موقف حصل معايا النهارده

[kiko_2015]

السلام عليكم و رحمة الله و بركاته

النهارده و انا في المحل انا و خالد اخويا و شادي (العضو shadymaged) ,وابراهيم hema77h , وعضو اخر من المنتدي كان عندي ف المحل و راكن عربيتو بره

المهم فجأه لقيت عربيه واخده الشارع عكس امريكاني بسرعه غريبه كان بيهرب من حاجه و بتجري وراها عربية اتاري
و قامت العربيه اللي بتجري عاوزه تهرب خبطت اقسم بالله 5 عربيات ع الرصيف دمرتهم وكانت منهم عربية محمد(معرفش اسمه ايه ع المنتدي)

و كانت هتقتل محمد
المهم جرينا وراها علي رجلينا و عربية الاتاري ورانا

الحمدلله في عربيه طلعت من شارع جانبي قفلت الشارع
و قفشنا السواق و اول حاجه شافها بونيه من شادي من قوتها كسرت الخاتم بتاعو هههههه

المهم اللي انا عاوز اقولو..تخيلو لما الضابط مسكو السواق قالو ايه؟؟

قاللو سيبني والا هلم عليك الناس تظبتك و اعملك ثوره !!!

اعتقد ان امثال الراجل ده هما فعلا اللي هيسوؤا سمعة ثورة مصر..و ... عاوزينها فوضه

[kiko_2015]

طبعا نسيت اقول ان كلنا جرينا وراه ما عدا خالد اخويه كان بيعمر الرشاشات تحسبا لاي شئ ههههههه

[hesham[MaFya]a]

يا ساتر يا رب المهم حمداً لله على سلامتكم جميعاً....(مش كنت ضربتهم بالايكول؟؟؟)هه.

[hema777h]

هو انسان غبي والهي سواق العربية داا بدل ما كانت المخالفة سير عكس الاتجاة كانت هتبقي قتل والله اعلم كانو هيبقيو كااام واحد للولا ستر ربنا والحمد لله انها جت علي قد كداا وربنا سترها انو ملحقش يجري علي الشارع العمومي

[kiko_2015]

المشاركة الأصلية كتبت بواسطة hema777h

هو انسان غبي والهي سواق العربية داا بدل ما كانت المخالفة سير عكس الاتجاة كانت هتبقي قتل والله اعلم كانو هيبقيو كااام واحد للولا ستر ربنا والحمد لله انها جت علي قد كداا وربنا سترها انو ملحقش يجري علي الشارع العمومي

صحيح يا ابراهيم انا مشوفتكش انت روحت فين..كنت بتطمن ع الموتوسيكل بتاعك ؟؟ ههههههه

[hamam]

الحمد لله على سلامتكم اولا
والاستاز محمد ربنا يعوض عليه هو والناس اللى عربياتهم اتكسرت
والاشكال اللى زى السواق ده كتير والحراميه والمسجلين والبلطجيه
ده الموسم بتاعهم ودى ايامهم لانهم مش لاقيين رادع
والحكومه عايزه كدا عشان الناس تتقرف وتترحم على ايام حسنى
احنا عندنا مشاجره بين عيلتين بقالها عده ايام بالالى والطبنجات
وتوفى اكثر من7 افراد من الجانبين وشخص اخر كان معدى لقضاه
والحكومه جت وشافة الضرب ومشيو وما عملوش حاجه
والقتلى مرميين فى الشارع
ربنا يسترها معانا ومعاكو

[hema777h]

المشاركة الأصلية كتبت بواسطة kiko_2015

صحيح يا ابراهيم انا مشوفتكش انت روحت فين..كنت بتطمن ع الموتوسيكل بتاعك ؟؟ ههههههه

الموتسيكل كان في الحفظ والصون بعيد عن ارض المعركة والهي لو كان لمسو كنت بوظتلو العربية بتاعتو ومخلتها تنفع تاني والهي ديتها .............. ولا بلاش الطيب احسن

[shadymageed]

والله بجد الراجل ده يا جماعه حرق دمى من 4 حاجات الاولانيه انه عربيه الاتارى كانت بتجرى وراه لانه كان ماشى عكس الاتجاه بسرعه عاليه اوى وخبط عربيتين وجرى وراه صاحب العربيه هوه مع عربيه الاتارى بيقولوا بيجروا وره من الحدائق ووقفوا فى ملف الشارع حخابح العربيه اللى اتخبطت بيقوله هات رخصك والامين اللى فى الربيه بيقوله ادينى رخصتك وانزل ايه اللى انته عملته ده والله الناس كانت بتتكلم معاه بكل ادب وهوه بنى ادم مش محترم حتى فى كلامه للامين بيقولا اسكت بدل مالم الناس عليك ورد الامين عليه الناس اتلمت اهه علشان الحق فالراجل لما لاقى الناس بتكتر وبتغلطه رجلع لورا خبط عربيه وطلع قدام خبط موتوسيكل فالاخ العضو محمد جرى عليه علشان عربيته كانت على ناصيه الشارع ولقيناه مره واحده بيجرى والراجل بتاع العربيه عمل اميكانى لف الشارع ( عربيه نص نقل ) طبعا العربيه طويله خبط عربيه محمد وقدامها حوالى خمس عربيات غير اللى حكوا فى بعض وبجد ربنا مبيسيبش حق مظلوم وتطلعلوا العربيه اللى قفلت عليه الشارع دىازاى الله اعلم بصراحه انا كنت قى قمة غصبى لسفالته وان اللى احنا عملناه فى الثورة خلت الناس الزباله اللى زى كده تتكلم بالششكل الحقير الهمجى ده مع الناس وكمان لانه دمر شويه عربيات ملهاش اى ذنب غير انها ركنه قدام بيتها بصراحه انا كنت بديله بالبونيه حرقه كل صاحب عربيه حصلها حاجه وكل واحد عايز يغلط وافتكر انه حاكم ورئيس نفسه والله اول ما محمد فتح الباب وجابه وانا بديله بجد خاتمى من الخواتك الفضه التخينه الىل مش من السهل ينكسر بس لقيت كله ركب فوقى وبيضرب ومحمد ماسه من قفاه وعايز يركبه عربيه الاتارى انا طلعلت الاليكتريك وكنت هطه فى اخر رقبته علشان يبطلع فلفسه ومحاوله هروب بس الناس مدتنيش فرصه شالونى ورمونى ورا اكنهم بيقولى كفايه عليك سيبلنا شويه
بس تصدقوا ان عربيه الاتارى مفيهاش كلبشات !!!!!!!!!!!!!! وجبنا حبل علشان نربطه بيه علشان ميحاولش يهرب من العربيه بس الحمد لله جت سليمه وربنا يطمنا على محمد علشان هوه راح معاهم القسم

