بعيد عن الصيد.........الجيل اللذيذ(الموكوس)

[حسام عبادي]

إخواني...
وصلتني هذه الرساله وهيي تتحدث عن جيل معين (كما هو واضح)
وإكتشفت إنني من هذا الجيل الموكوس



مـــــــــــــــنقول

كيف انك تعرف انك من الجيل الموكوس الذيذ الذي ولد مابين ( 1980_1985 ) تقريبا

والجيل اللذيذ هو جيلي جيل المواليد من 1980 وحتى 1985 اللى كانوا ضحية مجتمع تحول حديثا من قمة الاشتراكية لقمة الانفتاح فخرج الجيل بلا رموز فكرية أو ثقافية أو فنية أو حتى في الشكل والملبس..عايز تتأكد أنك من الجيل الموكوس؟؟ راجع معايا..

1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).

2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).

4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).

5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.

6.إذا كانت كل البنات من حولك معجبين بأحمد عبد العزيز ويرينه فارس أحلامهن .

7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)

8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.

9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).

10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.

11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).

12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!

13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).

14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!

15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.

16.اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد .

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!

19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان) رغم الاخطاء العلمية الجسيمة به.

20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.

21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).

22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .

23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).

24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).

25.ان تكون شاهدت كليب المغنية حنان الشهير (اضحك بقى وافرجها ياعم)...

26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).

27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!

28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)
29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).

30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!

31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.

32.اذا كنت قد لعبت في طفولتك باحدى اشكال لعبة (الميكانو).

33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).

34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.

35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.

36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).

37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).

38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).

39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال بجاذبيتها الجنسية.

40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)

41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.

42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.

43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).

44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).

45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.

47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..

48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!

49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.

50.اذا كنت قد شاهدت الزمالك ينسحب مرتين من مباراته مع الأهلي..مرة في أخر خمس دقائق بسبب هدف صحيح ومرة في أول خمس دقائق بسبب كارت أحمر مشكوك في صحته.

[sam0o87]

انا الحاجات دية قديمة بالنسبة ليا
انا من الجيل اللى بعدة

[salahfareed]

هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههه
ههههههههههههههههههههه
ههههههههههههههه
هههههههه
ههه
هههههههههههههههههههههههههههههههههههههههههههههههههه ههههه
ههههههههههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههه
هههههههههههههههههههههه
ههههههههههههه
هههههههه
ههه
هههههههههههههههههههههههههههههههههههههههههههههه

[charesma]

انا مش عارف حظى حلو ولا وحش بس انا يادوب لطشت فى اواخر الشهور بتاعت 1985
لأنى 20 / 8 /1985

[محمد طه]

ايه يعم الي أنت عملته ده
(انت خالتني احس اني رجعت عيل تاني)

بس فيه حاجات تانيه معرفش هي اقدم من كده ولا ايه زي


فوزير شيريهان وقبلها وبعدها نيللي


اعلان جلي كولا

[town sniper 1]

يانهار ابيض دا انا طلعت من اول
الجيل الموكوس

[memobreeka]

ايه يا باشا انت ناسى مازنجر وافروديت المسكينه اللى ما كانش عندها غير صا روخين تضربهم
وبعد كده تنادى على ماهر سواق مازنجر طبعا
وناسى كمان كابتن ماجد (عاد اليكم من جديد)

[kareem]

للاسف يا رجاله الواضح ان في اعضاء كتير اوي من الجيل الموكوس ده
انا في اوله 10/1980

[walther]

بسم الله الرحمن الرحيم
28/4/1973 يبقي انا خبط في كل القرف ده هههههههههههههه
بس ياتري هو تاثير المديا الاعلاميه علينا وله سياسه الامر الواقع اللي هيه اهوه الطفح تاكله تاكله او ماتكلهوش ان شالله عنك مااكلته وله تفاهه مجتمع وله اتلهوا عبال ما نخطط لبيع البلد وله وله وله وله وله وله ................... ايه بس ... نص اللي انته قولته ده انا عملته والنص التاني شوفته وفيه بلاوي تانيه لطشت فيها منها
1: 100 فيلم ابيض واسود اتفرضوا علينا لمده 15 سنه

