ارجو المساعدة

[vilmos]

اولا اهلا بكم جميعا

انا عايز اشتري بندقية ضغط هوي , امكانياتي ممكن توصل ل 2500 جنيه مصري

انا عايز اعرف نوعها لان سمعت علي انواع كثيرة فمش عارف و كمان عايزها اصيد بها حيوانات كال ( الارانب , القطط , الكلاب ) يعني حيوانات بسيطة .

ارجو ايضا ان اعرف امكانيات البندقية و مداها في الضربة ( ؟؟؟؟ متر/ثانية )

و سمعت ايضا علي البنادق ال size 3 , فارجو ان توضحوا لي
سمعت انها اقوي size في بنادق ضغط الهوي ....

اخيرا : من فضلكم عايز اعرف اماكن بيع البندقية التي سترشحوها لي .............................

و شكرا

[المستشار]

اهلا وسهلا بالاخ العزيز ومرحبا بك عضوا فى بيتنا الكبير عشان اوجز الموضوع ديما الواحد لما يقدر يجيب نمره واحد او نمره 2 او نمره 3 يختار نمره 2 لان بحسابات السرعه والقوه هتجد ان البندقيه نمره 2 بها جميع العوامل المتفوقه وتقدر تصطاد بيها اى حاجه بتطير وبعض الحيوانات الصغيره مثل ىالارانب والتعالب بشرط الاصابه القاتله والمبلغ اللى مع حضرتك يجبلك بندقيه محترمه من شركه جامو مثل الجامو هنتر 4400 نمره 2 او من شركه نوريكا مثل النوريكا ويست او نوريكا كويك وكلها بنادق معقوله وقويه واخيرا انا طبعا بحذرك من صيد القطط والكلاب منعا باتا لانه فى منتدانا هذا جرى العرف انه لا نصطاد الا ما ناكله وفى بعض الحالات الضيقه جدا ممكن نصطاد طيور معينه لاجل تحنيطها هذا بالاستثناء من الكلب الكامل السواد فلك ان تقتله مصداقا للحديث الشريف صلى الله على سيدنا محمد وعلى اله وصحبه وسلم وتقبل مرورى

[rock]

السلام عليكم ...... اهلا بيك عضو جديد .
انا ليا تعقيب على كلامك ..... ارانب ماشى .لكن كن مطمئنا انه لايوجد من يساعدك او يشجعك فى صيد القطط والكلاب ..... والحاجه اللى ممكن تصطادها هى اليمام والحمام والارانب وكل ما يؤكل ممكن تصطاده .ومفيش غير الكلب العقور (المسعور ) والغراب الابقع (صدره وبطنه ابيض ) اللى ممكن تصطادهم ومش حرام ...... لكن الباقى من قطط وكلاب حرام صيدهم الا لاسباب ....... ثانيا .فيه كذا بندقيه تناسب الثمن ده ..... الاسبانى خامه كويسه ونشان دقيق وتحمل ............ جامو هنتر 440 السرعه فيه منها 220 وفيه 230 م/ث .وسعرها 2250ج _هنتر 890 زى 440 بالضبط بس تجيبلها منظار عشان مفيش عليها ناشينكانات _نوركا ويست 250م/ث (لو زودت المبلغ تقريبا 300 ج)_نوركا كويك 250 م/ث بعتله سفليه (لو زودت 500 ج ) دى انسب بنادق لحضرتك ..... ولك الاختيارمنها او من غيرها وخليك مع الاخوه فى المنتدى لان البنادق بتتباع ارخص من المحلات (سعر الجمله )مساعده لاعضاء المنتدى ..حتى لو مستعمله بتبقى استعمالها كويس للتنويه الدائم من المنتدى على نظافة السلاح والمحافظه عليه .... اما بالنسبه للبنادق رقم 3 فهى لطرائد معينه (كبيره نوعا ما )وهى لا تصلح لصيد الطيور اساسا ومبتبقاش سريعه زى العيار رقم 2 اللى هو الافضل فى منتدانا والاكثر لانها بتصطاد اى حاجه يعنى عندك مثلا النوركا مارفك جولد رقم 2 سرعتها 250 م/ث ورقم 3 سرعتها 180 او 190 م/ث ...... وبالنسبه لاماكن البيع او المحلات دا رابط هتلاقى فيه كل المحلات القريبه والبعيدهhttp://www.egypthunt.net/forumdisplay.php?f=55 ..... ارجو ان اكون افدتك .... وبلاش موضوع القطط والكلاب بالله عليك
ومرحبا بيك مره تانيه ...... تحياتى .

[rock]

سيادة المستشار سبقنى عشان انا كلامى كتير ......... هههه......... سباق دايما يا باشا ....... تحياتى .

[Abdelrahman Anwar]

مرحبا بيك فى اسرتنا الجميلة والكبيرة ايضا
بالنسبة لموضوع القطط والكلاب اوعا اوعا اوعا عارف ليه عشان ميطلعلكش عفاريتهم بحذرك ههههههه
وطبعا اساتذتى قامول بالتوضيح ومش لاقى كلام ازايد عليهم
تقبل مرورى

[galal khalifa]

اهلا وسهلا بيك معانا في المنتدي
اما عن المبلغ الي معاك ممكن يجيب بندقية كويسة من الانواع التية
1- هانتر 440 السعر 2250 السرعة 220متر
2- نوركا ويست السعر 2750 السرعة 235 متر