مقدرش اسكت

[Android man]

وانا اتصفح المنتدي و[لاخص منتدي سوق المنتدى > مقتنيات الاعضاء
وجدت موضوع واحد طارح موبايل للبيع بسعر مرتفع جدااااااااااااااااااااااا مستعمل مع اني شارية جديد من سنتين بثلثين سعر المعروض
طب دلوقتي عايز انصح الناس انها نصب الي بيحصل ده ومش عارف اضيف رد اعمل ايه ؟؟؟؟؟؟؟؟
حد يقولي
حاجة غريبة ربنا يهدي النفوس

[sameer]

كل اللي تقدر تعمله انك تدعي ان الردود تتفتح آآآمين

[msa_79]

ابعتله رساله علي الخاص انصحه فيها بالحسني

[tarekvb]

المشاركة الأصلية كتبت بواسطة msa_79

ابعتله رساله علي الخاص انصحه فيها بالحسني

مهو اصلا معندوش ضمير يبقى مش هيتنصح وعقبال مايتنصح يكون حد انضحك عليه واشتراه بالسعر العالى ده يبقى افضل الادارة ترجع حق الرد

[msa_79]

المشاركة الأصلية كتبت بواسطة tarekvb

مهو اصلا معندوش ضمير يبقى مش هيتنصح وعقبال مايتنصح يكون حد انضحك عليه واشتراه بالسعر العالى ده يبقى افضل الادارة ترجع حق الرد

ليه كده ياطارق ليه افترضت سوؤ النيه يعني انت خلاص حكمت عليه انه معندهوش ضمير ومكان مش هاينتصح ياجماعهكل واحد حر يحط السعر اللي هو عايزه ورسول الله صلي الله عليه وسلم نفسه رفض انه يسعر للناس لما طلب منه ذلك.
نجرب معاه وننصحه وبعد كده نشوف رد فعله مش نحكم عليه من اولها قد يكون هو نفسه ميعرفش السعر المناسب للموبايل لازم نلتمس الاعذار لبعضنا وفي النهايه هو حر يعرضه بالسعر اللي هو عايزه طالما انه لا يحتكر السلعة فليس عليه ذنب وعلي من يريد الشراء اصلا السؤال والتحري ومحدش في الزمن ده بيشتري حاجه كده علطول غير لما يسأل مية واحد قبلها

[tarekvb]

المشاركة الأصلية كتبت بواسطة msa_79

ليه كده ياطارق ليه افترضت سوؤ النيه يعني انت خلاص حكمت عليه انه معندهوش ضمير ومكان مش هاينتصح ياجماعهكل واحد حر يحط السعر اللي هو عايزه ورسول الله صلي الله عليه وسلم نفسه رفض انه يسعر للناس لما طلب منه ذلك.
نجرب معاه وننصحه وبعد كده نشوف رد فعله مش نحكم عليه من اولها قد يكون هو نفسه ميعرفش السعر المناسب للموبايل لازم نلتمس الاعذار لبعضنا وفي النهايه هو حر يعرضه بالسعر اللي هو عايزه طالما انه لا يحتكر السلعة فليس عليه ذنب وعلي من يريد الشراء اصلا السؤال والتحري ومحدش في الزمن ده بيشتري حاجه كده علطول غير لما يسأل مية واحد قبلها

انا بايد رايك بس فى الحدود العايدة يعنى سلعة 100 صاحبها عارض على 150 ممكن نقول انه مش عارف ممكن ننصحة ودى الحالة اللى بتتكلم عنها واللى معاك فيها انما لما تكون حاجة 100 وصاحبها طالب 300 منقولش ده واحد مش عارف السعر مهو زى اللى بيشترى عايزه يلف ويسال برده البايع بيكون لف وسال وعرف سلعته اصبحيت بكام ميجيش يبعها ب300 او 400 ونقول حسن النية ونقول هو حر يعرض السعر اللى هو عايزه منتفعش يعنى مشوفش واحد ماشى فى ايده سنجة واليد التانية مولوتوف واقول افرض حسن النية واقول ده راجل كويس مش بلطجى ولا حاجة ودى الحالة اللى بتكلم عليها يا صديقى العزيز

[msa_79]

المشاركة الأصلية كتبت بواسطة tarekvb

انا بايد رايك بس فى الحدود العايدة يعنى سلعة 100 صاحبها عارض على 150 ممكن نقول انه مش عارف ممكن ننصحة ودى الحالة اللى بتتكلم عنها واللى معاك فيها انما لما تكون حاجة 100 وصاحبها طالب 300 منقولش ده واحد مش عارف السعر مهو زى اللى بيشترى عايزه يلف ويسال برده البايع بيكون لف وسال وعرف سلعته اصبحيت بكام ميجيش يبعها ب300 او 400 ونقول حسن النية ونقول هو حر يعرض السعر اللى هو عايزه منتفعش يعنى مشوفش واحد ماشى فى ايده سنجة واليد التانية مولوتوف واقول افرض حسن النية واقول ده راجل كويس مش بلطجى ولا حاجة ودى الحالة اللى بتكلم عليها يا صديقى العزيز

