|
الصيد العام موضوعات الصيد العامه وتعارف الصيادين. |
أدوات الموضوع | إبحث في الموضوع | انواع عرض الموضوع |
12-07-10, 12:02 AM | #1 |
صياد نشيط
|
سرقتى بالإكراه أثناء الصيد اليوم_9-7-2012: الحذر الحذر يا إخوانى
السلام عليكم و رحمة الله وبركاته،
الإخوة الكرام تعرضت اليوم –و لله الحمد كله و الشكر كله – لحادث سرقة بالإكراه أثناء قيامى بالصيد فى مدينة العبور فى وضح النهار. فأثناء قيامى بالتقاط فرد يمام قمت بضربه و حال خروجى من السيارة –وكنت بمفردى- توقفت أمامى سيارة هيونداى أكسنت موديل 1999 لونها ذهبى و الزجاج فيميه و لوحاتها رقم: د ع 7514 مصر. و نزل منها 4 وبقى واحد فيها و ادعوا أنهم أفراد أمن بالمنطقة و بينما يتحاورون معى إذا بالأربعة يشهرون المطاوى على و يضربوننى بكعوبها فى رأسى و جانبى و فخذى و قطعوا بنصل السلاح حزام الوسط الذى كنت أرتديه و سرقوا منى الآتى: 1- بندقية BSA Superstar 0.177 و عليها تلسكوب Pereira 3-9X40 AO بالجراب المموه (مرفق صورة لها). 2- تليفون محمول ماركة Blackberry 9700 Bold. 3- سكين تزكية الصيد ماركة Opinal No.6. 4- أموال من حافظتى تبلغ قيمتها 1050 جنيهاً تقريباً. 5- MP3 شخصى بالسماعات. 6- Radio MP3 Player خاص بالسيارة. ثم ألقوا مفاتيح السيارة فى الصحراء أمامنا و فروا هاربين. وحالما وجد المفاتيح توجهت مباشرة الى قسم شرطة العبور و قمت بتحرير محضر بالواقعة برقم 5104 جنح العبور/2012. فأرجو من جميع الإخوة أن يتابعوا عن كثب مواقع الصيادين و منتدياتهم فى حال حاول أحدهم عرض بندقيتى أو التلسكوب للبيع عليها.و يقوموا مشكورين بإبلاغى. "فلله ما أخذ و له ما أعطى وكل شىء عنده بأجل مسمى" فسأصبر و أحتسب. و أسأل الله أن يأجرنى فى مصيبتى و أن يخلفنى خيراً منها. وقت حدوث الواقعة الساعة 8:20 صباحاً. و الأمر الغريب الذى لاحظته أثناء وجودى بالقسم هو تعدد بلاغات السرقة بالإكراه فى دائرة القسم فى نفس التوقيت من مجموعات مختلفة و بسيارات مختلفة. الأمر المحزن أن القضية تم التعامل معها بواسطة أمناء القسم بمنتهى البرود و اقتصرت مساعدتهم على عمل محضر بالواقعة و إعطائى نسخة منه! و رفضوا التحقيق فى الواقعة أو الكشف على اللوحات أو عرض صور المسجلين لديهم! وأرادوا أن يصرفونى من دائرة القسم قبل أن أقوم بالتصعيد! وبقدر الله عز وجل استطعت تذكر رقم هاتف زوج أختى وهو نقيب فى أكاديمية الشرطة. ولولا فضل الله علىّ أولاً و آخراً ثم تدخله بمكالمة نائب المأمور لما تم الأمر على الوجه الصحيح! فقام زوج اختى بإرسال فردى شرطة الىّ بالقسم لمعاونتى على الإسراع فى إنهاء الإجراءات. وأما من ليس لهم واسطة تنفع....... فلهم الله فى مواجهة تردى مستوى الخدمة الشرطية. فلا يعطون الحقوق للمواطنين إلا بالواسطة. ولا حول ولا قوة إلا بالله العلى العظيم! فقام سيادة العقيد/ أحمد مشكوراً بتوجيهى الى معاون المباحث لسماع أقوالى و تم عرض صور المسجلين و لم أتعرف على أحد منهم. وقد تم أخذ أقوالى من قبل معاون مباحث القسم النقيب/ يحيى بدوى و هو رجل محترم جداً. ثم تم توجيهى الى نيابة الخانكة مع فرد شرطة لاخذ أقوالى من قبل مدير النيابة الكلية. و أجلنى الى الغد لانشغاله بتحقيقات اخرى وقال لى: إما هذا أو سأنتظره حتى العاشرة مساءاً! وحال عودتى وجهنى العقيد/ أحمد الى رئيس المباحث المقدم/ أحمد الذى أعاد أخذ أقوالى بدقة شديدة ثم طلب منى مرافقة معاون المباحث الى موقع الحادث لمحاولة إيجاد أى خيط يقود الى الجناة أو سماع أية شهادات من أى شهود عيان بالمنطقة. وطلبت منه تتبع أثر هاتفى المحمول فقال إن هذا لا يمكن إلا من خلال طلب مدير النيابة مباشرة من المحامى العام. وهذا بعد أخذ أقوالى غداً فى النيابة. فطلبت منه تعقب لوحات السيارة التى قامت بالجريمة فقال إنه سيفعل ذلك لبيان ما إذا كان هناك بلاغ بسرقتها أم أنها فى حوزة مالكها الأصلى. و بقدر الله عز وجل حال عودتى للموقع لعمل المعاينة وجد فرد الشرطة المصاحب مفاتيح سيارتى الاخرى و الريموت الخاص بها فى الرمال التى فقدتها دون أن أدرى بفقدانها! فالله الحمد و الشكر الذى يهب المنح فى وقت المحن (سبحانه و تعالى و عز وجل). وسأذهب غداً الى نيابة الخانكة لاستكمال التحقيقات و الأخذ بالأسباب و طرق كل السبل " ثم أتبع سبباً". حتى أنه إذا لم يقدرالله عز وجل أن أسترد ما سلب منى، فأقل ما فى الأمر أن أكف شر هؤلاء المجرمين عن باقى المواطنين الأبرياء بإذن الله تعالى. فقد قال رسول الله (ص):" لا يؤمن أحدكم حتى يحب لأخيه ما يحب لنفسه". صدق رسول الله (ص). وختاماً لكى يكون ما حدث لى فيه فائدة لاخوانى فى منتدانا العريق، فأرجوكم أن تأخذوا عنى هذه الدروس المستفادة: 1- دعاء الله عز وجل قبل الطلعة أن ييسر لك الصيد ويكفيك شر الطريق و شرار عباده. 2- لا تخرج يا أخى الكريم للصيد وحدك أبداً. بل اتخذ صديقاً على الأقل معك ليشد من أزرك فى وقت الشدة. 3- الحذر الحذر من المناطق الغير مأهولة ولا تنزل من سيارتك إلا و سلاحك فى يدك وهو مذخر. 4- لاتوقف محرك السيارة مهما كان السبب. ولا تجعل البندقية على مقعدك فتعوق دخولك السريع كما حدث معى. 5- إسع للتواجد فى مجموعة كبيرة من الصيادين و يفضل أن يكون منهم من معه سلاح نارى مرخص. 6- لا تتوقف لأحد مهما كان السبب. وختاماً: أسأل الله العلى العظيم ألا يعرض أحداً من إخوانى لمثل ما تعرضت له اليوم ابداً. ولا تنسوا –جزاكم الله خيراً- ما يلى: فأرجو من جميع الإخوة أن يتابعوا عن كثب مواقع الصيادين و منتدياتهم فى حال حاول أحدهم عرض بندقيتى أو التلسكوب للبيع عليها.و يقوموا مشكورين بإبلاغى. وأرجو من إدارة المنتدى تثبيت الموضوع لخطورته على إخوانى الصيادين و جعل الجميع يقرؤه ليحذر الجميع. والسلام عليكم و رحمة الله و بركاته ولا تنسونى من صالح دعاءكم. م/ شريف صلاح الدين ( أبو ياسين),
