ايه رأيكم في الديانا52 - الصناعة ألماني

[أسامه خطاب]

السلام عليكم ورحمة الله وبركاته
هذا أول موضوع لي في المنتدى وأتمنى أن أكون صديقا لكم لأني أعشق الصيد وهو هوايتي الأولى والمفضلة
بصراحة يا جماعة انا فرحت جدا أني لقيت هذا المنتدى لانه بجد في منتهى الروعة
انا من زمان هاوي صيد سواء بالصنارة أو البندقية ويرجع الفضل بعد الله سبحانه وتعالى الى والدي ربنا يديله الصحة
المهم لا أطيل عليكم
اشتريت بندقية جامو من النوع اللى بتكسر فيه الماسورة عند التعمير وبصراحة بعد فترة اقل من سنة ضعفت وكل ما أغير السوستة لا تعود الى حالتها الاصلية
المهم مرت فترة من الزمن وكنت في الاسكندرية ولقيت بندقية ديانا موديل48 مستعملة عند نبيل فتح الله محله جنب محطة مصر
اشتريتها منه ب800جنيه الكلام ده كان سنة1999م
هي بندقية صيد وخفيفة وحلوة ولها جزرة تشبه البندقية البي اس ايه
لكن قوتها ما كانتش عاجباني
بعد اسبوعين ظهر امامي بندقية ديانا موديل52 وحالتها ممتازة جدا
وبصراحة قوتها لا تقارن بأي بندقية ضغط هوا أخرى لكن عيبها انها تقيلة في حملها لكن انا عملت لها حزام
فـ ياريت كل اللى يعرف معلومات عنها يقول لي وياترى سعرها كم دلوقتى في مصر ومين اللى بيبيعها
على فكرة انا حاليا في السعودية وهانزل مصر ان شاء الله قريبا
ياريت الأخوة اللى هينظموا رحلات صيد يدعوني لرحلة معاهم

وهذه بعض صور للبندقية ديانا52 من أحد المواقع

ياريت تكون الصور عجبتكم ومنتظر اسمع آراءكم في البندقية الديانا موديل52

[القناص]

السلام عليكم


أخى أسامة انة يشرفنا وجودك معنا فى المنتدى واسمح لى ان ارحب بك وان شاء الله تجد أجابة
لكل اسئلتك معنا واما بالنسبة لديانا 52 فهى بندقية معروفة جدا وهى قوية جدا حيث انة تصل سرعة الطلقة عيار 5.5 الى 900 قدم فى الثانية ةخشبها من الأنواع الجيدة جدا وربما كان من عيوبها ثقل الوزن

والنيشان البلاستيك المصنوع من الفيبر ربما كان ايضا غلو ثمنها ولكنها بندقية ممتازة فى الصيد من ناحية القوة

وهى موجودة فى أغلب محلات أدوات الصيد وانة يشرفنى أن نخرج للصيد معا ومع باقى الأعضاء


وأتمنى لو تعطينى وسيلة أتصال بك لكى نحدد موعد لنخرج فية للصيد معا وأيضا أرجو ان تحدد مكان سكنك

لكى نساعدك فى أختيار أفضل محلات أدوات الصيد وأهلا بك مرة أخرى عضوا معنا



وشكرا

[venatic13]

اهلا بيك ...

ونورت المنتدي

وان شاء الله تلاقي فيه كل اللي انت محتاجه ... وتضيف عليه


بس انا ماقدرش افيدك في سؤالك لخبرتي المحدوده

[steyr68]

