| الإعلانات |
| الإعلانات |
|
|||||||
| مسابقات الرماية مسابقات الرماية التى تجريها ادارة المنتدى |
 |
| أدوات الموضوع | إبحث في الموضوع | انواع عرض الموضوع |
|
#1
|
||||
|
||||
حصريا: وعندنا بس نتائج وصور و فيديو مسابقة الرمايه الثانيه للمنتدي لعام 2012
بسم الله الرحمن الرحيم تحياتي يا أجدع و أجمل صيادين ... تحياتي لكل من ساهم في نجاح البطوله الثانيه لمنتدي الصيد في مصر ... أول من سأشكره هو سيادة المستشار / محمود بك فليفل الذي أعتبره محب الهواية الأول بالمنتدي ... رجل قلما وجدت في أخلاقه و كرمه ودعمه الدائم ورعايته لمسابقات المنتدي. المفاجئه في المسابقه دي كانت حضور المخضرم .. المحترم و نجم المنتدي و أحد أعمدته الدكتور/ محمد كمال الذي أثري وجوده المسابقه و أضاف لها بريق و تميز.طيب مش عايز أطول عليكم علشان مشتاق أحكيلكم علي اللي حصل في اليوم ده ..... اتجمعنا كلنا الساعه 2.30 ظهرآ أمام مستشفي دار الفؤاد و اتحركنا كلنا علي فيلا سيادة المستشار علشان نبتدي زي ما حددنا علي الساعه 3 عصرآ. الناس اتجمعت و كله عمال يظبط بنادقه و العمليه مشعلله و كلها حماس. المسابقه المره دي كان نظامها مختلف لأننا كنا ما شاء الله 23 متسابق. فعملنا مسابقة العشره متر (كل متسابق ضرب خمس رشات) و أخدنا العشره الأوائل و عملنا بيهم تصفية العشرين متر. و كانت احدي المفاجأت هو الطفل يوسف ابن المستشار محمود فليفل ان يكون ضمن العشره الأوائل ... ما شاء الله ابن الوز عوام. المهم المنافسه اشتدت قوي في العشرين لأن ما شاء الله الناس كلها صيادين جامدين و الفروق في النقط كانت حاجه بسيطه. بعد طحن العشرين متر  استطاع النجم هشام سمير أن يقتنص المركز الأول بفارق 4 نقاط عن النجم محمد محمود و بفارق سبع نقاط من العبد لله حسن عرابي ... هنيالك يا عم هشام خلصنا المسابقه و اتحركنا علي الفيلا الثانيه لمحمود بك بس متقلقوش الأتنين جنب بعض و قمنا بتسليم الجوائز و الشهادات و الميداليات التذكاريه و كالعاده محمود بك الرجل المضياف كان عامل أقل ما يقال عنها وليمة من السمك و الجمبري و الجمبري ايه ... جمبري جمبري يعني الناس قعدت بعد كده في قعده جميله شيقه نتجاذب فيها أطراف الحديث و لم يخلو الجو من المداعبات و المرح و بجد يا جماعه اللي مجاش خسر كتير .. طبعا يوم كان جميل و هيتكرر قريب جدآ جدآ بمفاجئه من العيار الثقيل جدآ جدآ تليق بمنتدي الصيد في مصر الأصلي أسيبكم مع الفيديو و الصور فيديو المسابقه الفائزين بالمسابقه المركز الأول :  النجم هشام سمير  المركز الثاني :  النجم محمد محمود  المركز الثالث :  النجم حسن عرابي  كلمة سيادة المستشار محمود فليفل و الدكتور محمد كمال كلمة النجم هشام سمير صور من المسابقه                                إنتظرونا في المسابقه القادمه قريبآ جدآ و بمفاجئه جامده جدآ جدآ ... منتدي الصيد في مصر ... أول و أشهر منتدي صيد في مصر .. معانا مش هتقدر تغمض عينيك
__________________
سبحان الله و بحمده سبحان الله العظيم [CENTER]
|
12-10-10, 10:09 PM
|
#2 |
|
صيــــــــــاد محــــترف& عضو ذهبى
 
|
أنا عايز تقيمات تنزل ترف أنا تعبت أوي في الموضوع ده عقبال ما خلصته .... محدش يكتب شكر تقيمات بس ههههه |
|
|
|
12-10-10, 10:53 PM
|
#3 |
|
مشرف الاقسام العامه&القسم الاسلامى
