|
الصيد العام موضوعات الصيد العامه وتعارف الصيادين. |
أدوات الموضوع | إبحث في الموضوع | انواع عرض الموضوع |
11-06-16, 08:55 PM | #1 |
صياد متقدم
|
خطوات شراء منتج ( سكوب او غيرة ) من الانترنت
اولا . لازم طبعا يكون معاك كارت انترنت internet card سواء فيزا او ماستر كارد ودى بتطلعها من اى بنك ممكن تسال فيها البنك لان الموضوع بيختلف من بنك لاخر .. بعد ما بتطلع الكارت بتحط فيه الفلوس اللى انت عايزها ( اللى هتشترى بيها ) وانصحكم تعملوا ايداع بس للفلوس اللى هتستخدموها كل مرة منعا لسرقه الفلوس من الحساب ( ودى غير واردة بصراحه ) طالما انك محتفظ بارقام الكارت والرقم السرى عن اى حد .
====================== ثانيا : تعمل حساب على موقع aliexpress او dHGATE وبعد ما تعمل الحساب وطبعا اساسى فى الحساب تدخل بياناتك البريدية اللى مفروض يجيلك عليه المنتج اللى هتشتريه . ==================== ثالثا : عمليه الشراء : تبدا تتصفح الموقع وتبحث عن اللى انت عايزة انا عن نفسى بدور على الحاجات Free shipping لان على الموقع فيه شركات ممكن تبيع نفس المنتج بشحن مجانى وشركات اخرى تبيعه بشحن اغلى من تمن المنتج .. ودى شويه شويه هتكتسبوا فيها خبرة .. خبرة البحث واختيار المنتج ... وطبعا لازم تقرا وصف المنتج كويس والملحقات اللى جايه معاه علشان تفهم ايه اللى هيجيلك لان دة نظام تجارة وجذب انتباه وممكن يبقى فيه قليل من النصب .. يبقى لازم نركز كويس فى وصف المنتج ... ========================= رابعا : عمليه الشراء : تشترى المنتج وتدفع الفلوس عن طريق الانترنت كارد ولا يتم تحويل المبلغ الى البائع الا بعد تاكيدك ان المنتج وصل وقمت باستلامه . وبعد كدة بيبدا االبائع فى تاكيد الدفع ودة بياخد 24 ساعه وبعدين يبدا فى شحن المنتج وبيجيلك رساله ان المنتج اتشجن ودة مش بياخد وقت بردة كمان 24 ساعه والبائع بيعطيك Tracking Number للاوردر او رقم تتبع تقدر تتبع بيه الاوردر بتاعك وصل فين .. خرج من الصين .. وصل مطار القاهرة .. غادر مطار القاهرة الى مكان التسليم النهائى .... وهكذا ...ز ===================== خامسا : وقت الوصول بيختلف على حسب شركة الشحن .. معظم الشحن المجانى بيكون عن طريق China mail air post وكذلك كل المنتجات اللى مكتوب انه هيتم شحنها عن طريق EMS او express mail service ودة غير متوفر لمصر وعشان كدة كل الى EMS بيتحول بالبريد الصينى ودة بيستغرق من 18 الى 25 يوم على الاكثر .. ===================== بمجرد استلامك للاوردر بتقوم بتاكيد وصول واستلام الاوردر حتى يقوم الموقع بتحويل المبلغ الى البائع .. فى حاله استلامك لمنتج مختلف او مخالف للمواصفات اللى موجودة فى صفحة المنتج ... بتفتح حاجه اسمها Dispute او نزاع بتوصف فيها المشكله وانت عايز ترجع فلوسك كلها ولا جزء منها ولو هترجع فلوسلك كلها يبقى لازم تشحن المنتج تانى للبائع ودة صعب بينى وبينكم ومكلف . يبقى نخلينا فPartial Refund او استرجاع جزئى لفلوسك وطبعا قليل لما البائع بيبعت حاجه مختلفه عن اللى انت اشتريتها ... ودى كلها اسمها Escrow Buyer Protection ======================== الموقع بيتيح لك انك ممكن تكلم البائع اونلاين لو فيه اى مشكله فى اىحاجه او لو المنتج اتاخر او جالك مواصفاته مختلفه .... ================= سادسا ولا سابعا مش عارف : المهم الخطوة الاخيرة انك تترك Feedback عن المنتج يعنى لو المنتج ما عجبكش سيب فيدباك زباله ولو عجبك سيب فيدباك كويسه والنقطة دى فيها لعب كتير ... انا لو جالى منتج مختلف اختلاف بسيط عن اللى مفروض يجيلى بهددهم انى هسيب فيدباك سيئه ودى بتزعلهم جدا .. وممكن تستغلها فى انك تسترد جزء من فلوسك... ============== الخلاصه : السكوبات بتدخلمصر وبتمر من الجمارك عادى مش عارف يمكن بعد الثورة ما بقوش بيصوا او الحاجات دى كانت من مهام امن الدوله سابقا وخلاص خلصت مش عارف المهم انها بتوصل بامان وسلام واللى يقول مش بتدخل بيقى .... غلطان الليزر سيت والريد دوت وكل ما يخص السكوبات بتوصل عادى جدا وانا اشتريت من كل حاجه منها ... حاجه اتمنى اكون افادتكم .. والله المستعان
__________________
Alas To Dust ..... We All Return |
sponsor links |
11-06-16, 08:59 PM | #2 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: خطوات شراء منتج ( سكوب او غيرة ) من الانترنت
الله ينور عليك يأخى.... بس انا ليا سؤال....بالنسبه لتكاليف الشحن الداخلى للبريد المصرى بيكلف كام و هل هى تكلفه ثابته ولا لا؟؟....و هل السيت دا dhgate موثوق لانى قرأت عنه ريفيو ناس قالت بيحميك من التجار النصابين و ناس قالت لا.
