صيد الطيور ومرض انفلوانزا الطيور

[moderntalking]

محتاج أعرف مدى انتقال مرض انفلونزا الطيور الى العصاقير واليمام
أرجو الافادة

[juDge911]

وانا كمان نفسى اسال السؤال ده من بدرى الناس بتتعامل ازاى مع الطيور والطيور المهاجره فى ظل انتشار انفلونزا الطيور وانا مش بتكلم على اكلها لأنها اكيد بتتغلى كويس لا انا بتكلم على التعامل معاه وانا اعرف ان المرض بينتشر من التعامل وعن طريق الهوا والنفس ؟؟؟؟

[mohamed_salam]

:mad:و الله دى اشتغالات و الصراحة اللى اقدر اقولكم علية مصر مش ناقصة اشاعات
و الصراحة كل اشاعة حاولت اتقصاها لقيت مالهاش اصل
من الاخر لم تتم تسجيل اى حالة من انفلونزا الطيور منذ عامين و ده من مصدر موثوق منه
و مفيش حد بيثبت على الطريق الدائرى علشان مافيش حرامى هيسرق على طريق سريع الافضل انه يستفرد بيك على طريق ديق و سهل انه يتحكم فيك و فى عربيتك
و مفيش حد ولع فى مسجد السيده عيشة و المسجد انا صليت فيه العصر النهارده
و مفيش حد بيهاجم سكان الناهضة فى مدينة السلام و ده كلام من اهل النهضه نفسهم و قالولى انهم سمعو ان اهل اطلس و bbc همه اللى بيتهاجموا و طبعا انا ساكن هناك و بقول مفيش حاجه خالص
الصراحه تقريبا الاشاعات دى جزء من خطة عدم الامن المستخدمة من كلاب الداخلية
اخواتى تحروا الكلمة قبل نشرها و ارحموا نفسكوا من السؤال عنها يوم القيامه و ركزوا فى حساب اللى سرقوكم و قتلوكم:mad:

[juDge911]

استاذى الفاضل هوا احنا نشرنا ايه علشان نتحرى الدقه فيه
هوا انا بقول للناس بطلو تصتادو عاشان حاتموتو
ولا بقو ل تحذير هام تم اصابه معرفش كام بأنفلونزا الطيور
استاذى الفاضل لو قريت المشاركه كويس تعرف انه مجرد سؤال انا زى غيرى سامع انه فى انفلونزا الطيور من الطيور المهاجره وبسال الناس ببتعامل ازاى تجاه الموضوع ده لاكن انا لا قولت كلمه ولا قولت خبر ولا معرفش ايه
علشان حضرتك تقول ارحمو نفسكم من السؤال يوم القيامه وكأن الواحد اشرك او ارتكب كبيره من الكبائر
لا إله الا الله

[mohamed_salam]

السؤال عن امر له صيغة و احنا كلنا عرب نعرف اللغة
و فيه فرق مابين سؤال متعلم و سؤال مخبر
و سؤالك مخبر حتى لو ما كنتش تقصد على العموم الموضوع قديم جدا و لم تتم تسجيل اى حالات سواء بالشكل الرسمى او حتى كاشاعة و اول مره اسمع فيها الكلام ده من سيادتك الان منذ سنوات
ارجوا انك ما تكنش زعلان و قولى راعوا الكلمة فهذا لشأنها العظيم عند الله فكلمة مخبرة لامر من شأنه زياده الفتن السكوت عنها افضل و راعى ان النصيحة لا تزيدنى شئ و لكنها للمنصوح كنز و مش كل منصوح بامر فى الدين مشرك فكلنا مسلمين و موحدين و رغم كده حدثنا نبينا محمد ان من شأن الكلمة ان تطرح صاحبها فى النار 70الف خريف و ده طبعا عقاب و المعاقب هنا ليس بكافر او مشرك و لكنه رجل قال كلمة دون ان يلقى لها بالً
و ارجوا ان تراعوا حال مصر تلك الايام

[braveheart]

يااااااااا شباااااااااااب ... أرجو فرض حسن النية في التعامل مع بعضنا من فضلكم ... مش معقول كل واحد يكتب موضوع يتهاجم ..
فمثلا كاتب الموضوع ممكن يكون قليل الخبرة .. بس مش أكثر ... أو يكون خبير بس بيتأكد يا ناااس ... عموما مفيش طائر يطير مسافة سفر و يكون عندة مرض زي إنفلونزا الطيور لإنه من الأخر لو عندة لكان سافر و لا هاجر و لا إتحرك من مكانة ... و كان أخرة هيقعد في العشة يتفرج علي قناة الجزيرة و العربية علشان يشوف هيروح أي بلد عربية لما يقوم بالسلامة بحيث ميكونش فيها مظاهرات و ضرب نااااااار ...