__________________
" من كان يريد العزة فلله العزة جميعا" |
sponsor links |
12-07-10, 12:14 AM | #2 |
صياد متفاعل
تاريخ التسجيل: May 2012
المدينه: Cairo
المشاركات: 83
معدل تقييم المستوى: 6 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لا حول ولا قوّة إلا بالله العلىّ العظيم الحمد لله على سلامتك الشخصية أولاً فهى أهم و أغلى من أى شىء مفقود والحمد لله ثانيا أن استطعت التقاط أرقام السيارة بدقة لعلها تكون الخيط الذى يوصل الى الجناة و أسأل الله ان يعيد اليك كل ما سرق منك أو أن يعوّضك عنه و يبدلك خيراً منه إن شاء الله والحمد لله على كل حال , وهذا ابتلاء من الله يختص به عباده المؤمنين , أسأل الله أن يجعله فى ميزانك يوم العرض عليه جلّ و علا
__________________
-------------------------------------- MOHAMED HASAN --------------------------------------
|
12-07-10, 12:22 AM | #3 |
ادمن صفحة المنتدى
تاريخ التسجيل: Jun 2011
المدينه: القليوبية - القناطر الخيرية - أبو الغيط
المشاركات: 355
معدل تقييم المستوى: 11 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمدلله انك انتا بخير وباذن الله ربنا هجبلك حقك ويجبلك ولاد الحرام دول لحد عندك وقضا اخف من قضا يا كبير قول الحمدلله انها جت علي قد كده ومخدوش العربيه او انت كان حصلك اي مكروه
__________________
اذا اردت ان تكون قويا لا تستسلم لتلك التفاهات ( الحب- العاطفة- الحظ ) مواقف وطرائف , غرائب وعجائب , مواقف مضحكة , مواقف محرجة جدا , مواقف غريبة , مواقف عجيبة , Attitudes and Traúv , Funny positions , Funny Videos, Funny Clips, Funny Stuff, Crazy Videos, Funny Pictures, |
12-07-10, 12:25 AM | #4 |
صياد قديم
تاريخ التسجيل: Jun 2012
المدينه: القاهرة
المشاركات: 2,645
معدل تقييم المستوى: 419 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اخى ابو ياسين الحمد لله على سلامتك اولا وربنا يعوضك عما سلب منك وجزاك الله خيرا على النصيحة وابشر يا اخى بهذا الحديث
عن ام سلمه رضي الله عنها قالت : سمعتُ رسول اللَّهِ صَلّى اللهُ عَلَيْهِ وسَلَّم يقول : « مَا مِنْ عبدٍ تُصِيبُهُ مُصِيبَةٌ ، فيقولُ : إِنَّا للَّهِ وَإِنَّا إِليهِ رَاجِعُونَ : اللَّهمَّ أجرني في مُصِيبَتي ، وَاخْلُف لي خَيْراً مِنْهَا، إِلاَّ أَجَرَهُ اللَّهُ تعَالى في مُصِيبتِهِ وَأَخْلَف له خَيْراً مِنْهَا . قالت : فَلَمَّا تُوُفِّيَ أَبُو سَلَمَة ، قلتُ كما أَمَرني رسولُ اللَّهِ صَلّى اللهُ عَلَيْهِ وسَلَّم فَأَخْلَفَ اللَّهُ لي خَيْراً منْهُ رسولَ اللَّهِ صَلّى اللهُ عَلَيْهِ وسَلَّم . رواه مسلم .
__________________
وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وجاء في السنن عن عقبة بن عامر، قال الرسول صلى الله عليه وسلم: « إن الله يدخل بالسهم الواحد ثلاثة أنفار الجنة، صانعه المحتسب في عمله الخير، والرامي به، والممدد به »، وفي لفظ آخر: « ومنيله، فأرموا واركبوا، وأن ترموا أحب من أن تركبوا، كل لهو باطل، ليس من اللهو محمود إلا ثلاثة: تأديب الرجل لفرسه، وملاعبته أهله، ورميه بقوسه ونبله، إنهن من الحق ومن ترك الرمي بعد ما علمه رغبة فإنها نعمة تركها، (أو قال: كفرها)». |
12-07-10, 12:26 AM | #5 |
عضو مميز جداً
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله على سلامتك اخي الكريم
وكويس انهم فعلا ماخدوش العربية وقدر الله وماشاء فعل وربنا يعوضك خير ان شاء الله
__________________
|
12-07-10, 12:29 AM | #6 |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لا حول و لا قوه الا بالله ا
هم حاجه رجوعك بخير و ان شاء الله المجرمين دول هيتمسكوا |
12-07-10, 12:31 AM | #7 |
صياد متقدم
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اهم حاجه انك كويس وطظ فى كل اللى اتسرق
ولو حد شاف البندقيه دى معروضه فى اى موقع يجماعه يمسك حراااااااااااااااااااااااااااامى
__________________
|
12-07-10, 12:36 AM | #8 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمدلله انك بصحة جيدة وان شاء الله الحاجة ترجع و ربنا يعوضك خير
ونصيحة لكل الصيادين محدش ينزل يصطاد لوحدة
__________________
سبحان الله و بحمدة سبحان الله العظيم
|
12-07-10, 12:42 AM | #9 | |
صياد قديم
تاريخ التسجيل: Feb 2012
المدينه: Ẵℓёжล₦₫Řїล
المشاركات: 1,261
معدل تقييم المستوى: 45 |
Re: رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اقتباس:
ان شاء الله نجيب الحاجة و الناس دي تتمسك بس اللي يلاقي حاجة من دي طبعا ميقولش للراجل انها مسروقة لا يتفق معاه انه هيشتريها و يستدرجه و صاحب الموضوع ده يذهب و ان شاء الله يتعرف عليه و يتجابوا من قفاهم الف حمد لله علي السلامة و فداك مليون بندقية و الفين سكوب و شركة Apple بحالها |
|
12-07-10, 12:45 AM | #10 |
مشرف الصيد البحري والنهري
تاريخ التسجيل: May 2011
المدينه: Alexandria \ Cairo
المشاركات: 67
معدل تقييم المستوى: 5 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
ألف حمدالله على سلامتك و إنشاء الله ربنا ينصرك و يعينك على ما أصابك، طبعا موقف مؤلم جدا وله أثر نفسي عميق لا يزول إلا بعد أخذ القصاص. و طبعا القصاص شيء مستحيل فى ظل ظروف الخدمة الشرطية المتدنية اللي مفيش أمل في إصلاحها عن قريب. فربنا يصبرك و لا تنسي عداله السماء فإن شاء الله خير و ربنا يجزيك خير علي صبرك و على نصيحتك.
