|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
أدوات الموضوع | إبحث في الموضوع | انواع عرض الموضوع |
12-12-23, 09:37 PM | #1 |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
طلعة الجمعه 21 \ 12 \ 2012
بسم الله الرحمن الراحيم
من فطره و انا عاوز اطلع طلعه نهاريه فاتفقت انا و صحبي الي معايه علي طول في الطلاعات اننا نطلع يوم الجمعه و يوم الخميس بالليل كنا مشيين في الشارع فجاه قابلت واحد صحبي اسمو مصطفي و ضار بنا الحوار ده هو ايه يسطي ازيك انا الحمد لله هو يسطي عوزين نصطاد معاك انا و انت من امتي يا مصطفي ليك في الصيد هو لا انا عاوز اطلع علشان اشوف البندقيه و اكل يمام انا قلت في سري ( هو كان قايلي من زمان فمش هينفع اقله لا بس هطلع منه بمصلحه علشان انا عرفه كويس هييجي يزهقني ) انا خلاص بص يا مصطفي احنا هنطلع بكره بس بشرط احنا عوزين علبت رش علشان الرش الي معانه مش هيكفي هو بعد تفكير .............. ماشي بس اليمام هيكون بالنص ما بنا انا قلتله ماشي هو ده الي همك يا عجل الاكل بس هو عيب عليك .............. و اتفقنا اننا نصلي الفجر في جامع معين و بعدين نروح و بعد صلاة الفجر متلقتش غير محمد صحبي الي جه قلت خلاص زنب مصطفي بقا علي جنبه و طلعنه نصطاد و كان اليوم جميل و الجو كان اجمل بس كلعاده النحس ماسك فيا في البدايه انا و محمد صحبي بنضرب و مفيش حاجه بعدين هو قلي انا هضرب عصفوره بقا يمكن تفك النحس قلتلوا ماشي و فعلن ضرب عصفوره دكر و فعلا بعدها راح هو ضرب فرد حمام بعدها علي طول و بعدين ضربنا اتحسن و الموضوع اطور بقا ترييش و بدون مبالغه اكثر من 12 ضربه ترييش مني لوحدي بعدين انا قلتلوا ( بقلك يا جبر اتصل بمصطفي العجل علشان ميجيش يقلنا انا عاوز حق علبت الرش ) و فعلن هو اتصل بيه و اتفقنا علي مكان نتقابل فيه و هو جه و بعد ما جه انا ابتدية ازهق علشان سوء الحظ و كمان الواد مصطفي ده كان قارفني و كان كل شويه يقلي هات اضرب ضربه و الطلعه دي كانت طويله حوالي 5 ساعات و كانت الحصيله 2 فرد حمام 4 يمامات 1 عصفور دكر 2 عصفور عريب كده كنت مصوره بس للاسف الصور اتمسحت و حاولت ارجعها ببرنامج recover my file و عرفت ارجع كام صوره المهم شكل الطائر هو لونه ازرق مايل الي اللبني او الرماضي من فوق و من عند بطنه ابيض و هو في حجم العصفور و علي طول بشوفه علي الارض بيجري بسرعه و في الاراضي الزراعيه و نادرا لما بشوفه علي شجره و هو كثير الحركه يعني مبيقفش في حته ههههههه نيجي بقا للصور منظر صورته و كان في منظر احسن من ده بكتير بس للاسف البرنامج معرفش يرجعه صور الحصيله النهائيه بس مش عارف هتظهر و له لا علشان البرنامج رجعهالي بيظه بتظهر بس و هي مصغره صور محمد و مصطفي العجل و هم بينظفوا انا ساعتها سبتهم و رحت اصلي الجمعه الصور بعد التنظيف و ساعتها مصطفي مرضيش يسيب اليمام و الحمام و قلي صوره و هو في الشنطه ههههههههههه قبلها اختلفنا حول توزيع الحصيله و دار بنا الحوار ده انا ايه يا جدعان هتعملوا ايه في العنائم انا عن نفسي مش هاخد حاجه المراضي محمد انا هاخد حمامه و يماماه و نسيب الباقي لمصطفي مصطفي قال خلاص يا جبر انا هخليهم عندي و بعدين نبقا نشويهم بالليل محمد ماشي هبقا اعدي عليك بالليل و بعدين مشينه و خلاص كده و تاني يوم الصبح و انا رايح استفتي علي الدستور قابلت مصطفي و دار بنا الحوار ده انا و له يا مصطفي ما تيجي معايه استفتي هو لا انا رحت من يجي ساعتين انا يا عم تعاله بس هو لا انا تصدق انت عيل باارد هو ليه كده يا زميلي انا اه صح عملت ايه في الغنائم هو كلتهم ياسطي انا و الواد محمد جالك و شويتوهم زي ما قلتم هو لا كلتهم كلهم لوحدي انا يا عجل حرام عليك الواد كان عاوز يشويهم زي ما قلك هو اهو كده بقا .......................... هههههههههههههههههههههههههه العجل كلهم كلهم لوحدو و بعدين انا و محمد قلنا تووووووووووووووووووبه اننا ناخدك معانه تاني يا عجل هههههههههههه ارجو ان تنال الطلعه اعجابكم و معلش علي الصور |
sponsor links |
12-12-24, 12:20 AM | #2 |
مشرف قسم الصيد البرى والاقسام الرئيسية
تاريخ التسجيل: May 2011
المدينه: المنصوره
