استفسار عن (( الترييش ))

[عاطف الشاذلى]

السلام عليكم ..مساء الخير على الاخوة الاعضاء صيادين وهواة سلاح
عندى استفسار ارجوا الرد عليه من الاخوة الصيادين الافاضل عن ظاهرة الترييش وهى انك بعد ما تضرب الرشاية تلاقى اليمامة طارت وتناثر منها بعض الريش .. السؤال هو الحالة دى بتكون الرشة اخترقت جسم الطريدة وهى طارت مصابة ولا بتكون ما اتصابتش اصلا والريش ده نتيجة الطيران المفاجئ ولا ايه بالظبط ... ارجوا الافادة وشكرا مقدما

[ابومسلم2005]

الريش ده معناه ان الرشه لم تصب اليمامة في مقتل مثل الراس والرقبة والقلب ولكن اصابت الذيل او الجنب او ريش الجناح وهذا هو الذي يجعل الطائر يطير ولايسقط ميتا مقفول يعني وده من خطاء التنشين وليس عيبا في الرش ولا البندقية وليس له علاقة بالطيران المفاجئ والرشة لاتكون قد اخترقت الجسم

[ابومسلم2005]

الريش ده معناه ان الرشه لم تصب اليمامة في مقتل مثل الراس والرقبة والقلب ولكن اصابت الذيل او الجنب او ريش الجناح وهذا هو الذي يجعل الطائر يطير ولايسقط ميتا مقفول يعني وده من خطاء التنشين وليس عيبا في الرش ولا البندقية وليس له علاقة بالطيران المفاجئ والرشة لاتكون قد اخترقت الجسم

[ابو مروان]

الترييش....هو كما قال الزميل العزيز ابو مسلم ان الرشايه بتكون جت فى الطير بس موش فى مكان قاتل....الاماكن القاتلة اللى بتخلى الطير يقع فى مكانه ...الراس&الرقبة&الحصالة فى اعلى الصدر&الجناح......لو الرشاية جت فى الجناح بتوقع الطير على طول بس بيفضل حى وممكن يقعد يجرى ويستخبى.......الاماكن الغير قاتلة فورا هى الصدر من اسفل والجنب وورك الطير ..الطير ممكن ينضرب فيها ويطير بعيد.......الترييش بيحصل غالبا لو الرشاية جت فى الصدر من تحت او الجنب او الديل طبعا...بس نصيحة لما حاجة تريش معاك افضل متابعها بعينك لان معظم الطير ممكن يريش ويطير بس يقع بعيد لان الرشاية ممكن تكون سرقتة...والسرقة دى تعرفها من نوع بندقيتك يعنى لو البندقية هاى باور وسريعة ممكن تسرق الطير يعنى الرشاية بتكون اخترقت الطير واصابتة بس موش حاسس فبيطير ويقع بعيد انما لو بندقيتك ضعيفة والطير ريش يبقى الرشاية لم تخترقة كليا......حاول تنشن دائما اعلى صدر الطير فالحصالة.....ومن الاخر هى ارزاق

[ابومسلم2005]

ملحوظة صغيرة السرقة حاجة والترييش حاجة تانية السرقة معناها ان الرشة اخترقت الطائر في مقتل وخرجت من الناحية الثانية ودى بكتيره اوى تطلع ريشة ولا اتنين التى هي توازى حجم الرشة فقط لا غير ثم لا يشعر الطائر بها ويطير ويموت بعيدا والترييش معناه ان الرشة حفت ما بين الجسم والريش فينفصل الريش عن الطائر وهذا الريش الكثير هو الذى تراه في الهواء بعد الضرب وعليه لا يموت الطائر ايضا ويطير ولكن لايموت

[عاطف الشاذلى]

1000 شكر الاخ العزيز ابو مسلم والاخ العزيز ابو مروان على الافادة وانشاء الله فى تعاون مستمر كما هو دائما منتدانا العظيم .