__________________
Massoud |
12-07-10, 12:55 AM | #11 |
ادمن صفحة المنتدى
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لا الله الا الله!! معقول كدة.. بس الحمد لله ان حضرتك سليم و ان شاء الله كل شئ يرجع لما كان عليه و افضل..تحياتى.
__________________
الــصيــــــــــــد ادب ... مــــــش مســــــــــــــــــك ســــــــــلاح.!
|
12-07-10, 12:57 AM | #12 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لاحول ولاقوه الا بالله
حمدا لله حمدا كثيرا وشكرا كثيرا كما ينبغى لجلال وجهه وعظيم سلطانه على عودتك سالما واسئل الله العظيم رب العرش الكريم ان يرد لك ضالتك وان يجعل كيدهم فى نحرهم وربنا يسترها معانا ومعاكو يارب
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
12-07-10, 01:02 AM | #13 |
صياد قديم
تاريخ التسجيل: Jul 2011
المدينه: الإسكندرية
المشاركات: 1,612
معدل تقييم المستوى: 20 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اولا الف حمد لله على سلامة حضرتك ..
ثانيا باذن الله حاجتك هترجعلك وهتاخد حقك وباذن الله ربنا هيقف جنبك .. ثالثا يا ريت مفيش حد ينزل يصطاد لوحده ابدا .. تحياتى ..
__________________
Alex Hunter
|
12-07-10, 01:12 AM | #14 |
صياد قديم
تاريخ التسجيل: Feb 2012
المدينه: Ẵℓёжล₦₫Řїล
المشاركات: 1,261
معدل تقييم المستوى: 45 |
Re: رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
|
12-07-10, 01:14 AM | #15 |
تاجر مسجل بالمنتديات
تاريخ التسجيل: Apr 2011
المشاركات: 376
معدل تقييم المستوى: 10 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله على كل شىء
اهم حاجه انك بخير والفلوس وكل حاجه تتعوض إن شاء الله بالنسبة لموضوع البندقية بعد المواقف اللى حصلت فى الاسكندرية فى الاغلب السارق بيقوم بالبيع الى اى محل وبيكون مش عارف قيمة الحاجه اللى معاه انصحك انك تبلغ محلات على قد ما تقدر على الرغم انى عارف ان الموضوع ده صعب وربنا يخلف عليك بالخير إن شاء الله |
12-07-10, 01:17 AM | #16 |
صياد متقدم
تاريخ التسجيل: Apr 2011
المدينه: Cairo
المشاركات: 783
معدل تقييم المستوى: 9 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الف حمدلله علي السلامه ، والحمد لله انها جت علي قد كده وإنشاء الله يتمسكو بسرعه والحاجه ترجع تاني
__________________
High Power Low Power doesn't matter , but the Hunter does |
12-07-10, 01:22 AM | #17 |
صياد متقدم
تاريخ التسجيل: Jan 2012
المدينه: جمهورية مصر العربية
المشاركات: 914
معدل تقييم المستوى: 19 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اولا حمدا لله على سلامتك بالدنيا وما فيها وربنا يعوض عليك و ان شاء الله هترجع حاجتك وتابع مع النيابة والمباحث بكل قوة ولا تفرط فى اى ذرة حق ليك ربنا يكفى البلد شر هؤلاء المجرمين والله يستحقو القتل بدون محاكمة الاشكال دى لازم يتعملها ابادة نهائى حتى ينعم الناس الشرفاء بالامن والامان عموما لله ما اخذ ولله ما اعطى ولا يهمك واكرر حمدا لله على سلامتك والله المستعان على ما اصابك
__________________
كم تحطمت احلام اعدائك على جبالك يا مصر |
12-07-10, 01:28 AM | #18 | ||||||||||||||
صياد نشيط
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
أشكرك يا أندريا . يا رب يتمسكوا
__________________
" من كان يريد العزة فلله العزة جميعا" |
||||||||||||||
12-07-10, 01:28 AM | #19 |
صياد قديم
تاريخ التسجيل: May 2011
المدينه: Cairo
المشاركات: 1,334
معدل تقييم المستوى: 41 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
حمد لله على سلامتك والحمد لله انها جت علي قد كدة
__________________
Live for nothing or die for something the only thing necessary for the triumph of evil is for good men to do nothing مات فى الحى كلب فأسترحنا من عواه فخلف الملعون جرو فاق فى النبح أباه، احرار قومى يقتلون ويذبحون كالشياه وفئة من القوم تنبح وتبرر للجرو مبتغاه
|
12-07-10, 01:46 AM | #20 |
صياد قديم
تاريخ التسجيل: May 2010
المشاركات: 1,065
معدل تقييم المستوى: 20 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله على سلامتك
واهم حاجة انك بخيييييييييير ومتنزلش بعد كده لوحدك ابداااااااااا |
12-07-10, 01:56 AM | #21 |
قنـــاص من الدرجه الاولى
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله ان حضرتك بخير يا ابو ياسين سلامتك بالدنيا
ودايماً والدتى ربنا يحفظها تقولى بتكون نازله من السماء كبيره وربنا بيخففها الحمد لله انها جت على قد كده واى مساعده متتردش انك تأمرنى بيها |
12-07-10, 02:44 AM | #22 |
صياد قديم
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لا اله الا الله ولا حول ولا قوة الا بالله
اللهم اعد لكل مظلوم حقه يا باشا العيال بنت الكلب دي عايزة ضرب بالجزم يا باشا انا عمري ما جبت حاجة بفلوس حلال واتسرقت الا ورجعت تاني تيقن ان ربنا مش هايسيب حقك وده ابتلاء من ربنا وما زال الله يبتلى عبده حتى يرى منه صبرا على البلاء لا اله الا الله الحمد لله اولا واخرا وفداك 10000000 بندقية والف بلاك بيري
__________________
من اقوال البسطاء : ليس معنى الفشل هو عدم النجاح ، بل ان الفشل هو نصف النجاح ... والنصف الآخر انما هو خليط من العزيمة والارادة والمثابرة .. وهكذا يكون النجاح .. عبد الله عاصم (2066-2000) عاشق اسلحة وذخائر ومحب للاسلحة والذخائر ويحب الاسلحة والذخائر واحب الاسلحة والذخائر !! ------------------------------- MADE IN EGYPT
|
12-07-10, 02:46 AM | #23 |
صياد متقدم
تاريخ التسجيل: Dec 2011
المدينه: المعادي-القاهرة.