المشاركات: 1,073
معدل تقييم المستوى: 201 |
رد: طلعة الجمعه 21 \ 12 \ 2012
طلعه جميله ...بس المفروض انك تتاكد من النشان لما الترييش كان كتير كده
__________________
د.محمد حبيب
|
12-12-24, 01:27 AM | #3 |
صياد جديد
|
رد: طلعة الجمعه 21 \ 12 \ 2012
بالهنا والشفا اخى الفاضل
|
12-12-24, 03:12 AM | #4 | |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: طلعة الجمعه 21 \ 12 \ 2012
اقتباس:
شكرا لمرورك استاذ محمد |
|
12-12-24, 03:13 AM | #5 |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: طلعة الجمعه 21 \ 12 \ 2012
|
12-12-24, 09:32 AM | #6 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: طلعة الجمعه 21 \ 12 \ 2012
كبيييييييييييير يابنى والله
تسلم الايادى ياقناص وبلاش مصطفى ده تانى بقى ههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
12-12-24, 09:53 AM | #7 |
صياد قديم
تاريخ التسجيل: Jun 2012
المدينه: القاهرة
المشاركات: 2,645
معدل تقييم المستوى: 419 |
رد: طلعة الجمعه 21 \ 12 \ 2012
طلعه موفقه يا مور وبالف هنا وشفا وبالتوفيق فى الطلعات القادمه
__________________
وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وجاء في السنن عن عقبة بن عامر، قال الرسول صلى الله عليه وسلم: « إن الله يدخل بالسهم الواحد ثلاثة أنفار الجنة، صانعه المحتسب في عمله الخير، والرامي به، والممدد به »، وفي لفظ آخر: « ومنيله، فأرموا واركبوا، وأن ترموا أحب من أن تركبوا، كل لهو باطل، ليس من اللهو محمود إلا ثلاثة: تأديب الرجل لفرسه، وملاعبته أهله، ورميه بقوسه ونبله، إنهن من الحق ومن ترك الرمي بعد ما علمه رغبة فإنها نعمة تركها، (أو قال: كفرها)». |
12-12-24, 10:49 AM | #8 |
صياد قديم
تاريخ التسجيل: Sep 2012
المشاركات: 1,074
معدل تقييم المستوى: 28 |
رد: طلعة الجمعه 21 \ 12 \ 2012
بالهنا والشفا
|
12-12-24, 04:12 PM | #9 |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: طلعة الجمعه 21 \ 12 \ 2012
|
12-12-24, 04:12 PM | #10 |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: طلعة الجمعه 21 \ 12 \ 2012
|
12-12-24, 04:13 PM | #11 |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: طلعة الجمعه 21 \ 12 \ 2012
|
12-12-25, 02:09 AM | #12 |
صياد نشيط
تاريخ التسجيل: Oct 2012
المدينه: البحيرة
المشاركات: 351
معدل تقييم المستوى: 20 |
رد: طلعة الجمعه 21 \ 12 \ 2012
ههههههههههههههههههههههه مفيش احلى من الصحاب الجدعان
انا اخدت البندقية من يومين برضو وطلعت العصر مع واحد صاحبى يمكن ماضربناش رشتين ع بعض وقضيناها مشى وكلام تسلم يا مورى ع الموضوع والصور ال ظهرت المرة دى
__________________
لا اله الا انت سبحانك انى كنت من الظالمين |
12-12-25, 01:27 PM | #13 | |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: طلعة الجمعه 21 \ 12 \ 2012
اقتباس:
شكرا لمرورك يا هندسه |
|
12-12-30, 06:38 AM | #14 |
صياد متفاعل
تاريخ التسجيل: Feb 2012
المدينه: بني سويف
المشاركات: 196
معدل تقييم المستوى: 38 |
رد: طلعة الجمعه 21 \ 12 \ 2012
تسلم ايدك يا قناص ... ومصطفى ده خدوه معاكم تاني في حته بعيده وسيبوه يرجع مشي علشان يخس ههههههههههههه وعقابا ليه... تحياتي ليك ...
__________________
اللهم صلي وسلم على سيدنا ونبينا محمد والله يا رسول الله إنك أحب الي من نفسي وأهلى ومالي وولدي والناس أجمعين
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طلعة الجمعه 11 فبراير 2011 | هشام سمير | صور وفيديو الصيد ورحلاته | 43 | 12-12-08 06:13 PM |
هو في طلعة صيد يوم الجمعه ؟؟ف الفيوم | kiko_2015 | الموضوعات العامه | 17 | 12-02-20 07:25 AM |
طلعة صيد الجمعه 16-09-2011 | kiko_2015 | صور وفيديو الصيد ورحلاته | 7 | 11-10-07 09:57 AM |
طلعة صيد يوم الجمعه او السبت القادم | mmokhtar_7 | صور وفيديو الصيد ورحلاته | 31 | 11-04-15 03:44 AM |
طلعة يوم المطر الجمعه 26- 2 | هشام سمير | صور وفيديو الصيد ورحلاته | 14 | 11-02-17 02:08 PM |