|
11-06-16, 09:04 PM | #3 |
صياد متقدم
|
رد: خطوات شراء منتج ( سكوب او غيرة ) من الانترنت
افضل موقع فى نظرى هو www.aliexpress.com وبردةdhgate كويس جدا وانا اشتريت من الاتنين ...
تكلفه البريد الداخلى تقريبا مفيش اللى بتدفعه هو حاجتين : ضريبه المبيعات على الحاجة اللى انت شاريها + التعريفه الجمركيه ودى مش ثابتها المبلغ كله بيتراوح ما بين 15 ج الى 50 ج لو جايب سكوب غالى مثلا -------------------------- الموقعين نظامهم جميل فى حمايه المشتررى وومكن تسترجع فلوسك لو المنتج مش مطابق للوصف
__________________
Alas To Dust ..... We All Return |
11-06-16, 09:07 PM | #4 |
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: خطوات شراء منتج ( سكوب او غيرة ) من الانترنت
انا بشكرك جدا يا باشا و ان شاء الله اول مأخلص امتحانات اطلع الفيزا و اجرب اشترى كده تليسكوب تاسكو على dhgate انا متابعه من فتره و حاطط عينى عليه و ناوى اصطاده....بكرر شكرى
|
11-06-16, 09:12 PM | #5 |
صياد متقدم
|
رد: خطوات شراء منتج ( سكوب او غيرة ) من الانترنت
موفق ان شاء الله
__________________
Alas To Dust ..... We All Return |
11-06-16, 09:16 PM | #6 |
صياد متقدم
تاريخ التسجيل: Mar 2011
المدينه: السويس - بورسعيد - المنصورة
المشاركات: 860
معدل تقييم المستوى: 10 |
رد: خطوات شراء منتج ( سكوب او غيرة ) من الانترنت
شكرا على الموضوع وبرجاء افادتنا اذا كان هناك مواقع اخرى
__________________
"Load Your Mind Before you Load your Gun "
|
11-06-16, 09:31 PM | #7 |
صياد نشيط
تاريخ التسجيل: May 2011
المدينه: القاهرة
المشاركات: 292
معدل تقييم المستوى: 7 |
رد: خطوات شراء منتج ( سكوب او غيرة ) من الانترنت
جزاك الله خيرا
|
11-06-16, 10:16 PM | #8 |
مشرف قسم السوق
|
رد: خطوات شراء منتج ( سكوب او غيرة ) من الانترنت
مجهود رائع جزاك الله خير
__________________
|
11-06-16, 10:47 PM | #9 |
صياد قديم
تاريخ التسجيل: May 2011
المدينه: القاهرة
المشاركات: 1,594
معدل تقييم المستوى: 42 |
رد: خطوات شراء منتج ( سكوب او غيرة ) من الانترنت
شكرا للمعلومات القيمة
|
11-06-16, 11:56 PM | #10 |
صياد متقدم
|
رد: خطوات شراء منتج ( سكوب او غيرة ) من الانترنت
جزاك الله خير .... طيب لو عاوز بندقية ينفع تتشحن ولا فيها مشاكل
__________________
أحمد النقراشي |
11-06-16, 11:58 PM | #11 |
صياد متقدم
|
رد: خطوات شراء منتج ( سكوب او غيرة ) من الانترنت
لا لسه ما جربناش البنادق ....ربنا يسهلها
__________________
Alas To Dust ..... We All Return |
11-06-17, 12:35 AM | #12 |
صياد متقدم
تاريخ التسجيل: Feb 2011
المشاركات: 611
معدل تقييم المستوى: 10 |
رد: خطوات شراء منتج ( سكوب او غيرة ) من الانترنت
مشكور على المعلومات القيمة ...تحياتى
|
11-06-17, 10:17 AM | #13 | |
صياد متقدم
تاريخ التسجيل: Apr 2011
المدينه: port said , egypt
المشاركات: 693
معدل تقييم المستوى: 8 |
رد: خطوات شراء منتج ( سكوب او غيرة ) من الانترنت
اخي الفاضل نشكرك بشدة علي توضيح لنا كيفية الشراء ولكن لي تعقيب علي حتة مش فاهمها
اقتباس:
وازاي وبعد كدة بيبدا االبائع فى تاكيد الدفع ودة بياخد 24 ساعه وبعدين يبدا فى شحن المنتج وبيجيلك رساله ان المنتج اتشجن ودة مش بياخد وقت بردة كمان 24 ساعه يعني انا استلم المنتح من البريد واوقع الاستلام وبعد كده الفلوس تتبعت للبائع ولا ايه بلظبط واستفسار اخر كنت ارغب في شراء ريموت كنترول لطائرة وثمنة في مصر غالي جدا كألعادة وعلي بعض المواقع مثل هوبي كينج ب180 دولار ولاكن في هذا الموقع لاقيتو بأغلي من كمد كتير فايه الفرق واستفسار اخر ما المراد بلارقام والاسعار الي في الصورة المرفقة واخيرا خالص هل كل المنتجات الي علي الموقع dhgate صيني