المشاركات: 729
معدل تقييم المستوى: 9 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لا حول ولا قوة إلا بالله
حسبنا الله ونعم الوكيل والمهم انك بخير ويارب يرد إليك كل ماضاع منك وتذكر أن دعاء المظلوم مستجاب فلك أن تدعو عليهم بما شئت والله يعوضك خير يارب
__________________
قرأ رسول الله صلى الله عليه وسلم على المنبر :
{وأعدوا لهم ما استطعتم من قوة ومن رباط الخيل} فقال : ألا إن القوة الرمي ، ألا إن القوة الرمي, ألا إن القوة الرمي )) صدق رسول الله صلى الله عليه وسلم أخرجه الإمام مسلم. |
12-07-10, 07:56 AM | #24 |
صياد متميز جداً
تاريخ التسجيل: Feb 2012
المدينه: الزيتون
المشاركات: 1,370
معدل تقييم المستوى: 158 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
حمدا لله على سلامتك اهم حاجه وانشاء الله ربنا يسهل ويمسكوهم
__________________
اذا دعتك قدرتك على ظلم الناس فتذكر قدره الله عليك من تواضع لله رفعه وقل رب زدنى علما
|
12-07-10, 08:04 AM | #25 |
صياد قديم
تاريخ التسجيل: Jan 2012
المدينه: alex
المشاركات: 2,004
معدل تقييم المستوى: 99 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اهم شئ سلامتك الشخصيه ... حمدالله علي السلامه
__________________
كم من عين تبكي عند الوداع و كم من قلب ينجرح عند الفراق و كم من عروس زفت لغير حبيبها و كم من شاب لم يشب و لكن الزمان اجبره علي المشيب |
12-07-10, 09:27 AM | #26 |
ادمن صفحة المنتدى
تاريخ التسجيل: Dec 2011
المدينه: في بلاد الله الواسعة
المشاركات: 1,581
معدل تقييم المستوى: 140 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الف حمدلة علي سلامتك يابو ياسين
وفداك كل بنادق الدنيا وفداك اي فلوس واي شيئ المهم انك رجعت بالف سلامة لابيتك واهلك وناسك وباذن الرحمن المجرمين الحرامية دول يتمسكو باذن الله واسعي في الموضوع دا وماتسكتش علي حقك احنا كمواطنين لينا حقوق ولازم ناخدها وهما دورهم خدمتنا بالاضافة الي مساعدتنا لهم اسئل الله العظيم رب العرش العلي الكريم ان يرد لك كل ما اخد منك بدون رضا وان يستر طريقك فكل مكان تروحة باذن الله والف شكر علي النصيحة واي حد فينا من المنتدي لو شاف المواصفات دا هيتم التعامل مع البائع بكل الطرق لحين الوصول لهم بعد كدا مش يترحمو دول يتعلقوا بجنزير وننزل ضرب فيهم لحد لما يبان لهم صحاب حسبي الله وهو نعم الوكيل حسبي الله وهو نعم الوكيل حسبي الله وهو نعم الوكيل |
12-07-10, 10:08 AM | #27 |
عضو مميز
تاريخ التسجيل: Sep 2011
المدينه: مثلث برمودا
المشاركات: 2,153
معدل تقييم المستوى: 31 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمدلله على السلامه - بس ازاى سرقه بالاكراه وتقيد جنحه:confused:l
|
12-07-10, 10:21 AM | #28 |
عضو متألق
تاريخ التسجيل: May 2012
المدينه: الاسماعيلية
المشاركات: 1,459
معدل تقييم المستوى: 63 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
فداك فلوس الدنيا ... صحتك اهم .. الفلوس بتروح و تيجي لكن الروح بتروح و مش بتيجي
الحمدلله انك بخير
__________________
لا إله إلا انت سبحانك إني كنت من الظالمين
|
12-07-10, 10:53 AM | #29 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لا حول ولا قوة الا بالله
ربنا يعوض عليك يا ابو ياسين وزى ما الاخوه قالو اهم حاجه انك رجعت سليم لان محدش ضامن العيال دى كانت ممكن تأذيك ومحدش شايف حاجه الحمد لله
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
12-07-10, 11:07 AM | #30 |
صياد نشيط
تاريخ التسجيل: Mar 2011
المدينه: القاهرة
المشاركات: 250
معدل تقييم المستوى: 6 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
حمد لله على سلامتك والحمد لله انها جت علي قد كدة
وكويس انهم مخدوش العربية كمان لانى اعرف ناس اتعرضت لسرقة عربيتهم بطريقة مشابهة وغالبا دول بيبقوا مجموعة من العرب الى بيتواجدوا فى المناطق الغير مؤهلة بالسكان زى العبور وبدر وربنا يعوض عليك ان شاء اللة |
12-07-10, 11:09 AM | #31 |
الاداره تحذر التعامل مع هذا العضو فى البيع والشراء
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
نحمد الله ونشكر فضله على انك بخير وان شاء الله حاجتك ترجع انا عارف واللهى الى انتا فيه لانى مريت بظروف مشابهه
واتمنى من الله الا تتكرر
__________________
drugstore-onlinecatalog.com |
12-07-10, 11:41 AM | #32 |
صياد نشيط
|
Re: سرقتى بالإكراه أثناء الصيد اليوم_9-7-2012: الحذر الحذر يا إخوانى
اهم حاجة انك بخير والف صحة وسلامة الفلوس بتروح وتيجي
|
12-07-10, 11:57 AM | #33 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
حمدا لله على سلامتك اولا وقدر الله وماشاء فعل _لعلة خير.........يا ريت وحضرتك قدام النيابة ما تذكرش الاسكوب لان حيازتة مجرمة قانونا تغاضى عنة امام النيابة.........وسنتابع مواقع بيع وشراء الاسلحة الهوائية وان شاء الله هانلاقى اللى سرق البنادق لان الحرامية دول هايبيعوهم لاى حد واللى اخدهم هاياخدهم بتمن بخس وهايفكر يكسب فيهم...الصبر ان شاء الله
ويا ريت حضرتك تكتب طلب للنيابة لمتابعة الهاتف واعتقد ان المجرمين دول هاييجوا هاييجوا من المحمول |
12-07-10, 12:21 PM | #34 |
صياد جديد
تاريخ التسجيل: May 2012
المشاركات: 36
معدل تقييم المستوى: 5 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اخي الكريم ابو ياسين احب ان اذكرك بقول الله تعالى ( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)