2: وافلام الثوره اللي كانت بتطلع الباشوات اما ماسك الكرباج او بيسكر مع الراقصه سوسو وطبعا سدره المنتهي فيلم رد قلبي وانجي وابن الجنايني اللي بقي ظابط واخوها اللي كان عايز الظابط يرجع المدرسه الحربيه تاني علشان يتعلم النشان ؟؟؟؟؟؟؟؟.......... يجي وانا اعلمهولوا ..

3: ناهيك عن الثانويه العامه القديمه بنت القديمه والتنسيق

4: وكمان حلم السفر لاوربا ورفض السفارات اعطاء الفيزا طبعا لانهم هرشين احنا رايحين نشتغل مش سياحه ههههههه سياحه ومعاك 300 دولار والسياحه لمد شهر اههههههههه دي فين شاطي سيدي بشر ههههههه

5: ولسه العربيه الفيورا وطبعا العربيه اللي موتت او عجزت نص شباب الجيل ده 128 فيات والاوكوليزر والكاست العالي جدا ده مثال الشاب الشيك ابن الناس ويحرق 20 لتر في معاكست البنات

6: غير طبعا موضه القمصان المشجره وقميص عمرو دياب الشهير المشجر ابيض في اسود

7: الريان والعربيه اولست استروين اللي هيه لو فاضل منها دلوقتي معموله صناديق زباله ردتها الحكومه بدل ايداعات قدرها 85.000 جنيه ياله دول كانوا يساوا ايمها 850.000 والعربيه اصلا ماتساويش 20.000 وطبعا اللي وقع في اللعبه دي اللي كانت بين الحكومه والريان همه العائدون من الخليج اموا مسافريين تاني بلا عوده ههههههه


8: كاسيت السياره القاريونس اللي ليبيا خلت فيلبس تعملهولها وكما تكتبلها عليه قاريونس وده فخر الصناعه الليبيه عدم امتلاكك ليه يعني انته مش شيك

9: تجريف الارض ......... اماين الطوب ........... هجره الفلاحين للدول العربيه وطبعا اللي يفلح فيهم يرجع بمروحه وبطانيه النمر وفديواااااااااااااا

10: طبعا برنامج تاكسي السهره للمذيعه المشهوره الشهيره المثله والفنانه ومعجره كل حاجه نجوي ابراهيم

وغيره وغيره وغيره انا الذاكره مش مسعداني ياله 36 سنه عجزت بقي وسلام علشان عندي شغل
وغيره وغيره وغيره

[طلعت بخيت بسكالس]

والله ياأستاذ حسام أنت وعمرو باشا
كلامكم أثار بالنفس شجون وذكريات وفكر الواحد بحاجات كتييييييييييييييييييييييييييييييييييييييييير
أكتب أيه بس ولا أيه .....................
طب والله ماكتب حاجة
عارفين نكتة الراجل العصبي أوي اللي أتخنق من كل حاجة وراح داخل علي واحد ترزي
وقال له أم حتة قماش أهيه تعملها لي أم بدله زي الناس
مش تعملي الكم عوج كدة ولا البنطلون شاحط كده ولا ............ أقولك مش عامل أم بدل

لك الله يامصر

[حسام عبادي]

لو حسبتها حتلاقي كل جيل موكوس بشكل خاص بيه
في السبعينات كانت موضات البيتلز وكان الأولاد يلبسوا زي البنات والبنات مابيلبسوش حاجه
و جيلنا زي ماإتقال كده
والجيل الجديد جيل السبايكي والطحن أخر حاجه والبنطلونات الساقطه (البنطلونات طبعآ)

وفي الأخر زي ما طلعت باشا قال لك الله يا مصر (وإحنا كمان لنا الله)