السلام عليكم اهلا بيك
انا زيك امتلك ايضا الديانا 52 من مدة كبيرة وعندى اكتر من سلاح صيدضغط هواء وجربت انواع كتير من
اسلحة الصيد من الخرطوش مع والدى رحمة الله وبنادق 22 ولكن اكتر بندقية شدتنى واعجبتنى من اول استخدام
لها كانت الديانا 52اول مرة استخدمتها شد انتباهى قوتها من قبلها تعاملت مع ماركات كثيرة bsa
gamo norica bam ولكن هذا الموديل من الديانا لاحظت انة يختلف عن الانواع الاخرى من البنادق
فانا امتلك الديانا 52 عيار 22 تكاد قوتها تقترب من نفس العيار من البنادق الناريةيعنى المورس
مع فرق طبعا وزن المقذوف فى النوع الاخير مميزات الديانا 52 تتفوق على الانواع النارية اهمها
رخص سعر الطلقات بالمقارنة بثمن طلقة الريم فاير 22 سعرها من 4 الى 7 جنية للطلقة الواحدة
دة غير ان الديانا لا تحتاج الى ترخيص كذلك حرية شراء طلقاتها باى كمية دون الحاجة الى ترخيص شراء
المميزات التقنية بالنسبة للدبشك فهو من اجود انواع الاخشاب خفيف الوزن مع قوة التحمل
وجود نقوش هاند ميد على منطقة البيستول ومنطقة الارتكاز لتسهيل احكام الامساك بالسلاح
اما الماسورة فهى من الانواع القصيرة وهذا لة تاثير على سرعة المقذوف وهى مدعمة
ومحمية بماسورة خارجية من الحديد الصلب لحماية الماسورةمن الانحناء وجود نوعين من الامان
امان لعملية التعمير ليمنع رجوع زراع التعمير فى حالة انفلاتة من يد الرامى لحماية صاحب السلاح والسلاح ايضا وجود امان اتوماتيكى يحمى من خروج الطلقة بصورة مفاجئة وهو يعمل تلقائيا بعد تعمير السلاح ولا يمكن الضغط على الزناد الا بارجاع زر الامان الى الامام . وجود قاعدة بارزة
يركب عليها التليسكوب وهى تساعد فى ثباتة على البندقية وكذلك فى سهولة فكة او تركيبة
الترجر او الزناد 2 ستيدج اى مرحلى يتميز بخفتة حيث يساعد ذلك فى دقة التصويب وعدم اهتزاز البندقية اثناء الضغط علية ويمكن التحكم فى مدى الضغطة عن طريق ريجلاش
اخيرا يبقى العيوب وما فيش حاجة طبعا تخلو من العيوب اهمها صعوبة فكها لغير المتمرن على ذلك
تعقيد مجموعة الزناد وجود مسمار الانكية يربط زراع الشد فى السليندر وهو مشكلة فى حال الرغبة
فكة لاخراج هذا الجزء اخيرا سعرها وصل الى اكثرمن 5000 جنية
ارجو ان اكون قد بينت مزايا وعيوب هذا الموديل من خلال تعاملى معة

[أسامه خطاب]

أخي الفاضل القناص و steyr68 حياكما الله
والله فعلا انت يا steyr68 وصفت البندقية الديانا52وصف رائع وجبت كل مميزاتها وعيوبها وانت عملت مقارنة حلوة في كلامك حلوة جدا لاني عملت نفس المقارنة وهي ان الديانا52بجد هي اللى عوضتني عن المورس لان والدي ربنا يديله الصحة كان عنده المورس وكنا نصيد بها وتعتبر اول بندقية ضربت عليها هي المورس وكلامك منطقي جدا من حيث ان الديانا 52تعتبر أفضل بسبب سعر الطلقات وبسبب الترخيص
أنا سعيد جدا بكم وسعيد اكتر بمعرفتك أخي الكريم القناص وأنا حاليا في مكة المكرمة وإن شاء الله عند عودتي الى مصر قريبا سيكون بيننا اتصال
وأهلا بك أخاً وصديقاً عزيزاً

[أسامه خطاب]

اهلا بك أخي الفاضل venatic13
وأشكرك على ترحيبك
وان شاء الله تكون معرفة على الخير ونستفيد منكم ان شاء الله

[أسامه خطاب]

أخي steyr68 والأخ القناص بصفتك عندك الديانا52 وواضح انك خبير فيها ماشاء الله عليك
عندي مشكلة مع المنظار
انا اشتريت منظار روسي الصنع وطبعا باركبه علي البندقية بكل سهولة لكن بعد التركيب واظبط النشان
لما اضرب كم ضربة ألاحظ أن المنظار بيتحرك الى الوراء مع اني رابط المسامير بقوة فهل عندك حل لهذه المشكلة
فيه كمان حاجة طبعا البندقية اللى اتكلم عليها بتضرب رش نمرة اتنين زي ما بنسميه في مصر
لكن لما تدخل مواقع يقولوا عليه ارقام تانية فهل هو نفسه المقاس22 او5.5 عموما ادخل الرابط ده وقولي هو نفسة نمرة2ولا نمرة1
علشان عايز ا اشتري بعض انواع عجبتني
الرابط ده http://www.pyramydair.com/cgi-bin/sh...er=0.22&Type=0

أكيد طبعا اخواني الاعزاء في المنتدى اللى عنده خبرة عن الموضوع ده يعطيني رأيه
وشكرا لكم جميعا

[أسامه خطاب]

الأخ القناص
معلشي انا حبيت ابعت لك رسالة خاصة لقيتك قافلها
انا كنت عايز اعرف انت ساكن فين ويعنى نتعرف على بعض أكثر
عموما ده إميلي oekhattab@gmail.com

[steyr68]