اسال الله العلي العظيم ان يعيد اليك ضالتك وان شاء الله ساسعى بكل جهدي عن طريق مواقع الصيد ومحلات بيع الاسلحة في منطقتي واي محل يقابلني فانا اشعر بما انت فية ولكني اتسال هل ما زال جهاز الشرطة متقاعس عن العمل بضمير هل ما زال على ماهو علية قبل الثورة ؟ اذا كان الامر كذلك فليحمل كل منا سلاح ناري حتى يامن على بيتة ومالة ولتذهب القوانين الى الجحيم لكي الله يامصر .... لكي لله يامصر .... لكي الله يامصر
__________________
ثوار احرار هانكمل المشوار |
12-07-10, 01:50 PM | #35 |
صياد متفاعل
تاريخ التسجيل: Jul 2012
المدينه: الاسكندرية - سيدى بشر
المشاركات: 236
معدل تقييم المستوى: 8 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
ربنا يعوض على حضرتك و اهم حاجة سلامتك بادنيا واللى فيها و افتكر دائما ان الحق لا يضيع و ان الله سوف يقف بجانبك.... وحمدالله على السلامة اولا و اخيرا
|
12-07-10, 02:29 PM | #36 |
صياد متفاعل
تاريخ التسجيل: Oct 2008
المدينه: 6 اكتوبر
المشاركات: 102
معدل تقييم المستوى: 0 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اولا الف حمدالله على سلامتك اولا يا ابو ياسين وفداك 1000000 بندقيه و1000000 محمول والفلوس بتروح وتيجى واحنا من ناحيتنا كأخوة واعضاء فى المنتدى هنتابع اى حد هيعلن عن بيع البندقيه فى كل المنتديات و المحلات هنقوم بأبلاغها بمواصفات الحاجات الى اتسرقت منك وان شاء الله ربنا هيرجعلك حقك
|
12-07-10, 02:35 PM | #37 |
صياد متفاعل
تاريخ التسجيل: Feb 2011
المشاركات: 81
معدل تقييم المستوى: 5 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الله يعوضك خير و في داهيه الفلوس و البندقيه
و ربنا يبتليهم و يسلط عليهم من شاكلتهم الف الف حمد و شكر لله على سلامتك |
12-07-10, 02:59 PM | #38 |
صياد متفاعل
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
حمدالله على سلامتك وفداك من السوء ... وبأذن الله ربنا هيظهر الحق عاجلاا أو أجلاً
__________________
لاإله إلا الله .. محمد رسول الله بحق رسول الله .... التقييم جزاكم الله خيرا |
12-07-10, 03:43 PM | #39 |
صياد قديم
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الف حمدالله على سلامتك
والفلوس تتعوض والبندقية يجى احسن منها ان شاء الله وان شاء الله المتسولين دول يتمسكو وحاجتك ترجعلك باالف سلامة وربنا مبينساش حد ودعوة المظلوم مستجابة
__________________
الطيبة ليست غباء
انما نعمة فقدها الاغبياء |
12-07-10, 06:06 PM | #40 |
صياد نشيط
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
جزاكم الله خيرا جميعاً على تعاطفكم و دعاءكم لى. وأسأل الله العزيز الحكيم ألا يحكم على أحد بمثل ما حكم على.
والحمد لله رب العالمين
__________________
" من كان يريد العزة فلله العزة جميعا" |
12-07-10, 06:48 PM | #41 |
صياد متفاعل
تاريخ التسجيل: Jan 2010
المدينه: مدينة نصر
المشاركات: 120
معدل تقييم المستوى: 6 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
حمدا لله على سلامتك يا أخي ونشكر لك حرصك على نفع الزملاء في المنتدي ونسأل الله ان يعوضك خيرا مما فقدت
|
12-07-10, 07:22 PM | #42 |
صياد متفاعل
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
بيقولك (اللى يشوف بلاوى الناس تهون عليه بلوته) الحمد لله انك بخير واسرتك بخير وبيتك بخير واحمد ربنا انها جت على اد كده - غيرك بيحصل معاه اكتر من كده بكتير - انشاء الله ربنا هيرجعلك اللى اتاخد منك واكتر منه بكتير بس (الصبر)
على فكره انا من سكان العبور ونزلت مرتين لوحدى بس بصراحه مكنتش مطمن بس ياريت تاخد بالك من كام حاجه فلوسك اللى فى جيبك متزدش عن 20 جنيه بلاش العربيه اتمشى او اركب اى حاجه بلاش الموبايل او الساعه او اى شىء قيم - يدوب بندقيتك ورشك وسكينتك وبعد كده ياسيدى ابقى قولى وننزل سوا ونشوف اذا كان فى حد تانى من سكان العبور ينزل معانا والف حمدالله على السلامه
__________________
ALI WEKA لا تنسى ذكر الله لا اله الا الله محمد رسول الله |
12-07-10, 09:40 PM | #43 |
صياد نشيط
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله اخى الكريم على انك بخير
__________________
لااله الا الله محمد رسول الله |
12-07-11, 03:13 AM | #44 |
صياد نشيط
تاريخ التسجيل: Apr 2011
المدينه: الجيزه
المشاركات: 496
معدل تقييم المستوى: 39 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
متجمعش القمح كله فى قفه(شوال ) واحد حتى لا يضيع محصول السنه كلها
لو سمحت يا اخى حاول تعمل بالنصيحه دى لان الحزام اللى الحراميه بتقول قطعوه وخدوه وبطاقتك فيها مبلغ كبير وعربيه وبندقيه وسكوب وام بى ثرى وموبايل لو لاحظت كل دول معاك انت شخصيا ما عدا العربيه كنت سايبها بعيده عنك شويه لو سمحت نصيحه من اخ اصغر متطلعش غير بالبندقيه وبالكتير اوى 50 جنيه فى جيبك وموبايل عادى تعمل به اتصالاتك او موبايل عادى والام بى ثرى اما كل تلك الاشياء القيمه اللى مجتمعه معاك سهلت لهم المسأله اوى وبالاخص لانك فى منطقه مفهاش عائلات ولا عصبيات ولا قريه معروف من داخلها ومين خارجها واخيرا اخى الكريم انا مش زعلان انك اتسرقت لان ربنا هيعوضك فى الاخره يوم القيامه بافضل مما سرق منك هيعوضك حسنات وفى هذا اليوم يوجد اربعه اشياء جنه ونار وحسنات وسيئات ولاكن خذ بالاسباب وان شاء الله ربنا يعوضك فى الدنيا باشيائك المفقوده ترجع لك او فى الاخره بافضل منها سبحان الله على نعمته وكرمه ......