__________________
اذا رايت نملة في الطريق فلا تدسها و ابتغ بذلك وجه الله عسى ان يرحمك كما رحمتها اذا اعترضتك قطة صغيرة في وسط الطريق فاحملها الي الجانب الاخر و ابتغ بذلك وجه الله عسى ان يقيك الله ميتة السوء اذا هممت بالقاء بقايا الطعام في حاوية القمامة فاجعل نيتك ان تكل منها الدواب و ابتغ بذلك وجه الله عسى ان يرزقك الله من حيث لا تحتسب اذا اشتدت حرارة الصيف فاجعل اناء به ماء في شباك غرفتك لتشرب و تتبرد فيهالطيور و ابتغ بذلك وجه الله عسى ان يسقيك الله يوم العطش الاكبر |
|
11-06-17, 11:09 AM | #14 |
قنـــاص من الدرجه الاولى
|
رد: خطوات شراء منتج ( سكوب او غيرة ) من الانترنت
موضوع ممتاز يستحق التقييم الله ينور يا بشمهندس
|
11-06-17, 11:23 AM | #15 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
ممكن لو سمحت صوره للمنظار لانى مش لاقيه فى الموقع وهل كان معاه ريد دوت ولا منظار بس
|
11-06-17, 11:33 AM | #16 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
سؤال اخر اخى الكريم من فضلك
لما بشوف منظار بيقولى شحن مجانى لامريكا ولما اختار مصر بكتب مصاريف شحن اخرى ازاى اقدر اشحن مجانا وهل بشحن لامريكا وبعدين من امريكا لمصر وازاى اقدر اعمل كدا؟؟ |
11-06-17, 01:40 PM | #17 |
صياد متقدم
|
رد: خطوات شراء منتج ( سكوب او غيرة ) من الانترنت
الشحن المجانى بيختلف من دوله لدوله .. فيه دول البائع بيقدر يوفر ليها شحن مجانى ودول تانيه ما بيقدرش انت وحظك بقه ..
__________________
Alas To Dust ..... We All Return |
11-06-17, 01:48 PM | #18 | |
صياد متقدم
|
رد: خطوات شراء منتج ( سكوب او غيرة ) من الانترنت
اقتباس:
Unit Price : دة سعر الوحدة او القطعه الواحدة وفيه اقل سعر واعلى سعر اقل سعر لو هتشترى اكتر من قطعه واعلى سعر لو هتشترى قطعه واحدة بس reference currency : العمله المرجعيه هى اتوماتيك دولار امريكى وما تغيرهاش خليها كدة بعد كدة محددلك الكميات والاسعار يعنى لو هتشترى من قطعه الى 35 قطعه هيقف عليك تمن كل قطعه ب 232 دولار اما لو هتشترى من 36 الى 200 قطعه هيقف عليك القطعه ب 230 دولار وهكذا بعد كدة انت بتكتب فى خانه الكميه اللى انت عايزها واتوماتيك بيحسب التكلفه سعر المنتج تكلفه الشحن واسم شركه الشحن Shippinh Method التخفيض للكميات : wholesale discount واخيرا التكلفه النهائية Total cost ---------------------------------------------- بالنسبه للنقطة الاولى : حضرتك بتدفع عن طريق الانترنت كارد والفلوس لا يحصل عليها البائع ولكن بيتم تحويلها فى حساب aliexpress ولكن باسم البائع وعمليه تاكيد الدفع دى تعنى ان البائع يتاكد فعلا انك دفعت المبلغ المطلوب للموقع ولكن لا يقوم الموقع بتحويل المبلغ للبائع الا بعد تاكيد المشترى انه استلم المنتج ودى اسمها Escrow Buyer Protection اتمنى اكون قدرت اوضح لحضرتك....
__________________
Alas To Dust ..... We All Return |
|
11-06-17, 01:54 PM | #19 |
صياد متقدم
|
رد: خطوات شراء منتج ( سكوب او غيرة ) من الانترنت
السلام عليكم ..
انا ذكرت فى موضوع اخر انه من عيوب الشراء على هذة المواقع انه ممكن يبعتلك منتج مختلف بعض الشىء عن المنتج اللى انت اشتريته واللى صورة موجودة فى صفحة المنتج ولكن الاختلاف بسيط جدا ودة حصل معايا مرتين من اجمالى 14 مرة شراء من موقع aliexpress يعنى كنت مفروض شارى سكوب : bushnell 6-24x50 AOE Red and green illuminated وغطاء العدسات بتاعته العادية اللى متصله باستك دى . اللى وصلنى بقه : EDENBERG GMBH 6-24 X50 AOE Firedot Duplex Red dot illuminated وبصراحة طلع احسن من البوشنيل وخاصه حته ال Firedot dUPLEX عبارة عن نقطة فى وسط الكروشير بتضاء احمر يعنى ريد دوت وسكوب
__________________
Alas To Dust ..... We All Return |
11-06-17, 02:00 PM | #20 |
مشرف الصيد البري
|
رد: خطوات شراء منتج ( سكوب او غيرة ) من الانترنت
شكر لك على الموضوع الجميل
__________________
قوله تعالى : { فلم تقتلوهم ولكن الله قتلهم وما رميت إذ رميت ولكن الله رمى وليبلي المؤمنين منه بلاء حسنا إن الله سميع عليم }[SIGPIC][/SIGPIC] |
11-06-17, 02:03 PM | #21 |
صياد متقدم
|
رد: خطوات شراء منتج ( سكوب او غيرة ) من الانترنت
شكرا يا هشام باشا .. تلامذة حضرتك...
