جريدة المنتدي..اقرأ اخر الاخبار

[kiko_2015]

قام العضو (عاطل) بارسال رساله الي المشرف و قال له : ...ايه يا عم المشرف..انت اعد نايم الساعه 7 الصبح !!! ده الواد حنكوره كانب تعليق بيشتم فيه الواد شفتوره ..الكلام ده بعد صلاة الفجر..انت فين مش شايف شغلك ليه ّّّّّّ!!

و الواد حسن زبادي اضحك عليه من الواد حماده حوادث بسبب البونيه الحديد اللي كان بيبيعهالو بعد اتهامه بان البونيه مستعمله و اتضرب بيها قبل كده

... والواد التاجر الشنكحاوي دخل بعضويه جديده عشان يشتم الواد الزعبلاوي في العرض بتاعو...و الزعبلاوي اصلا العرض بتاعو وهمي..انا مش عارف انتو سايبينو ليه..انتو شكلكو قابضين !!!

و ابو سيف عمل طبه جديده اسمها طبة الصعايده و صعايدة المنتدي زعلوا و أجروا قطر و نازلين مصر يعملوا محضر لمنع استخدام الاسم التجاري..و الدم هيبقي للركب..

علي جهة اخري ..قام العضو (زبله بن الملوح ) بسب العضو (هاني) لانه ليبرالي و علماني و اتهمه بالكفر

بينما تم الرد من مجموعه (كلنا هاني) علي المدعو زبله بانه بدقنين..قصدي بوشين..و ارجو استدعاء المشير من قبل اشراف المنتدي ببفصل في هذا الموضوع

بينما دعا العضو (نضال)الي توحيد الجهود من اجل انقاذ الثوره..و تمت الدعوه الي جمعة (من اجل هاني) بعد صلاة الجمعه..بينما احتل ( حذف بواسطه الاشراف ) و قاموا بطلاء الاسفلت غراء ثم القوا مسامير بورمه علي الاسفلت ..لكي لا يستطيع احد الخروج الي جمعة (من اجل هاني ) بعد صلاة الجمعه..و الناس كلها تلزق مكانها و اللي يمشي تتفتح رجليه بالمسامير..

بينما تم عمل موضوع جديد من قبل الثوار ان اللي يروح يصلي في المسجد يوم الجمعه ياخد معاه كيس بلاستيك و يحط الشبشب ف حجره..بعد تلقي تهديدات من ( حذف بواسطه الاشراف ) بسرقة الشباشب حتي لا يخرج احد لجمعة انقاذ هاني

و اخر الاخبار من قسم محلاي السلاح...فقد عمل العضو ( مقهور) موضوع عم المعامله السيئه التي وجدها في محل فرج الله فرع رمسيس والدعوه لمقاطعة فرج الله بمسدساتو و بنادقو واللانشون بتاعو

و اخيرا و ليس اخرا...خوفو..طلع ابن عم النونه..

و عجبي