الى الخبراء ورجال القانون

[elmasrey123]

الى الخبراء ورجال القانون الحقونى
انا دلوقتى عايز امشى رسمى معابا مسدس صوت مفتوح من المصدر مش مركيله طبة بلى وعايز امشى رسمى فهل ممكن احيب ورقة من القسم التابع ليه بحالة المسدس علشان ااقدر امشى بيه رسمى بدل تغتيت بتوع الدخليه دة للعلم انى شعال محصل بشركة الكهرباء بس جيت اطلع رخصة حى طبعا لازم موافقة الشركة والشركة موفقتش فا نص البله ولا البله كله قلت امشى بالصوت واهه تهويش وربك يحمينا فياريت الافادة

[عمرو بيه]

يا صديقي العزيز أنت من حقك تحمي نفسك وأي حد من حقه يحمي نفسه بس بخصوص سؤالك عن ترخيص مسدس البلي أنا أعتقد أنه من المستحيل ترخيصه بلاش تروح بيه قسم الشرطة عشان إنت عارف ممكن يغلسو عليك إزاي ؟

[elmasrey123]

المشاركة الأصلية كتبت بواسطة عمرو بيه

يا صديقي العزيز أنت من حقك تحمي نفسك وأي حد من حقه يحمي نفسه بس بخصوص سؤالك عن ترخيص مسدس البلي أنا أعتقد أنه من المستحيل ترخيصه بلاش تروح بيه قسم الشرطة عشان إنت عارف ممكن يغلسو عليك إزاي ؟

مه انا علشان كده سالت ملهاش تكييف قانونى او اى ورقه تثبت شكله ولونه وماركته وانه محدث صوت وتكون الورقة عليها ختم النسر علشان الجان والكماين

[avokato]

http://www.egypthunt.net/showthread.php?t=10814
راجع الموضوع دا وباقي الموضوعات التي تتحدث في نفس الموضوع

[ahmedmh_ali]

أنسى .. حاولت قبلك و فشلت يا مصرى ..

[ahmedmh_ali]

و تحياتى للأفوكاتو باشا نزلك بالموضوع اللى نفسة يحبس بية الأعضاء .. لية ! مش عارف !!!!

[elmasrey123]

يعنى اولع فى نفسى ولا ايه ههههههههههههههههههههههههههههههه

[ahmedmh_ali]

المشاركة الأصلية كتبت بواسطة elmasrey123

يعنى اولع فى نفسى ولا ايه ههههههههههههههههههههههههههههههه

باشا أخوك مش ساكت و الله و وعد منى أوصل لحل ان شاء الله ..

[elmasrey123]

المشاركة الأصلية كتبت بواسطة elmasrey123

مه انا علشان كده سالت ملهاش تكييف قانونى او اى ورقه تثبت شكله ولونه وماركته وانه محدث صوت وتكون الورقة عليها ختم النسر علشان الجان والكماين

مبدايا اللينك ده خاص بتعديل السلاح او طلق البلى شكل مه واضح انا بتكلم على العادى وشكرااااااااااااااااااااااا ليك وللاعضاء الى ساهمو بس انا نفسى فى ايجابة مختصرة

[elmasrey123]

المشاركة الأصلية كتبت بواسطة ahmedmh_ali

باشا أخوك مش ساكت و الله و وعد منى أوصل لحل ان شاء الله ..

ياريت وانا هروح القسم من غير السلاح واسال

[avokato]

انت حر انا كلمتك في قانون هتتكلم في الصح بعيد عن القانون السلاح دا في بيتك تدافع عن نفسك واهل بيتك ولو لا قدر الله الظروف هياتلك تخرج بيه يبقي تحت الهدوم ميبنش منه الهوا او في الشنطه الي معاك ومتعديش طبعا علي اي مكن كشف معادن عشان متتقفش ومتككرهاش وحقكم عليا بخصوص حبس الاعضاء انا بطلب مراجعه كتاب الطب الشرعي وتعليماته بخصوص كميات البارود والمقزوفات وهيفهم قصدي بس لو اتقفشت بيه طبعا هتتمسك ويتعمل قضيه لحد ميروح طب شرعي ولو قفلت معاك وطلع حي فيه ماده في قانون الاسلحه ما لم يكون لحمله او استعماله مبرر من الضروره المهنيه او الحرفيه وانت في حاله طارئه اليومين دول وربنا يستر مع الجميع وبكره تزهق منه وتبيعه

[احمد قبيصى احمد]

انا سالت قبل كده فى الموضوع وروحت قسم 6 اكتوبر .... وتاكدت بنفسى ان مفيش حد ممكن يديك ورق لمسدس صوت مقفول او مفتوح ولا ختم النسر ولا الكلام الفارغ دا كله .... بتاع وحده التراخيص قالى كده والتعامل الرسمى لو عايز ترخص بجد

[elmasrey123]

شكرا للاعضاء انا هستقيل من الشغلانة دى وخلاص هههههههههههههههههههههههه

[القانوني]