__________________
الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَاباً وَخَيْرٌ أَمَلاً
(46)(سورة الكهف) وايه هيا بقى الباقيات الصالحات ؟ هى كلمات بسيطة القول كبيره الثواب [ سبحآن آللّہ ، والحمد للّہ ، ۆلٱ إلہ إلٱ آللّہ ، ۆآللّہ أگبر ] وسميت [ بالباقيات ] لأنها هِـيَّ آلتيّ يبقى ثۆابها ۆيدوم جزائها ... |
12-07-11, 05:41 AM | #45 |
صياد قديم
تاريخ التسجيل: Aug 2010
المشاركات: 1,591
معدل تقييم المستوى: 187 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
قدر الله و ما شاء فعل
لعله خير |
12-07-11, 05:52 AM | #46 |
Banned
تاريخ التسجيل: Mar 2011
المدينه: الهرم
المشاركات: 1,116
معدل تقييم المستوى: 0 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الف سلامه عليك من الحادث المهيب دة ودة بسبب تهاون رجال الداخليه كلاب النظام السابق الذين معتقدين انهم كانوا فى خدمه النظام وليس الشعب لله الامر من قبل ومن بعد بس ان غدا لناظرة لقريب
مسير الامور تكون افضل حالا وربنا يعوض عليك بكل خير واهم شىء انك بخير ما راح فهو حديد فى الاول والاخر انما انت الاهم |
12-07-11, 06:03 AM | #47 | |
صياد جديد
تاريخ التسجيل: Aug 2011
المشاركات: 13
معدل تقييم المستوى: 5 |
Re: سرقتى بالإكراه أثناء الصيد اليوم_9-7-2012: الحذر الحذر يا إخوانى
اولا حمد الله على سلامتك والحمد لله ان انت بخير دى اهم حاجه
ثانيا لفت نظرى فى الموضوع اقتباس:
يعنى انت مسروق وبتعمل محضر مش هاين عليهم يهتموا لازم واسطه يعنى علشان تجيب حقك او انك تحاول تاخد حقك فى البلد دى لازم واسطه ومنتهى الاستفزاز ان موبايلك مسروق ومش هاين عليهم يتتبعوه علشان يعرفوا مكان الجناه او على الاقل خالص يوصلوا لخيط يوصلهم للجناه يعنى فعلا كان الداخليه والامن فى مصر متواطىء مع الحراميه والبلطجيه على المصررين والله انا يمكن دى اول مشاركه ليا فى المنتدى هنا كنت بدخل ادور على سلاح للحمايه الشخصية وكنت وصلت لموضوع مسدس الصوت اللى بيتحول لضرب بلى زى الرصاص ده وبعد كده وصلت لانه غير قانونى ومش مضمون قوى لكن بعد مقريت موضوعك ده بصراحه نويت انفذها فعلا ان شاء الله ومش مهم غير قانونى ولا قانونى ده انا لو اتوقفت بيه والظابط هيعملها قضيه هضربه بيه وتبقى قضيه بقضيه امال نحمى نفسنا ازاى فى البلد دى لحد مالواحد يشوفله داهيه تاخده فى اى بلد تانى غير دى معلش انا اسف بس انا فعلا دمى اتحرق من اللى حصلك ده وده يعتبر نقطه فى بحر من اللى بيحصل كل يوم فى مصر كلها |
|
12-07-11, 08:17 AM | #48 |
صياد متفاعل
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
ربنا يحميك يا باشا و يعودك خير يارب و الحمدلله علي سلامتك و يارب ما تتكرر معاك تاني او مع اي حد نهائي يااااااااااارب
|
12-07-11, 08:27 AM | #49 |
صياد جديد
تاريخ التسجيل: Nov 2009
المشاركات: 48
معدل تقييم المستوى: 6 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
ربنا يعوض عليك ان شاء الله والحاجه ترجع وربنا يسترها معانا جميعا
|
12-07-11, 10:42 AM | #50 |
صياد متفاعل
تاريخ التسجيل: Jun 2012
المدينه: Cairo
المشاركات: 54
معدل تقييم المستوى: 5 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
مش مهم الى اتسرق المهم انك بخير وحمدلله على السلامة
__________________
ومن تهيب صعود الجبال يعش ابد الدهر بين الحفر ----------------------------------------------------------------------------------------- من أروع الصور https://fbcdn-sphotos-a.akamaihd.net..._2559895_n.jpg
|
12-07-11, 11:08 AM | #51 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
مليون سلامه ليك انت ياباشا الحاجه في داهيه يارب ولاد الكلب دول يتمسكوا ومايتسلموش دول احسن حاجه ليهم يتقتلوا علشان دول هما المفسدون في الارض او تقطع ايديهم وارجلهم من خلاف والحمد لله ان انت بخير
|
12-07-11, 11:54 AM | #52 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الف حمد الله على سلامتك والحمد لله انك متصبتش وطمنا عليك وقولينا عملت ايه
|
12-07-11, 02:31 PM | #53 |
صياد متفاعل
تاريخ التسجيل: Feb 2011
المدينه: الهرم
المشاركات: 101
معدل تقييم المستوى: 5 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمدلله على سلامتك وانا مش عارف امتى الامن فى مصر هايبقى امين على اهل مصر ربنا يرحمنا من اللى احنا فيه
التعديل الأخير تم بواسطة osra26 ; 12-07-11 الساعة 02:33 PM سبب آخر: املا |
12-07-11, 03:29 PM | #54 |
صياد متقدم
تاريخ التسجيل: Apr 2010
المدينه: الجيزة
المشاركات: 640
معدل تقييم المستوى: 9 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله علي سلامتك الشخصية المال يتعوض بأذن الله تعالي
__________________
إنه ليس ثأرك وحدك، لكنه ثأر جيلٍ فجيل وغدًا.. سوف يولد من يلبس الدرع كاملةً، يوقد النار شاملةً، يطلب الثأرَ، يستولد الحقَّ، من أَضْلُع المستحيل لا تصالح... ولو قيل إن التصالح حيلة إنه الثأرُ تبهتُ شعلته في الضلوع.. إذا ما توالت عليها الفصول.. ثم تبقى يد العار مرسومة (بأصابعها الخمس) فوق الجباهِ الذليلة! |
12-07-11, 03:54 PM | #55 |
مشرف الاقسام العامه&القسم الاسلامى
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اولا حمدالله علي سلامتك
ثانيا ان شاء الله حاجاتك هترجع ان شاء الله |
12-07-12, 03:43 PM | #56 |
مشرف قسم السوق و المسابقات
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الف سلامه عليك . و للاسف هى بلدنا اللى الواحد بقى يقرف منها اخر قرف .لا الحكومه عارفه تحمينا و لا سيبانا نحمى نفسنا .و يوم ما الواحد يفكر انه يجيب حاجه يحمى بيها نفسه او بيته يلاقى نفسه واقع فى مليون مشكله