__________________
Alas To Dust ..... We All Return |
11-06-17, 10:42 PM | #22 |
صياد جديد
تاريخ التسجيل: May 2011
المشاركات: 28
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
عايز اعرف حاجه هو السبب الي اتقال كان للفكاهه فقط ( ان المنع كان تخصص امن الدولة ) ولكن ما السبب الحقيقي اللي يضمنلنا امكانية تكرار المسالة من غير ما الفلوس تروح علينا وخاصتا اني لا اعتقد المسالة تمت صدفة (الكلام علي الجمارك) هل حكاية الدستور والاعلان الدستوري وراء تعطيل قانون المنع مثلا اان كان كده نستغل الفترة دي ولا فعلا كان الامرتخصص جهة رحلت نرجو التوضيح من متخصص قانوني او جمركي لو موجود ولة جزيل الشكر
|
11-06-17, 10:51 PM | #23 |
صياد قديم
تاريخ التسجيل: Mar 2011
المدينه: القاهره
المشاركات: 1,504
معدل تقييم المستوى: 13 |
رد: خطوات شراء منتج ( سكوب او غيرة ) من الانترنت
مشكور اخي الفاضل علي المعلومات الجميله ديه وجزاك الله عنا كل خير
__________________
وتقبل تحياتي لك |
11-06-17, 11:16 PM | #24 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
متشكر على زوقك للرد على سؤالى لكن انا ملاحظ ان ابشحن لمصر بيكون دايما ببريد ems ومش مجانى ممكن حضرتك تقولى المنظار اللى طلبته كان شحن مجانى لمصر ولا التمن كان بمصاريف الشحن
|
11-06-18, 12:03 AM | #25 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
مشكله طلعتلى بعد تكوين الحساب الموقع مش راضى يفتح تانى يا ترى ايه السبب خطا400
|
11-06-18, 12:22 AM | #26 |
صياد نشيط
تاريخ التسجيل: Dec 2010
المدينه: العريش
المشاركات: 360
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
السلام عليكم ورحمة الله تعالى وبركاته
استاذنا الفاضل أ . Peace Missile جزاك الله عنا كل خير ,., وتسلم ايدك على المجهود الرائع والجميل اللى حضرت افدتنا بيه ,., وربنا يجعله فى ميزان حسناتك ,., وارجو من الإداره تثبيت الموضوع لأهميته لكى يرجع إليه من لم يراه . خالص تحياتى وتقديرى . تقبل مرورى ............
__________________
ولدتك امك يابـــن آدم باكيـــــــــا * & * والناس حولك يضحكون سرورا
فاعمل لنفسك ان تكون إذا بكوا * & * فى يوم موتك ضاحكا مسرورا |
11-06-18, 11:53 AM | #27 |
صياد جديد
تاريخ التسجيل: Jun 2011
المدينه: Cairo
المشاركات: 14
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
7ad ye3raf 7aga 3an elgamarek lw talabt mosadas aw bondo2eya daght hawa. we dokholha 3an taree2 sherket elsha7n fee moshkela walla la2 . shokrann
|
11-06-18, 06:03 PM | #28 |
صياد متقدم
|
رد: خطوات شراء منتج ( سكوب او غيرة ) من الانترنت
الاخ الفاضل Cono هما بيبقوا كاتبين EMS او Express Mail Service وسواء كان شحن مجانى او بفلوس بيتغير لان ال EMS غير متاح الى مصر فلو كان المنتج شحن مجانى ومكتوب EMS بيشحنوه عن طريق China Mail Air Post البريد الصينى الجوى ودة بياخد من 15 الى 25 يوم بالكتير ولو الشحن مش مجانى بيشحن بالبريد الصينى او شركه بريد تانيه وربما تتحمل حضرتك الزيادة فى تكلفه الشحن احيانا على حسب الشركه اللى حضرتك شارى منها
__________________
Alas To Dust ..... We All Return |
11-06-18, 06:06 PM | #29 | |
صياد متقدم
|
رد: خطوات شراء منتج ( سكوب او غيرة ) من الانترنت
اقتباس:
عموما انا شايف اننا لام نجرب وان شاء الله خير وانا نظرتى ان وفاه امن الدوله سبب هام فى الموضوع دة
__________________
Alas To Dust ..... We All Return |
|
11-06-18, 08:01 PM | #30 |
صياد متفاعل
تاريخ التسجيل: Jan 2011
المشاركات: 141
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
برررررررررررررررررررنس
|
11-06-18, 10:32 PM | #31 |
صياد جديد
تاريخ التسجيل: May 2011
المشاركات: 28
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
الانترنت كارت اللي استخدمتها حضرتك اية هل كل الانترت كارد لكافة البنوك الموحوده في مصر مقبولة من الموقعين/ وهل شركة الشحن بتجيبلك الطرد لغاية البيت/ وهل ممكن حد تاني غير المشتري ممكن يستلم الطرد مكانه /وبالنسبة للعشوائيات بتكون العناوين فيها بالتوصيف ممكن تمشي كده /وبيتكتب العنوان عربي ولا انجليزي / ومششكوررر علي المجهود الرائع
|
11-06-18, 10:55 PM | #32 | |
صياد متقدم
|
رد: خطوات شراء منتج ( سكوب او غيرة ) من الانترنت
اقتباس:
بالنسبه للنترنت كارد .. كل الانترنت كارد اللى سيتم استخراجها من اى بنك فى مصر هتكون احد النوعين .. اما فيزا او ماستركارد .. وكلاهما مقبولان عالميا فى اى موقع ان شاء الله ولكن حضرتك ممكن ترجع للبنك فى بنوك ممكن ما بتطلعش انترنت كارد والتكلفه بتختلف من مكان الى مكان ... بالنسبه لشركة الشحن .. انا كل اللى اشتريته كان جايلى عن طريق البريد الصينى الجوى الى البريد المصرى يعنى مش شركه شحن .. وبيجى على عنوانك البريدى ... وطبعا لازم العنوان يكون انجليزى ...مجرتش اكتبه عربى ولكن منعا للاخطاء ... ممكن حد يستلم مكانك عادى بس يكون اكيد قريب منك .. وممكن ساعى البريد يرخم ويقول لازم بطاقة صاحب الطرد
