للمهتمين بمسدسات ضغط الغاز

[mo_rateb]

موضوع ناس كتير كانت طالباه و بتسال فيه. يا رب اكون جاوبت على اسالتكم هنا.

يعنى ايه مسدس غاز؟
ده بيبقى مسدس تقليد الحى بيبقى نفس الشكل و الوزن تقريبا بيضرب رش نمرة 1 او بلى رصاص 4.5 مم. بيضرب بضغط غاز co2 بيبقى فى انبوبة صغيرة كدا تمنها 5 جنيه متوفرة عند اى محل سلاح فى مصر. و شكلها اهو
http://www.pyramydair.com/cgi-bin/zo..._id=260&type=A
بالنسبة للبلى بردو متوفر عند اى محل سلاح تمنه المفروض 30 جنيه لل 500 طلقة. المسدس بيبفى يا ساقية يا خزنة زى الحى معظم المتوفر فى مصر ساقية زى
walther cp99 , valtro 92, gamo pt 80, gamo pt90
افضلهم من وجهة نظرى ال walther و valtro الجامو مشاكله كتير اوى اشهرها الجلبة اللى لازم تتغير كل شوية المعروفة ب o ring . لكن الخزنة و شد الاجزاء كان الافضل walther ppks و ده كان مسدسى قبل معرف سكة الاستيراد و ده مشكلته فى ضعف خامته و منظره. الناس اللى بتتهم المسدسات دى بالضعف ده بيبقى على حسب المسدس مع العلم ان اى مسدس سرعته تعدى 109 م/ث ممكن يسبب الوفاة و الدليل على كلامى هنا
http://www.cpsc.gov/cpscpub/pubs/5089.html ده موقع جهاز حماية المستهلك الأمريكى.
السؤال اللى بتساله كتير هل المسدسات دى قانونى؟ الاجابة طبعا و دى بعتبرها اكبر ميزة انى ممكن استعملو للدفاع عن النفس و امشى بيه من غير خوف عكس مسدسات الصوت المعدلة. و اصلا دى معمولة للصيد لكن لو انت عايز مسدس بغرض الصيد يبقى خليك فى الرش لو عايزه للدفاع و برده ممكن صيد بس هيبقى اصعب يبقى بلى. الخلاصة فى مسدسات الغاز لو عايز من السوق المصرى يبقى والتر cp99 و بعده فالترو غير كدا بلاش. لو طموحك اكبر من السوق المصرى يبقى شوف الموضوع ده.
http://www.egypthunt.net/showthread.php?t=10832

طريقة الحفاظ على مسدسات الغاز....
- متشيلش انبوبة الغاز و هيا لسه فيها غاز لازم تخلص الغاز الاول عن طريق الضرب بيه حتى لو من غير طلق.
٢- متخزنش المسدس و هو فيه الغاز ابدا.
٣- غير الانبوبة كل فترة و كل اما تبقى فترة قصيرة كل اما يبقى افضل.
٤- زيت اى جزأ ميكانيكى كل فترة لكن كمية قليلة جدا من الزيت و اوعى تستعمل زيت معمول من مشتقات البترول يعنى متستعملش wd-40 فيه زيت اسمو RWS spring cylinder oil هو ده اللى تستعمله.
٥- لو مسدسك بلى و رش يستحسن تستعمل الرش.
٦- يفضل نقطة زيت على الانبوبة من فوق قبل تركيبها.

[mo_rateb]

ياريت غلق الموضوع هنا لانى حاسس انو مش فى مكانو

[fidodido]

شكرا على الافاده

[boody]

شكرا جزيلا على المعلومات القيمة