فرق كبير في التشبيه ده راجل بيبيع سلعه يعني حرام نشبهه براجل ماسج سنجه
ثانيا طالما انه لا يحتكر السلعه فلا ذنب عليه وهو حر يعرض سلعته بالسعر للي هو شايفه مناسب ليه وده حكم الشرع مش رأيي الشخصي

[adel_7768]

ربنا يهدي الجميع

[الادارة]

المشاركة الأصلية كتبت بواسطة android man

وانا اتصفح المنتدي و[لاخص منتدي سوق المنتدى > مقتنيات الاعضاء
وجدت موضوع واحد طارح موبايل للبيع بسعر مرتفع جدااااااااااااااااااااااا مستعمل مع اني شارية جديد من سنتين بثلثين سعر المعروض
طب دلوقتي عايز انصح الناس انها نصب الي بيحصل ده ومش عارف اضيف رد اعمل ايه ؟؟؟؟؟؟؟؟
حد يقولي
حاجة غريبة ربنا يهدي النفوس

بالتاكيد لن نسمح لك بان تدخل لترد على احدهم بانه نصاب لانه يطلب سعراً مبالغاً فيه ..
كل انسان حر فى تقييم ماهو ملكه ! ولا يحق لك اتهامه بالنصب .. ان كان هناك غبن فى السعر فهذا ليس نصباً .. من يرغب فى الشراء يجب عليه البحث والتحري عن السعر .. وهذا شيء طبيعي ولا احد يشتري بدون فصال وبدون بحث عن افضل سعر وافضل منتج .. الموضوع منتهي .

[tatoo]

المشاركة الأصلية كتبت بواسطة الادارة

بالتاكيد لن نسمح لك بان تدخل لترد على احدهم بانه نصاب لانه يطلب سعراً مبالغاً فيه ..
كل انسان حر فى تقييم ماهو ملكه ! ولا يحق لك اتهامه بالنصب .. ان كان هناك غبن فى السعر فهذا ليس نصباً .. من يرغب فى الشراء يجب عليه البحث والتحري عن السعر .. وهذا شيء طبيعي ولا احد يشتري بدون فصال وبدون بحث عن افضل سعر وافضل منتج .. الموضوع منتهي .

على فكرة انا مش لازم اقول انه نصاب واغلط فيه
لكن ممكن اقول ان السلاح المعروض ده فلان كان عارضة بسعر كذا او موجود عند المحل الفلاني بسعر كذا وخلاص
واعتقد ان اكتر من مرة الناس بتعدل اسعارها بناء على الردود
وشكــــــــــــــــــــــــــــــــــــــرا

[boody]

بصراحة الادارة معاها حق اكيد هو لو قرا انك بتشتموا بتقول علية نصاب ادام الناس كلها حيضايق وبعدين كل واحد حر فى حاجتة وهو من حقة يقول السعر اللى هو عايزة ومن حق اللى حيشترى انة يفاصل وميدفعش فلوس الا لما يجرب حاجتة ولو فية غلط فى كلامى يا ريت توضحهولى و شكرا

[صياد الفجر]

يا حماعة سوق المنتدى زى الوسيط تعرف المعلومه ورقم التيلفون و تعيش إنت، مدام الأعضاء لسه بيتطاولوا على بعض فصعب تحكم الموضوع غير كده ،إحنا عايزين الأسلوب يتحسن فى المعامله مع بعض ، إحنا مش بنراعى أداب اللياقه فى أى حاجه
يا أخى لو فى واحد نصاب ممكن نعمل موضوع بره السوق نبين فيه مستوى سعر السلعه و الشارى معاه ربنا دايماً، لو هداه للموضوع يبقى الأستخاره جابت نتيجه لو إضحك عليه يبقى زنبه .
أنا حاس إننا فى مدرسه إبتدائى يعنى الاحترام بيتفرض مش نابع من مسؤلية الأعضاء

[د.حسام]

السلام عليكم
اخى العزيز ماتكبرش الموضوع مش مدرسه ولا حاجه
اما بالنسبه لموضوع ان الاحترام بيتفرض فده مش غلط ربنا سبحانه وتعالى قال فى محكم اياته للذين امنوا
لا ترفعوا اصواتكم فوق صوت النبى
كان فيفرض عليهم اداب الحوار وده مش عيب
عموما احنا كلنا اخوه وتقبل مرورى

[صياد الفجر]