__________________
Alas To Dust ..... We All Return |
|
11-06-19, 12:09 AM | #33 |
صياد جديد
تاريخ التسجيل: Mar 2011
المشاركات: 40
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
اخى الفاضل عايز منك خدمة رخمة شوية اذا حبيت تعملها فجزاك الله خيرا واذا كان فى نفسك منها شئ مفيش اى مشاكل , باختصار شديد انا محتاج اشترى من الموقع , وبصراحه المشوار ده كله مش هاقدر اعمله , فانا بفكر اروح لحضرتك واسيب معك فلوس , واخد الايميل بتاعك والمنتج اللى عايز اشتريه ابعت لك الرابط بتاع الصفحة بتعته وانت تقوم بعملية الشراء , ولما الحاجه توصل نبقى نشوف اتكلفت كام لحد ما وصلت , وطبعا هيبقى معاك فلوس بزيادة حتى لا تتحمل اى خسائر فى حال حدوثها لا قدر الله , وعموما انا بشكر حضرتك جدا انك اخدت من وقتك عشان توصلنا المعلومات القيمه دى
|
11-06-19, 12:52 AM | #34 | |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
اقتباس:
انا كنت عايز اسال بس هو بيكتبب شحن مجانى لامريكا دا معناه شحن مجانى برضه لمصر ولا بالنسه لمصر بشيل مصاريف الشحن وهل حضرتك جبت حاجه بشحن مجانى |
|
11-06-19, 01:04 AM | #35 |
صياد متقدم
|
رد: خطوات شراء منتج ( سكوب او غيرة ) من الانترنت
غير اسم الدوله ل مصر Egypt وشوف تكلفه الشحن هتكون كام ولا مجانيه ...انا قلت قبل كدة ان الشحن المجانى ممكن يكون لدول معينه ودول تانيه لا يعنى مثلا ممكن يكون منتج شحن مجانى لامريكا لكن لمصر شحنه غالى جدا واحيانا فى منتجات البائع مش بيعرف يشحنها لبلدك بتلاقى مكتوب جنب الشحن Cannot deliver to Egypt
__________________
Alas To Dust ..... We All Return |
11-06-19, 01:08 AM | #36 | |
صياد متقدم
|
رد: خطوات شراء منتج ( سكوب او غيرة ) من الانترنت
اقتباس:
__________________
Alas To Dust ..... We All Return |
|
11-06-19, 01:20 AM | #37 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
متشكر جدا واسف لانى مكنتش واخد بالى من انى المفروض اختار الشحن لمصر فى الصفحة الرئيسية علشان اعرف ايه اللى شحنه مجانى لمصر
|
11-06-19, 01:28 AM | #38 |
صياد متفاعل
تاريخ التسجيل: Mar 2011
المشاركات: 226
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
انت بجد برنس و لازم يا جماعة كلنا نقيم الموضوع و يتم التثبيت لازم لازم و ارجو من الادارة انها تثبت الموضوع
|
11-06-19, 01:38 AM | #39 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
لكن ايهما افضل للشحن UPS Expedited ولا ems
|
11-06-20, 01:16 AM | #40 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: خطوات شراء منتج ( سكوب او غيرة ) من الانترنت
برجاء تثبيت الموضوع
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-06-20, 01:30 AM | #41 |
صياد متقدم
تاريخ التسجيل: Feb 2011
المشاركات: 560
معدل تقييم المستوى: 8 |
رد: خطوات شراء منتج ( سكوب او غيرة ) من الانترنت
راجل محترم . جزاك الله كل خير
__________________
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ |
11-06-20, 01:35 AM | #42 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: خطوات شراء منتج ( سكوب او غيرة ) من الانترنت
ليك رسالة علي الخاص يا استاذ
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-06-20, 09:54 PM | #43 |
صياد جديد
تاريخ التسجيل: May 2011
المشاركات: 28
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
ترجمة المفردات دي بدقة منعا للخطا من فضلك ولك جزيل الشكر:
Contact Name Country/Region: Street Addres Street Address 2 City State/Province: Zip/Postal Code Phone Number انا عارفها بس عايز اتاكد من فيهم البلد؟ ومن المحافظه ؟ومن المدينه؟ ومن الشارع؟ وهل يتكرر عنوان الشارع؟ عارفهم بس بتاكد |
11-06-20, 10:28 PM | #44 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: خطوات شراء منتج ( سكوب او غيرة ) من الانترنت
موضوع جميل جدا
ارجوا نقل الموضوع لسوق المنتدى
__________________
سبحان الله و بحمدة سبحان الله العظيم
|
11-06-20, 10:40 PM | #45 |
صياد جديد
تاريخ التسجيل: May 2011
المشاركات: 28
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
بالاضافة لرجمة المفردات من فضلك البيانات اللي بتكون مطلوب اخذا وتسجيلها من الانترنت كارد
|
11-06-21, 12:33 AM | #46 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
|
11-06-21, 12:10 PM | #47 |
صياد متقدم
|
رد: خطوات شراء منتج ( سكوب او غيرة ) من الانترنت
اخى الكريم ...