السلام عليكم
مرحبا مرة اخرى بالاخ اسامة خطاب
بالنسبة لملاحظتك على موضوع التليسكوب مع الديانا اولا احب ان اوضح امرا وهو تاثير الارتجافة
الناتجة عن رجوع السوستة الى حالتها عند الاطلاق فهى تصنع تاثير تذبذبى على معدن البندقية يعقب خروج الطلقة ولا يوجد هذا الشكل المتذبذب فى الاسلحة النارية يوجد فقط الريكويل او رد الفعل المعاكس لخروج الطلقة باندفاع السلاح الى الخلف وهذا الفعل ليس لة تاثير على التليسكوب عكس بنادق البريك باريل التى تعتمد على النوابض فى عملها ويمكن حل مشكلة انزلاق التليسكوب باكثر من طريقة اولا لم تحدد مكان الانزلاق فهو من مكانين اما انزلاق التليسكوب نفسة داخل الخلقتين المعدنيتين ويمكن حل هذة المشكلة بعمل ما يسمى تخشينة له اى بزيادة قطرة من الخارج بلف شريط لاصق على مكان الحلقتين مع مراعاة تثبيت عدد اللفات فى المكانين حتى لا يخلف اتزان التليسكوب
اما اذا كان الانزلاق من مكان تثبيت قاعدة التليسكوب على قاعدتة فى البندقية فيمكن حل المشكلة اما بشراء قاعدة تليسكوب جديدة من نوع جيد او بوضع شريحة رفيعة من المطاط بين قاعدة البندقية
وقاعدة التليسكوب وهذة الفكرة تعمل كفرملة تمنع انزلاقة وانا مجربها من قبل
اهم شيئ ان تركيب التليسكوب لابد وان يكون جيد وهناك ادوات خاصة بذلك يجب مراعاة اتزانة باستخدلم ميزان ماء فلابد ان يكون موازيا تماما لجسم البندقية سوف احاول رفع ملف فيديو
يوضح تركيب التليسكوب على البندقية .
بالنسبة لطلقات الرش المستخدمة فهى انواع كثيرة من تعاملى مع هذا النوع من الاسلحة لاحظت
الاختلاف الواضح بين انواع طلقات الرش من حيث خواص كل نوع من السرعة الى قدرة الاختراق
الى التاثير على الاهداف اولا يجب تحديد النوع المناسب من هذة الطلقات لتتناسب مع نوع السلاح
فمنها انواع ثقيلة تحتاج بنادق قوبة ومنها الانواع الخفيفة لتناسب البنادق منخفضة القوة
اهم شيئ يجب مراعاة نوع الخام المصنوع منة الطلقات الاحسن الاكثر ليونة وهذا يتوفرفى انواع مثل جامو ماتش فتاثير هذا النوع على الماسورة هين لا يودى الى احداث اضرار بها وهناك انواع اكثر صلابة ولكن اقل فى الوزن وايضا سهولة فى الانزلاق قى الماسورة نظرا لنعومة سطح المقذوف
مثل الجامو جولد فهى طلقات لونها ذهبى وهى الاكثر سرعة يبقى شيئ انة عند تغير نوع الرش
ستلاحظ اختلاف وزنية السلاح اى يجب معايرة نيشان السلاح عند تغير الرش ويمكن التغاضى عن ذلك
بالخبرة فعن طريقها تستطيع تحديد نسبة انحراف كل نوع والتعديل عند الضرب اى باستخدام السنس
احجام الاعيرة للرش فهى كالتالى نمرة واحد ارقمها 177 او4.5
نمرة اتنين 22 او 5.5

[عاصــم الشبراوينــي]

مجهود رائع يا شباب مش محتاج تعليق وكنت احب افيد بس هنا بسم الله ما شاء الله مش محتاجين افاده

[أسامه خطاب]

الأخ الفاضلsteyr68
أشكرك على سرعة تجاوبك معي والرد بمنتهى الدقة على كل أسألتي
بالنسبة للتليسكوب فهو ينزلق للخلف ومكان الانزلاق يكون من من مكان تثبيت قاعدة التليسكوب على قاعدتة فى البندقية
هاجرب فكرة قطعة مطاط اعتقد انها هتكون ناجحة
بالنسبة للطلقات (الرش) انا بأستخدم نوع انجليزي هو ثقيل ولين في نفس الوقت بصراحة انا مش فاكر اسمه لكن
هو في علبة بلاستيك دائرية ومرسوم عليها ذبابة باللون الازرق والعبوة بتكون500رشة
لكن بصراحة ممتاز جدا ولقيته أحسن من المارسمان بكتير خصوصا لانه ثقيل وبينفع مع قوة البندقية
عموما بياناته بالضبط واسمه والوزن لما انزل مصر ان شاء الله احط صورة العلبة
ويا ترى ايه احسن الأنواع التى تتصف بالليونة وثقل الوزن غير جامو ماتش أقصد طبعا المتوفرة في مصر

[أسامه خطاب]

الأخ عاصــم الشبراوينــي
شكرا على مرورك ولا غنى لنا عن خبرتك ومعلوماتك المفيدة