متر هتعرف توصل لخصيته ولا رقبته ؟؟؟؟؟؟؟؟ واغلبهم بيكون مدمنين يعنى اصلا صوتك مش واصله وانت مش فارق معاه يعنى مجرد اقترابك فيها طعن بالسلاح اللى معاه مش هيسيبك تقرب من وشه وطلع الهواء بتاع فمك فيه وحضرتك هتقوله عايز ايه دى هتنفع مع بطلجى والعياذ بالله سب الدين اسهل واقذر الالفاظ اسهل حاجة عنده ؟؟؟ كلهم مش جبناء زى محضرتك قولت بل قلبهم ميت ليه عشان هو عارف لو قتلك مش هتعرف تجيبه تانى وسلاحه مديله قوه والمخدرات عمياه طبعا كل ده بنتكلم على سلاح ابيض لو سلاح نارى حدث ولا حرج لو فى اخر الشارع هيجيبك مش هتعرف تقربله من الاساس واسهل حاجة ضعطة زناد منه وبعدها ربنا يسترها هتيجى فين ؟
موقف عملى حدث فى محطة عين شمس اربعة بلطجية حاولى سرقة الايراد من الموظفين بالاسلحة البيضاء وفجاءة جه مترو ونزل منه عشرات عشرات من الناس محدش قدر يقربلهم وهربوا لان كل واحد خاف لانه عارف مجرد مايقرب هياخد غزه والله اعلم فين وهربو اربعة بلطجية ادام بشر نازلين من مترو كامل

للأسف الشديد ... الكلام ده كله صحيح

[osama.oscar]

مشكوووووووووووووووووووووووووووووووووووووووووووووور على الموضوع الرائع