بينات الانترنت كارد هى 3 بيانات : 1- رقم الكارت ودة رقم كبير تقريبا 14 رقم 2- الرقم السرى 3- تاريخ الانتهاء وهى دى الارقام اللى بتدخلها سلعه البيع ويجب انك تحتفظ بالكارت بشكل سرى لان الارقام دى ممكن اى حد ياخدها ويستدخمها ... الرقم السرى اهم رقم وعموما الكارت كله ياريت تحتفظ بيه كويس لان كل الارقام مكتوبه عليه والكارت نفسه ككارت ملوش اى لازمة انا عن نفسى عاين الكارت فى البيت والبينات محتفظ بيها على الكمبيوتر
__________________
Alas To Dust ..... We All Return |
11-06-21, 12:50 PM | #48 |
مشرف قسم التسليح المصري و العالمي
تاريخ التسجيل: Mar 2011
المدينه: شبرا مصر
المشاركات: 3,610
معدل تقييم المستوى: 275 |
رد: خطوات شراء منتج ( سكوب او غيرة ) من الانترنت
مشكور ودا بينطبق علي اي حاجه مش محظوره
|
11-06-21, 04:04 PM | #49 |
صياد نشيط
|
رد: خطوات شراء منتج ( سكوب او غيرة ) من الانترنت
thank u for these valuable information
__________________
محمد فصيح صياد منذ الصغر فريق الشرقية للصيد والرماية |
11-06-21, 06:25 PM | #50 |
صياد نشيط
|
رد: خطوات شراء منتج ( سكوب او غيرة ) من الانترنت
موضوع اكثر من رائع واتمنى يتثبت لانو يستاهل فعلا
__________________
الصيد يعلمك الصبر |
11-06-22, 10:56 AM | #51 | |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
اقتباس:
|
|
11-06-23, 08:28 PM | #52 |
صياد متقدم
|
رد: خطوات شراء منتج ( سكوب او غيرة ) من الانترنت
يبقى دة مش الرقم السرى ... تاكد من اللرقم السرى
__________________
Alas To Dust ..... We All Return |
11-06-25, 02:32 AM | #53 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
|
11-06-25, 12:56 PM | #54 | |
صياد متقدم
|
رد: خطوات شراء منتج ( سكوب او غيرة ) من الانترنت
اقتباس:
اللى حضرتك تقصدة دة مش انترنت كارد دة اسمه كارت ATM للسحب من ماكينات الصراف الالى ولا يمكن استخدامه على الانترنت ... كارت الانترنت كارت يستخدم فقط على الانترنت والرقم السرى بتاعه 3 ارقام بس مش 4 ... وعموما كل الكروت سواء ATM او Internet card او Credit card كلها ممكن تكون Visa او Master Card
__________________
Alas To Dust ..... We All Return |
|
11-06-25, 04:20 PM | #55 |
صياد جديد
تاريخ التسجيل: Mar 2011
المشاركات: 40
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
بعد اذنك دى معناها اية واكتب فيها ايه Zip/Postal Code
|
11-06-26, 08:40 PM | #56 | |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
اقتباس:
|
|
11-06-28, 01:25 AM | #57 | |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
اقتباس:
|
|
11-06-30, 03:18 PM | #58 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
الاخ العزيز Peace Missile
متشكر لمجهود حضرتك معانا لكن كنت عايز اعرف بالنسبة للضريبة والجمارك مين بيحصلهم من المشترى وبيتم تحصيلهم امتى وفين وازاى وهل اللى بيوصل الحاجة هوه اللى بيبحصلهم ولا ايه بالظبط؟؟ |
11-06-30, 03:23 PM | #59 |
صياد متقدم
|
رد: خطوات شراء منتج ( سكوب او غيرة ) من الانترنت
اخى الكريم كونو ... الضريبه والجمارك بيتم تحصيلها عند تسليم الطرد .. ساعى البريد بيسلمك الطرد وبياخد منك الرسوم المطلوبه .. بتمضى على الاستلام والمبلغ المطلوب .. فى الغالب لو مثلا انت شارى حاجه ب 50 دولار هتلاقى الرسوك كلها حوالى 50 جنيه مصرى .. يعنى ان شاء الله الموضوع بسيط متقلقش
__________________
Alas To Dust ..... We All Return |
11-07-01, 12:51 AM | #60 |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
معلش طلب اخير ممكن اعرف سعر التليسكوب اللى حضرتك طلبته كان فى حدود
كام دولار |
11-07-05, 10:58 PM | #61 |
صياد متقدم
تاريخ التسجيل: Jul 2010
المدينه: الجيزة
المشاركات: 545
معدل تقييم المستوى: 8 |