على فكره انا محمد ده العضو اللى بنتكلم عليه انا اول يوم ليا اشوفه النهرده بس الرجوله لما تلاقى ناس تستحق انك تقف معاهم واقفه راجل زى الاخوه الافاضل ابو سيف . محمد . خالد . heema تحس فيهم بروح الرجوله والاخلاق المصريه العاليه والله والله مش بجامل وحتى خالد طلع تحفه تحفه تحفه بجد انا مكنتش متوقعه كده بس كان بيضحك اوى من الحادسه مش عارف ليه ههههههههههه
والله يا جماعه انا بتشرف لما عرفت الناس دى ونفسى كل الرابطه تبقى كده ويبوا رجاله مع بعض على الحله والمره ((((((((((معرفه الرجال كنوز ))))))))))

[sadaany]

خيانه ياشادى وياهيما بتعملوا مقابلات مع بعض منغيرى وابو سيف كشفكم طيب كنتم قلتوا وكنا رحنا سوا انا عايز اروح لابو سيف من فتره ومشلاقى حد يشجعنى بش ياشادى التدريبات شكلها جابت نتيجه حلوه هههههههااااااااااااا

[kiko_2015]

المشاركة الأصلية كتبت بواسطة sadaany

خيانه ياشادى وياهيما بتعملوا مقابلات مع بعض منغيرى وابو سيف كشفكم طيب كنتم قلتوا وكنا رحنا سوا انا عايز اروح لابو سيف من فتره ومشلاقى حد يشجعنى بش ياشادى التدريبات شكلها جابت نتيجه حلوه هههههههااااااااااااا

ياريت والله تشرفني النهارده و بالمره نتكلم في موضوع السيكو سيكو

[shadymageed]

انا ليا فى السيكو سيكو ده ههههههههه والله لو كنت اعرف انا عايز تروح كنت قلتلك وروحنا مع بعض على العموم يوم السبت انشاء الله قريب مش بعيد وانشاء الله هيكون يوم من احى ايام حياتنا بامر الله

[shadymageed]

المشاركة الأصلية كتبت بواسطة sadaany

خيانه ياشادى وياهيما بتعملوا مقابلات مع بعض منغيرى وابو سيف كشفكم طيب كنتم قلتوا وكنا رحنا سوا انا عايز اروح لابو سيف من فتره ومشلاقى حد يشجعنى بش ياشادى التدريبات شكلها جابت نتيجه حلوه هههههههااااااااااااا

تدريبات ايه ده كان ضرب من غير سلاح طلع سلاح الايد اشد هههههههه وابقىتعالى نتدرب مع بعض يا دكتور ههههههههههه مهوه كله بفضل فيتاميناتك ههههههههههههههه

[سامح عاشور]

أهم حاجة إنكم بخير, وإن الزبون أكل اللي فيه النصيب!

[bravehro1]

الشعب مكبوت من البلطجيه وكله بيخدم في الماقف ده وياريتني كنت موجود يااخي ممكن مكانش يلحق يقول حاجه خالص ربنا يحميكم وتعيش مصر في امان

[ahmedmh_ali]

حمد الله السلامة و جارى مناقشة موضوع بيع أربجيهات أن شاء الله

[ahmedalim]

الحمد لله على سلامتكم اولا
والاستاز محمد ربنا يعوض عليه يارب

[ahmedalim]

المشاركة الأصلية كتبت بواسطة ahmedmh_ali

حمد الله السلامة و جارى مناقشة موضوع بيع أربجيهات أن شاء الله

ههههههههههههههه حلوه ولو ممكن بزوكا كمان

[mman2005]

يا جماعة كان نفسى أجامل بكم بونية، الشعب المصرى بيحب يجامل فى المواقف دى، وربنا يعوض على الى عربياتهم أتخبطت.

[ahmedmh_ali]

المشاركة الأصلية كتبت بواسطة mman2005

يا جماعة كان نفسى أجامل بكم بونية، الشعب المصرى بيحب يجامل فى المواقف دى، وربنا يعوض على الى عربياتهم أتخبطت.

هههههههههههه ما هو صاحب العربية لو كان موجود كان جامل و كان الموضوع حيهون شوية .

[A.Seif]

حمدا لله على سلامتكم يا رجاله و ربنا يعوض ويخلف خير للاخ محمد فى عربيته