المهم ربنا يعوض عليك و المهم ان انت بخير
__________________
http://img849.imageshack.us/img849/600/o642.jpg اللهم لك الحمد كما ينبغى لجلال وجهك و عظيم سلطانك
|
12-07-12, 04:51 PM | #57 | |
صياد نشيط
تاريخ التسجيل: Jun 2011
المدينه: K.S.A
المشاركات: 392
معدل تقييم المستوى: 7 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اقتباس:
خطف لطلب فدية = اعدام رمى بالرصاص خطف واغتصاب = اعدام رمى بالرصاص بصراحة كله هيكو ن اعدام ماعدا بعض الجرائم الخفيفة زى الرشوة هتبقى برضه عقوبتها قاسية - اللى بيستغلوا حالة البلد بعد الثورة دول موش بشر وميستاهلوش يعيشوا فيها وميستاهلوش اى تعاطف وبصراحة معاقبتهم بقسوة هتردع النفوس اللئيمة اللى بناور نفسها طولت عليكم لكن بجد جواى حرقة خصوصا من الرئيس اللى حركته بطيئة جدا وحال الأمن والشرطة اللى عن تجربة شغالة على استحياء زى مابيقولوا |
|
12-07-12, 05:08 PM | #58 |
صياد نشيط
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
شكراً جزيلا لكل من شرف موضوعى بمشاركته و المرور عليه.
وأنا متفائل بإذن الله لأن مصر مقبلة على خير كثير علينا فقط الصبر و الإيجابية و بذل كل الجهد لتنهض بنا مصر. وإن غدا لناظره قريب.
__________________
" من كان يريد العزة فلله العزة جميعا" |
12-07-12, 05:45 PM | #59 | |
صياد جديد
تاريخ التسجيل: Aug 2011
المشاركات: 13
معدل تقييم المستوى: 5 |
Re: رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اقتباس:
احنا مستنيين ايه من افراد وظباط شرطه دخلوا كليه الشرطه اما بالواسطه او بالرشوه ؟! اكيد طبعا مش هيعملوا اى حاجه غير ممارسه الاستبداد والسلطه وبس دى مش ناس داخله شرطه علشان تخدم الناس وتقوم بواجب محترم احنا عندنا قوانين تسد عين الشمس لكن مين ينفذها علشان الجهاز ده يطهر لازم تترصدله ميزانيه ضخمه ويتم قبول خريجين حقوق فى كليه الشرطه لمده كام شهر يتدربوا هو ده التطهير لكن تحس كده ان الحكومه موافقه على اللى بيحصل سواء فى النظام القديم او الجديد |
|
12-07-12, 06:03 PM | #60 | |
صياد نشيط
تاريخ التسجيل: Jun 2011
المدينه: K.S.A
المشاركات: 392
معدل تقييم المستوى: 7 |
رد: Re: رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اقتباس:
وطبعا تجديد الدماء بناس عايزة مصلحة البلد وخدمة الشعب اجمل حاجة وضرورة ملحة زى مانت قلت |
|
12-07-12, 06:28 PM | #61 | |
صياد جديد
تاريخ التسجيل: Aug 2011
المشاركات: 13
معدل تقييم المستوى: 5 |
Re: رد: Re: رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
اقتباس:
يعنى اخونا ربنا يقف معاه فى محنته اللى اتسرق لو كان معاه سلاح حى كان فرغ فيهم خزنه وركب عربيته ومشى ومكنش حد هيسال فيهم وهيتعمل محضر تلاته مقتولين والعربيه مسروقه ومجرمين فى بعض قتلوا بعض واتقفل المحضر على كده لان الداخليه عندنا بتقفل محاضر مش بتؤدى الحقوق للناس والله احنا عندنا فى الشارع فى مره حصل خناقه كبيره بالسيوف واللمطاوى والشوم والبوليس واقف على بعد 150 متر بالظبط استنوا لما خلصت وتعبوا ومشيو ال 150 متر وخدوا الناس اللى اضربت وواقعين على الارض شالوهم فى البوكس ومشيوا علشان كده اغلب الناس دلوقتى بتجرى على شرا السلاح علشان تحمى نفسها لان محدش هيحميها بعد ربنا |
|
12-07-13, 02:35 AM | #62 |
ادمن صفحة المنتدى
تاريخ التسجيل: Dec 2011
المدينه: في بلاد الله الواسعة
المشاركات: 1,581
معدل تقييم المستوى: 140 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
ياريت حضرتك تبلغنا عملت اية ووصلت لاية تطمنا عليك
واحنا بندعي لحضرتك انو يوفقك في استرجاع ما اخد منك باذن الله |
12-07-13, 03:01 AM | #63 |
مشرف قسم الصيد البرى والاقسام الرئيسية
تاريخ التسجيل: May 2011
المدينه: المنصوره
المشاركات: 1,073
معدل تقييم المستوى: 201 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
يا باشا تتعوض و كل ده ميسواش ضافر واحد من حضرتك
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
__________________
د.محمد حبيب
|
12-07-13, 10:57 AM | #64 |
صياد نشيط
تاريخ التسجيل: May 2011
المدينه: القاهرة
المشاركات: 353
معدل تقييم المستوى: 6 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الف سلامه و الحمد لله قدر و لطف
|
12-07-13, 06:09 PM | #65 |
صياد متفاعل
تاريخ التسجيل: Jul 2012
المدينه: شبرا الخيمة
المشاركات: 215
معدل تقييم المستوى: 29 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد للة على سلامتك يا ابو ياسين
قريت موضوعك واوعى تسيبهم ولاد الحرام دول ولما يبلغوك بالقبض عليهم ابقى عرفنى وانا هقولك اية الى تعملة لانى محامى اخوك احمد فتحى |
12-07-13, 06:48 PM | #66 |
صياد نشيط
تاريخ التسجيل: Aug 2010
المدينه: عين شمس القاهره
المشاركات: 285
معدل تقييم المستوى: 7 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لا حول و لا قوه إلا بالله العلى العظيم
أخى الكيرم حمدا لله على سلامتك و أعلم ان الله منتقم جبار و لن يضيع حقك ابدا
__________________
أبو رضوى اللهم لا تكلنى إلى نفسى طرفه عين أبدا |
12-07-14, 06:31 AM | #67 |
صياد جديد
تاريخ التسجيل: Jul 2012
المدينه: القاهرة
المشاركات: 15
معدل تقييم المستوى: 5 |
رد: Re: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله على سلامتك ومش حفسر
حسبك الله و نعم الوكيل الامن الشخصي في مصر في المجتمعات العمرانية الجديدة بقى مشكلة كبيرة فعلا ومش عارف اقول ايه بس
__________________
الصيد هو اول سلوك بشري عدواني حميد... وهو صراع الانسان من اجل البقاء....