رد: خطوات شراء منتج ( سكوب او غيرة ) من الانترنت
|
11-07-05, 11:07 PM | #62 |
صياد متقدم
|
رد: خطوات شراء منتج ( سكوب او غيرة ) من الانترنت
اخى الفاضل ال zip code هو مفتاح البلد مصر مفتاحها ( 002 )
Postal code وهو الرقم البريدى ...رقم مصر البريدى تقريبا 34611 المهم الخانه دى تبقى تكتب فيها 002
__________________
Alas To Dust ..... We All Return |
11-07-07, 04:42 PM | #63 |
صياد متفاعل
تاريخ التسجيل: Feb 2011
المشاركات: 106
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
هل ممكن شراء بنادق الرش وضغط الهواء من الانترنت وشحنها علي مصر ؟
|
11-07-08, 01:13 PM | #64 |
صياد نشيط
تاريخ التسجيل: Sep 2010
المدينه: القاهرة-الشروق
المشاركات: 406
معدل تقييم المستوى: 9 |
رد: خطوات شراء منتج ( سكوب او غيرة ) من الانترنت
طب هي السكاكين والمطاوي بتعدي ولا لأ
وبعدين لو الحاجت معدتش بتدفع فلوس ولا لأ |
11-07-08, 03:32 PM | #65 | |
صياد قديم
تاريخ التسجيل: May 2010
المشاركات: 1,065
معدل تقييم المستوى: 20 |
رد: خطوات شراء منتج ( سكوب او غيرة ) من الانترنت
اقتباس:
وحضرتك طلعت كارت الشراء من بنك ايه وتكلفة استخراجه كام ؟؟ |
|
11-07-10, 05:07 PM | #66 |
صياد جديد
|
رد: خطوات شراء منتج ( سكوب او غيرة ) من الانترنت
مشاء الله يا دكتور ايه السرعه دي دايماء بتفدنا بمواضيعك الرائعه
|
11-07-11, 01:56 AM | #67 |
صياد متقدم
تاريخ التسجيل: Feb 2011
المشاركات: 611
معدل تقييم المستوى: 10 |
رد: خطوات شراء منتج ( سكوب او غيرة ) من الانترنت
أريد أن أنبه الأخوة أن موضوع شراء السكوبات عن طريق النت فيه مخاطرة ..وبيكون أنت وحظك وأحتمال كبير ان يتم مصادرة السكوب من قبل الأمن العام وتبقى قضية ...تحياتى
|
11-07-11, 02:10 AM | #68 | |
صياد متقدم
تاريخ التسجيل: Apr 2011
المدينه: CAIRO
المشاركات: 560
معدل تقييم المستوى: 8 |
رد: خطوات شراء منتج ( سكوب او غيرة ) من الانترنت
اقتباس:
أسمها فيزا اليكترون أو فيزا أنترنت
__________________
COMING SOON
|
|
11-07-11, 02:12 AM | #69 |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: خطوات شراء منتج ( سكوب او غيرة ) من الانترنت
ودي لازم يكون عندك حساب في البنك عشان تعملها والا مش لازم
__________________
اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011 |
11-07-11, 04:36 PM | #70 |
صياد نشيط
|
رد: خطوات شراء منتج ( سكوب او غيرة ) من الانترنت
موضوع شيق و مهم
أفادكم الله
__________________
" من كان يريد العزة فلله العزة جميعا" |
11-07-14, 11:47 PM | #71 |
صياد جديد
تاريخ التسجيل: Mar 2011
المشاركات: 37
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
ياريت الموضوع ده يكون ناجح وياريت لو حد جاب يقولنا
|
11-07-16, 12:01 AM | #72 | |
صياد قديم
تاريخ التسجيل: May 2010
المشاركات: 1,065
معدل تقييم المستوى: 20 |
رد: خطوات شراء منتج ( سكوب او غيرة ) من الانترنت
اقتباس:
انا رحت فعلا سألت و عرفت ان المصاريف 20 جنيه+5 جنيه دمغة واستلامه بيبقى بعد اسبوع |
|
11-07-16, 07:50 PM | #73 |
صياد نشيط
تاريخ التسجيل: Apr 2011
المدينه: القاهره المعادي
المشاركات: 331
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
مع احترامي لصاحب الموضوع بس يا جماعه السكوب مبيخرجش دلوقت من الجمارك و بيتحول امن عام http://www.egypthunt.net/showthread.php?t=12097 |
11-07-17, 11:20 PM | #74 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: خطوات شراء منتج ( سكوب او غيرة ) من الانترنت
احتماااااااااال انو كاااااان بيخرج اوقات الانفلات الامني لما الشرطة مكنتش بتنزل اماكنها وكانو لبسين الطرح في البيت
هو دااااااااا الي المفروض يعملو
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-07-19, 10:36 AM | #75 | |
صياد متفاعل
تاريخ التسجيل: Apr 2011