المشاركة الأصلية كتبت بواسطة د.حسام

السلام عليكم
اخى العزيز ماتكبرش الموضوع مش مدرسه ولا حاجه
اما بالنسبه لموضوع ان الاحترام بيتفرض فده مش غلط ربنا سبحانه وتعالى قال فى محكم اياته للذين امنوا
لا ترفعوا اصواتكم فوق صوت النبى
كان فيفرض عليهم اداب الحوار وده مش عيب
عموما احنا كلنا اخوه وتقبل مرورى

أخى العزيز، شكراً على ردك أخى
أدب الحوار ده شئ أساسى فى حياتنا و ده اللى بنادى بيه مش بيغره طبعاً
و ربنا عز وجل قال للمسيلمن كده مع النبى (صلى الله عليه و سلم )و ده كان تخصيص للنبى (صلى الله عليه و سلم ) فقط و ده مش معناه إننا نرفع صوتنا على غير النبى (صلى الله عليه و سلم ) و لكن فى سنة الرسول (صلى الله عليه و سلم ) ما يعلمنا أدب الحوار مع الكبير و الصغير فليس منا من لا يحترم صغيرنا و يوقر كبيرنا.
و إحنا كلنا إخوه علشان كده كان لازم علينا ان لا نطفف و انا شايف إن فى السوق تطفيف و وجب النصيحه

[صقر ابوحسانين]

هى جات على التليفون بس يعم ده فيه مصايب فى سوق المنتدى البضاعه احيانا بتوصل ضعفيين تمنها فى المحلات ربنا يهدى الاخوه علينا

[ahmadkader]

يا إخوة بدون الخوض فى إيه الواجب و إيه المفروض على الإدارة من عدمه ، إليكم الحكم الشرعى لتثمين السلعة فى الإسلام فى إحدى فتاوى الأزهر فى هذا الشأن:

" لا يشترط في الثمن أن يكون على مقدار محدد حين نسبته إلى المثمن، فيجوز للبائع أن يطلب الثمن الذي يريد مهما كان زائداً عن كلفة السلعة ورأسمالها، والمشتري مخيّر بين أن يأخذها بالثمن المطلوب أو يدعها؛ نعم إذا كان السعر المطلوب مرتفعاً بدرجة تضر بعامة الناس وتؤثر على الوضع الاقتصادي العام، ولو بسبب ظروف طارئة، فإن للحاكم الشرعي أن يتدخل في ذلك ويأمره بخفض السعر بما يكفل استقرار السوق ويحمي مصالح الناس، خاصة إذا ترافق ذلك مع قيام البائع باحتكار بعض السلع الأساسية طلباً لزيادة سعرها"

و بالتالى يا جماعة ماينفعش تهين البائع بأى شكل من الأشكال لأنه حر فى تسعير سلعته بالسعر الذى يريده طالما لم يحتكرها ، يقول رسول الله صلى الله عليه و سلم: البيِّعان بالخيار مالم يتفرقا، فإن صدقا وبينا بورك لهما في بيعهما ، وإن كذبا وكتما محق بركة بيعهما " رواه مسلم

فإذا كان الشرع لا يحرم على البائع تحديد سعر سلعته على هواه بما لا يضر بالمصلحة العامة ، فكيف نسلبه نحن هذا الحق

[د.حسام]

جزاك الله عنا خيرا
وتقبل مرورى

[Eng Badran]

سيبة هوا هيقع لوحدة
يا اخي الراجل بيبيع
وانا مع قرار اغلاق الردود علي العروض
لانه فعلا في ردود مزعجة وده سوق زي اي سوق
من حق البايع ان تكون ليه خصوصية في العرض والطلب ومش من حق حد انه يتدخل في السعر حتي لو عالي
انا ذات نفسي عندي طبنجة سنه صنعها 1940 دي لو اتعرض عليا فيها ميت الف جنيه مش هبيعها لانها تحفة فنية ورغم العمر ده كله تشوفها تقول اكنها طالعة من كرتونتها امبارح ومنقوش عليها والمدهب لسه لحد دلوقتي بيلمع فيها
هييجي واحد مش فاهم حاجة يقولك اييييييييييه يا عم .. دي بقالها 70 سنه بتحرت فيها اخري فيها 600 جنية يا عم وانا هاخدها منك اسد ماسورتها واعملها صوت
طبعا ده كلام مينفعش
اؤيد الادارة في اغلاق الردود علي سوق السلاح

[sayedlabib]

حط اعلان فى نفس القسم بنفس المنتج وحط السعر الاصلى وحط تليفونك واللى يكلمك من الاعضاء انصحه وبكده هاتفوت عليه فرصة انه يزيد ويغالى جدا فى السعر وبرضه عايزك تتروى وتشوف الاول يمكن التليفون ده سعره كده دلوقتى لو الاجابة ان التليفون ارخص كتير من المعروض اعمل اللى قولتلك عليه

[د.حسام]

كلام محترم
وتقبلوا مرورى