 |
والله العظيم انا نفسي كنت اجي معاكم بس يالاسف المشوار بعيد علي اوي اولا عشان اتشرف بمعرفه اعضاء محترمين ثانيا الشرف لمقابلتهم والف شكر علي المجهود ده ولك مني افضل تقييم علي موضوعك ده |
|
|
|
12-10-10, 11:05 PM
|
#4 |
|
صياد متفاعل
|
والله حاجه فى منتهى الروعه والجمال والتألق يابخت كل اللى حضر اليوم ده وخصوصاً انه كان فيه جمبرى 100000000000000000 مبروك للفائزين وكفايه اللمه والصحبه الحلوه والمره جايه لازم اكون معاكم ان شاء الله |
|
|
|
12-10-11, 12:02 AM
|
#5 |
|
صياد نشيط
|
هي المسابقه اوبن سايد وتلسكوب ازاي؟؟!!!ا فيه كده ظلم للي بيضرب اوبن سايد يا باشا المفروض تبقي دي مسابقه ودي مسابقه.لكن حرام نساوي في النقط بينهم :-) |
|
|
|
12-10-11, 12:07 AM
|
#6 |
|
عضو مميز
|
موضوع جااامد جداا و ناس رائعة و واضح انة متعوب فية الموضوع مثبت تقديرا للرجالة الموجودين فى المسابقة تحياتى لكل الفائزين فى المسابقة بس متتعودوش على كدة انا جاى المسابقة الجاية و ربنا يستر عليكم |
|
|
|
12-10-11, 12:23 AM
|
#7 |
|
ادمن صفحة المنتدى
|
بالتوفيق دئما ان شاء الله والف مبروك يا هشام باشا وانت ياعم محمد محمود ومبروك يا ابو علي غلي الفوز ومن تقدم لتقدم ان شاء الله بجد اليوم ده كان يوم جميل جدااااااااااااا جدااااااااااااااا بالنسبه ليه عشان اتعرفت علي اجمل واحسن ناس في الدنيا مجموعه كلها قمه في الاحترام والزوق وبشكر هشام سمير جدا عشان من غيرو مكنتش روحت المسابقه وكان ضاع عليا اليوم الجامد ده  وبجد مليون شكر لسيادة المستشار محمود بيك فليفل علي المجهود والاستقبال وزوق وكرم ضيفته لينا وشكرا تاني ليك يا ابوعلي وطبعا احلي تقييم ليك ياباشا  مجهود روعه تسلم ايدك بس ايه الصوره الغريبه بتعتي دي خد الصوره اللي انا عامل فيها قناص دي احسن ههههههههههههه  |
|
|
|
12-10-11, 12:25 AM
|
#8 |
|
صياد جديد
|
مجهود جبار ومسابقة ممتازة والى الامام دائما وان شاء الله المرة الجاية اتشرف بالحضور وسط هذه الكوكبة الرائعة من الناس الافاضل |
|
|
|
12-10-11, 02:24 AM
|
#9 |
|
الادارة العليا
|
تسلم ايديك يا ابو على على المجهود الجاااااااااااااااااااامد و الموضوع الجمميل دة والف شكر لسيادة المستشار محمود بك لرعيتة مسابقات المنتدى بكل حب والضيافة العالية جدا وشكر خاص لحبيبنا كلنا الدكتور محمد كمال اللى نور اليوم الجميل دة واخيرا بقول لهشام سمير خد بالك المرة الجاية مفيش اسكوب هههههههههههههههههههههه |
|
|
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مسابقة الرمايه الأولي للمنتدي لعام 2012 | Orabi | مسابقات الرماية | 16 | 15-02-21 10:41 PM |
| الأعضاء الذين شاركوا في فعاليات مسابقة الرمايه الثانيه 2012 | المشرف العام | الموضوعات العامه | 10 | 12-10-01 10:11 PM |
| نتائج مسابقة اجمل صورة سلاح 2012 | عبــ الله ــد @ | الاسلحه الناريه | 8 | 12-06-04 07:45 PM |
| مسابقة اجمل صورة سلاح لعام 2012 | عبــ الله ــد @ | الاسلحه الناريه | 30 | 12-06-04 03:12 PM |
| أحدث كورس لتعليم الإنجليزية لعام 2012 للمبتدأين | emad2525 | الموضوعات العامه | 0 | 11-09-21 11:15 AM |
أهلاً و سهلاً بكم فى منتدى الصيد في مصر حيث تجد من يقدر موهبتك و يساعدك دائماً على النهوض بها
العرض العادي