المدينه: الدلنجات - بحيرة
المشاركات: 147
معدل تقييم المستوى: 6 |
رد: خطوات شراء منتج ( سكوب او غيرة ) من الانترنت
اقتباس:
|
|
11-07-21, 07:58 PM | #76 |
صياد جديد
تاريخ التسجيل: May 2011
المدينه: القاهرة
المشاركات: 26
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
شكرا على الموضوع الرائع
انا عندي استفسار هو انا لو اشتريت من الموقع كمية مثلا 50 قطعة مرة واحدة حستلمهم ازاي؟ عادي كده ولا لازم تخليص جمركي وضرايب ياريت حد يفيدنا |
11-07-21, 09:43 PM | #77 |
صياد نشيط
تاريخ التسجيل: Sep 2010
المدينه: القاهرة-الشروق
المشاركات: 406
معدل تقييم المستوى: 9 |
رد: خطوات شراء منتج ( سكوب او غيرة ) من الانترنت
لسه مفيش حد طلب حاجة
__________________
http://wallpaperz.freei.me/view/pistol-9-800x600.html |
11-09-12, 06:14 PM | #78 |
صياد متقدم
|
رد: خطوات شراء منتج ( سكوب او غيرة ) من الانترنت
اعتذر عن بطء الرد .. لكن اللى عرفتة ان السكوبات بدات فعلا تتصادر ... لكن بالنسبة لى والكلام دة كله قولته كتير انا كل حاجاتى مفيش حاجة منها اتصادرت وكلها دخلت من ضمنها سكوب كبير فيردوت 6-24 * 50 aoe .. وياجماعه انا عرضت تجربتى وغير كدة دى مسئولية اللى بيشترى الشخصية .. انا كل حاجاتى وصلت واشتريت حاجات كتير مفيش حاجة منها اتصادرت ....يمكن فعلا كان فيه عدم متابعه من الامن العام للحاجات دى لانى اشترستهم تقريبا من شهر 5 وكنت يمكن اول واحد يشترى الحاجات دى هنا .. ربنا يسهل والامور تبقى افضل
__________________
Alas To Dust ..... We All Return |
11-09-12, 07:03 PM | #79 | |
صياد قديم
تاريخ التسجيل: Aug 2010
المشاركات: 1,591
معدل تقييم المستوى: 188 |
رد: خطوات شراء منتج ( سكوب او غيرة ) من الانترنت
اقتباس:
لا توجد علاقة للامن العام فهو لا يفتح الطرود من يفتح الطرد هو المكان المشحون من خلاله الطرد فان كان مرسل من خلال البريد يتم فتح الطرد في مكتب الجمارك في البريد برمسيس و حسب الموظف فهو من يحكم علي الحاجة دي اسمها ايه و الهدف حتي تسجل في الدفاتر و اذا ما اعرفش الحاجة دي عبارة عن ايه يرجع الي الكتالوج اللي مع الحاجة و من هنا تاتي المشكلة لان الكتالوج بيقول الحاجة دي ايه و في ناس مش بتعرف تقرأ انجليزي بالتالي اذا لم يعلم الحاجة دي ايه في الاغلب بتعدي و اذا عرف بيكتب جواب الي الامن العام في العباسية في الوصف للشيء مدرج معه الكتالوج ان وجد لكي يبت في الموضوع خلاصة الكلام لا يوجد فني في جمارك البريد دي انت و بختك اما باقي الشركات الخاصة بالشحن مثل dhl في الاغلب بيكون لها مكتب في المطار و الكشف بيكون في جمارك المطار و دي كدة شكرااااااااااااااااااااااااااااااااااااااااااااااا اااااااااااااااااا لان جمارك المطار بها ناس عارفة تفاصيل الحاجات دي من غير اي كتالوج |
|
11-09-12, 08:17 PM | #80 | |
صياد قديم
تاريخ التسجيل: May 2010
المشاركات: 1,065
معدل تقييم المستوى: 20 |
رد: خطوات شراء منتج ( سكوب او غيرة ) من الانترنت
اقتباس:
|
|
19-09-13, 05:50 AM | #81 |
صياد متفاعل
تاريخ التسجيل: Feb 2011
المشاركات: 56
معدل تقييم المستوى: 5 |
رد: خطوات شراء منتج ( سكوب او غيرة ) من الانترنت
مشكور الموضع ممتاز و المجهود رائع. بس يا ريت تاكد موضوع دخول الاسكوبات مصر ضرورى لانى اعرف ان ها ممنوعه تماما و مشكله كبيره فياريت تاكد الموضوع ده باى شكل
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شراء السكوبات من الانترنت ...دراسه كامله ..هام | Peace Missile | الصيد العام | 28 | 11-07-17 02:17 AM |
شراء بندقيه من على الانترنت | elshinzawy | البنادق الهوائيه | 11 | 11-06-20 01:37 AM |
كيف غيرت الرماية مجرى التاريخ | ahmadkader | الصيد العام | 9 | 11-05-15 07:36 AM |
خطوات الوصول إلى النجاح | professional sniper | الصيد العام | 0 | 11-02-04 10:02 PM |