|
12-07-16, 10:31 AM | #68 |
صياد جديد
تاريخ التسجيل: Jun 2008
المشاركات: 28
معدل تقييم المستوى: 6 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
ربنا يعوض عليك والف حمد الله علي سلامتك يا باشا
|
12-07-16, 11:09 PM | #69 |
صياد جديد
تاريخ التسجيل: Jul 2012
المشاركات: 4
معدل تقييم المستوى: 0 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
أجر وعافيه ان شاء الله
والحمد لله على السلامه |
12-07-16, 11:59 PM | #70 |
صياد متفاعل
تاريخ التسجيل: Dec 2011
المشاركات: 145
معدل تقييم المستوى: 5 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
حمداً لله علي سلامتك
نسأل الله ان ينتقم منهم ومن كل المفسدين في الأرض حاول ان تحمل اي وسيلة للدفاع عن النفس مثل سيلف ديفنس والله وحده الحافظ عز وجل ولكن خذ ما استطعت من أسباب للدفاع عن نفسك ولا تنتظر أن تدافع الشرطه عنك وحادثتك هذه وغيرها كثير وما هو أشنع منها فكثير من المجرمين لا يكتفون بسرقة الضحية وانما بطعنه وتشريحه حتي لا يحاول تتبعهم او الإبلاغ عنهم فأسئل الله العافية ولي رساله صغيره لكل من يتنطع بالتحذير من حمل وسيلة للدفاع عن النفس كمسدسات البلي او غيرها " القانون الذي لا يحمي الناس لا يستحق ان نحترمه" فلتذهب قوانين الدنيا كلها للجحيم امام سلامة النفس والمال والعرض ونسأل الله السلامه والعافية |
12-08-03, 12:24 AM | #71 |
صياد متفاعل
تاريخ التسجيل: Jul 2012
المدينه: شبرا الخيمة
المشاركات: 215
معدل تقييم المستوى: 29 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
لو ممكن تنزلها صور عشان انا بدور كتير على النت وممكن اعتر فيها
|
12-08-03, 02:08 AM | #72 |
صياد نشيط
تاريخ التسجيل: Nov 2009
المدينه: إسكندرية والبحيرة
المشاركات: 283
معدل تقييم المستوى: 7 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله علي سلامتك وإذا كانت جت في الفلوس ففي ستين دهيه فداك طبعا
بس الأمر الخطير ان الشرطة لازم تنشط أكتر من كده الواحد مبقاش يآمن لحد وشكرا علي النصايح الغالية وانا شايف ان اهم نصيحة ان فعلا محدش يطلع يصطاد لوحده ولو مجموعه لازم تكون مأمنه نفسها طالما الشرطة ملهاش لازمه كده وانا أكيد لو لاقيت حاجه من اللي اتسرقت من حضرتك أكيد هبلغك وحمد لله علي السلامه
__________________
(وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِبُ) |
12-08-04, 02:07 PM | #73 |
صياد نشيط
|
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
جزاكم الله خيراً على مروركم الكريم و مشاطرتكم لى فى همى.
وبالنسبة لصور البندقية فهى موجودة فى الموضوع تحياتى لكم جميعاً
__________________
" من كان يريد العزة فلله العزة جميعا" |
12-08-07, 04:49 AM | #74 |
صياد جديد
تاريخ التسجيل: Aug 2012
المدينه: القاهره
المشاركات: 21
معدل تقييم المستوى: 5 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله ان انت بخير
|
12-08-08, 09:04 PM | #75 |
صياد جديد
تاريخ التسجيل: Aug 2012
المشاركات: 4
معدل تقييم المستوى: 0 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الله يعوض عليك
|
12-08-08, 09:22 PM | #76 |
صياد قديم
تاريخ التسجيل: Jan 2012
المشاركات: 1,270
معدل تقييم المستوى: 90 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد الله علي السلامه و بعد كدا ابقي اطلع انت و اتنين تلاته بلاش لوحدك و ربنا يعوض عليك
__________________
ان خانتك قيم المبادئ فاحرص ان لا تخونك قيم الرجوله عايش في اكبر سجن بس من جوايا حر مهما راحت روح الفكره مش هتموت الحريه مش كلام الحرية طلعت اوهام كيرو |
12-08-09, 03:54 PM | #77 |
صياد جديد
تاريخ التسجيل: Aug 2011
المدينه: اسكندرية
المشاركات: 7
معدل تقييم المستوى: 0 |
رد: سرقتى بالإكراه أثناء الصيد اليوم_9-7-2012: الحذر الحذر يا إخوانى
الحمد لله على سلامتك ......ولعلة خير .....وكويس انها جات على قد كدة.....وان شاء الله توصلهم وتجيب حقك منهم
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رجاء الحذر خلال البيع والشراء | msobhy | محدثات الصوت | 39 | 12-05-29 12:33 AM |
متى أستطيع أن أصطحب أبنى معى أثناء الصيد | تامر عصام | صور وفيديو الصيد ورحلاته | 11 | 12-04-18 01:32 PM |
الرجاء الحذر وتعميم الرسالة لعلك تنقذ بذلك حياة أحدهم | Karim Eid | الموضوعات العامه | 8 | 12-02-07 12:13 PM |
ارجو الحذر من العضو medo pasha | okapi knife | الموضوعات العامه | 102 | 12-01-11 08:24 PM |
خطأ واجب الحذر | mahmoudalaa | الموضوعات العامه | 22 | 11-07-06 02:42 PM |