يبيح القانون للمحصلين والحراس والكاشير أو أمناء الخزن .... الخ
الحصول على ترخيص سلاح حي وقت مزاولة المهنة

ولاتستطيع الشركة أن ترفض ذلك وان رفضت اعطائك الخطاب كما تقول
عليك التقدم لقسم الشرطة التابع له محل اقامتك أو محل اقامة الشركة الاثنان سيان وتبدأ في اجراءات الترخيص شريطة أن يكون مثبت في البطاقة الوظيفة مما سبق ذكرهم أعلاه ...ثم تطلب من الموظف المدني الذي يستقبل منك الاوراق أن يعطيك خطاب لشركتك طالبا فيه توضيح وظيفتك لديهم وهذا سيعتبر المبرر الذي بموجبه سيتم منحك الترخيص
ونتمنى لك التوفيق ان شاء الله

[Atb]

المشاركة الأصلية كتبت بواسطة المستشار القانوني

يبيح القانون للمحصلين والحراس والكاشير أو أمناء الخزن .... الخ
الحصول على ترخيص سلاح حي وقت مزاولة المهنة

ولاتستطيع الشركة أن ترفض ذلك وان رفضت اعطائك الخطاب كما تقول
عليك التقدم لقسم الشرطة التابع له محل اقامتك أو محل اقامة الشركة الاثنان سيان وتبدأ في اجراءات الترخيص شريطة أن يكون مثبت في البطاقة الوظيفة مما سبق ذكرهم أعلاه ...ثم تطلب من الموظف المدني الذي يستقبل منك الاوراق أن يعطيك خطاب لشركتك طالبا فيه توضيح وظيفتك لديهم وهذا سيعتبر المبرر الذي بموجبه سيتم منحك الترخيص
ونتمنى لك التوفيق ان شاء الله

ماشاء الله على الردود المفيده


تحياتى ليك

[elmasrey123]

المشاركة الأصلية كتبت بواسطة المستشار القانوني

يبيح القانون للمحصلين والحراس والكاشير أو أمناء الخزن .... الخ
الحصول على ترخيص سلاح حي وقت مزاولة المهنة

ولاتستطيع الشركة أن ترفض ذلك وان رفضت اعطائك الخطاب كما تقول
عليك التقدم لقسم الشرطة التابع له محل اقامتك أو محل اقامة الشركة الاثنان سيان وتبدأ في اجراءات الترخيص شريطة أن يكون مثبت في البطاقة الوظيفة مما سبق ذكرهم أعلاه ...ثم تطلب من الموظف المدني الذي يستقبل منك الاوراق أن يعطيك خطاب لشركتك طالبا فيه توضيح وظيفتك لديهم وهذا سيعتبر المبرر الذي بموجبه سيتم منحك الترخيص
ونتمنى لك التوفيق ان شاء الله

يعنى مش مهم موافقة الشركة اجيب جواب ان انا شغال محصل ومعايا عهدة ماليه وخلاص

[القانوني]

المشاركة الأصلية كتبت بواسطة elmasrey123

يعنى مش مهم موافقة الشركة اجيب جواب ان انا شغال محصل ومعايا عهدة ماليه وخلاص

نــــــــــــــــــــــــــــــــــــــــعـــم
ولكن صيغة الخطاب مهمة جدا كي لايتلاعب بك الموظف المدني وضابط المباحث
يجب أن تكون الصيغة مقنعه
والافضل أن تستشير محامي محترم يكتب لك صيغه حلوه توقعها وتختمها من الشركة
وعلى سبيل المثال
أن الشركة الفلانية تفيد بأن السيد فلان والذي يعمل لدينا بوظيفة كذا رقم قومي كذا يعمل لدينا محصل كذا ومن دواعي وطبيعة عمله أن يقوم بتحصيل المبالغ المالية من المشتركين في منازلهم أو مقار عملهم أو مقار اقامة العدادت التابعة للشركة وحيث ان الموظف المذكور يحمل مبالغ مالية كبيرة ناتجة عن التحصيل ومسؤول عنها مسؤولية تاااااااااااااااااااااااااامة وأحيانا ً يقوم بتوريد هذه المبالغ المالية الكبيرة في اليوم التالي أو كل كذااااااااااااااااا يوم
ونظرا لظروف البلد هذه الايام وما تمر به من اضطرابات وسرقات
لذا لامانع لدينا من الترخيص له بسلاح حي بعد موافقة الجهات ذات الصلاحية ويكون مسؤول عنه المسؤولية الكاملة
ولذا أعطي هذا الخطاب لتقديمه الى من يهمه الامر

[avokato]

الافضل يذكر شكل الشركه ان كانت مساهمه او مسئوليه وراس المال ويرفق صوره من السجل التجاري ويسلام لو يوثق الورقه في الشهر العقاري ويتقدم بهيا المشكله مش في الترخيص المشكله في الاسعار

[Compact]

بعد الثورة بشهرين تلاتة ...

تم استخراج ورقة من احد الاقسام تثبت ملكيتى لمسدس صوت و مختومة (مكتوب نوع و وصف و سيريال).

