زيت السلاح

[احمد قبيصى احمد]

السلام عليكم ورحمة الله
يا جماعة محتاج افادة سريعه منكم ......... عن زيت السلاح ونوع معين
لان فى واحد صاحبى معاه سلاح حى بينضفه وواضح برضه انه لسه مبتدىء
هل السلاح الحى له زيت معين للتنظيف غير علبه الزيت اللى احنا عارفينها ........اللى بننضف بيها مسدسات الصوت
وكت بسئل عند ابو ضيييف للاسلحة قالى فى اسبراى بيتجاب من عند محلات الدهانات الكبيرى
اسمه اتش واى دى او حاجة مشابهه بس انا مش متاكد


ياريت افادة سريعه ولو حد من الاعضاء يشرفنا ويفهمنى يبقى كتر الف خييييييييره

[M.Hatem]

الاسبراي ده بيشيل الزيت القديم وبعد كدا بتحط الزيت الجديد هو ممتاز الاسبرايس ده بس بيستعمل مع الزيت مش من غيره وفي في محلات السلاح انواع زيوت مستورده وفي في المنتدي هنا برضو ممكن اشتاذ هوجن يفيدك اكتر مني في السلاح الحي موفق ان شاء الله

[مورو]

الاسبراي أسمه wd وفيه منه نوعين نوع عادي ونوع جاف العادي بيسيب اسر بعد التنظيف يعني بياخد وقت شويع عقبال ماينشف والاخر جاف بمجرد رشه بيشيل الاوساخ والاتربه وينظفه تماما وينشف على طول انا والدي كان بيستخد النوع الجاف في تنظيف الاجهزة الكهربائية اللي في البيت

[احمد قبيصى احمد]

المشاركة الأصلية كتبت بواسطة m.hatem

الاسبراي ده بيشيل الزيت القديم وبعد كدا بتحط الزيت الجديد هو ممتاز الاسبرايس ده بس بيستعمل مع الزيت مش من غيره وفي في محلات السلاح انواع زيوت مستورده وفي في المنتدي هنا برضو ممكن اشتاذ هوجن يفيدك اكتر مني في السلاح الحي موفق ان شاء الله

الف الف شكر يا حاتم بيه .....ومتشكرين على الافادة القيمة

[احمد قبيصى احمد]

المشاركة الأصلية كتبت بواسطة مورو

الاسبراي أسمه wd وفيه منه نوعين نوع عادي ونوع جاف العادي بيسيب اسر بعد التنظيف يعني بياخد وقت شويع عقبال ماينشف والاخر جاف بمجرد رشه بيشيل الاوساخ والاتربه وينظفه تماما وينشف على طول انا والدي كان بيستخد النوع الجاف في تنظيف الاجهزة الكهربائية اللي في البيت

الله ينور عليك يا عم مورو ايوه اسمه wd ودا اجيبه منيين من اى محل دهانات ولا منين ؟؟؟
وتعيش يا باشا

[ali yosef]

ال wd موجود عند محلات قطع الغيار المحترمه بس اللى هاتلاقيه عندهم هايبقى wd40 وده سبراى بزيت بستخدمه فى العربيه احيانا

[hunter79]

انصحك بالابتعاد عن زيت wd 40
لانه هيصدي السلاح
ممكن يتخدم فقط في ازالة الاوساخ داخل الماسورة و بعدا يتم مسحة جيدا جدا و توضع طبقة جدية من زيت سلاح المصانع الحربية موجود عند محلات السلاح و هو انضف زيت موجود حاليا اسمه "اويل سبراي " oil spray
و المصنع بيستخدم فيه زيت esso و الانتاج الجديد مش عارف نوع الزيت بالضبط لكن المصنع الحربي بيختار افضل مواصفات للزيت قبل تعبئته

اذا كان الغرض من التنظيف ازاة البارود و الاوساخ فيستخدم الwd40 كمنظف فقط و يزال نهائيا من السلاح قبل وضع زيت السلاح الخفيف

لان الزيوت التي تزيل الصدا مثل wd40 فيها نسبة من المواد التي تسبب تاكل المعادن

بالتوفيق اخي العزيز

[elghalban666]

مساء الفل سيبك من قصة زيت مستورد والكلام دة كلة عن تجربة افضل طريقة لتنظيف و تزييت السلاح الحى هى
اولا الادوات
1*الحربى الخاص بلسلاح
2*قطعة قماش من القطن (تى شيرت مثلا)
3*وعاء (صنية)
4* فرشة السلاح
5*جاز ابيض (كروسين )وليسة سولار
6*زيت ماكينات الخياطةالابيض لانة زيت معدنى
7* شحم ابيض (شحم فوزلين)
8*فرشة اسنان
الطريقه
1*احضر الوعاء وضع بة الكروسين
2*احضر السلاح وقم بفكة وضعة ف الكروسين
3*اغسل السلاح جيدا ب الكروسين
4*احضرفرشة الاسنان وابدا بتنضيف السلاح
5*احضر فرشة السلاح ونظف بها الماسورة
6* قم بتجفيفها من الكروسين بلحربى وشريط من القماش القطن
7*جفف الماسورة من الخارج وضعها جانبا
8*قم باخراج السلاح من الجاز وجففه جيدا
9*ابدا بتجميع مجموعة الزناد والشاكوش بعد تجفيفها جيدا
10*شحم مجموعة الززناد والشكوش بل شحم الابيض تشحيم خفيف
11*اربط مقابض السلاح
12*قم بتركب البردج والماسورة
13*زيت مشقبيات البردج والناتوش بل زيت العدنى (ماكينات الخياطة)
14*شد الاجزاء كام مرة ع الفاضى لضمان تغلغل الزيت داخل المشقبيات
15*جفف السلاح من الزيت ازائدب القماش القطن
وطبعا نظافة الخزنة بنفس الطريقة
ملحوظة هامة
لاتفرط فى كمية الزت او الشحم
اسف جدا للاطالة

[مورو]

المشاركة الأصلية كتبت بواسطة احمد قبيصى احمد

الله ينور عليك يا عم مورو ايوه اسمه wd ودا اجيبه منيين من اى محل دهانات ولا منين ؟؟؟
وتعيش يا باشا

بيتباع في شارع باب اللوق وعند محلات الاجهزة زي العجيل مثلا وفيه منه جاف اللي هوا بينشف بسرعه وفيه العادي وفيه نوع تاني اسمه جنرال 90

[احمد زكى]

موضوع اكثر من رائع تحياتى