و ده مش تصريح حمل محدث صوت , ده زى اثبات الحالة كده.

[احمد قبيصى احمد]

المشاركة الأصلية كتبت بواسطة compact

بعد الثورة بشهرين تلاتة ...

تم استخراج ورقة من احد الاقسام تثبت ملكيتى لمسدس صوت و مختومة (مكتوب نوع و وصف و سيريال).

و ده مش تصريح حمل محدث صوت , ده زى اثبات الحالة كده.

الورقه دى جاتلك ازاى يا جنرال اكيييدحضرتك تعرف ناس مهمييــــــــن
وبالتوفيق دوووما

[Compact]

المشاركة الأصلية كتبت بواسطة احمد قبيصى احمد

الورقه دى جاتلك ازاى يا جنرال اكيييدحضرتك تعرف ناس مهمييــــــــن
وبالتوفيق دوووما

يوجد بعض الجيران لى معاهم نفس الورقة و استخرجوها فى نفس التوقيت تقريبا

ورقة فلوسكاب زى بتاعة المحاضر العادية و بتتختم و سلام عليكوا

[hokaboka]

اولاً: انا محامي ..

ثانياً: لو رحت حضرتك القسم بسلاح صوت معدل ومفتوح ولو من غير طبة عشان تعمل محضر..مش حتطلع من القسم وحتتمسك وتتبهدل ..والشرطة بتريل علي محضر يثبت انهم مصحصين..اوعي تعمل كده

ثالثاً: الحل انك تمشي في إجراءات الترخيص زي ما قالك سيادة المستشار ولما الطلب يترفض ..ارفع قضية..وحتكسبها بأذن الله.

رابعاً: انا محامي وبسافر بعربية مرسيدس محافظات لحضور جلسات واحياناً برجع بليل..وبلوكمين سلاح القسم اللي انا تابع ليه رفض استلام ورقي لترخيص السلاح من اساسه...و انا بدل موجع دماغي في اني ابعتله الورق بمحضر ..كبرت وقلت خليها علي الله ..

خامساً: لو اتمسكت بمسدس بلي..حتلبس جناية...اسمع كلامي..ده يا تخليه في بيتك ..يا تطلعة لو حد هجم عليك بس..وفي الحالة دي حضرتك تقول انك اشتبكت مع اللي هاجمك وخد سلاحة وخرجت رصاصة وقت الاشتباك استقرت فيه...

اخيراً: يا عم حي من غير ترخيص وخلص..بلا داخلية بلا قرد...ما دلوقتي هو والبلي زي بعض

وشكراً

[Compact]

المسدس كان صوت ماسورة مقفولة و بيتعمله معاينه ظاهرية اثناء تسجيل بياناته

و الحكومة فعلا حتخلى الناس كلها تشيل حى شمال بطريقتها دى

[Alex General]

بالظبط كده لو الصوت بقى زى الشمال يبقى ان سرقت اسرق جمل بقى وبعدين فرق السعر موش كبير قوى للاسف
بل بالعكس ممكن يكون الصوت اغلى كمان من الشمال !!!!!

[Compact]

و كده الشمال حيغلى , عشان الصوت يتباع برضوا

[القانوني]

وحدواااااااااااااااااااااااااااا الله
ياجماعه وصلوا على الحبيب

أيه ياجنرال ده انت الكبير هنا

ان شاء الله الايام القادمه سيعود الامن للمواطن لأن الداخلية الان وبعد كل مايحدث ليس لها الا طريق واحد وهو اداء واجبها بجد وأراهم الان في محافظات كثيرة يسعون ليل نهار للقبض على المجرمين والمسجلين الهاربين ويعرض منهم يوميا كم كبير جدا على النيابات والقضاء

اللهم احفظ مصر للمصريين

[Compact]

المشاركة الأصلية كتبت بواسطة المستشار القانوني

وحدواااااااااااااااااااااااااااا الله
ياجماعه وصلوا على الحبيب

أيه ياجنرال ده انت الكبير هنا

ان شاء الله الايام القادمه سيعود الامن للمواطن لأن الداخلية الان وبعد كل مايحدث ليس لها الا طريق واحد وهو اداء واجبها بجد وأراهم الان في محافظات كثيرة يسعون ليل نهار للقبض على المجرمين والمسجلين الهاربين ويعرض منهم يوميا كم كبير جدا على النيابات والقضاء

اللهم احفظ مصر للمصريين

كلامك منطقى جدا يا مستشارى العزيز

و الاختلاف فى الرأى لا يفسد للود قضية

[elmasrey123]

ياسيدى انتم اتكلمتم فى نقطين الاوله انه متعدل وهو مش متعدل اصلا هو مفتوح من المصدر او مقفول مش هتفرق دى نقطة تانى نقطة بتاع الجواب كلمة ان الشركة لا مانع لديها مه هو دا موافقة الشركة الى هى مش راضية تديهال وانا شغال فى شركة الكهرباء حكومة يعنى هههههههههه